លើកកម្ពស់កម្រិតតម្លៃកាហ្វេ វៀតណាម

ទិវាបុណ្យរបស់អ្នកដាំនិងធ្វើអាជីវកម្មកាហ្វេ

ពិធីបុណ្យកាហ្វេ បួនម៉ាធួត លើកទី ៩ ប្រព្រឹត្តឡើងចាប់ពីថ្ងៃទី ៩ ដល់ថ្ងៃទី ១៣ ខែ មីនា ឆ្នាំ ២០២៥ នៅទីក្រុង បួនម៉ាធួត និងមូលដ្ឋានមួយចំនួននៅក្នុងខេត្ត។ នេះជាពិធីបុណ្យលំដាប់ជាតិត្រូវបានរៀបចំឡើងតាមកាលកំណត់ពីរឆ្នាំម្ដងដោយមានសកម្មភាពលើកតម្កើងអ្នកដាំ មើលថែនិងកែច្នៃកាហ្វេជាច្រើន។ ព្រោះហេតុដូច្នេះហើយ ពិធីបុណ្យក៏ត្រូវបានចាត់ទុកជា "ទិវាបុណ្យរបស់អ្នកដាំ ផលិត កែច្នៃ និងធ្វើអាជីវកម្មកាហ្វេ" ទៀតផង។

ជាង ៣០ ឆ្នាំផ្សារភ្ជាប់ជាមួយការដាំដុះ មើលថែនិងកែច្នៃកាហ្វេ លោក ត្រឹន ឌិញត្រុង នាយកសហករណ៍កសិកម្មសេវាកម្ម កុងបាំងអ៊ាអាទូ នៅទីក្រុង បួនម៉ាធួត ចែករំលែកថា ពិធីបុណ្យមិនត្រឹមតែបង្កើតបរិយាកាសសប្បាយរីករាយ ផុលផុសប៉ុណ្ណោះទេ ថែមទាំងជាឱកាសដើម្បីកសិករកាន់តែមោទកភាព ផ្សារភ្ជាប់យូរអង្វែងជាមួយដំណាំកាហ្វេទៀតផង ជួយសហករណ៍តភ្ជាប់ជាមួយនឹងសហគ្រាសក្នុងគោលបំណងបើកទូលាយការនាំចេញ។

បង អ៊ីប៉ូតនីអេ នាយកក្រុមហ៊ុនទទួលខុសត្រូវមានកម្រិត អេដេកាហ្វេ នៅឃុំ យ៉្រាយសាប ស្រុក ក្រុងអាណា មានប្រសាសន៍ថា ពិធីបុណ្យបានចូលរួមចំណែកឧទ្ទេសនាមវប្បធម៌របស់ជនជាតិជាបងប្អូនទាំង ៤៩ រស់នៅលើភូមិសាស្រ្តខេត្ត ផ្សព្វផ្សាយផលិតផលកាហ្វេ បួនម៉ាធូត។

នៅពិធីបុណ្យ ក្រុមហ៊ុនឯកបុគ្គលទទួលខុសត្រូវមានកម្រិតនាំចេញនាំចូល ២/៩ ដាក់ឡាក់ (Simexco Daklak) បានរៀបចំបណ្តាសកម្មភាពវប្បធម៌ "ផឹកកាហ្វេ - នឹក បានមេ" ក្នុងគោលបំណងសាយភាយស្មារតីចូលចិត្តកាហ្វេ និងមោទកភាពអំពីដែនដី តីង្វៀន។ ក្រុមហ៊ុនក៏រៀបចំអោយភ្ញៀវទេសចរចូលរួមបណ្តាសកម្មភាពរុករកស្វែងយល់អត្តសញ្ញាណវប្បធម៌ តីង្វៀន ឧបត្ថម្ភពិសេសសម្រាប់ពិធីប្រកួតលីងកាហ្វេពិសេសរបស់ វៀតណាម ឆ្នាំ ២០២៥។ល។

បំណងប្រាថ្នាលើកកម្ពស់ជំហរកាហ្វេយ៉ាងប្ដូរផ្ដាច់

ក្រោយរយៈពេល ៥ ថ្ងៃប្រព្រឹត្តឡើងដ៏ផុលផុសពិធីបុណ្យកាហ្វេ បួនម៉ាធួត លើកទី ៩ ក្រោមប្រធានបទ "បួនម៉ាធួត - ទីក្រុងកាហ្វេ" បានបន្សល់ទុកចំណាប់អារម្មណ៍ល្អប្រសើរជាច្រើន។ ពិធីបុណ្យទាក់ទាញភ្ញៀវទេសចរប្រហែល ២៥០.០០០ លើកនាក់ ក្នុងនោះមានភ្ញៀវទេសចរអន្តរជាតិចំនួន ១.៨០០ រួមចំណែកបញ្ជាក់អោយភាពជោគជ័យ កម្លាំងសាយភាយនៃពិធីបុណ្យ។

ពិធីបុណ្យមានសកម្មភាពជាច្រើនទាក់ទាញសហគ្រាសនាំចេញនាំចូលកាហ្វេ អ្នកជំនាញការ ភ្ញៀវទេសចរក្នុងនិងក្រៅប្រទេសអញ្ជើញចូលរួម។ តួយ៉ាងគឺផ្សារណាត់តាំងពិព័រណ៍ឯកទេសខាងផ្នែកកាហ្វេ និងផលិតផល OCOP ទាក់ទាញការចូលរួមពី ១៨០ អង្គភាពចំនួន ៤៣៥ ស្តង់ទំនិញ ក្នុងនោះមានចំនួន ១២ ស្តង់ទំនិញរបស់សហគ្រាសបរទេសចំនួន ៦ សន្និសីទផ្ដោះប្ដូរពាណិជ្ជកម្មអន្តរជាតិ - តំណភ្ជាប់លើកកម្ពស់ជំហរកាហ្វេ វៀតណាម ទាក់ទាញ ប្រតិភូចំនួន ៧៣០ រូបអញ្ជើញចូលរួមពិភាក្សាជាមួយគ្នា ស្វែងរកឱកាសនិងដំណោះស្រាយដើម្បីអភិវឌ្ឍកាហ្វេប្រកបដោយនិរន្តរភាព លើកកម្ពស់កម្រិតតម្លៃកាហ្វេ វៀតណាម។ល។

ដោយមានបណ្តាសកម្មភាពវប្បធម៌ ការផ្លាស់ប្តូរថ្មីក្នុងការងាររៀបចំបាននាំមកនូវការឆ្លងកាត់ការពិសោធជាច្រើនជូនភ្ញៀវទេសចរ។ តួយ៉ាងត្រូវនិយាយដល់ពិធីបុណ្យតាមដងវិថីដោយមានឆាកសម្តែង ៣៦០ ដឺក្រេនៅស្តូបផ្លូវបំបែកប្រាំមួយ បួនម៉ាធួត - ជាកន្លែងកត់ត្រាស្លាកស្នាមជ័យជម្នះប្រវត្តិសាស្រ្តថ្ងៃទី ១០ ខែ មីនា ឆ្នាំ ១៩៧៥។ ទន្ទឹមនឹងនោះ ភ្ញៀវទេសចរក៏បានឆ្លងកាត់ពិសោធន៍រាល់កម្មវិធីទេសចរណ៍ទាក់ទាញផង និងចូលរួមពិធីបុណ្យ ប្រពៃណីដូចជា៖ បុណ្យដំរី បួនដូន បុណ្យប្រណាំងទូកលុងស្រុក ឡាក់។ល។

ក្នុងអំឡុងពេលប្រព្រឹត្តឡើងពិធីបុណ្យ ខេត្តបានរៀបចំពិធីបើកការដ្ឋានសាងសង់គម្រោងរួមផ្សំមជ្ឈមណ្ឌលពាណិជ្ជកម្ម - សណ្ឋាគារ - លំនៅឋាននៅលេខ ២ ម៉ៃ ហាក់ដេ ទីក្រុង បួនម៉ាធួត ពិធីបញ្ចុះគ្រឹះគម្រោងវិនិយោគសាងសង់ និងធ្វើអាជីវកម្មហេដ្ឋារចនាសម្ព័ន្ធតំបន់ឧស្សាហកម្ម ភូស៊ន់។ នេះជាគម្រោងដ៏ធំរួមចំណែកផ្លាស់ប្តូរមុខមាត់តំបន់ទីប្រជុំជនរបស់ទីក្រុង បួនម៉ាធួត ជំរុញការអភិវឌ្ឍសេដ្ឋកិច្ច - សង្គមរបស់ខេត្ត។ ទន្ទឹមនឹងនោះ រោងចក្រកាហ្វេ Trung Nguyen Legend - រោងចក្រកាហ្វេធំបំផុតនៅអាស៊ីអាគ្នេយ៍ក៏ត្រូវបានបើកការដ្ឋានសាងសង់បញ្ជាក់ពីទីតាំងពិសេសរបស់ខេត្ត ដាក់ឡាក់ ជា "ធានីកាហ្វេ" របស់ វៀតណាម ស្របពេលនោះដែរពាំនាំ បួនម៉ាធួត កាន់តែឈានជិតដល់បំណងប្រាថ្នា គោលដៅក្លាយជា "ទីក្រុងកាហ្វេរបស់ពិភពលោក" ថែមទៀត។

អនុប្រធានគណៈកម្មាធិការប្រជាជនខេត្ត ដាក់ឡាក់ អនុប្រធានគណៈកម្មការរៀបចំពិធីបុណ្យ ង្វៀន ធៀនវ៉ាន់ មានប្រសាសន៍ថា៖ "ជោគជ័យនៃពិធីបុណ្យជាប្រភពកម្លាំងជំរុញដ៏ខ្លាំងក្លាដើម្បីខេត្ត ដាក់ឡាក់ ប្រឹងប្រែងបន្ថែមទៀតក្នុងចំណរដើម្បីគោលដៅកសាងខេត្តដែលមានការអភិវឌ្ឍយ៉ាងឆាប់រហ័ស សម្បូររុងរឿង ស៊ីវិល័យ មានអត្តសញ្ញាណ បង្កើត មូលដ្ឋានគ្រឹះរឹងមាំជាមួយទូទាំងប្រទេសឈានចូលយុគសម័យថ្មី - យុគសម័យឈោងឈានឡើងរបស់ប្រជាជាតិ វៀតណាម ជាដើម"៕

អត្ថបទ៖ ហ្វាយធូ
រូបថត៖ ទន់អាញ់ - ហ្វាយធូ - វូស៊ិញ
ប្រែសម្រួលនិងបញ្ចូលទិន្នន័យ៖ អៀនថាញ់