ក្រោមប្រធានបទ "អភិរក្ស ពង្រីកនិងសាយភាយអត្តសញ្ញាណវប្បធម៌ប្រពៃណីរបស់បណ្តាជនជាតិដែលមានចំនួនមនុស្សតិចតួច" ទិវាមហោស្រពវប្បធម៌បណ្តាជនជាតិដែលមានចំនួនប្រជាជនក្រោម ១ ម៉ឺននាក់ត្រូវបានរៀបចំឡើងជាលើកដំបូងក្នុងគោលបំណងអនុវត្តគោលនយោបាយសាមគ្គីភាព សមភាពរវាងបណ្តាជនជាតិ លើកតម្កើងអត្តសញ្ញាណវប្បធម៌បណ្តាជនជាតិដែលមានចំនួនមនុស្សតិចតួចរួមចំណែកអប់រំក្មេងៗ ជំនាន់ក្រោយឱ្យតម្លៃមនសិការប្រជាជាតិ...
ប្រព្រឹត្តឡើងពីថ្ងៃទី ៣ ដល់ថ្ងៃទី ៥ ខែ វិច្ឆិកា ឆ្នាំ ២០២៣ នៅខេត្ត ឡាយចូវ ទិវាមហោស្រពវប្បធម៌បណ្តាជនជាតិមានចំនួនប្រជាជនក្រោម ១ ម៉ឺននាក់ជា លើកទី ១ មានការចូលរួមរបស់ក្រុមសិប្បករ តារាសម្ដែងកីឡាករកីឡាការិនី ស្ថិតក្នុងចំណោម ១៤ ជនជាតិរួមមាន៖ ប្រូវ រ៉ើម៉ាំ អ៊ើឌូ ស៊ីឡា ពូប៉ែវ ប៉ូអ៊ី កុង គើឡាវ ឡូឡូ ម៉ាង លឺ ប៉ាថែន ជឹត និង ង៉ាយ អញ្ជើញមកពីខេត្ត ក្រុងចំនួន ១១ ក្នុងទូទាំងប្រទេសគឺខេត្ត ឡាយចូវ កាវបាំង ថៃង្វៀន ដៀនបៀន ហាយ៉ាង ឡាវកាយ អៀនបាយ ទ្វៀនក្វាង ងេអាន ក្វាងប៊ិញ និង កនទុម។
កម្មវិធីសិល្បៈបើកទិវាមហោស្រពប្រព្រឹត្តឡើងដោយមាន ៣ ជំពូក៖ បំណងប្រាថ្នាដ៏ក្លៀវក្លាឈោងឈានឡើងជាមួយនឹងព្រៃព្រឹក្សាដ៏ធំល្វឹងល្វើយ ចែងចាំងពន្លឺផ្លេកៗ ចម្រុះពណ៌ដែនដីព្រៃព្រឹក្សាដ៏ធំល្វឹងល្វើយ ខេត្ត ឡាយចូវ ដ៏មហស្ចារ្យ - រីករាយទិវាមហោស្រព
អញ្ជើញមកកាន់ទិវាមហោស្រព ប្រជាជននិងភ្ញៀវទេសចរបានសម្របខ្លួនចូលទៅក្នុងបរិយាកាសដ៏ផុសផុលនៃបណ្តាសកម្មភាពកីឡានិងល្បែងប្រជាប្រិយជនជាតិដូចជា៖ ទាញព្រ័ត្រ បាញ់ស្នា រុញដំបងជាដើម
អញ្ជើញថ្លែងសុន្ទរកថាបើកទិវាមហោស្រព អនុរដ្ឋមន្ត្រីក្រសួងវប្បធម៌ កីឡានិងទេសចរណ៍ ទ្រិញ ធីធុយ បានសង្កត់ធ្ងន់ថា៖ "ទិវាមហោស្រពវប្បធម៌បណ្តាជនជាតិដែលមានចំនួនប្រជាជនក្រោម ១ ម៉ឺននាក់ត្រូវបានរៀបចំឡើងជាលើកដំបូងនៅខេត្ត ឡាយចូវ គឺជាលំហវប្បធម៌មានអត្ថន័យដ៏ពិសេស។
នេះជាឱកាសដើម្បីបណ្តាកម្មវត្ថុវប្បធម៌ សិប្បករសិប្បការិនី តារាសម្ដែង កីឡាករកីឡាការិនីបណ្តាជនជាតិភាគតិច មានឱកាសផ្លាស់ប្តូរ ចែករំលែកបទពិសោធន៍ក្នុងការអភិរក្ស ថែរក្សានិងពង្រីករាល់តម្លៃវប្បធម៌ប្រពៃណី។ ទិវាមហោស្រពបង្កកម្លាំងចលករអនុវត្តបំណងប្រាថ្នាដ៏ក្លៀវក្លាអភិវឌ្ឍប្រទេសជាតិសម្បូណ៌រុងរឿង សុភមង្គលស្របតាមគោលការណ៍ មាគ៌ារបស់បក្សនិងរដ្ឋ"។
អញ្ជើញមកកាន់ទិវាមហោស្រព ប្រជាជននិងភ្ញៀវទេសចរបានសម្របខ្លួនចូលទៅក្នុងបរិយាកាសដ៏ផុសផុលនៃបណ្តាសកម្មភាពកីឡានិងល្បែងប្រជាប្រិយជនជាតិដូចជា៖ទាញព្រ័ត្រ បាញ់ស្នា រុញដំបងជាដើម
អញ្ជើញមកកាន់ទិវាមហោស្រព ប្រជាជននិងភ្ញៀវទេសចរបានសម្រប ខ្លួនចូលទៅក្នុងបរិយាកាសដ៏ផុលផុស ចូលរួមល្បងពិសោធន៍សកម្មភាពវប្បធម៌ កីឡាសម្បូរទៅដោយអត្តសញ្ញាណជាច្រើនដូចជា៖ សមោសរសិល្បៈមហាជនបង្ហាញម៉ូដសម្លៀកបំពាក់ប្រពៃណី សម្តែងរបរហត្ថកម្មបែបប្រពៃណី សម្តែងឧទ្ទេសនាមឈុតឆាកដកស្រង់ចេញពីពិធីបុណ្យ ពិធីកិច្ចការប្រជុំជីវភាពវប្បធម៌ប្រពៃណីដាក់តាំងបង្ហាញឧទ្ទេសនាម ផ្សព្វផ្សាយវប្បធម៌ប្រពៃណីមូលដ្ឋាន ដាក់តាំងបង្ហាញកែច្នៃនិងឧទ្ទេសនាមសិល្បៈភោជនាហារ សកម្មភាព កីឡានិងបណ្តាល្បែងប្រជាប្រិយជនជាតិដូចជា៖ ទាញព្រ័ត្របាញ់ស្នា រុញដំបងជាដើម។
ក្រៅពីនេះ ក្នុងក្របខ័ណ្ឌនៃទិវាមហោស្រពថែមទាំងមានសកម្មភាពអំណរគុណ ជំនួបមុខ បណ្តាសិប្បករសិប្បការិនីគំរូៗ អ្នកមានការចូលរួមវិភាគទានជាច្រើនក្នុងការងារអភិរក្ស និងផ្ទេរបន្តវប្បធម៌ប្រពៃណីរបស់ជនជាតិទាំង ១៤ ចូលរួមទិវាមហោស្រពទៀតផង។
បងប្អូនជនជាតិ ប៉ាថែន នៅខេត្ត ទ្វៀនក្វាង សម្តែងបង្ហាញពិធីលោតភ្លើងឡើងវិញ
បងប្អូនជនជាតិ ប៉ាថែន នៅខេត្ត ទ្វៀនក្វាង សម្តែងបង្ហាញពិធីលោតភ្លើងឡើងវិញ
បងប្អូនជនជាតិ រ៉ើម៉ាំ បង្ហាញម៉ូដសម្លៀកបំពាក់ប្រពៃណីរបស់ជនជាតិខ្លួន
ទិវាមហោស្រពគឺជាឱកាសឧទ្ទេសនាម ផ្សព្វផ្សាយសក្តានុពល ប្រៀបខ្លាំងនៃការអភិវឌ្ឍ វប្បធម៌ កីឡា ទេសចរណ៍និងវប្បធម៌ប្រពៃណីបណ្តាជនជាតិក្នុងកិច្ចការនវានុវត្តន៍សមាហរណកម្ម និងអភិវឌ្ឍ រួមចំណែកលើកកម្ពស់គំនិត ទំនួលខុសត្រូវរបស់គ្រប់លំដាប់ថ្នាក់ គ្រប់ផ្នែក ប្រជាជនគ្រប់ស្រទាប់ជាន់ថ្នាក់ក្នុងការងារអភិរក្ស ពង្រីកអត្តសញ្ញាណវប្បធម៌សហគមន៍ជនជាតិទាំង ៥៤ នៅ វៀតណាម៕
អត្ថបទនិងរូបថត៖ វៀតង្វៀន
បញ្ចូលទិន្នន័យដោយ៖ សឺន ហេង
