នៅខែ ឧសភា នេះ ប្រជាជាតិ វៀតណាម ទាំងមូលរួមគ្នារំឭកអនុស្សាវរីយ៍ខួបលើកទី ១៣៦ ឆ្នាំនៃថ្ងៃកំណើតលោកប្រធាន ហូ ជីមិញ (ថ្ងៃទី ១៩ ខែ ឧសភា ឆ្នាំ ១៨៩០ - ថ្ងៃទី ១៩ ខែ ឧសភា ឆ្នាំ ២០២៦)។ នៅគ្រប់តំបន់ភូមិភាគមាតុភូមិ សកម្មភាពជាក់ស្តែងនិងមានអត្ថន័យជាច្រើនត្រូវបានរៀបចំឡើងក្នុងគោលបំណងសម្ដែងទឹកចិត្តដឹងគុណដ៏អនេកអនន្តចំពោះលោក អ៊ំ។
នាថ្ងៃទី ១៩ ខែ ឧសភា គណៈប្រតិភូថ្នាក់ដឹកនាំ អតីតថ្នាក់ដឹកនាំបក្ស រដ្ឋដឹកនាំដោយលោកអគ្គលេខាបក្ស ប្រធានរដ្ឋ តូឡឹម អញ្ជើញដាក់កម្រងផ្កា អញ្ជើញចូលមតកចេតិយគោរពវិញ្ញាណក្ខន្ធលោកប្រធាន ហូ ជីមិញ។
ក្រោយពីពេលចូលមតកចេតិយគោរពវិញ្ញាណក្ខន្ធលោក អ៊ំ ប្រជាជនអញ្ជើញទស្សនានិងស្វែងយល់ឯកសារអំពីលោកប្រធាន ហូ ជីមិញ នៅសារមន្ទីរ ហូ ជីមិញ។
នៅរដ្ឋធានី ហាណូយ មតកចេតិយលោកប្រធាន ហូ ជីមិញ និងមណ្ឌលកេរដំណែលវិមានប្រធានរដ្ឋ ក្បួនមនុស្សវែងអន្លាយចូលមតកចេតិយគោរពវិញ្ញាណក្ខន្ធលោក អ៊ំ ដោយក្តីគោរពនិងរំភើបចិត្ត។ សមមិត្តថ្នាក់ដឹកនាំបក្ស រដ្ឋទាំងឡាយបានជូនផ្កា អុជធូបរំឭកគុណបំណាច់ដ៏ធំធេងរបស់បិតាចាស់ព្រឹទ្ធាចារ្យជាតិ។ នៅគ្រប់ដងវិថីទង់ជាតិ និងផ្កាបដានិងរូបគំនូរឃោសនាផ្ទាំងធំៗ ស្រស់ឆើតឆាយ។
អតីតប្រធានរដ្ឋ ត្រឿង តឹនសាង ជាមួយនឹងគណៈប្រតិភូរំឭកនឹកដល់លោកប្រធាន ហូ ជីមិញ នៅកេរដំណែលប្រវត្តិសាស្ត្រជាតិតំបន់ប៉ុស្ដិ៍ ឡុងខូត ឃុំ ត្វៀនប៊ិញ (ខេត្ត តីនិញ)។
ថ្នាក់ដឹកនាំមូលដ្ឋាន និងប្អូនៗ សិស្សសាលាអុជធូបគោរពដោយស្មោះសរនៅវិមានគោរពបូជាលោកប្រធាន ហូ ជីមិញ ឃុំ ថាញ់ហ៊ឹង (ខេត្ត ដុងថាប)។
ប្រជាជននិងភ្ញៀវទេសចរយ៉ាងច្រើនកុះករអញ្ជើញមកទស្សនាមណ្ឌលកេរដំណែល គីមលៀន (ខេត្ត ងេអាន) ឱកាសរំឭកអនុស្សាវរីយ៍ខួបលើកទី ១៣៦ ឆ្នាំនៃថ្ងៃកំណើតរបស់លោក អ៊ំ។
នៅខេត្ត ងេអាន - ស្រុកកំណើតរបស់លោក អ៊ំ ក្បួនមនុស្សស្វះស្វែងមកមណ្ឌលកេរដំណែល គីមលៀន ដ៏ច្រើនដូចទៅបុណ្យ។ ពិធីបុណ្យ ឡាងសែន ត្រូវបានរៀបចំឡើងជាទ្រង់ទ្រាយធំដោយមានសកម្មភាពវប្បធម៌ដ៏វិសេស វិសាលជាច្រើនដូចជាដង្ហែរូបលោក អ៊ំ សមោសរសំឡេងច្រៀង ឡាងសែន និងបណ្តាល្បែងប្រជាប្រិយ បង្ហាញបរិយាកាសវប្បធម៌ប្រវត្តិសាស្ត្រដ៏ក្លាហាន មោះមុតឡើងវិញ។
ប្រជាជនអុជធូបនៅទីសក្ការបូជាលោក អ៊ំ ហូ នៅឃុំ លឿងតឹម (ទីក្រុង កឹនធើ)។
នាថ្ងៃទី ១៩ ខែ ឧសភា គណៈប្រតិភូទីក្រុង ហូ ជីមិញ អញ្ជើញរំឭកវិញ្ញាណក្ខន្ធលោកប្រធាន ហូ ជីមិញ នៅឧទ្យានរូបសំណាក លោក អ៊ំ នៅវិថីថ្មើរជើង ង្វៀនហ្វេ សង្កាត់ សៃហ្កន។
នាយប់ថ្ងៃទី ១៨ ខែ ឧសភា នៅឃុំ គីមលៀន ខេត្ត ងេអាន រៀបចំបើកពិធីបុណ្យ ឡាងសែន ឆ្នាំ ២០២៦ ចាប់ផ្តើមខ្សែសកម្មភាពរំឭកអនុស្សាវរីយ៍ខួបលើកទី ១៣៦ ឆ្នាំនៃថ្ងៃកំណើតលោកប្រធាន ហូ ជីមិញ។
នៅទីក្រុង ហូ ជីមិញ និងតាមខេត្តក្រុងភូមិភាគខាងត្បូងការតាំងពិព័រណ៍រូបជាច្រើនក្រោមប្រធានបទ "ហូ ជីមិញ - ដំណើរដើម្បីឯករាជ្យជាតិ" បានទាក់ទាញប្រជាជនគ្រប់ស្រទាប់ជាន់ថ្នាក់យ៉ាងច្រើនកុះករ ជាពិសេសគឺក្មេងៗ ជំនាន់ក្រោយ។ ពិធីសំណេះសំណាល សកម្មភាពឯកទេសបទស្តីពីសិក្សារៀនសូត្រនិងធ្វើតាមសតិអារម្មណ៍ សីលធម៌ ស្ទីលរស់នៅនិងធ្វើការរបស់លោកប្រធាន ហូ ជីមិញ ត្រូវបានរៀបចំដ៏ផុលផុសនៅតាមស្ថាប័ន សាលារៀន។ ដើរទន្ទឹមនឹងសកម្មភាពវប្បធម៌ ចលនាប្រលងប្រណាំង ការងារផលិតកម្ម ដំណើរមនុស្សធម៌ កសាងផ្ទះគុណស្រ័យនិងគិតគូរជូនអ្នកមានគុណបំណាច់ក៏បានដាក់ដំណើរការយ៉ាងខ្លាំងក្លាផងដែរ។
ការតាំងពិព័រណ៍រូបនិងផ្ទាំងគំនូរឃោសនាខ្នាតធំរៀបចំឡើងនៅទីក្រុង ហូ ជីមិញ បង្ហាញដំណើរបដិវត្តន៍ដ៏ត្រចះត្រចង់និងរូបភាពលោកប្រធាន ហូ ជីមិញ ជាទីគោរពស្រឡាញ់។
នាថ្ងៃទី ១៩ ខែ ឧសភា នគរបាលខេត្ត ឡាងសឺន រៀបចំពិធីសម្ពោធសំណង់អគាររំឭកវិញ្ញាណក្ខន្ធលោកប្រធាន ហូ ជីមិញ ស្ថិតក្នុងបរិវេណទីស្នាក់ការនគរបាលខេត្ត។
រំឭកអនុស្សាវរីយ៍ ១៣៦ ឆ្នាំថ្ងៃខួបកំណើតលោក អ៊ំ គឺជាឱកាសដើម្បីបក្ស កងទ័ពនិងប្រជាជនយើងទាំងមូលរំឭកដំណើរជីវិតនិងបុព្វហេតុបដិវត្តន៍ដ៏ត្រចះត្រចង់របស់លោក អ៊ំ ឡើងវិញ។ សកម្មភាពជាក់ស្តែងទាំងឡាយនៅទូទាំងប្រទេសគឺជាកញ្ចុំផ្កាគោរពជូនដល់លោក អ៊ំ ជំនួយកម្លាំងដ៏ខ្លាំងក្លាបន្ថែមទៀតដើម្បីប្រជាជាតិទាំងមូលរួមកម្លាំង រួមចិត្តគំនិតគ្នាកសាងប្រទេសជាតិ វៀតណាម កាន់តែវិបុលភាព សុភមង្គលដូចលោក អ៊ំ ចង់បានជានិច្ចកាលពេលនៅមានជីវិត៕
អត្ថបទ៖ ជីកឿង
រូបថត៖ ទីភ្នាក់ងារព័ត៌មាន វៀតណាម
ប្រែសម្រួល៖ យ័ញលើយ
កាសែតរូបភាពជនជាតិនិងតំបន់ភ្នំ
