ចំណុចគួរឱ្យចាប់អារម្មណ៍បំផុត នោះគឺក្រសួងកិច្ចការជនជាតិនិងសាសនាបានបញ្ចប់រួចរាល់ ១០០% ការចេញលិខិតបទប្បញ្ញត្តិលម្អិតសម្រាប់អនុវត្តច្បាប់ សេចក្តីសម្រេចចិត្តទាំងឡាយដែលរដ្ឋសភាអនុម័តក្នុងឆ្នាំ ២០២៥។ ការជៀសវាងលែងមានស្ថានភាព “នៅជាប់បំណុល” លិខិតបទប្បញ្ញត្តិលម្អិតគឺជាការប្រឹងប្រែងលេចធ្លោមួយ បង្ហាញពីភាពម៉ឺងម៉ាត់ក្នុងការអនុវត្តសេចក្តីសន្និដ្ឋានរបស់លោកអគ្គលេខាបក្ស ប្រធានរដ្ឋ តូឡឹម - ប្រធានគណៈកម្មាធិការបង្គាប់ការមជ្ឈិមស្តីអំពីវិទ្យាសាស្ត្រ បច្ចេកវិទ្យា នវានុវត្តន៍ច្នៃប្រតិដ្ឋនិងបរិវត្តកម្មឌីជីថល។ នេះមិនត្រឹមតែជារបាយការណ៍ឆ្លើយតបផ្ញើទៅកាន់ក្រសួងយុត្តិធម៌ប៉ុននោះទេ ថែមទាំងជាពាក្យសន្យារបស់ក្រសួងអំពីក្រឹត្យកម្រមនីតិប្រតិបត្តិយ៉ាងតឹងរ៉ឹងច្បាស់លាស់ផងដែរ។
យោងតាមលោក ង្វៀន ឌិញខាង រដ្ឋមន្ត្រីក្រសួងកិច្ចការជនជាតិនិងសាសនា ក្រសួងបានចេញផែនការមេ បង្កើតក្រុមការងាររួមជាមួយនឹងក្រុមលេខាដើម្បីពិនិត្យផ្ទៀងផ្ទាត់គ្រប់ជ្រុងជ្រោយប្រព័ន្ធលិខិតបទដ្ឋានច្បាប់នៅក្រោមការគ្រប់គ្រង។ ក្នុងខែ ឧសភា ឆ្នាំ ២០២៦ បញ្ជីរាយនាមលិខិតបទដ្ឋានច្បាប់ដំណាក់កាលទី ១ ត្រូវបានអនុម័ត បង្កើតប្រព័ន្ធគតិយុត្តិមានតម្លាភាពសម្រាប់សកម្មភាពវិជ្ជាជីវៈ។ ជាពិសេស សកម្មធ្វើសេនាធិការនិងអនុវត្តសេចក្តីសម្រេចចិត្តទាំង ៤ របស់នាយករដ្ឋមន្ត្រីនៃរដ្ឋាភិបាលស្តីអំពីការអនុវត្តច្បាប់ រួមជាមួយនឹងការអនុវត្តជាក់ស្តែងអនុក្រឹត្យលេខ 49/2026/NĐ-CP និងអនុក្រឹត្យលេខ 50/2026/NĐ-CP ដោយផ្ទាល់បានបង្កើតភាពស៊ីចង្វាក់គ្នា ឯកភាពពីមជ្ឈិមរហូតដល់មូលដ្ឋាន។
លោក ង្វៀន ឌិញខាង ថ្លែងថា តួលេខ "អត្រាដាក់ជូនឯកសារតាមប្រព័ន្ធអនឡាញកើនឡើងជាង ៤ ដងបើប្រៀបធៀបនឹងរយៈពេលដូចគ្នាកាលពីឆ្នាំមុន" គឺជាភស្តុតាងរស់រវើកបំផុតប្រកបដោយប្រសិទ្ធភាពនៃការកែទម្រង់។ ប្រជាជននិងអង្គការសាសនាឥឡូវនេះលែងប្រឈមមុខនឹងឧបសគ្គអំពីចម្ងាយភូមិសាស្ត្រ ឬបែបផែនក្រដាសស្នាមស្មុគស្មាញទៀតហើយ។ ការផ្លោះរំលងនេះស្ថិតនៅក្នុងការបញ្ចប់រួចរាល់មុខងារទាំង ២១ ក្នុងចំណោម ២១ មុខងារនៃមូលដ្ឋានទិន្នន័យសាសនា និងរួមបញ្ចូលដោយជោគជ័យជាមួយនឹងកម្មវិធី VNeID ក៏ដូចជាមូលដ្ឋានទិន្នន័យជាតិអំពីប្រជានិវេសន៍។
ការគ្រប់គ្រងតាមរយៈថ្នាលឌីជីថលតភ្ជាប់ជាមួយនឹងកម្មវិធី VNeID មានអត្ថប្រយោជន៍ទ្វេដង។ ប្រការនេះធានានូវតម្លាភាពផង បើកចំហនៅក្នុងដំណាក់កាលដោះស្រាយឯកសារផង ជួយឲ្យប្រជាជនមិនចាំបាច់រាយការណ៍ព័ត៌មានដែលមានស្រាប់ម្តងហើយម្តងទៀត។ នេះគឺជាកូនសោសម្រាប់ "ប្រើប្រាស់ទិន្នន័យឡើងវិញ" ជួយកាត់បន្ថយថវិកានិងពេលវេលាសម្រាប់សង្គម។ ការភ្ជាប់នេះមិនមែនគ្រាន់តែជាបច្ចេកវិទ្យាសុទ្ធសាធប៉ុននោះទេ ថែមទាំងជាគំនិតគ្រប់គ្រងបែបទំនើប អាស្រ័យលើប្រជាជនជាស្នូល យកការពេញចិត្តរបស់បុគ្គល អង្គការធ្វើជារង្វាស់នៃប្រសិទ្ធភាពដំណើរការក្បាលម៉ាស៊ីនរដ្ឋ។
ក្នុងរយៈពេល ៥ ខែដើមឆ្នាំ ២០២៦ កិច្ចការជនជាតិបានកត់ត្រាព្រឹត្តិការណ៍សំខាន់ៗ ជាប្រវត្តិសាស្ត្រ។ ពិធីរម្លឹកខួបអនុស្សាវរីយ៍លើកទី ៨០ ទិវាប្រពៃណីស្ថាប័នគ្រប់គ្រងរដ្ឋអំពីវិស័យកិច្ចការជនជាតិមិនត្រឹមតែជាឱកាសដើម្បីរម្លឹកឡើងវិញនូវប្រពៃណីដ៏ត្រចះត្រចង់ប៉ុននោះទេ ថែមទាំងជាពាក្យបញ្ជាក់ពីបេសកកម្មនៃការសាមគ្គីបណ្តាជនជាតិនៅក្នុងយុគសម័យថ្មីថែមទៀតផង។
ដើម្បីធ្វើឲ្យក្លាយទៅជាភាពជាក់ស្តែងគោលដៅអភិវឌ្ឍប្រកបដោយចីរភាព ក្រសួងកិច្ចការជនជាតិនិងសាសនាបានចុះហត្ថលេខាកម្មវិធីសហប្រតិបត្តិការជាមួយក្រសួងកសិកម្មនិងអភិវឌ្ឍន៍ជនបទដំណាក់កាលឆ្នាំ ២០២៦ - ២០៣០។ នេះគឺជាជំហានយុទ្ធសាស្ត្រសំដៅផ្លាស់ប្តូរការងាររកស៊ីចិញ្ចឹមជីវិត លើកកម្ពស់ជីវភាពសេដ្ឋកិច្ចរបស់ជនជាតិនៅតំបន់ជ្រៅ តំបន់ឆ្ងាយ តំបន់មានការលំបាកលំបិនខ្លាំង។
លើសពីនេះ លំដាប់ថ្នាក់អន្តរជាតិរបស់ក្រសួងថែមទាំងបានបង្ហាញឆ្លងតាមរយៈការផ្លាស់ប្ដូរអនុស្សរណៈនៃកិច្ចសហប្រតិបត្តិការរវាងរដ្ឋមន្ត្រី ង្វៀន ឌិញខាង ជាមួយនឹងរដ្ឋមន្ត្រី Hiniduma Sunil Senevi នៅចំពោះមុខលោកអគ្គលេខាបក្ស ប្រធានរដ្ឋ តូឡឹម និងប្រធានាធិបតី ស្រីលង្កា Anura Kumara Dissanayake ។ល។ ក៏ជាលទ្ធផលជាក់ស្តែងក្នុងវិស័យកសាងរបប ការកែទម្រង់រដ្ឋបាល និងការគ្រប់គ្រងរដ្ឋអំពីសាសនាបង្ហាញថា ក្រសួងបានអនុវត្តជាក់ស្តែងមុខងារ ភារកិច្ច សិទ្ធិអំណាចរបស់ខ្លួនដោយភាពឈ្លាសវៃ ស៊ីជម្រៅ មិនត្រឹមតែជាស្ថាប័នសេនាធិការអំពីគោលនយោបាយប៉ុននោះទេ ថែមទាំងជាស្ពានមេត្រីផ្ទាល់ បញ្ជូនសំឡេង គំនិត សេចក្តីប្រាថ្នារបស់បងប្អូនជនជាតិ សាសនាទៅកាន់បក្ស រដ្ឋ ព្រមទាំងអនុវត្តជាក់ស្តែងគោលនយោបាយប្រកបដោយប្រសិទ្ធភាពក្នុងភាពជាក់ស្តែង។
ក្រឡេកមើលលទ្ធផលនៃខែ ឧសភា ឆ្នាំ ២០២៦ អាចឃើញថាក្រសួងជនជាតិនិងសាសនាបានបំពេញតួនាទីរបស់ខ្លួនយ៉ាងល្អឥតខ្ចោះក្នុងនាមជាស្ថាប័នសេនាធិការយុទ្ធសាស្ត្រនិងរៀបចំអនុវត្តជាក់ស្តែងគោលនយោបាយវាងវៃ។ ផ្តើមពី "ចំណុចកកស្ទះ" ផ្នែកច្បាប់ត្រូវបានបើកស្រឡះ រាល់បែបបទរដ្ឋបាលត្រូវបានឌីជីថលភាវូបនីយកម្មរហូតដល់ការរៀបចំពិធីកិច្ចសាសនាលំដាប់អន្តរជាតិយ៉ាងឱឡារិក អ្វីៗ ទាំងអស់សុទ្ធតែតម្រង់ទៅរកគោលដៅ តែមួយ នោះគឺបម្រើប្រជាជននិងបរិចារកិច្ចមាតុភូមិ៕
អត្ថបទ៖ វៀតតូន
ប្រែសម្រួល៖ សិរីសួស្តី
