យោងតាមលិខិតបង្គាប់ការរបស់គណៈកម្មាធិការប្រជាជនទីក្រុង ហូ ជីមិញ មន្ទីរកិច្ចការជនជាតិនិងសាសនា ធ្វើជាអធិបតី សហការជាមួយគណៈកម្មាធិការប្រជាជនឃុំ សង្កាត់ តំបន់ពិសេសនានារៀបចំពិនិត្យផ្ទៀងផ្ទាត់បញ្ជី ព័ត៌មានបណ្តាជនជាតិនៅក្នុងភូមិសាស្រ្ត គ្រប់គ្រង ធ្វើបច្ចុប្បន្នភាព រុករកមូលដ្ឋានទិន្នន័យអំពីបណ្តាជនជាតិដែលនៅប្រឈមនឹងការលំបាកលំបិនខ្លាំងនៅឡើយ ដោយផ្អែកលើលទ្ធផលដែលត្រួតពិនិត្យហើយ បម្រើការងារគ្រប់គ្រងរដ្ឋ ការបង្គាប់ការ ដឹកនាំ។
ស្របពេលនោះដែរ មន្ទីរកិច្ចការជនជាតិនិងសាសនាសហការនឹងស្ថាប័នពាក់ព័ន្ធដើម្បីធ្វើសេនាធិការរាល់វិធានការអាទិភាពរៀបចំបែងចែក និងគួបផ្សំធនធានឧបត្ថម្ភបណ្តាជនជាតិដែលនៅប្រឈមនឹងការលំបាកជាច្រើនទៅក្នុងកម្មវិធីគោលដៅជាតិស្តីពីការអភិវឌ្ឍជនបទថ្មី ការកាត់បន្ថយភាពក្រីក្រប្រកបដោយចីរភាព និងអភិវឌ្ឍន៍សេដ្ឋកិច្ច - សង្គមនៅតំបន់បងប្អូនជនជាតិនិងតំបន់ភ្នំក្នុងដំណាក់កាលឆ្នាំ ២០២៦ - ២០៣៥។
ស្របពេលនោះ គណៈកម្មាធិការប្រជាជនសង្កាត់ ឃុំ និងតំបន់ពិសេសពិនិត្យផ្ទៀងផ្ទាត់ ធ្វើបច្ចុប្បន្នភាពមូលដ្ឋានទិន្នន័យអំពីបណ្តាជនជាតិស្ថិតក្នុងក្របខណ្ឌទទួលឧបត្ថម្ភនៅក្នុងភូមិសាស្រ្ត សហការអនុវត្តគោលនយោបាយឧបត្ថម្ភតាមបទប្បញ្ញត្តិ។ ទីក្រុងរំលឹកដល់មូលដ្ឋាននានាឱ្យផ្តល់អាទិភាពដល់ការកៀរគរ និងគួបផ្សំរាល់ប្រភពធនធានដើម្បីអនុវត្តគោលនយោបាយសុខុមាលភាពសង្គម ការអប់រំ ការបណ្តុះបណ្តាលវិជ្ជាជីវៈ ការដោះស្រាយការងារធ្វើ ការថែទាំសុខភាព អភិរក្ស និងលើកស្ទួយអត្តសញ្ញាណវប្បធម៌ជនជាតិសមស្របជាមួយនឹងមុខសញ្ញានីមួយៗ។
យោងតាមគណៈកម្មាធិការរណសិរ្សមាតុភូមិ វៀតណាម ប្រចាំទីក្រុង ហូ ជីមិញ ក្រោយពីការរួមបញ្ចូលខេត្តក្រុង បច្ចុប្បន្ន្នទីក្រុងមានចំនួន ៥៣ ជនជាតិតិច ជិត ២០០.០០០ ក្រុមគ្រួសារ និងមនុស្សប្រហែល ៥៤០.០០០ នាក់កំពុងរស់នៅ សិក្សារៀនសូត្រ និងធ្វើការ ប្រហែល ៤,៣៥ ភាគរយនៃចំនួនប្រជាជន។ ក្នុងចំណោមនោះ មាន ៤ ក្រុមបងប្អូនជនជាតិដែលមានសហគមន៍ធំៗ រស់នៅតាំងពីយូរណាស់មកហើយនោះគឺ៖ ខ្មែរ ចិន ចាម និង ជើរ៉។
ក្នុងរយៈពេលកន្លង ទីក្រុងបានចេញ និងអនុវត្តយន្តការ គោលនយោបាយពិសេសដោយឡែកជាច្រើន ដើម្បីថែទាំយ៉ាងគ្រប់ជ្រុងជ្រោយនូវជីវភាពស្មារតីផ្នែកសម្ភារៈ ស្មារតីរបស់បងប្អូនជនជាតិ ឧបត្ថម្ភដល់ការបណ្តុះបណ្តាល ផ្តើមអាជីព ការងារធ្វើ ការអប់រំ និងសុខុមាលភាពសង្គម បង្កើតលក្ខខណ្ឌសម្រាប់បងប្អូនជនជាតិអភិវឌ្ឍសេដ្ឋកិច្ច កាត់បន្ថយភាពក្រីក្រប្រកបដោយចីរភាព លើកកម្ពស់ជីវភាពរស់នៅ រួមចំណែកដល់អភិវឌ្ឍន៍រួមរបស់់ទីក្រុង និងប្រទេសជាតិ៕
អត្ថបទ៖ ហ្វាង លៀនសឺន
ប្រែសម្រួល៖ ចន្ថា
