ប៉ែតសិបឆ្នាំបានកន្លងផុតទៅគិតតាំងពីសរទរដូវប្រវត្តិសាស្រ្តឆ្នាំ ១៩៤៥ នៅលើដែនដី តឹនត្រាវ (ខេត្ត ត្វៀនក្វាង) នៅតែរក្សាទុកនាមដ្ឋានទាំងឡាយដិតដាមដោយស្លាកស្នាមប្រវត្តិសាស្ត្របដិវត្តន៍ជាកម្លាំងជំរុញដើម្បីប្រជាជនសាមគ្គី រួមចិត្តគំនិតគ្នាកសាងស្រុកកំណើត។
អនុស្សាវរីយ៍ដ៏ក្លាហានមោះមុតនៅដូចដើម
តឹនត្រាវ - ដែនដីដ៏ពិសិដ្ឋត្រូវបានជ្រើសរើសធ្វើមជ្ឈមណ្ឌលបញ្ជាការក្រោកឡើងតស៊ូប្រយុទ្ធទូទៅពេញប្រទេស។ នៅទីនេះ កណ្តាលព្រៃភ្នំ ត្វៀនក្វាង លោកប្រធាន ហូ ជីមិញ ជាមួយនឹងមជ្ឈិមបក្សបានរស់នៅ ធ្វើការនិងដាក់ចេញគោលនយោបាយគន្លឹះទាំងឡាយជាប្រវត្តិសាស្ត្របង្កើតបានជោគជ័យដ៏មហិមារបស់ប្រជាជាតិ។
ចំពោះប្រជាជនឃុំ តឹនត្រាវ ព្រឹត្តិការណ៍ប្រវត្តិសាស្ត្រទាំងឡាយរបស់ ៨០ ឆ្នាំមុននៅតែដូចដើមដដែលនិងផ្សព្វផ្សាយបន្តគ្នាអស់ជាច្រើនជំនាន់មកហើយ។
"តឹនត្រាវ ខិតខំដល់ឆ្នាំ ២០៣០ ចំណូលជាមធ្យមក្នុងមនុស្សម្នាក់សម្រេចបានចំនួន ៩៧ លានដុងក្នុងមួយឆ្នាំ បរិមាណផលស្បៀងអាហារសរុបជាង ៧.០០០ តោន ទាក់ទាញភ្ញៀវជាង ២៨.០០០ លើកនាក់ស្នាក់អាស្រ័យ..."។ លោក ហ្វាង វ៉ាន់កាញ់ អនុប្រធានគណៈកម្មាធិការប្រជាជនឃុំ តឹនត្រាវ
លោក ហ្វាងង៉ុក (អាយុ ៨៩ ឆ្នាំ) នៅភូមិ តឹនឡឹប ចែករំលែកថា សម័យនោះ ភូមិទាំងមូលមានផ្ទះតែជាង ២០ ខ្នងប៉ុននោះ ស្ទើរតែទាំងអស់សុទ្ធតែមានកម្មាភិបាលមកស្នាក់នៅជាមួយ។ ប្រជាជនបានចែករំលែកអាហារ សម្លៀកបំពាក់ ចិញ្ចឹមនិងលាក់បាំងកម្មាភិបាលដូចបងប្អូនរួមផ្ទះ។ ពេលទើបមកទីនេះ លោក អ៊ំ ហូ ស្នាក់នៅផ្ទះប្រជាជនអស់រយៈពេលខ្លីរួចឡើងទៅខ្ទម ណានឿ ជើងភ្នំ ហុង ធ្វើសកម្មភាព។
នៅកណ្តាលដើមជ្រែដ៏ត្រឈឹងត្រឈៃជាជួរៗ និងសំឡេងទឹកជ្រោះច្រិចៗ ខ្ទម ណានឿ នៅតែស្ងៀមស្ងាត់ដូចជាសក្ខីជននៃខណៈពេលប្រទេសជាតិវិវឌ្ឍប្រែខ្លួន។
សំឡេងអានបទបញ្ជាកងទ័ពលេខ ១ ចេញបញ្ជាឱ្យក្រោកឡើងតស៊ូប្រយុទ្ធទូទាំងប្រទេសរបស់លោកឧត្តមសេនីយឯក វ៉ ង្វៀនយ៉ាប ហាក់បីដូចជានៅតែលាន់ឮល្វើយៗ ក្រោមម្លប់ដើមជ្រៃពោធិ៍ តឹនត្រាវ។
លោក ហា ហ៊ឺវតៀប អនុប្រធានគណៈកម្មាធិការប្រជាជនឃុំ តឹនត្រាវ ចែករំលែកថា៖ តឹនត្រាវ សព្វថ្ងៃមិនត្រឹមតែជាកន្លែងរក្សាទុកអនុស្សាវរីយ៍ក្លាហានមោះមុតរបស់ប្រជាជាតិប៉ុននោះទេ ថែមទាំងជាគោលដៅដ៏ពិសិដ្ឋរបស់ប្រជាជន វៀតណាម ម្នាក់ៗ ទៀតផង។ សកម្មភាពអប់រំប្រពៃណី ការប្រជុំជីវភាពនយោបាយ អុជធូប។ល។ ត្រូវបានរៀបចំឡើងជាប្រចាំបានសាយភាយស្មារតីបដិវត្តន៍ដល់ក្មេងៗ ជំនាន់ក្រោយ។
ស្រុកកំណើតបដិវត្តន៍វិវឌ្ឍប្រែខ្លួន
សព្វថ្ងៃនេះ នៅលើដែនដី តឹនត្រាវ ស្ពានថ្មីៗ ត្រូវបានតវែង ខ្សែផ្លូវទាំងឡាយត្រូវបានសុក្រឹតភាពជាបណ្តើរៗ ប្រព័ន្ធសាលារៀន ស្ថានីយ៍សុខភាព អគារវប្បធម៌ត្រូវបានកសាងធំទូលាយស្អាតបាត ជីវភាពប្រជាជនកាន់តែធូរធារឡើងពីមួយថ្ងៃទៅមួយថ្ងៃ។
កេរដំណែលប្រវត្តិសាស្ត្រទាំងឡាយត្រូវបានអភិរក្ស ជួសជុល ផ្សារភ្ជាប់ជាមួយនឹងអភិវឌ្ឍទេសចរណ៍បដិវត្តន៍ - បង្កើតមធ្យោបាយចិញ្ចឹមជីវិត លើកកម្ពស់គំនិតថែរក្សាប្រពៃណី។
ពង្រីកឧត្តមភាពមណ្ឌលកេរដំណែលប្រវត្តិសាស្ត្រជាតិពិសេស តឹនត្រាវ និងសក្តានុពលទេសចរណ៍ ឃុំ តឹនត្រាវ កំណត់ថាជំរុញការអភិវឌ្ឍសេវាកម្មយ៉ាងខ្លាំងក្លា ក្លាយជាមូលដ្ឋានគំរូពីមួយជំហានទៅមួយជំហានអំពីការអភិវឌ្ឍសេដ្ឋកិច្ចទេសចរណ៍ មជ្ឈមណ្ឌលអប់រំប្រពៃណីបដិវត្តន៍របស់ប្រទេសទាំងមូល។
លោក ហ្វាង វ៉ាន់កាញ់ អនុប្រធានគណៈកម្មាធិការប្រជាជនឃុំ តឹនត្រាវ បានឲ្យដឹងថា អនុវត្តសេចក្តីសម្រេចចិត្តមហាសន្និបាតតំណាងនៃបក្ខភាគឃុំ តឹនត្រាវ លើកទី ១ អាណត្តិ ២០២៥ - ២០៣០ ឃុំបានពង្រឹងការតុបតែងលម្អ សាងសង់ ជួសជុលបន្ថែមបណ្តាចំណុចកេរដំណែលប្រវត្តិសាស្ត្រ - វប្បធម៌ ស្របពេលនោះដែរសហការជាមួយសហគ្រាសកសាងបណ្តាផលិតផលទេសចរណ៍ក្នុងគោលបំណងទាក់ទាញភ្ញៀវទេសចរដូចជា៖ ងូតទឹក onsen ត្រាំជើងថ្នាំ ចិន សែរបស់ជនជាតិ យ៉ាវ តៃ ស្តាប់ចម្រៀង ថែន ភ្លក្សរសជាតិភោជនាហារប្រពៃណី សេវាកម្មកម្សាន្តរបស់ជនជាតិ តៃ។ល។
ដើម្បីលើកកម្ពស់ជីវភាពប្រជាជនបន្ថែមទៀត ឃុំ តឹនត្រាវ កំពុងជំរុញគម្រោងការនិងអភិវឌ្ឍផលិតកម្មកសិកម្មតាមទិសដៅផលិតកម្មទំនិញយ៉ាងខ្លាំងក្លា រៀបចំរចនាសម្ព័ន្ធផ្នែកកសិកម្មឡើងវិញ រក្សាជាប្រចាំការអភិវឌ្ឍប្រកប ដោយស្ថិរភាព ពង្រឹងបន្ថែមការអនុវត្តវិទ្យាសាស្ត្រ - បច្ចេកទេសក្នុងគោលបំណង លើកកម្ពស់គុណភាពផលិតផល លើកទឹកចិត្តដល់ការអភិវឌ្ឍគំរូផលិតកម្មសរីរាង្គ ផលិតកម្មស្អាត បង្កើតផលិតផលទំនិញស្និទ្ធស្នាល ជាមួយបរិស្ថាន។
នាពេលខាងមុខ ឃុំ តឹនត្រាវ នឹងខិតខំបន្តថែរក្សា រឹងមាំនិងលើកកម្ពស់គុណភាពបណ្តាលក្ខណៈវិនិច្ឆ័យឃុំជនបទថ្មីសម្រេចបានហើយកសាងឃុំសម្រេចស្តង់ដារឃុំជនបទថ្មីកម្រិតលើកកម្ពស់ អភិវឌ្ឍកសិកម្ម រុក្ខកម្មទំនិញមានប្រសិទ្ធភាព ផ្តោតលើផលិតផលចម្បង ឧត្តមភាពរបស់ឃុំបន្តប្រមូលផ្តុំ ប្រភពកម្លាំងវិនិយោគអភិវឌ្ឍហេដ្ឋារចនាសម្ព័ន្ធដ៏ស៊ីចង្វាក់នឹងគ្នា បង្កើតកម្លាំងជំរុញសម្រាប់អភិវឌ្ឍសេដ្ឋកិច្ច - សង្គមជាដើម។ មុខមាត់នៃតំបន់ ស្រុកកំណើតបដិវត្តន៍មួយដ៏សម្បូរស្តុកស្តម្ភ ស្វាហាប់ សមាហរណកម្មនិងអភិវឌ្ឍ រឹងប៉ឹងឈានឡើងជាមួយប្រទេសជាតិក្នុងយុគសម័យអភិវឌ្ឍន៍ថ្មីនៃប្រជាជាតិកំពុងមកកាន់ដែនដី តឹនត្រាវ បន្តិចម្តងៗ៕
អត្ថបទនិងរូបភាព៖ ក្វាងគឿង
បញ្ចូលទិន្នន័យ៖ យ័ញលើយ
