ស្រុក បាក់ប៊ិញ (ខេត្ត ប៊ិញធន់) ជាកន្លែងប្រមូលផ្តុំលក្ខណៈដ៏វិសេសវិសាលជាច្រើនរបស់វប្បធម៌ ចាម តំបន់វាលទំនាបនិងជាប់មាត់សមុទ្រ។ ការថែរក្សានិងពង្រីកបណ្តាតម្លៃវប្បធម៌ ចាម នៅទីនេះតែងតែបានគណៈកម្មាធិការបក្សនិងអាជ្ញាធរមូលដ្ឋានផ្តោតការយកចិត្តទុកដាក់ជាពិសេស...
យុវនារី ចាម សម្តែងចង្វាក់រាំប្រពៃណីក្នុងពិធីបុណ្យ កាតេ
ស្រុក បាក់ប៊ិញ ជាមូលដ្ឋានមានបងប្អូនជនជាតិ ចាម រស់នៅផ្តុំគ្នាច្រើន រស់នៅផ្អែកលើរបរដាំដំណាំស្រូវ បន្លែបង្ការ ផលិតកុម្ភការភណ្ឌនិងចេញទៅ កាន់លំហច្បាមសមុទ្រជាចម្បង។ យោងតាមលោក ង្វៀន កុងលី អនុប្រធាន គណៈកម្មាធិការប្រជាជនស្រុក បាក់ប៊ិញ វប្បធម៌ជនជាតិ ចាម នៅទីនេះ បង្កប់ ដោយតម្លៃប្រវត្តិសាស្ត្រ ស្ថាបត្យកម្ម សិល្បៈ ជំនឿ សាសនា។ល។ ជាច្រើន។ បណ្តាបេតិកភណ្ឌវប្បធម៌ទាំងនេះកំពុងត្រូវបានបណ្តាជំនាន់កូន ចៅថែរក្សា ពូនជ្រុំ រួមចំណែកធ្វើអោយសម្បូរបែបឃ្លាំងវប្បធម៌ប្រពៃណីសហគមន៍ជន ជាតិ វៀតណាម ទាំង ៥៤។
បើរំលឹកដល់ជនជាតិ ចាម នៅ បាក់ប៊ិញ មិនអាចមិនរំលឹកដល់របរកុម្ភការ ភណ្ឌនៅភូមិ ប៊ិញឌឹក ឃុំ ផានហៀប និងរបរត្បាញសំពត់សង្កិម នៅឃុំចំនួន ពីរ ផានហ្វា និង ផានថាញ់។ ឆ្លងកាត់អំឡុងពេលរស់នៅជាមួយ បណ្តាសហគមន៍ ជនជាតិផ្សេងទៀតក៏ដោយក៏ប៉ុន្តែក្រុមគ្រួសារជាច្រើននៅទីនេះ នៅតែអភិរក្ស ថែរក្សា របរប្រពៃណី។ នៅពេលថ្មីៗ នេះ សិល្បៈផលិតកុម្ភការភណ្ឌ របស់ជនជាតិ ចាម ត្រូវបានអង្គការអប់រំ វិទ្យាសាស្ត្រ និងវប្បធម៌របស់ សហប្រជាជាតិ (យូណេស្កូ) ដាក់បញ្ជូលឈ្មោះក្នុងបញ្ជីឈ្មោះបេតិកភណ្ឌវប្បធម៌អរូបីត្រូវការការពារជាបន្ទាន់។
ពិធីកិច្ចសែនបើកទ្វារប្រាសាទធំក្នុងពិធីបុណ្យ កាតេ របស់ជនជាតិ ចាម
របរផលិតកុម្ភការភណ្ឌរបស់ជនជាតិ ចាម នៅស្រុក
ជនជាតិ ចាម នៅស្រុក បាក់ប៊ិញ នៅតែរក្សាទុកបានវប្បធម៌មាតាធិប តេយ្យក្នុងគ្រួសារ វង្សត្រកូលនីមួយៗ ហើយជះឥទ្ធិពលខ្លាំងក្លាដល់អង្គការសង្គម ពិធីកិច្ចផ្សេងៗ ជាដើម បង្កើតបានជាប្រព័ន្ធពិធីកិច្ច ទំនៀមទម្លាប់។ អោយតែដល់ឱកាសខែទី ៤ ជារៀងរាល់ឆ្នាំ (ប្រតិទិន ចាម) ជនជាតិ ចាម បានី ក៏រៀបចំពិធីបុណ្យ រ៉ាមឺវ៉ាន ដោយមានពិធីកិច្ច បន្តបន្ទាប់ គ្នាជាច្រើនដូចជា៖ ពិធីសែនផ្នូរ ពិធីសែនជូនបុព្វការីជននៅផ្ទះ និងខែ រ៉ាម៉ាដាន បួងសួង នៅវត្ត ប្រាង្គប្រាសាទជាដើម។ ក្នុងឱកាសដំណាច់ខែទី ៦ និងដើមខែទី ៧ (ប្រតិទិន ចាម) ជនជាតិ ចាម កាន់ព្រហ្មញ្ញសាសនា រៀបចំពិធីបុណ្យ កាតេ ក្នុងគោល បំណងរំលឹកនឹកដល់ បុព្វការីជននិងបួងសួងសុំឱ្យភ្លៀងខ្យល់អំណោយផល រដូវកាលផ្តល់ផលទ្វេដង។ បុណ្យ រ៉ាមឺវ៉ាន របស់ជនជាតិ ចាម បានី រួមជាមួយនឹងពិធីបុណ្យ កាតេ របស់ជនជាតិ ចាម ព្រហ្មញ្ញ សាសនាបានក្លាយទៅជាបេតិកភណ្ឌវប្បធម៌អរូបីជាតិ។
បាក់ប៊ិញ ត្រូវបានផ្សព្វផ្សាយបន្តគ្នាអស់ជាច្រើនជំនាន់និងមានលក្ខណៈដ៏វិសេសវិសាលដោយឡែកធ្លាប់មានតាំងពីបុរមបុរាណមក
ក្នុងឱកាសពិធីបុណ្យ រ៉ាមឺវ៉ាន ជនជាតិ ចាម ទាំងប្រុសទាំងស្រីជាធម្មតាស្លៀកពាក់សម្លៀកបំពាក់ប្រពៃណីដោយមានពណ៌ចម្រុះជាច្រើនបង្ហាញអោយឃើញអត្តសញ្ញាណដោយឡែករបស់សហគមន៍ជនជាតិ ចាម
កុម្ភការភណ្ឌ ចាម គឺជាផលិតផលពិសេសដាច់ដោយឡែកត្រូវបានសហគមន៍ជនជាតិ ចាមនៅស្រុក បាក់ប៊ិញ ថែរក្សាហើយអភិវឌ្ឍ ពិធីសែនផ្នូររបស់សហគមន៍ជនជាតិ ចាម នៅស្រុក បាក់ប៊ិញ
ក៏ដូចជាជនជាតិដទៃទៀតដែរ ជនជាតិ ចាម នៅស្រុក បាក់ប៊ិញ មានវប្បធម៌ភោជនាហារ វិចិត្រភាពគួរសម។ នាមដ្ឋានទាំងឡាយដូចជា៖ ផានរីថាញ់ ផានរីកឿ ចឺលៅ សុងលុយ ជាដើម បានល្បីឈ្មោះពាសពេញប្រទេសដោយមានបណ្តាមុខម្ហូបពិសេសប្រចាំតំបន់ មានលក្ខណៈ ខ្យល់ដង្ហើមប្រៃឆួលនៃសមុទ្រ តួយ៉ាងដូចជាទឹកត្រីនិងងៀតគ្រឿងសមុទ្រ។
ដើម្បីអភិរក្ស ពង្រីកបណ្តាលក្ខណៈវប្បធម៌ជនជាតិ ចាម ដ៏វិសេសវិសាល ស្រុក បាក់ប៊ិញ កសាងមជ្ឈមណ្ឌលដាក់តាំងបង្ហាញវប្បធម៌ ចាម បង្កើតសហករណ៍របរកុម្ភការភណ្ឌ ព្រម ទាំងបើកបណ្តាធួរដំណើរទេសចរណ៍ភូមិសិប្បកម្មសំពត់សង្កិម ផានថាញ់ កូនភ្នំខ្សាច់ បៅត្រាំង។ល។ ផ្តើមពីនោះរួមចំណែកលើកកម្ពស់ប្រាក់ចំណូលជូនបងប្អូនជនជាតិ ចាម រស់នៅលើភូមិសាស្រ្ត៕
អត្ថបទ និងរូបថត៖ ង្វៀន ថាញ់
បញ្ចូលទិន្នន័យដោយ៖ សឺន ហេង
