អញ្ជើញថ្លែងនៅក្នុងពិធីនេះ អនុប្រធានគណៈកម្មាធិការប្រជាជនខេត្ត វិញឡុង លោក ង្វៀន គ្វិញធៀន ស្នើឱ្យមន្ទីរវប្បធម៌ កីឡា និងទេសចរណ៍ខេត្ត ផ្នែកគ្រប់លំដាប់ថ្នាក់ពាក់ព័ន្ធពង្រឹងការងារផ្សព្វផ្សាយព័ត៌មាន ឃោសនាអំពីអត្ថន័យ សារៈសំខាន់នៃបេតិកភណ្ឌក្នុងការអភិវឌ្ឍសេដ្ឋកិច្ច - សង្គមនៃមូលដ្ឋាន កសាងគម្រោងការអភិរក្សនិងលើកស្ទួយតម្លៃរបរធ្វើមកុដ របាំងមុខរបស់បងប្អូនជនជាតិ ខ្មែរ ផ្សារភ្ជាប់កម្មវិធីអភិវឌ្ឍទេសចរណ៍ជាមួយសិប្បកម្មច្នៃបង្កើតដើម្បីសាយភាយបណ្តាតម្លៃបេតិកភណ្ឌ។ ក្នុងពេលជាមួយគ្នានេះដែរ បណ្តាអង្គភាពរៀបចំជាប្រចាំ ធ្វើពិពិធកម្មបណ្តាសកម្មភាពអនុវត្តជាក់ស្តែង បង្ហាត់បង្រៀនមុខរបរ ស្រាវជ្រាវជ្រើសរើស ស្នើសុំឲ្យពិនិត្យប្រគល់ជូនកិត្តិនាមកិត្តិយសដល់សិប្បករ សិប្បការិនី។
មន្ទីរវប្បធម៌ កីឡា និងទេសចរណ៍ខេត្តស្រាវជ្រាវ គួបផ្សំរបរហត្ថកម្មប្រពៃណីចំនួន ២ យ៉ាងស៊ីគ្នាត្រូវបានចុះបញ្ជីបេតិកភណ្ឌវប្បធម៌អរូបីជាតិគឺជារបរធ្វើកន្ទេលក្រហមនិងធ្វើមកុដ របាំងមុខដើម្បីកសាងផលិតផលវប្បធម៌ - ទេសចរណ៍ដ៏វិសេសអស្ចារ្យរបស់ខេត្ត វិញឡុង។ ទន្ទឹមនឹងនោះ មន្ទីរបានសហការជាមួយមន្ទីរអប់រំ និងបណ្តុះបណ្តាលស្រាវជ្រាវ ដាក់បញ្ចូលខ្លឹមសាអប់រំបេតិកភណ្ឌវប្បធម៌ចូលក្នុងកម្មវិធីបង្ហាត់បង្រៀននៅក្នុងគ្រប់កម្រិតសិក្សាពីមួយជំហានទៅមួយជំហាន បង្កើតឱកាសឲ្យសិស្សសាលានៅក្នុងខេត្តស្វែងយលបណ្តាតម្លៃវប្បធម៌ប្រពៃណីជនជាតិ ជាពិសេសគឺអភិក្រមចំពោះបេតិកភណ្ឌវប្បធម៌អរូបីទាំងឡាយរបស់បងប្អូនជនជាតិ ខ្មែរ ដើម្បីផ្សព្វផ្សាយ អនុវត្តជាក់ស្តែង ប្រគល់បេតិកភណ្ឌឲ្យ។
មកុដនិងរបាំងមុខគឺជាផលិតផលហត្ថកម្មប្រពៃណីចំនួ ២ ផ្សារភ្ជាប់ស្អិតល្មួតជាមួយនឹងជីវភាពវប្បធម៌ សិល្បៈរបស់បងប្អូនជនជាតិ ខ្មែរ ណាមបូ (ភូមិភាគខាងត្បូង) កកើតឡើងជាង ២ សតវត្ស បម្រើដល់បណ្តាទម្រង់ប្រជុំជីវភាពវប្បធម៌ - សិល្បៈប្រជាប្រិយដែលជាទូទៅគឺរបាំប្រជាប្រិយ របាំប្រពៃណី របាំជំនឿសាសនា ចម្រៀងល្ខោន។ ផលិតផលទាំងនេះមិនត្រឹមតែពោរពេញទៅដោយតម្លៃវប្បធម៌ប្រជាប្រិយប៉ុននោះទេ ថែមទាំងបង្ហាញឲ្យឃើញកត្តាដ៏ពិសិដ្ឋនៅក្នុងជីវិតខាងស្មារតីរបស់សហគមន៍ទៀតផង។ ដំណើរការច្នៃបង្កើតតាមវិធីសាស្រ្តដោយដៃទាំងស្រុង ទាមទារឱ្យសិប្បករ សិប្បការិនីមានចំណេះដឹង យល់ដឹងច្បាស់លាស់អំពីសិល្បៈ មានភាពច្នៃប្រតិដ្ឋ ល្អិតល្អន់ ប៉ិនប្រសប់។ មុខរបរនេះត្រូវបានរក្សាជាប្រចាំ ស្នងបន្តជាបន្តបន្ទាប់ឆ្លងតាមរយៈជាច្រើនជំនាន់ ដើម្បីបម្រើដល់បណ្តាទម្រង់សិល្បៈប្រជាប្រិយ។
យោងតាមអនុប្រធានមន្ទីរវប្បធម៌ កីឡា និងទេសចរណ៍ខេត្ត វិញឡុង លោក ថាច់បូយ មានឃ្លាំងទ្រព្យសម្បត្តិបេតិកភណ្ឌវប្បធម៌រូបីនិងអរូបីដ៏សម្បូរបែបដោយមានបេតិកភណ្ឌជាតិចំនួន ៤៥ បេតិកភណ្ឌលំដាប់ថ្នាក់ខេត្តចំនួន ១៦៧ រួមជាមួយនឹងបេតិកភណ្ឌវប្បធម៌អរូបីចំនួន ១៩ និងរតនវត្ថុជាតិចំនួន ៣។ នាពេលកន្លងទៅ សារមន្ទីរ វិញឡុង បានស្រាវជ្រាវ ស្វែងរកធ្វើសមុច្ច័យ រក្សាទុកប្រហែល ៤៨.៣០០ វត្ថុតាង ឯកសារទាក់ទងដល់ដំណើរការកកើត អភិវឌ្ឍនៃខេត្តឆ្លងតាមរយៈជាច្រើនដំណាក់កាលប្រវត្តិសាស្ត្រ។
ឱកាសនេះ សារមន្ទីរ វិញឡុង ទទួលយកវត្ថុតាងជាច្រើនដែលបានបរិច្ចាគជូនដោយអ្នកធ្វើសមុច្ច័យ ព្រមទាំង ដាក់តាំងបង្ហាញវត្ថុតាងជារតនវត្ថុជាង ២៥០ រតនវត្ថុទាក់ទងដល់វប្បធម៌បណ្តាជនជាតិ រជ្ជកាលសក្តិភូមិ រួមជាមួយនឹងសម្លៀកបំពាក់បណ្តាជនជាតិ ។ល។ នៅសារមន្ទីរវប្បធម៌ ខ្មែរ បម្រើតម្រូវការទស្សនាចរ ស្វែងយល់វប្បធម៌បណ្តាជនជាតិនៃភ្ញៀវទេសចរនិងបងប្អូនជនជាតិ ខ្មែរ ឱកាសពិធីបុណ្យអូកអូមបុក៕
អត្ថបទនិងរូបថត៖ ថាញ់ហ្វា
ប្រែសម្រួលនិងបញ្ចូលទិន្នន័យ៖ យ័ញលើយ
