ទិវាមហោស្រពវប្បធម៌ជនជាតិ ចាម លើកទី ៦ ឆ្នាំ ២០២៥ រៀបចំឡើងដោយក្រសួងវប្បធម៌ កីឡា និងទេសចរណ៍ គណៈកម្មាធិការបក្សខេត្ត គណៈកម្មាធិការប្រជាជនខេត្ត ខាញ់ហ្វា សហការជាមួយគណៈកម្មការ ផ្នែក ស្ថាប័នចំពោះកិច្ច អង្គភាពពាក់ព័ន្ធ។ នេះជាឱកាសពង្រឹងបន្ថែម ពង្រីកប្រៀបខ្លាំងក្នុងសាមគ្គីបងប្អូនបណ្តាជនជាតិភាគតិចនិយាយរួម បងប្អូនជនជាតិ ចាម និយាយដោយឡែកនៅតាមខេត្តតំបន់ ណាមបូ (ភូមិភាគខាងត្បូង) ប៉ែកខាងត្បូងនៃភូមិភាគកណ្តាល ក្រោយពីពេលរៀបចំអង្គភាពរដ្ឋបាលថ្នាក់ខេត្ត យោងតាមសេចក្តីសម្រេចចិត្តលេខ 202/2025/QH15 ចុះថ្ងៃទី ១២ ខែ មិថុនា ឆ្នាំ ២០២៥ នៃរដ្ឋសភា។
ទិវាមហោស្រពវប្បធម៌មានការចូលរួមពីសិប្បករ អ្នកសម្តែងតួ កីឡាករ កីឡាការិនីមហាជនជាជនជាតិ ចាម កំពុងរស់នៅ សិក្សារៀនសូត្រនិងធ្វើការនៅភូមិសាស្ត្រខេត្ត ក្រុងទាំង ៦ ចូលរួម។
ក្រោមប្រធានបទ “អភិរក្ស ពង្រីកអត្តសញ្ញាណវប្បធម៌ជនជាតិ ចាម ក្នុងយុគសម័យថ្មី” ទិវាមហោស្រពនឹងមានសកម្មភាពវប្បធម៌ កីឡានិងទេសចរណ៍ដ៏មានអត្ថន័យជាច្រើនរួមមាន៖ មហោស្រពសិល្បៈមហាជន សម្ដែងលំនាំបទចម្រៀងប្រជាប្រិយ របាំប្រជាប្រិយ តន្ត្រីប្រជាប្រិយ ប្រគំទោល ប្រគំឧបករណ៍ភ្លេងប្រពៃណីជនជាតិ ចាម នៃមូលដ្ឋាន បង្ហាញសម្លៀកបំពាក់ជនជាតិ ចាម (រួមបញ្ចូលទៅក្នុងកម្មវត្ថុនៃមហោស្រពសិល្បៈមហាជន) សម្តែង ឧទ្ទេសនាមឈុតឆាកដកស្រង់ចេញពីពិធីបុណ្យ ពិធីកិច្ចប្រជុំជីវភាពវប្បធម៌ប្រពៃណីគំរូៗ របស់ជនជាតិចាម នៅតាមមូលដ្ឋាននីមួយៗ ការបង្ហាញ ឧទ្ទេសនាមមុខរបរហត្ថកម្មប្រពៃណី (ត្បាញសំពត់សង្កិមឬធ្វើកុម្ភការភ័ណ្ឌ) របស់ជនជាតិ ចាម។ល។
ក្នុងអំឡុងពេលប្រព្រឹត្តឡើងទិវាមហោស្រព នឹងមានសកម្មភាពដាក់តាំងបង្ហាញឧទ្ទេសនាម ផ្សព្វផ្សាយវប្បធម៌ប្រពៃណីជនជាតិ ចាម នៅតាមមូលដ្ឋានរួមមាន៖ ដាក់តាំងបង្ហាញតារាងដកស្រង់ផែនទី គំរូវត្ថុតាង រូបភាព ឧបករណ៍ភ្លេង សម្លៀកបំពាក់របស់ជនជាតិ ចាម គំរូតួយ៉ាងរបស់មូលដ្ឋាន គំនូរ រូបថត សៀវភៅ គ្រឿងហត្ថកម្មវិចិត្រសិល្បៈ សង្កិម ស្ថាបត្យកម្មផ្ទះលំនៅឧទ្ទេសនាមទម្រង់វប្បធម៌អរូបី ។ល។ ក្នុងគោលបំណងឆ្លុះបញ្ចាំងលក្ខណៈវប្បធម៌ដ៏ល្អពិសេរបស់បងប្អូនជនជាតិ ចាម ក្នុងការបង្រួបបង្រួមនៃវប្បធម៌ វៀតណាម ។ល។
ក្នុងក្របខ័ណ្ឌទិវាមហោស្រព ក៏មានសកម្មភាពដូចជា៖ សិក្ខាសាលាស្តីពី “លើកស្ទួយតម្លៃបេតិកភណ្ឌវប្បធម៌ចាម ក្នុងការអភិវឌ្ឍទេសចរណ៍” ប្រលងបង្ហាញបំណិនទេសចរណ៍សហគមន៍ រួមមាន៖ បំណិនទទួលស្វាគមន៍ភ្ញៀវ បំណិនសម្តែងអត្ថាធិប្បាយ ឧទ្ទេសនាមគោលដៅទេសចរណ៍សហគមន៍ ។ល។ សកម្មភាពកីឡានិងល្បែងប្រជាប្រិយរបស់ជនជាតិ ចាម ដូចជា ទាញព្រ័ត្រ រុញដំបង បាល់ទាត់ (ខ្នាតតូចបុរស) ទូលទឹក (នារី) ។ល។
ក្រៅពីនេះ ក៏មានសកម្មភាពដាក់តាំងបង្ហាញរូបថតក្រោមប្រធានបទ “បងប្អូនជនជាតិ ចាម រួមដំណើរជាមួយការអភិវឌ្ឍប្រទេសជាតិ” ឧទ្ទេសនាមរូបថតចំនួន ៣០០ សន្លឹក បង្ហាញពីការយកចិត្តទុកដាក់របស់បក្ស រដ្ឋចំពោះបងប្អូនជនជាតិ ចាម និយាយដោយឡែកនិងបណ្តាជនជាតិភាគតិច វៀតណាម និយាយរួម សមិទ្ធិផលលេចធ្លោឆ្លងតាមរយៈសម្លឹងមើលពីមុំវប្បធម៌ប្រពៃណីរបស់បងប្អូនជនជាតិ ចាម សហគមន៍ជនជាតិ វៀតណាម ទាំង ៥៤ គោលដៅទេសចរណ៍នាមដ្ឋានទេសចរណ៍ បេតិកភណ្ឌវប្បធម៌អរូបីបានទទួលស្គាល់នៃខេត្ត ក្រុងចូលរួមទិវាមហោស្រព។ ដាក់តាំងបង្ហាញប្រធានបទសារណាជំនាញ "វប្បធម៌ជនជាតិ ចាម ពិសេសដាច់ដោយឡែកក្នុងសហគមន៍វប្បធម៌បណ្តាជនជាតិ វៀតណាម" ឧទ្ទេសនាមបរិយាកាសវប្បធម៌ មុខរបរប្រពៃណី សម្លៀកបំពាក់ ឧបករណ៍កសិកម្មក្នុងពលកម្ម របស់របរប្រើប្រាស់ក្នុងការប្រជុំជីវភាពរស់នៅ ។ល។ របស់បងប្អូនជនជាតិភាគតិច ក៏ដូចជាបងប្អូនជនជាតិ ចាម ។ល។
តំណាងនាយកដ្ឋានវប្បធម៌បណ្តាជនជាតិ វៀតណាម បានឲ្យដឹងថា ទិវាមហោស្រពត្រូវបានរៀបចំឡើងក្នុងគោលបំណងលើកតម្កើង ឧទ្ទេសនាមតម្លៃវប្បធម៌ប្រពៃណីរបស់បងប្អូនជនជាតិ ចាម ទៅកាន់មិត្រភក្ដិក្នុងស្រុក និងអន្តរជាតិ។ ឆ្លងតាមរយៈនោះ ពង្រឹងបន្ថែមការផ្សព្វផ្សាយរូបភាពប្រទេសជាតិ វៀតណាម មួយសម្បូរទៅដោយអត្តសញ្ញាណវប្បធម៌ មានការឯកភាពនិងសុខដុមរមនារវាងបណ្តាជនជាតិ បង្ហាញពីការយកចិត្តទុកដាក់របស់បក្ស រដ្ឋចំពោះការងារអភិរក្ស លើកស្ទួយតម្លៃវប្បធម៌បងប្អូនជនជាតិ ចាម ក្នុងកិច្ចការផ្លាស់ប្តូរថ្មីសមាហរណកម្មនិងអភិវឌ្ឍ ស្របពេលនោះដែរ លើកកម្ពស់ស្មារតីយល់ដឹង គំនិតទទួលខុសត្រូវក្នុងការកសាងនិងអភិវឌ្ឍវប្បធម៌ មនុស្សម្នា វៀតណាម ឆ្លើយតបតម្រូវការអភិវឌ្ឍប្រទេសជាតិប្រកបដោយចីរភាព។
ការគ្រោងទុក ពិធីបើកទិវាមហោស្រពប្រព្រឹត្តឡើងនៅយប់នៃថ្ងៃទី ១៧ ខែ តុលា ពិធីបូកសរុបបិទទិវាមហោស្រពប្រព្រឹត្តឡើងនៅយប់នៃថ្ងៃទី ១៩ ខែ តុលា៕
អត្ថបទ៖ ផឿងឡាន - រូបថត៖ ដាំងទន់ - ទីភ្នាក់ងារព័ត៌មានវៀតណាម
ប្រែសម្រួលនិងបញ្ចូលទិន្នន័យ៖ យ័ញលើយ
