ចាប់ពីម៉ោង ៧ និង ៣០ នាទីព្រឹក បរិយាកាសនៃពិធីបុណ្យកាន់តែមានភាពអ៊ូអរនៅពេលអ្នកមុខអ្នកការជនជាតិ ចាម្ប៍ នាំមុខក្បួនព្រះពស្ត្រារបស់ទេពទេវី "ព្រះអធិរាជ" ប៉ូក្លងហ្គារ៉ាយ អ្នកមានគុណបំណាច់យ៉ាងធំធេងចំពោះបងប្អូនជនជាតិ ចាម្ប៍ ទៅកាន់កូនភ្នំ ត្រៅ។ អមដំណើរជាមួយមាននារីជនជាតិ ចាម្ប៍ ក្នុងសម្លៀកបំពាក់ប្រពៃណី ល្វាត់ល្វន់ជាមួយនឹងក្បាច់រាំ អមនៅពីក្រោយគឺបងប្អូនជនជាតិ និងភ្ញៀវទេសចរយ៉ាងច្រើនកុះករ សម្របខ្លួនក្នុងបរិយាកាសដ៏ស្រគត់ស្រគំ ពោរពេញដោយក្តីសោមនស្សរីករាយ។
ពិធីបុណ្យ កាតេ ឆ្នាំ ២០២៥ ប្រព្រឹត្តឡើងចាប់ពីថ្ងៃទី ២០ ដល់ថ្ងៃទី ២២ ខែ តុលា ក្នុងនោះ ពិធីសំខាន់ប្រព្រឹត្តឡើងនៅព្រឹកថ្ងៃទី ២១ ខែ តុលា នៅប្រាសាទ ប៉ូក្លងហ្គារ៉ាយ ប្រាសាទ ប៉ូរ៉ូមេ និងប្រាសាទ ប៉ូអ៊ីនឺ នឺហ្គា។ ក្រោយពិធីកិច្ច សកម្មភាពវប្បធម៌ កីឡា ភោជនាហារ សម្តែងបង្ហាញសម្លៀកបំពាក់ប្រពៃណី ការប្រលងសរសេរអក្សរ ចាម្ប៍ ធ្វើគ្រឿងកុលាលភាជន៍ ល្បែងប្រជាប្រិយជាដើម ប្រព្រឹត្តឡើងនៅតាមបណ្តាប្រាសាទ និងភូមិ ចាម្ប៍ បង្កើតបរិយាកាសរីករាយ ផ្សារភ្ជាប់សហគមន៍។ ពិធីបុណ្យ កាតេ ឆ្នាំនេះនៅតែបន្តទាក់ទាញភ្ញៀវទេសចរ អ្នកស្រាវជ្រាវវប្បធម៌យ៉ាងច្រើនមកទស្សនា សិក្សាស្វែងយល់ ចូលរួមក្នុងសកម្មភាពពិធីបុណ្យជាមួយបងប្អូនជនជាតិ ចាម្ប៍ ក្នុងមូលដ្ឋាន។
អញ្ជើញថ្លែងសុន្ទរកថាក្នុងពិធីបុណ្យនេះ អនុប្រធានគណៈកម្មាធិការប្រជាជនខេត្ត ឡឹមដុង លោក ឌិញ វ៉ាន់ត្វឹន សង្កត់ធ្ងន់ថា ពិធីបុណ្យ កាតេ របស់បងប្អូនជនជាតិ ចាម្ប៍ នៅខេត្ត ឡឹមដុង ឆ្នាំនេះមិនត្រឹមតែជាឱកាសសម្រាប់មាមីងបងប្អូនបង្ហាញពីជំនឿ និងសម្រស់វប្បធម៌ប្រជាប្រិយប៉ុននោះទេ ថែមទាំងជាសកម្មភាពដ៏មានអត្ថន័យដើម្បីអបអរសាទរជោគជ័យនៃមហាសន្និបាតបក្ខភាគខេត្ត ឡឹមដុង លើកទី ១ អាណត្តិកាល ២០២៥ - ២០៣០ ផងដែរ។
ពិធីបុណ្យ កាតេ នៅកេរដំណែលប្រាសាទ ប៉ូសាហ៍អ៊ីនឺ ត្រូវបានស្តារឡើងវិញតាំងពីឆ្នាំ ២០០៥ ប្រារព្ធទៀងទាត់ជារៀងរាល់ឆ្នាំបំពេញតម្រូវការខាងជំនឿព្រលឹង មនោសញ្ចេតនារបស់បងប្អូនជនជាតិ ចាម្ប៍ និងក្លាយជាព្រលឹងនៃសកម្មភាពវប្បធម៌ខាងស្មារតី ផ្ទុកនូវតម្លៃជំនឿប្រជាប្រិយ និងសាសនាជាច្រើន។ រួមជាមួយនឹងជីវភាពខាងវិញ្ញាណ មុខមាត់ជីវភាពសេដ្ឋកិច្ចរបស់បងប្អូនជនជាតិ ចាម្ប៍ នៅ ឡឹមដុង កាន់តែមានការផ្លាស់ប្តូរ វិវត្តយ៉ាងឆាប់រហ័ស និងសម្របចង្វាក់ជាមួយនឹងការអភិវឌ្ឍរួមរបស់ប្រទេសជាតិ។
ពិធីបុណ្យត្រូវបានចាប់ផ្តើមដោយពិធីបុណ្យពីទីសក្ការៈបូជា ប្រាសាទ និងបញ្ចប់ពិធីបុណ្យគឺសកម្មភាពលេងកម្សាន្តសប្បាយៗ អំណរឆ្នាំថ្មីនៅតាមគេហដ្ឋាន។ នេះក៏ជាឱកាសសម្រាប់ជនជាតិ ចាម្ប៍ មកពីគ្រប់មជ្ឈដ្ឋានមកជួបជុំក្រុមគ្រួសារ ញាតិមិត្ត៕
ផលិត៖ ង្វៀនថាញ់ - ហុងហៀវ - ញឹតអាញ់
ប្រែសម្រួលដោយ៖ អៀងថាន់
