ឡាងសឺន គឺជាខេត្តតំបន់ភ្នំ ព្រំដែនមួយស្ថិតនៅភូមិភាគឦសាននៃមាតុ ប្រទេសគឺជាកន្លែងដែលមានចំនួនប្រជាជនជិត ៨៥% នៃចំនួនប្រជាជនសរុបជាបងប្អូនជនជាតិ តៃ ណុង យ៉ាវ ម៉ុង សានចៃ...។
បងប្អូនជនជាតិ យ៉ាវ នៅភូមិ ភុកទៀន ឃុំ វូសឺន អញ្ជើញទៅចូលរួមបុណ្យសាសនានៅវិហារនៃសមាគមសាសនាប្រូតេស្តង់តំបន់ស្រុក បាក់សឺន (ខេត្ត ឡាងសឺន)
នៅទីនេះ ទិដ្ឋភាពនៃជំនឿ សាសនាមានភាពរស់រវើក ចម្រុះលាយឡំគ្នានិងចុះសម្រុងគ្នា ឆ្លុះបញ្ចាំងអំពីជីវិតខាងព្រលឹងវិញ្ញាណដ៏សម្បូរបែបនិងស្មារតីមហាសាមគ្គីជាតិ។
ធានាសិទ្ធិសេរីភាពលើជំនឿសាសនា
ទន្ទឹមនឹងជំនឿម្ចាស់ស្រុក បច្ចុប្បន្ន ខេត្ត ឡាងសឺន មានប្រហែល ១,៤% នៃចំនួនប្រជាជនសរុបដែលកាន់សាសនាផ្សេងៗ គ្នាជាអាទិ៍៖ ព្រះពុទ្ធសាសនា គ្រិស្តសាសនា ប្រូតេស្តង់សាសនា។
ពុទ្ធបរិស័ទជាច្រើនកុះករដែលរស់នៅលើភូមិសាស្ត្រខេត្ត ឡាងសឺន អញ្ជើញចូលរួមពិធីបុណ្យបង្សុកូលនិងឧទ្ទិសបុណ្យដល់វិញ្ញាណក្ខន្ធបុព្វការីជនដែលចែកឋានហើយត្រូវបានរៀបចំនៅវត្ត ថាញ់ ទីក្រុង ឡាងសឺន
ទោះបីជាជំនឿនិងរបៀបរបបប្រតិបត្តិជំនឿខុសពីគ្នាក៏ដោយ ក៏ប៉ុន្តែសាសនាទាំងអស់សុទ្ធតែមានចំណុចរួមនោះគឺស្មារតីជាតិ ប្រពៃណីស្នេហាជាតិប្រពៃណីវប្បធម៌ អនុវត្តគោលការណ៍របស់បក្ស គោលនយោបាយ ច្បាប់របស់រដ្ឋយ៉ាងល្អប្រសើរ ជួយជ្រោមជ្រែងគ្នាក្នុងការអភិវឌ្ឍសេដ្ឋកិច្ច - សង្គម លុបបំបាត់ភាពអត់ឃ្លាន កាត់បន្ថយភាពក្រីក្រ លើកកម្ពស់ជីវភាពរស់នៅរបស់បងប្អូនជនរួមជាតិ...
លោក ឡាំងវ៉ាន់ធៀត ប្រធានការិយាល័យជំនឿសាសនា មន្ទីរមហាផ្ទៃខេត្ត ឡាងសឺន មានប្រសាសន៍អោយដឹងថា៖ "ចាប់តាំងពីពេលច្បាប់ស្តីពីជំនឿ សាសនាចូលជាធរមាននាថ្ងៃទី ១ ខែ មករា ឆ្នាំ ២០១៨ មក ខេត្តតែងតែរៀបចំជំនួបមុខនិងសួរសុខទុក្ខសមណសក្តិ អ្នកមុខអ្នកការសាសនាទាំងឡាយ ដំណើរការបើកវគ្គហ្វឹកហ្វឺនដល់កម្មាភិបាលរាប់ពាន់នាក់ដែលកាន់ការងារសាសនាតាំងពីថ្នាក់ខេត្តរហូតដល់ថ្នាក់ឃុំ...។ មកទល់ពេលនេះ គ្រឹះស្ថានសាសនា ជំនឿទាំង ១០០% ដែលកំពុងដំណើរការនៅលើភូមិសាស្រ្តសុទ្ធតែបានចុះឈ្មោះ ធ្វើសកម្មភាពនិងជូនដំណឹងអំពីកម្មវត្ថុនៃសកម្មភាពប្រចាំឆ្នាំជាមួយអាជ្ញាធរ"។
លោក ហ្វាងក្វាងភៀត ប្រធានគណៈកម្មាធិការប្រជាជនឃុំ ជៀនថាំង ស្រុក បាក់សឺន (ខេត្ត ឡាងសឺន) អញ្ជើញចុះមូលដ្ឋានដើម្បីចលនាបងប្អូនជនជាតិ យ៉ាវ កាន់សាសនាប្រូតេស្តង់អភិវឌ្ឍន៍សេដ្ឋកិច្ចគ្រួសារ
ដើម្បីធានាសិទ្ធិសេរីភាពខាងជំនឿ សាសនា ខេត្ត ឡាងសឺន តែងតែយកចិត្តទុកដាក់ បង្កលក្ខណៈងាយស្រួលដល់អង្គការសាសនាផ្សេងៗ ចូលរួមសកម្មភាពសង្គម មនុស្សធម៌ សុខាភិបាល វប្បធម៌... ប្រារព្ធពិធីបុណ្យសំខាន់ៗ ដូចជា៖ ពិធីបុណ្យពិសាខបូជា ពិធីបុណ្យណូអែល បុណ្យអ៊ីស្ទើរ...។
ជាពិសេស សាសនាទាំងឡាយទោះបីខុសគ្នាអំពីប្រភពដើម ទិសស្លោកនៃការគោរពប្រណិប័តន៍ សាសនាក៏ដោយ ប៉ុន្តែមានការយកចិត្តទុកដាក់គ្នាទៅ វិញទៅមកជានិច្ចកាល តែងតែចូលរួមជូនពរគ្នាទៅវិញទៅមកជាប្រចាំក្នុងឱកាសពិធីសំខាន់ៗ។
កម្មាភិបាលនៃការិយាល័យមហាផ្ទៃនៃខេត្ត ឡាងសឺន តែងតែមកដល់ទីលំនៅដ្ឋានប្រជាជនដើម្បីចលនា ឃោសនា ផ្សព្វផ្សាយការអនុវត្ត "ជីវិតរស់នៅប្រព្រឹត្តទៅដោយល្អទាំងផ្លូវលោកនិងផ្លូវធម៌"
ជាមួយនឹងការស្រុះចិត្តស្រុះគំនិតរបស់គ្រប់ផ្នែក សមត្ថកិច្ចគ្រប់លំដាប់ថ្នាក់ រួមជាមួយសហគមន៍បណ្តាជនជាតិ ដែនដី ឡាង កំពុងមានជីវភាពរស់នៅខាងស្មារតីមួយប្រកបដោយភាពវិជ្ជមាន ស៊ីវិល័យនិងសាមគ្គីភាព។
រួបរួមគ្នាកសាងដែនដីកំណើត
មិនត្រឹមតែថែទាំ បង្កសក្ខណៈងាយស្រួលអោយបងប្អូនជនរួមជាតិមានសេរីភាពខាងជំនឿ សាសនាប៉ុណ្ណោះទេ ខេត្ត ឡាងសឺន ថែមទាំងចលនាបងប្អូនជនជាតិចូលរួមយ៉ាងសកម្មនូវចលនា ប្រឡងប្រណាំងស្នេហាជាតិផ្សេងៗ "មានជីវិតរស់នៅប្រព្រឹត្តទៅដោយល្អទាំងផ្លូវលោកនិងផ្លូវធម៌" ជំរុញយ៉ាងខ្លាំងក្លាការអភិវឌ្ឍសេដ្ឋកិច្ច កសាងជនបទថ្មី...។
សកម្មភាពខាងជំនឿ សាសនានៅខេត្ត ឡាងសឺន ឆ្ពោះទៅរកគោលដៅមហាសាមគ្គីភាពជាតិ ពង្រីកអត្តសញ្ញាណវប្បធម៌ប្រពៃណី កសាងសហគមន៍មួយប្រកបដោយមេត្តាធម៌ សម្បូរសប្បាយ សុភមង្គល
ទទួលជួបយើងខ្ញុំនៅឯគេហដ្ឋានដ៏ធំទូលាយរបស់ខ្លួននៅផ្លូវ តូសឺន ក្រុម វ៉ាន់មៀវ សង្កាត់ជីឡាំង (ទីក្រុង ឡាងសឺន) លោក ង្វៀនកៀនគឿង បានចែករំលែកថា៖ "ខ្ញុំកាន់សាសនាកាតូលិកហើយក្នុងអំឡុងពេលកន្លង មកតែងតែត្រូវបានអាជ្ញាធរបង្កលក្ខណៈងាយស្រួលដើម្បីអភិវឌ្ឍសេដ្ឋកិច្ច"។
មិនត្រឹមតែធ្វើមានបានអោយខ្លួននិងក្រុមគ្រួសារប៉ុណ្ណោះទេ សហគ្រាសរបស់លោក គឿង ថែមទាំងជួយមនុស្ស ២០ នាក់ឱ្យមានការងារធ្វើស្ថិរភាពដោយមានប្រាក់ចំណូលក្នុងមនុស្សម្នាក់ ៧ លានដុងក្នុងមួយខែ។
មាមីងបងប្អូនអ្នកកាន់សាសនាកាតូលិកនៅសង្កាត់ ជីឡាំង ទីក្រុង ឡាងសឺន បរិច្ចាគដីដើម្បីធ្វើផ្លូវគមនាគមន៍
នាំមុខគេក្នុងចលនាកសាងផ្លូវគមនាគមន៍អន្តរភូមិនៅឃុំ ចៀនថាំង (ស្រុក បាក់សឺន) បងប្អូនជនជាតិនៅភូមិ ប៊ិញអាន (១០០% ជាបងប្អូនជនជាតិ យ៉ាវ កាន់សាសនាប្រូតេស្តង់) តែងតែមានសាមគី្គភាពរួមដៃគ្នាកសាងជនបទថ្មី។
ក្នុងឆ្នាំ ២០១៣ បងប្អូនជនជាតិនៅទីនេះបានស្ម័គ្រចិត្តចូលវិភាគទានជាទឹកប្រាក់ទិញម៉ាស៊ីនលាយបេតុងដើម្បីសាងសង់ផ្លូវ ហើយមកទល់ពេលនេះ បានចាក់បេតុងផ្លូវគមនាគមន៍អន្តរភូមិសម្រេចបាន ៨០% ហើយ។
សមាគមព្រះពុទ្ធសាសនា វៀតណាម ខេត្ត ឡាងសឺន បានសហការជាមួយគណៈកម្មាធិការប្រជាជនស្រុក ជីឡាំង សម្ព័ន្ធយុវជនកុម្មុយនិស្ត ហូជីមិញ ស្រុក ជីឡាំង រៀបចំសាងសង់ស្ពាន អានឡាក ៥ នៅឃុំ វ៉ាន់ធុយ ជួយបងប្អូនជនរួមជាតិ តៃ នុង ធ្វើដំណើរទៅមកយ៉ាងងាយស្រួល
លោក ហ្វាងក្វាងផៀត ប្រធានគណៈកម្មាធិការប្រជាជនឃុំ ជៀនថាំង មានប្រសាសន៍អោយដឹងថា៖ "អាជ្ញាធរតែងយកចិត្តទុកដាក់ បង្កលក្ខណៈងាយស្រួលគ្រប់បែបយ៉ាងឲ្យបងប្អូនជនជាតិទទួលបានគោលនយោ បាយអនុគ្រោះទាំងឡាយរបស់រដ្ឋ។ មកទល់សព្វថ្ងៃ ជីវភាពរស់នៅរបស់បងប្អូនជនជាតិនៅក្នុងភូមិ ប៊ិញអាន ធូរធារណាស់។ ក្រុមគ្រួសារនីមួយៗ មានក្របីយ៉ាងតិចពី ៣ ដល់ ៥ ក្បាល ហើយមានការងារបន្ទាប់បន្សំផ្សេងៗ ដូចជាជាងសំណង់ អភិវឌ្ឍន៍សេដ្ឋកិច្ចចម្ការព្រៃជាដើម..."។
អនុវត្តតាមទិសស្លោក "មានជីវិតរស់នៅប្រព្រឹត្តទៅដោយល្អទាំងផ្លូវលោកនិងផ្លូវធម៌" គណៈអភិបាលសមាគមព្រះពុទ្ធសាសនា វៀតណាម ខេត្ត ឡាង សឺន និងបងប្អូនជនជាតិជាច្រើនកុះករដែលកាន់សាសនាតែងតែសកម្មក្នុងការងារមនុស្សធម៌ជានិច្ច។
ដោយមានការស្រុះចិត្តស្រុះគំនិតពីបណ្ដាផ្នែកមានសមត្ថកិច្ច អាជ្ញាធរគ្រប់លំដាប់ថ្នាក់រួមជាមួយនឹងសហគមន៍បងប្អូនបណ្តាជនជាតិ ដែនដី ឡាង កំពុងមានជីវភាពរស់នៅខាងស្មារតីប្រកបដោយវិជ្ជមានស៊ីវីល័យនិងសាមគ្គីភាព
ទន្ទឹមនឹងការងារចលនារៃអង្គាស ជួយជ្រោមជ្រែងក្រុមគ្រួសារលំបាកលំបិន គណៈអភិបាលសមាគមព្រះពុទ្ធសាសនា វៀតណាម ខេត្ត ឡាងសឺន ថែមទាំងបានអំពាវនាវដល់ "សប្បុរសជន" ជូនផ្ទះមហាសាមគ្គី រួមដៃគ្នាសាង សង់ស្ពានសម្រាប់ការធ្វើដំណើររកស៊ីចិញ្ចឹមជីវិតនៃប្រជាជននៅបណ្តាឃុំលំបាកលំបិនលើភូមិសាស្រ្តនៃបណ្តាស្រុក ជីឡាំង ឌិញឡឹប ត្រាងឌិញ...
បំប៉ន់ចំណេះដឹងអំពីសាសនានិងការងារគ្រប់គ្រងនៃរដ្ឋអំពីជំនឿសាសនាដល់កម្មាភិបាលស្នូលដែលកំពុងបំពេញការងារនៅបណ្តាឃុំ ទីរួមស្រុក លើភូមិសាស្ត្រខេត្ត ឡាងសឺន ដែលបានរៀបចំឡើងដោយការិយាល័យសាសនាមន្ទីរមហាផ្ទៃខេត្ត ឡាងសឺន
សកម្មភាពជំនឿ សាសនារបស់បងប្អូនបណ្ដាជនជាតិនៅលើដែនដី ឡាង កំពុងឆ្ពោះទៅរកគោលដៅមហាសាមគ្គីភាពជាតិ អភិរក្សនិងពង្រីកអត្តសញ្ញាណវប្បធម៌ប្រពៃណី រួមគ្នាសម្រេចគោលដៅសេដ្ឋកិច្ច - សង្គមដើម្បីកសាងសហគមន៍ប្រកបដោយក្តីមេត្តា សន្តិភាព សម្បូរសប្បាយ សុភមង្គល៕
អត្ថបទនិងរូបថត៖ អាញ់ដាវ - ហ្វាងហា
