ក្នុងបរិបទនវានុវត្តន៍ច្នៃប្រតិដ្ឋ បរិវត្តកម្មឌីជីថល និងបរិវត្តកម្មបៃតងត្រូវបានជំរុញ ការរួមវិភាគទានរបស់កងកម្លាំងវ័យក្មេងក៏កំពុងតែប្តូរពីការចូលរួមច្នៃប្រតិដ្ឋទៅជាតម្លៃជាក់ស្តែងពិតប្រាកដប្រជា។
ក្នុងឆ្នាំ ២០២៥ បណ្ឌិត ង្វៀន វ៉ាន់បៀវ ប្រកាសព័ត៌មានអត្ថបទវិទ្យាសាស្ត្រចំនួន ៥ អត្ថបទនៅលើទស្សនាវដ្តីឯកទេសក្នុងស្រុក រួមទាំងអត្ថបទតួយ៉ាងផ្សេងៗដូចជា “សមមិត្ត ត្រឹន គ្វីកៀន ជាមួយនឹងស្រុកកំណើត ហាណូយ និងបដិវត្តន៍វៀតណាម” ផ្សាយនៅលើទស្សនាវដ្តីស្រាវជ្រាវប្រវត្តិសាស្ត្រ និង “រដ្ឋមន្ត្រី (សម័យដើម) ជូ ឌិញកេ តាមរយៈឯកសារប្រវត្តិសាស្ត្រផ្លូវការនៃរជ្ជកាល ង្វៀន” ផ្សាយនៅលើទស្សនាវដ្តីអប់រំ និងសង្គម។ សំណង់ទាំងឡាយផ្តោតសំខាន់លើប្រវត្តិបក្ស ប្រវត្តិបដិវត្តន៍ និងការស្រាវជ្រាវឥស្សរជនក្នុងប្រវត្តិសាស្ត្រ។
យោងតាមបណ្ឌិត ង្វៀន វ៉ាន់បៀវ ការចូលរួមដោយផ្ទាល់ទៅក្នុងសំណង់ជាក់លាក់ជួយឱ្យអ្នកស្រាវជ្រាវយល់កាន់តែច្បាស់អំពីតម្រូវការក្នុងដំណាក់កាលនាពេលបច្ចុប្បន្ន៖ ផលិតផលវិទ្យាសាស្ត្រមិនឈប់នៅត្រឹមការប្រកាសទេ តែត្រូវសំដៅលើលទ្ធភាពប្រើប្រាស់ក្នុងការអនុវត្តជាក់ស្តែងទៀតផង។ ទស្សនៈនេះសមស្របជាមួយនឹងស្មារតីនៃសេចក្តីសម្រេចចិត្តលេខ 57-NQ/TW ចុះថ្ងៃទី២២ ខែធ្នូ ឆ្នាំ២០២៤ របស់ការិយាល័យនយោបាយស្តីពីការអភិវឌ្ឍលោតផ្លោះនៃការអភិវឌ្ឍវិទ្យាសាស្ត្រ បច្ចេកវិទ្យា នវានុវត្តន៍ច្នៃប្រតិដ្ឋ និងបរិវត្តកម្មឌីជីថលជាតិ ក្នុងនោះសង្កត់ធ្ងន់លើតម្រូវការភ្ជាប់នឹងការស្រាវជ្រាវជាមួយនឹងការប្រើប្រាស់ លើកកម្ពស់ប្រសិទ្ធភាពនៃការរួមវិភាគទានរបស់វិទ្យាសាស្ត្រចំពោះការអភិវឌ្ឍ។
ដោយផ្អែកលើតថភាពជាក់ស្តែងនោះ បណ្ឌិត ង្វៀន វ៉ាន់បៀវ បានលើកឡើងថា គំនិតរបស់យុវជនក៏ត្រូវផ្លាស់ប្តូរទៅតាមទិសដៅជាក់ស្តែងជាងនេះ។ ខ្លឹមសារដូចជាបរិវត្តកម្មឌីជីថល បរិវត្តកម្មបៃតង ឬអភិវឌ្ឍប្រកបដោយចីរភាពមិនអាចដោះស្រាយដោយឡែកបានទេ ប៉ុន្តែតម្រូវឱ្យមានចក្ខុវិស័យរួម ដែលភ្ជាប់ទៅនឹងតម្រូវការជាក់លាក់នៃវិស័យនីមួយៗ។ ដូច្នេះហើយ តួនាទីរបស់យុវជនមិនត្រឹមតែបំពេញភារកិច្ចដែលបានប្រគល់ឲ្យនោះទេ គួរតែចូលរួមក្នុងដំណើរការដាក់សំណើវិធានការដោះស្រាយ ពិសោធន៍ជាមួយវិធីសាស្រ្តថ្មីៗ។ ប្រការនេះដាក់តម្រូវការខ្ពស់ទៅលើលទ្ធភាព ជាពិសេសគឺសមត្ថភាពក្នុងការវិភាគ សំយោគ និងដំណើរការក្នុងការងារ។
យោងតាមបណ្ឌិត ឡុក ធីធុយ លេខាសាខាសម្ពន្ធយុវជននៃបណ្ឌិត្យសភាស្រាវជ្រាវទ្វីបអឺរ៉ុប និងទ្វីបអាមេរិក (បណ្ឌិត្យសភាវិទ្យាសាស្ត្រសង្គមវៀតណាម) ដើម្បីឱ្យយុវជនបំពេញតម្រូវការថ្មី មុនដំបូងបង្អស់ត្រូវផ្លាស់ប្តូរផ្នត់គំនិតរបស់ពួកគេអំពីនវានុវត្តន៍ច្នៃប្រតិដ្ឋជាមុនសិន។ អាចចាប់ផ្តើមពីការកែលម្អរបៀបធ្វើការ បង្កើនប្រសិទ្ធភាពការងារ និងផ្សារភ្ជាប់ជាមួយនឹងតម្រូវការជាក់ស្តែង។ យុវវ័យត្រូវរៀនសូត្រយ៉ាងសកម្ម ពង្រឹងជំនាញរបស់ខ្លួន និងភ្ជាប់ជាមួយនឹងការងាររបស់ពួកគេជាមួយនឹងតម្រូវការជាក់ស្តែង។
ខណៈពេលបង្កើតលក្ខណ្ឌអំពីបរិស្ថាន យន្តការ និងឱកាសខិតចូលជិតនឹងចំណេះដឹង យុវជនអាចពង្រីកតួនាទីនាំមុខគេយ៉ាងពេញលេញក្នុងការធ្វើនវានុវត្តន៍ច្នៃប្រតិដ្ឋ បរិវត្តកម្មឌីជីថល និងបរិវត្តកម្មបៃតង។ ប្រការសំខាន់គឺ បុគ្គលម្នាក់ៗត្រូវតែកំណត់ទិសដៅរបស់ខ្លួន ព្យាយាមនឹងគោលដៅដែលខ្លួនបានជ្រើសរើស និងបង្កើនសមត្ថភាពរបស់ខ្លួន ដើម្បីរួមវិភាគទានកាន់តែមានប្រសិទ្ធភាពសម្រាប់ការងារ និងសង្គមបន្តិចម្តងៗ៕
ផលិត៖ ថាញ់ហឿង - យីវធុយ
ប្រែសម្រួល៖ អៀងថាន់
