គួរកត់សម្គាល់ ដើម្បីធានាទំនៀមទម្លាប់ប្រពៃណីដ៏ល្អនិងដ៏ប្រសើរនៅកន្លែងគោរពបូជា សមាគមព្រះសង្ឃសាមគ្គីស្នេហាជាតិនៃទីក្រុងបានសង្កត់ធ្ងន់លើសារៈសំខាន់នៃការអប់រំពុទ្ធបរិស័ទកុំចូលរួមនូវសកម្មភាពអបិយជំនឿ ជាពិសេសកុំរៀបចំ ឬកុំលេងល្បែងបង្កគ្រោះថ្នាក់ដូចជាការប៉ាតម្សៅ គប់ម្សៅ ឬបាញ់ទឹកជាដើម។ សមាគមចាត់ទុកសកម្មភាពទាំងនេះថាមិនប្រកបទៅដោយអរិយធម៌ បង្កឲ្យបាត់សោភណភាព បង្កគ្រោះថ្នាក់ដល់អ្នកនៅជុំវិញ ហើយអាចប៉ះពាល់ដល់សណ្តាប់ធ្នាប់ សន្តិសុខសាធារណៈ ជាហេតុធ្វើឱ្យបាត់វប្បធម៌ប្រពៃណីដ៏ល្អផូរផង់របស់បងប្អូនជនជាតិខ្មែរ។ ព្រះចៅអធិការវត្ត និងគណៈកម្មការវត្តមានភារកិច្ចរំលឹក មិនគាំទ្រសកម្មភាពខុសឆ្គងទាំងនេះជាដាច់ខាត ណែនាំពុទ្ធបរិស័ទឱ្យគោរពតាមបទប្បញ្ញត្តិយ៉ាងហ្មត់ចត់។
ដើម្បីពិធីបុណ្យប្រព្រឹត្តទៅក្នុងបរិយាកាសសុខដុមរមនា និងសប្បាយរីករាយ ព្រះឧបជ្ឈាយ៍ តាំង ណូ ប្រធានសមាគមព្រះសង្ឃសាមគ្គីស្នេហាជាតិទីក្រុងស្នើដល់ព្រះចៅអធិការ គណៈកម្មការ អាចារ្យ ញោមវត្ត និងអ្នកមានប្រជាប្រិយភាពទាំងអស់ត្រៀមលក្ខណៈរៀបចំពិធីកិច្ចសាសនាត្រឹមត្រូវទៅតាមគន្លងធម៌ ពិធីកិច្ចប្រពៃណី និងបទប្បញ្ញត្តិច្បាប់។
អំពីសកម្មភាពកម្សាន្តទាំងឡាយ សមាគមជំរុញទឹកចិត្តស្ថាប័នសាសនានានាបង្កើតលម្ហប្រជុំជីវភាពម្លាភាព ត្រឹមត្រូវល្អឆ្លងតាមរយៈការរៀបចំការសម្តែងតន្ត្រី របាំប្រពៃណី រាំវង់ បទចម្រៀងប្រជាប្រិយ និងល្បែងប្រជាប្រិយដូចជា បាល់ទាត់ បាល់ទះ អុក និងល្បែងទាញព្រ័ត្រជាដើម។ សកម្មភាពទាំងនេះគួរតែផ្សារភ្ជាប់ជាមួយនឹងស្មារតីរីករាយ កក់ក្តៅ និងសន្សំសំចៃ។
ក្រៅពីនេះ ការងារធានាសន្តិសុខ សណ្តាប់ធ្នាប់ ការបង្ការ គ្រប់គ្រងអគ្គីភ័យ និងការអភិរក្សបរិស្ថានក្នុងនិងបន្ទាប់ពីឱកាសពិធីបុណ្យក៏ត្រូវបានសមាគមព្រះសង្ឃសាមគ្គីស្នេហាជាតិនៃទីក្រុង កឹនធើ ស្នើឱ្យវត្តអារាមនានាសហការយ៉ាងជិតស្និទ្ធជាមួយអាជ្ញាធរមូលដ្ឋាន "ភ្លឺ បៃតង ស្អាត និងស្រស់ស្អាត"។
ជាក់ស្តែងក្នុងប៉ុន្មានឆ្នាំថ្មីៗនេះ ល្បែងទាំងឡាយដូចជាការជះទឹក ប៉ាតម្សៅបានបង្កើតមតិផ្ទុយគ្នាជាច្រើន។ អ្នកខ្លះថាសកម្មភាពទាំងនេះគឺនាំមកនូវភាពសប្បាយរីករាយ ជូនពរសំណាងល្អសម្រាប់បុណ្យចូលឆ្នាំ រីឯអ្នកខ្លះទៀតថានេះជាទំនោរចម្លងចូល មិនសមស្របទាំងស្រុងជាមួយនឹងវប្បធម៌ដើម។ ទោះបីជាលក្ខណៈនៃការជះទឹកស្រាលៗ ឬក៏ការប៉ាតម្សៅមិនមែនជារឿងអាក្រក់ក៏ដោយ ប៉ុន្តែជាក់ស្តែង សកម្មភាពទាំងនេះភាគច្រើនបង្កើតឱ្យមានការវិបល្លាសពិបាកគ្រប់គ្រង។ តួយ៉ាងស្ថានភាពប្រើប្រាស់កាំភ្លើងទឹក គប់ម្សៅចំទៅចូលមុខ ចូលភ្នែក ឬសូម្បីតែអ្នកមិនចូលរួមក្នុងពិធីបុណ្យ អ្នកបើកបរតាមផ្លូវ។
សកម្មភាពហួសហេតុ បម្រែបម្រួលទ្រង់ទ្រាយទាំងនេះបានធ្វើឱ្យអត្ថន័យវិជ្ជមានដើមថយចុះ នាំឱ្យមានគ្រោះថ្នាក់ ជម្លោះ និងបង្កើតរូបភាពមិនសមក្នុងពិធីបុណ្យ។ អនុសាសន៍របស់សមាគមព្រះសង្ឃសាមគ្គីស្នេហាជាតិទីក្រុងកឹនធើបានដាក់ចេញពីគោលដៅខ្ពស់បំផុត៖ ដើម្បីជួយប្រជាជនអបអរសាទរបុណ្យចូលឆ្នាំថ្មីប្រពៃណីជាតិតាមរបៀបរីករាយ សុវត្ថិភាព និងអរិយធម៌ជាង៕
អត្ថបទ៖ ទ្រុង កៀន
ប្រែសម្រួល៖ សឺន ហេង
