ដោយមានគោលការណ៍បច្ចេកវិទ្យាទូទៅមិនជំនួសគ្រូបង្រៀនទេ ប៉ុន្តែផ្ទុយទៅវិញអាចផ្តល់អំណាច និងលើកកម្ពស់អ្នករៀន គំរូនៃការអនុវត្តបញ្ញាសិប្បនិម្មិត (AI) ក្នុងការបង្រៀនខ្លឹមសារអប់រំមូលដ្ឋាន សាកល្បងដោយនាយកដ្ឋានអប់រំ និងបណ្តុះបណ្តាលទីក្រុងហាណូយនៅក្នុងសាលារៀនជាច្រើននៅក្នុងទីក្រុង បានផ្តល់លទ្ធផលគួរឱ្យជំរុញទឹកចិត្ត។
យោងតាមអនុប្រធានគណៈកម្មាធិការប្រជាជនទីក្រុង ហាណូយ លោក ទ្រឿង វៀតយុង បន្ទាប់ពីតាមដានរបាយការណ៍ និងជួបប្រទះដោយផ្ទាល់នូវគំរូនៅក្នុងកម្មវិធី ក៏ដូចជាការស្តាប់បទបង្ហាញរបស់សិស្ស អាចបញ្ជាក់បានថា ការសាកល្បងគំរូកម្មវិធី AI ក្នុងការបង្រៀនគឺជាជំហានមួយក្នុងទិសដៅត្រឹមត្រូវ ត្រូវបានរៀបចំយ៉ាងម៉ត់ចត់ និងបង្ហាញលទ្ធផលជាក់ស្តែងដំបូង។
លោកបានកោតសរសើរយ៉ាងខ្លាំងចំពោះស្មារតីសកម្ម និងភាពច្នៃប្រឌិតថ្មីរបស់មន្ទីរអប់រំ និងបណ្តុះបណ្តាល មន្ទីរវិទ្យាសាស្ត្រ និងបច្ចេកវិទ្យាមូលដ្ឋាន។ នៅក្នុងបរិបទនៃបរិវត្តកម្មឌីជីថល និងបញ្ញាសិប្បនិម្មិត ផ្លាស់ប្តូរវិធីសាស្រ្តនៃការរៀនសូត្រ ការធ្វើការ និងការគ្រប់គ្រងសង្គមយ៉ាងឆាប់រហ័ស ការអប់រំមិនអាចឈរមួយកន្លែងបានទេ។ ទោះជាយ៉ាងណាក៏ដោយ ការអប់រំមិនអាចចូលទៅជិតបច្ចេកវិទ្យាតាមរបៀបគ្រាន់តែធ្វើតាមនិន្នាការនោះទេ។ មន្ទីរអប់រំរដ្ឋធានីដំបូងឡើយបានដោះស្រាយបញ្ហានេះដោយមានផ្នត់គំនិតត្រឹមត្រូវ៖ ការដាក់បច្ចេកវិទ្យានៅក្នុងទីតាំងត្រឹមត្រូវជាឧបករណ៍មួយដើម្បីកែលម្អគុណភាពនៃការបង្រៀន និងការរៀនសូត្រ ពង្រីកលំហអប់រំ និងអភិវឌ្ឍជំនាញរបស់សិស្ស សមត្ថភាពសិក្សាដោយខ្លួនឯង ជំនាញបដិវាទកម្ម និងភាពច្នៃប្រតិដ្ឋ។
យោងតាមលោក ង្វៀន វ៉ាន់ហៀន នាយកមន្ទីរអប់រំ និងបណ្តុះបណ្តាលទីក្រុងហាណូយ ដោយផ្អែកលើលទ្ធផលនៃកម្មវិធីសាកល្បង និងការអភិវឌ្ឍផែនទីបង្ហាញផ្លូវសមស្រប និងមានប្រសិទ្ធភាពសម្រាប់ការពង្រីក វិស័យអប់រំដំបូងនឹងផ្តោតលើការបណ្តុះបណ្តាលគ្រូបង្រៀន និងសម្របសម្រួលជាមួយអង្គភាពដៃគូ ដើម្បីបំពេញមូលដ្ឋានទិន្នន័យ និងប្រព័ន្ធអេកូឡូស៊ីសម្រាប់ការអប់រំ។
កម្មវិធីសាកល្បងអនុវត្តបញ្ញាសិប្បនិម្មិត (AI) ក្នុងការបង្រៀនខ្លឹមសារអប់រំមូលដ្ឋានត្រូវបានអនុវត្តដោយមន្ទីរអប់រំ និងបណ្តុះបណ្តាលទីក្រុងហាណូយ នៅសាលាមធ្យមសិក្សាចំនួនបីគឺ ទ្រឹងវឿង (សង្កាត់ កឿណាម) ឃឿងធឿង (សង្កាត់ គីមលៀន) និង មិញចូវ (ឃុំ មិញចូវ)។ ក្នុងរយៈពេលដ៏ខ្លី គំរូនេះបានផ្តល់លទ្ធផលគួរឱ្យលើកទឹកចិត្តយ៉ាងខ្លាំង៖ គម្រោងសិក្សាចំនួន ៣៧៤ ត្រូវបានបញ្ចប់ កន្លែងតាំងពិព័រណ៍ឌីជីថលចំនួន ២០៦ ត្រូវបានសាងសង់ និងវត្ថុបុរាណបេតិកភណ្ឌជិត ៣.០០០ ត្រូវបានឌីជីថល។ អ្វីដែលសំខាន់នោះគឺ ១០០% នៃសិស្សចូលរួមអាចកំណត់អត្តសញ្ញាណ និងវិភាគព័ត៌មានពី AI ដោយបដិវាទកម្ម។ នេះបង្ហាញថា ប្រសិនបើរៀបចំបានត្រឹមត្រូវ ការអប់រំឌីជីថលមិនធ្វើឱ្យសិស្ស "ពឹងផ្អែកលើបច្ចេកវិទ្យា" ទេ ប៉ុន្តែផ្ទុយទៅវិញ ជួយពួកគាត់ឱ្យក្លាយជាពលរដ្ឋឌីជីថលឯករាជ្យ និងមានទំនួលខុសត្រូវ។
ការអនុវត្តជាក់ស្តែងក៏បង្ហាញពីសញ្ញាវិជ្ជមានខ្លាំងមួយផងដែរ៖ គ្រូបង្រៀនបានសម្របខ្លួនយ៉ាងឆាប់រហ័ស ហើយសិស្សមានចំណាប់អារម្មណ៍ និងមានភាពសកម្មជាងមុន។ គំរូនេះក៏អាចត្រូវបានអនុវត្តក្នុងលក្ខខណ្ឌផ្សេងៗគ្នាជាច្រើនផងដែរ។ រូបភាពរបស់សិស្សនៅតំបន់មានការលំបាកនៅតែបង្កើតផលិតផលឌីជីថលមានគុណភាពខ្ពស់គឺជាភស្តុតាងច្បាស់លាស់។
ប្អូន ភឿង ធីង៉ុកឌៀប ជាសិស្សថ្នាក់ទី៧ នៅសាលាមធ្យមសិក្សា មិញចូវ (ឃុំ មិញចូវ) បានឲ្យដឹងថា ការចូលប្រើប្រាស់បច្ចេកវិទ្យាព័ត៌មាននៅសាលារបស់ប្អូនគឺងាយស្រួលណាស់ ដោយសារការជំនួយពីលោកគ្រូអ្នកគ្រូរបស់ប្អូន។ ប្អូន និងមិត្តរួមថ្នាក់ចូលកៀកជិតផ្ទាល់ពីរបៀបដែលមនុស្សយន្តដំណើរការ។ តាមរយៈការអនុវត្តបញ្ញាសិប្បនិម្មិត ប្អូន និងមិត្តរួមថ្នាក់ យល់ថាមានប្រយោជន៍ខ្លាំងណាស់ មិនត្រឹមតែនៅក្នុងការសិក្សាប៉ុណ្ណោះទេ ថែមទាំងនៅក្នុងជីវិតប្រចាំថ្ងៃផងដែរ។ ប្អូនក៏មានទំនុកចិត្ត និងមានការលើកទឹកចិត្តកាន់តែច្រើនក្នុងការស្វែងយល់ពីបញ្ហាវិទ្យាសាស្ត្រ និងបច្ចេកវិទ្យាដោយខ្លួនឯងផងដែរ។
នៅក្នុងសង្កាត់ កឿណាម សាលារៀន ១០០% បានអនុវត្តបរិវត្តកម្មឌីជីថលយ៉ាងសកម្មក្នុងសកម្មភាពគ្រប់គ្រង ការបង្រៀន និងការសិក្សា បង្កើតជារបកគំហើញមួយក្នុងការអប់រំក្នុងយុគសម័យឌីជីថល។ ក្នុងចំណោមនោះ សាលាមធ្យមសិក្សា ទ្រឹងវឿង ត្រូវបានចាត់តាំងភារកិច្ចនាំមុខគេក្នុងការអនុវត្តបញ្ញាសិប្បនិម្មិត និងបច្ចេកវិទ្យាឌីជីថលក្នុងការបង្រៀនខ្លឹមសារអប់រំក្នុងស្រុក។ ចាប់ពីការប្រមូលព័ត៌មាន និងការផ្ទៀងផ្ទាត់ រហូតដល់ការបង្កើតរូបភាពបង្ហាញ ការជួបប្រទះមេរៀនឌីជីថលក្នុងទម្រង់ជាសារមន្ទីរការពិតនិម្មិត និងការកសាងធនធានសម្រាប់សារមន្ទីរឌីជីថល គំរូនេះកំពុងបើកវិធីសាស្រ្តថ្មីមួយ រួមចំណែកដល់ការកែលម្អប្រសិទ្ធភាពនៃការបង្រៀន និងលើកកម្ពស់ជំនាញឌីជីថលសម្រាប់សិស្ស។
ត្រឹន ទ្វេ ខាញ់ ជាសិស្សថ្នាក់ទី ៧ មកពីសាលាមធ្យមសិក្សា ទ្រឹងវឿង បានឲ្យដឹងថា ចំណេះដឹងអំពី AI គឺពិតជាថ្មីស្រឡាង ហើយពោរពេញដោយបញ្ហាប្រឈម ប៉ុន្តែប្ងូនយល់ថាគួរឱ្យរីករាយណាស់ ហើយបានផ្តល់ឱ្យប្អូននូវចំណេះដឹងមានប្រយោជន៍ជាច្រើន។ ប្អូនបានទទួលការជំនួយយ៉ាងសកម្មពីគ្រូបង្រៀន និងលក្ខខណ្ឌអំណោយផលពីសាលា ហើយបានរៀនដោយឯករាជ្យអំពីរបៀប AI ប្រមូលទិន្នន័យ និងរបៀបដំណើរការ។
ដោយផ្អែកលើលទ្ធផលដំបូងទាំងនេះ មន្ទីរអប់រំ និងបណ្តុះបណ្តាលទីក្រុងហាណូយ បានសម្រេចចិត្តបន្តកែលម្អគំរូ និងពង្រីកការអនុវត្តរបស់ខ្លួនបន្តិចម្តងៗ ស្របតាមផែនទីបង្ហាញផ្លូវសមស្របមួយ។ ក្នុងពេលជាមួយគ្នានេះ ផ្តោតលើការអភិវឌ្ឍប្រព័ន្ធអេកូឡូស៊ីធនធានសិក្សាឌីជីថល បណ្តុះបណ្តាលគ្រូបង្រៀន និងពង្រឹងការសម្របសម្រួលជាមួយនាយកដ្ឋាន ភ្នាក់ងារ និងអង្គភាពបច្ចេកវិទ្យា ដើម្បីធានាបាននូវការអនុវត្តដែលស៊ីសង្វាក់គ្នា មានប្រសិទ្ធភាព និងប្រកបដោយចីរភាព៕
អត្ថនិងរូបថត៖ ង្វៀន កុក (ទីភ្នាក់ងារពត៌មានវៀតណាម)
ប្រែសម្រួល៖ សឺន ហេង
