រឿងរ៉ាវរបស់គ្រួសារអ្នកស្រី ង្វៀន ធីធូ (ភូមិ មៃថាញ់ ១) គឺជាសក្ខីភាព។ ផ្តើមពីគោពូជមួយក្បាលដែលបានផ្តល់ឧបត្ថម្ភដំបូង រហូតដល់ឥឡូវនេះ គ្រួសារអ្នកស្ត្រីបានអភិវឌ្ឍហ្វូងគោឡើងដល់ ១៣ ក្បាល រួមមាន៖ គោញីពូជ ៦ ក្បាល គោឈ្មោល ៣ ក្បាល ក្រៅពីចំនួននោះជាគោសាច់។ លទ្ធផលនេះមិនត្រឹមតែជួយគ្រួសាររួចផុតពីភាពក្រីក្រប៉ុននោះទេ ថែមទាំងមានសន្និច្ច័យដើម្បីវិនិយោគអភិវឌ្ឍសេដ្ឋកិច្ចបន្តទៀតផង។ យោងតាមអ្នកស្រី ធូ កត្តាសម្រេចមិនមែនត្រឹមតែស្ថិតនៅប្រភពឧបត្ថម្ភប៉ុននោះទេថែមទាំងស្ថិតនៅលើភាពម្ចាស់ការក្នុងវិធីសាស្ត្រធ្វើទៀតផង។ ការឆ្លៀតប្រើប្រាស់អនុផលកសិកម្មដូចជាដើមពោត ចំបើង ដើមសណ្តែកក្រោយពីប្រមូលផលធ្វើជាចំណីបានជួយកាត់បន្ថយចំណាយក្នុងការចិញ្ចឹមសត្វគួរឱ្យកត់សម្គាល់។ រួមជាមួយនឹងនោះ ប្រភពស្មៅធម្មជាតិដ៏បរិបូរនៅតំបន់មាត់ព្រៃធានាប្រភពចំណីស្ថិរភាពសម្រាប់ហ្វូងសត្វចតុបាទទាំងក្នុងរដូវវស្សានិងរដូវប្រាំង។
“កាលពីមុននេះ គ្រួសារខ្ញុំជួបការលំបាកលំបិនជាច្រើនដោយសារខ្វះសម្ភារៈផលិតកម្ម។ ចាប់តាំងពីពេលទទួលបានការឧបត្ថម្ភគោពូជនិងការណែនាំបច្ចេកទេសជាប្រចាំ ហ្វូងសត្វចតុបាទរីកចម្រើនល្អ សេដ្ឋកិច្ចគ្រួសារខ្ញុំមានស្ថិរភាពបន្តិចម្តងៗ ហើយបានរួចផុតពីភាពក្រីក្រ” - អ្នកស្រី ធូ ចែករំលែកដូច្នេះ។
យោងតាមគណៈកម្មាធិការប្រជាជនឃុំ ហាមថាញ់ ក្នុងរចនាសម្ព័ន្ធសេដ្ឋកិច្ច កសិកម្មបន្តរក្សាតួនាទីចម្បង។ ផ្ទៃដីដាំដុះទាំងអស់សម្រេចបានជិត ៩.០០០ ហិកតា ក្នុងនោះស្រកានាគជាដំណាំចម្បងដោយមានផ្ទៃដីជាង ២.០០០ ហិកតា ចូលរួមចំណែកយ៉ាងសំខាន់ដល់ប្រាក់ចំណូលរបស់ប្រជាជន។ ទន្ទឹមនឹងការដាំដំណាំ ការចិញ្ចឹមសត្វក៏អភិវឌ្ឍប្រកបដោយស្ថិរភាពជាបង្គួរផងដែរដោយមានហ្វូងជ្រូកទាំងអស់ជាង ៥៥.០០០ ក្បាល។ ការងារបង្ការ ប្រយុទ្ធប្រឆាំងនឹងជំងឺរាតត្បាតលើសត្វចិញ្ចឹមត្រូវបានអនុវត្តដ៏មានរបៀបរបប រួមចំណែកកាត់បន្ថយហានិភ័យនិងធានាផលិតកម្មប្រកបដោយនិរន្តរភាព។
ដោយមានការកំណត់ទិសដៅច្បាស់លាស់ ដំណោះស្រាយស៊ីចង្វាក់នឹងគ្នាទាំងស្រុងនិងការប្តេជ្ញាចិត្តខ្ពស់របស់ប្រព័ន្ធនយោបាយទាំងមូលជាមួយនឹងប្រជាជន ហាមថាញ់ កំពុងបញ្ជាក់លទ្ធភាពផ្ទាល់ខ្លួនពីមួយជំហានទៅមួយជំហាន ឆ្ពោះទៅរកគោលដៅនៃការអភិវឌ្ឍប្រកបដោយចីរភាព៕
អត្ថបទ៖ ហុងហៀវ
ប្រែសម្រួល៖ ពេជ្រពិសិដ្ឋ
