សមាជិកនៅក្នុងសាខាបក្ខភាគនីមួយៗនឹងបានណែនាំដោយផ្ទាល់នៅលើកុំព្យូទ័រយួរដៃ ទូរស័ព្ទ ក៏ដូចជាការកែអក្ខរាវិរុទ្ធដល់ការបង្កើតវីដេអូផ្សព្វផ្សាយដោយប្រើកម្មវិធី (AI)។ សកម្មភាពណែនាំនេះនឹងត្រូវបានធ្វើបច្ចុប្បន្នភាពជាប្រចាំនៅលើក្រុម Zalo របស់សាខាបក្ខភាគ ដើម្បីឱ្យពួកគេអាចធ្វើការដោយផ្ទាល់ផង ហើយបានពន្យល់ប្រាប់ភ្លាមៗក្នុងអំឡុងពេលបំពេញការងារផង។
លោកស្រី ថាយ ង៉ុកបាវត្រឹម ប្រធានសម្ពន្ធសមាគមនារីខេត្ត ដុងថាប ចែករំលែកថា គំរូ "ទូតសុច្ឆន្ទៈឌីជីថល" ជាបរិស្ថានសម្រាប់កម្មាភិបាល បក្ខជនលត់ដំពង្រឹងបំណិនឌីជីថល ប្រើប្រាស់យ៉ាងស្ទាត់ឧបករណ៍ឌីជីថល កម្មវិធីនៅក្នុងប្រព័ន្ធសមាគម សេវាសាធារណៈតាមប្រព័ន្ធអនឡាញ ប្រើកម្មវិធីបញ្ញាសិប្បនិម្មិត (AI)។
ទន្ទឹមនោះ ជួយណែនាំសមាជិកសមាគមនារី និងប្រជាជនប្រើប្រាស់បំណិនឌីជីថលសារវន្ត សុវត្ថិភាពក្នុងការរស់នៅ និងក្នុងការងារ។ គំរូនេះក៏ជាវេទិកាសម្រាប់សាយភាយវប្បធម៌ឌីជីថលផងដែរ។ សមាជិកម្នាក់ៗជួយយ៉ាងហោចណាស់កម្មាភិបាលម្នាក់ ឬសមាជិកសមាគមនារីម្នាក់ ឬក៏ប្រជាជនដែលមានបំណិនឌីជីថលនៅមានកម្រិត។ សមាជិកម្នាក់ៗក៏ធ្វើជាគំរូដោយប្រើប្រាស់សេវាសាធារណៈតាមប្រព័ន្ធអនឡាញ ការទូទាត់ឌីជីថល និងអាកប្បកិរិយាគួរសមនៅលើប្រព័ន្ធអ៊ីនធឺណិត។
យោងតាមលោកស្រី ដាំង ថាញ់ញឺ សមាជិកអចិន្ត្រៃយ៍នៃសម្ពន្ធសមាគមនារីខេត្ត អ្នកឯកទេសនៃគណៈកម្មការកិច្ចការនារីនៃរណសិរ្សមាតុភូមិខេត្ត ដុងថាប ដើម្បីឱ្យគំរូ "ទូតសុច្ឆន្ទៈឌីជីថល" ត្រូវបានដំណើរការប្រកបដោយប្រសិទ្ធភាព សមាជិកត្រូវស្ទាត់ជំនាញ ប្រតិបត្តិការឌីជីថល ព្រមទាំងរៀនជំនាញទន់ និងជំនាញវិជ្ជាជីវៈបន្ថែមដោយខ្លួនឯង ដើម្បីបម្រើការងារឃោសនា។ លោកស្រី ញឺ ក៏បានចូលរួមក្នុងថ្នាក់រៀនប្រើប្រាស់បច្ចេកវិទ្យាព័ត៌មាន (AI, Chat Copilot, Chat Gemini, Chat GPT, AIVA chat, Canva, Suno ជាដើម) មានអត្ថប្រយោជន៍ ដើម្បីបំពេញតម្រូវការបរិវត្តកម្មឌីជីថលនៅក្នុងកិច្ចការរបស់សមាគម។
រយៈពេលកន្លង បងស្រី ញឺ បានណែនាំថ្នាក់បណ្តុះបណ្តាលបង្កើនបំណិនប្រើប្រាស់បច្ចេកវិទ្យា ឌីជីថលក្នុងការងារសមាគមនៅមូលដ្ឋានចំនួន ៩ ថ្នាក់ ដោយមានកម្មាភិបាលសមាគម សាខាក្រុមសមាគមជាង ៤៨០ នាក់ចូលរួម។ បងស្រីក៏បានណែនាំ ចែករំលែក និងជួយតាមប្រព័ន្ធអនឡាញអំពីបំណិនបច្ចេកវិទ្យាឌីជីថលឱ្យកម្មាភិបាលជាង ៣៧០ លើកនាក់។ លើសពីនេះ បងស្រីនៅបានរចនាឯកសារផ្សព្វផ្សាយ និងវីដេអូរស់រវើកគួរឱ្យចាប់អារម្មណ៍ទៀតផង ណែនាំ និងជួយសមាគមនារីឃុំ សង្កាត់កសាង បង្កបង្កើត និងបន្តរក្សាការធ្វើសកម្មភាពគំរូឌីជីថលដូចជា៖ គ្រួសារឌីជីថល នារីឌីជីថល សាខាសមាគមឌីជីថល ក្រុមបច្ចេកវិទ្យាឌីជីថលសហគមន៍។
ក្នុងរយៈពេលកន្លង សមាគមនារីខេត្តបានជំរុញការប្រើប្រាស់បច្ចេកវិទ្យាព័ត៌មាន និងបរិវត្តកម្មឌីជីថលយ៉ាងវិជ្ជមានក្នុងការងារគ្រប់គ្រង និងប្រតិបត្តិការ។ អាស្រ័យហេតុនោះ ប្រសិទ្ធភាពសកម្មភាពរបស់សមាគមត្រូវបានធ្វើឱ្យប្រសើរឡើងបន្តិចម្តងៗ។ បច្ចុប្បន្ននេះ ១០០% លិខិតត្រូវបានដំណើរការតាមប្រព័ន្ធអេឡិចត្រូនិក កិច្ចប្រជុំតាមប្រព័ន្ធអនឡាញត្រូវបានរៀបចំឡើងជាប្រចាំ រួមចំណែកធានាលំហូរព័ត៌មានរលូនពីថ្នាក់ខេត្តដល់មូលដ្ឋាន។
បងស្រី ង្វៀន ធីគុក មានប្រសាសន៍បន្ថែម ទន្ទឹមនឹងនោះដែរ ទិន្នន័យសមាជិកសមាគមត្រូវបានឌីជីថលរូបនីយកម្មបន្តិចម្តងៗ បម្រើការងារគ្រប់គ្រង និងពិនិត្យតាមដានប្រកបដោយប្រសិទ្ធភាព។ កិច្ចការផ្សព្វផ្សាយក៏មានការប្រែប្រួលថ្មីជាច្រើនតាមរយៈការទាញយកថ្នាលឌីជីថលដូចជា Zalo, Facebook, fanpage និងទំព័រព័ត៌មានអេឡិចត្រូនិករបស់សមាគម ជួយឱ្យព័ត៌មានត្រូវបានសាយភាយយ៉ាងឆាប់រហ័ស និងទូលំទូលាយ។ ស្របពេលនោះ កងជួរកម្មាភិបាលសមាគមបង្កើនលទ្ធភាព បំណិនឌីជីថលឥតឈប់ឈរ។ សកម្មប្រើបច្ចេកវិទ្យាដើម្បីបំពេញភារកិច្ច រួមចំណែកកសាងអង្គការសមាគមកាន់តែទំនើប វិជ្ជាជីវៈពីមួយថ្ងៃទៅមួយថ្ងៃ បំពេញតម្រូវ ការអភិវឌ្ឍន៍ក្នុងដំណាក់កាលថ្មី៕
អត្ថបទ និងរូបថត៖ ហុងញុង
ប្រែសម្រួល៖ អៀងថាន់
