អញ្ជើញថ្លែងសុន្ទរកថាក្នុងពិធីជួបជុំ លោកស្រី ហូ ធី កឹមដាវ អនុលេខាធិការនៃគណៈកម្មាធិការបក្សក្រុង និងជាប្រធានគណៈកម្មាធិការរណសិរ្សមាតុភូមិវៀតណាមនៃទីក្រុង កឹនធើ បានជូនពរ និងប្រគេនពរឆ្នាំថ្មីប្រពៃណីខ្មែរដ៏រីករាយដល់ព្រះសង្ឃ គ្រួសារគោលនយោបាយ កម្មាភិបាល និងយុទ្ធជនខ្មែរ។
លោកស្រី ហូ ធី កឹមដាវ បានបញ្ជាក់ថា គោលនយោបាយរបស់បក្ស និងរដ្ឋចំពោះប្រជាជនខ្មែរត្រូវបានអនុវត្តយ៉ាងម៉ឺងម៉ាត់ និងទូលំទូលាយ ចាប់ពីការកៀរគរប្រាក់រាប់ពាន់លានដុង រហូតដល់ការវិនិយោគលើហេដ្ឋារចនាសម្ព័ន្ធសំខាន់ៗ រហូតដល់ការអភិរក្ស និងលើកកម្ពស់អត្តសញ្ញាណវប្បធម៌ជនជាតិ។ កិច្ចខិតខំប្រឹងប្រែងទាំងនេះបានធ្វើឱ្យប្រសើរឡើងយ៉ាងខ្លាំងនូវជីវិតសម្ភារៈ និងស្មារតីរបស់ជនជាតិភាគតិច និងពង្រឹងបន្ថែមទៀតនូវសាមគ្គីប្រជាជាតិ។
ទោះជាយ៉ាងណាក៏ដោយ ថ្នាក់ដឹកនាំក្រុងក៏បានទទួលដោយស្មោះត្រង់ចំពោះបញ្ហាប្រឈមនៅសេសសល់ផងដែរ ដោយសារអត្រាភាពក្រីក្រក្នុងចំណោមបងប្អូនជនជាតិ ខ្មែរ នៅតែដង់ស៊ីតេខ្ពស់បើប្រៀបធៀបទៅនឹងមធ្យមភាគសរុប ហើយការប្រែប្រួលអាកាសធាតុ និងការជ្រាបចូលទឹកប្រៃនៅតែបន្តប៉ះពាល់យ៉ាងធ្ងន់ធ្ងរដល់ជីវភាពរស់នៅរបស់បងប្អូនជនជាតិ ខ្មែរ និយាយរួម។
ប្រធានគណៈកម្មាធិការរណសិរ្សមាតុភូមិវៀតណាមនៃទីក្រុងបានស្នើឱ្យគណៈកម្មាធិការបក្ស និងអាជ្ញាធរបន្តផ្តល់អាទិភាពដល់ការអនុវត្តដំណោះស្រាយស្តីពីកិច្ចការជនជាតិប្រកបដោយប្រសិទ្ធភាព ជំរុញយ៉ាងខ្លាំងក្លាការអនុវត្តវិទ្យាសាស្ត្រ និងបច្ចេកវិទ្យាក្នុងផលិតកម្មដើម្បីបង្កើនប្រាក់ចំណូលជូនប្រជាជន។ ស្របពេលនោះ ក្រុងនឹងបន្តផ្តោតលើការអប់រំ រក្សាការបង្រៀនភាសាខ្មែរ ផ្តល់ការថែទាំសុខភាពសម្រាប់គោលដៅគោលនយោបាយ និងធ្វើការរៀបចំយ៉ាងហ្មត់ចត់សម្រាប់ពិធីបុណ្យប្រពៃណីរបស់បងប្អូនជនជាតិខ្មែរ។
ថ្នាក់ដឹកនាំទីក្រុងបានជូនអំណោយដល់ព្រះសង្ឃនិងបណា្តសមណស័ក្តិពុទ្ធសាសនាទក្ខិណនិកាយ ខ្មែរ នៅលើមូលដ្ឋាន បង្ហាញពីការយកចិត្តទុកដាក់យ៉ាងជ្រាលជ្រៅរបស់គណៈកម្មាធិការបក្ស និងអាជ្ញាធរទីក្រុងចំពោះជីវភាពខាងព្រលឹងវិញ្ញាណរបស់បងប្អូនជនជាតិ កត់សម្គាល់នៃការចូលរួមចំណែកវិជ្ជមានរបស់សមណស័ក្តិក្នុងការរក្សាអត្តសញ្ញាណវប្បធម៌ និងកសាងភូមិស្រុកកាន់តែរីកចម្រើន សម្បូររុងរឿង។
នៅថ្ងៃដដែលនោះ គណៈប្រតិភូដឹកនាំដោយអនុប្រធានអចិន្ត្រៃយ៍នៃក្រុមប្រឹក្សាប្រជាជនក្រុង លោកស្រី ម៉ា ធីទឺយ អញ្ជើញសួរសុខទុក្ខ ជូនពរនិងប្រគេនពរឆ្នាំថ្មីនៅវត្ត តាសេក វត្តព្រលាន វត្តព្រែកអំពូ និងវត្តផ្សេងៗទៀតនៅក្នុងឃុំ ឡាយហ្វា។ នៅទីតាំងនីមួយៗ គណៈប្រតិភូបានជូននិងប្រគេនអំណោយ ទេយ្យវត្ថុចំពោះព្រះសង្ឃ និងពុទ្ធបរិស័ទបន្តថែរក្សាប្រពៃណីនៃការជួយគ្នាទៅវិញទៅមក ថែរក្សាអត្តសញ្ញាណវប្បធម៌ និងលើកកម្ពស់ស្មារតីធានាសន្តិសុខនយោបាយនៅមូលដ្ឋាន។
កាលពីថ្ងៃទី៧ ខែមេសា លោកស្រី ហូ ធី កឹមដាវ ប្រធានគណៈកម្មាធិការរណសិរ្សមាតុភូមិវៀតណាមទីក្រុងបានដឹកនាំគណៈប្រតិភូអញ្ជើញទៅសួរសុខទុក្ខ ជូនពរឆ្នាំថ្មីដល់លោកគ្រូ អ្នកគ្រូ និងសិស្សសាលានៃវិទ្យាល័យមធ្យមសិក្សាចំណេះទូទៅអន្តេវាសិកជនជាតិ ហ្វ៊ិញកឿង និងអនុវិទ្យាល័យ និង វិទ្យាល័យមធ្យមសិក្សាចំណេះទូទៅអន្តេវាសិកជនជាតិ ថាញ់ភូ ព្រមទាំងក្រុមសិល្បៈខ្មែរ និងក្រុមគ្រួសារកម្មាភិបាលចូលនិវត្តន៍ផងដែរ។
នៅទីតាំងទាំងនោះ ថ្នាក់ដឹកនាំទីក្រុងបានសួរសុខទុក្ខដោយយកចិត្តទុកដាក់បំផុត លើកសរសើរចំពោះការរួមចំណែករបស់បងប្អូនជនជាតិខ្មែរ និងបានសម្តែងក្តីសង្ឃឹមថា សាលារៀនទាំងឡាយនឹងបន្តលើកកម្ពស់គុណភាពនៃការបង្រៀន និងរៀនសូត្រ។ ចំពោះសិល្បករសិល្បការិនី និងអ្នកសំដែង អនុលេខាធិការបក្សក្រុងលើកទឹកចិត្តដល់សាមគ្គីភាពផ្ទៃក្នុង និងកិច្ចខិតខំប្រឹងប្រែងដើម្បីជំនះការលំបាក នាំមកនូវតម្លៃវប្បធម៌ដ៏វិសេសវិសាលរបស់ប្រជាជនខ្មែរភាគខាងត្បូងឱ្យកាន់តែជិតស្និទ្ធថែមទៀតជូនបងប្អូនជនជាតិទូទាំងប្រទេស៕
ដំណឹងនិងរូបថត៖ ទ្រុង កៀន (ទីភ្នាក់ងារពត៌មានវៀតណាម)
ប្រែសម្រួល៖ សឺន ហេង
