ផ្ដើមពីគោលការណ៍ធំៗ គោលនយោបាយជាក់ស្តែងរបស់បក្សនិងរដ្ឋ ក្រោមការចង្អុលបង្ហាញណែនាំយ៉ាងដិតដល់របស់គណៈអចិន្ត្រៃយ៍នៃគណៈកម្មាធិការបក្សខេត្ត សឺនឡា បក្ខភាគ អាជ្ញាធរស្រុកតំបន់ខ្ពស់ បាក់អៀន បានពង្រីកតួនាទីដឹកនាំលើ ការជំរុញអភិវឌ្ឍន៍សេដ្ឋកិច្ច - សង្គម ធានាកិច្ចការពារជាតិ - សន្តិសុខ បង្កកម្លាំងរីក សាយ ទាក់ទាញបងប្អូនបណ្ដាជនជាតិភាគតិចអនុវត្តតាម...។
បក្ខភាគនិងប្រជាជនបណ្តាជនជាតិនៅស្រុក បាក់អៀន (ខេត្ត សឺនឡា) ប្តេជ្ញាសម្រេចបានសមិទ្ធផលសំខាន់ៗ និងគ្រប់ជ្រុងជ្រោយ អនុវត្តដោយជោគជ័យបណ្ដាភារកិច្ចអភិវឌ្ឍន៍សេដ្ឋកិច្ច - សង្គម ប្រឹងប្រែងក្លាយជាស្រុកសម្រេចបានល្អបង្គួរក្នុងខេត្ត
ការផ្លាស់ប្តូរថ្មីនៅតំបន់ដីលំបាកលំបិន
បាក់អៀន (ខេត្ត សឺនឡា) ជាស្រុកមួយសម្បូរនូវប្រពៃណីប្រវត្តិសាស្រ្តនិងមនុស្សសាស្រ្តស្ថិតនៅជម្រាលប៉ែកខាងនិរតីនៃជួរភ្នំ ហ្វាងលៀនសឺន មានបងប្អូនជនជាតិចំនួន ៧ រួមរស់ជាមួយគ្នា ក្នុងនោះ បងប្អូនជនជាតិ ម៉ុង មានចំនួន ៤២%។
"បក្ខភាគស្រុក បាក់អៀន តែងតែច្បាមជាប់ព័ត៌មាន កំណត់ទិសដៅសតិអារម្មណ៍នៃកម្មាភិបាល បក្ខជន រួមចំណែកបង្កើនសាមគ្គីភាព ឯកភាព ពង្រឹងទំនុកទុកចិត្តរបស់បងប្អូនជនជាតិចំពោះបក្សនិងអាជ្ញាធរគ្រប់លំដាប់ថ្នាក់..."- លោក ដូវ៉ាន់សៀម អនុលេខាអចិន្ត្រៃយ៍គណៈកម្មាធិការបក្សស្រុក បាក់អៀន (ខេត្ត សឺនឡា)
ពីមុន ផ្លូវធ្វើដំណើរទៅកាន់ បាក់អៀន ត្រូវបានប្រដូចទៅនឹង "ផ្លូវធ្វើដំណើរឡើងទៅលើមេឃ" រថយន្តមិនអាចទៅដល់បានឡើយ។ មកដល់ពេលនេះ ទូទាំងស្រុកមាន ១៦ ឃុំនិងទីរួមស្រុកគឺមាន ១៣ ឃុំនិងទីរួមស្រុកមានផ្លូវរថយន្តទៅ ដល់មជ្ឈមណ្ឌល ៩៦% ក្រុមគ្រួសារបានប្រើប្រាស់ភ្លើងពីបណ្តាញអគ្គិសនីជាតិ ៩៧% នៃចំនួនប្រជាជននៅជនបទមានទឹកស្អាតប្រើប្រាស់ស្របអនាម័យ អត្រានៃបន្ទប់រៀនល្អមាំទាំសម្រេច ៦៩,៨% អត្រាក្រុមគ្រួសារក្រីក្រនៅ ១៩%...។
ផ្ទះ "ជម្រកកក់ក្តៅនៃសមាគមកសិករ" បង្ហាញពីស្មារតី "ជួយគ្នាទៅវិញទៅមក" ជួយបងប្អូនជនជាតិឱ្យមានស្ថិរភាពក្នុងជីវភាពរស់នៅ រួចផុតពីភាពក្រីក្រ ឈានឡើង ជាជំហានៗ នៅភូមិ ប៉ត ឃុំ មឿងខ្វា
គឺដោយសារកម្លាំងដ៏ខ្លាំងក្លានៃ "គំនិតបក្សទឹកចិត្តប្រជាជន" នេះហើយដែលបានបង្កើតឡើងនូវសមិទ្ធផលគួរអោយកត់សម្គាល់ទាំងនោះ! ដើម្បីអោយបងប្អូនជនជាតិកែលម្អជីវភាពរស់នៅ បក្ខភាគស្រុក បាក់អៀន បានរួសរាន់ផ្សព្វ ផ្សាយសេចក្តីសម្រេចចិត្តនៃមហាសន្និបាតនៃបក្ខភាគ ព្រមទាំងពង្រីកសក្តានុភាពនិងឧត្តមភាពរបស់មូលដ្ឋាន។
ផ្លូវថ្នល់ បាក់អៀន (ខេត្ត សឺនឡា) ត្រូវបានតុបតែងយ៉ាងស្រស់ស្អាតដើម្បីអបអរសាទរមហាសន្និបាតលើកទី ១៣ របស់បក្ស
ក្រោមការចង្អុលបង្ហាញនិងណែនាំរបស់បក្ខភាគស្រុក រចនាសម្ព័ន្ធកសិកម្មផ្លាស់ប្តូរតាមទិសដៅវិជ្ជមាន៖ កាត់បន្ថយផ្ទៃដីដាំពោតជាបណ្តើរៗ ដីធ្វើស្រែមិនសូវមានប្រសិទ្ធភាព ងាកមកអភិវឌ្ឍដំណាំហូបផ្លែ ដំណាំយកមើមនិងដំណាំឧស្សាហ កម្មវិញ។
អាស្រ័យហេតុដូច្នេះ ទូទាំងស្រុកមានផ្ទៃដីដាំដំណាំហូបផ្លែចំនួន ៥.៨៦៨ ហិកតា ផលិតផលតែឋានពពក តាសួ និងទំពាំងព្រិចត្រាំទឹកអំបិលម្ទេស ហាងដុង សម្រេចបានស្តង់ដារកម្មវិធីឃុំមួយផលិតផលមួយ (OCOP) ផលិតផលចំនួន ២ ដែលត្រូវបានទទួលស្គាល់ស្លាកសញ្ញាគឺហ័រថន សឺនឡា និងតែ តាសួ។
ថ្នាក់រៀននៅចំណុចសាលារៀន ចុងត្រា សាលាបឋមសិក្សា - អនុវិទ្យាល័យ ហាងដុង ឃុំ តាសួ ស្រុក បាក់អៀន ជាចំណុចសាលាមួយក្នុងបណ្ដាចំណុចសាលាក្នុងគម្រោងកាត់បន្ថយភាពក្រីក្ររបស់ខេត្ត សឺនឡា
អញ្ជើញមកកាន់សហករណ៍ បាវឡឹម នៅឃុំ ភៀងបាន អាចសម្លឹងឃើញអំពកដីខ្សោះជីជាតិពីមុន ឥឡូវនេះត្រូវបានគ្របដណ្តប់ដោយពណ៌បៃតងនៃបណ្ដាចម្ការផ្លែឈើ កសិដ្ឋានចិញ្ចឹមបសុសត្វ។
ក្រោមការជួយឧបត្ថម្ភរបស់បក្ខភាគស្រុក សហករណ៍ បាវឡឹម កំណត់បានទិស ដៅធ្វើសេដ្ឋកិច្ច ថ្មីហើយបច្ចុប្បន្នបានផលចំណូលរាប់ពាន់លានដុងក្នុងមួយឆ្នាំៗ ។
យកចិត្តទុកដាក់ ថែទាំសុខភាពបងប្អូនជនជាតិនៅមណ្ឌលសុខភាពឃុំ តាសួ ស្រុក បាក់អៀន (ខេត្ត សឺនឡា)
លោក កឹមវ៉ាន់គឿង ជនជាតិ ថៃ ជាបក្ខជន នាយកសហករណ៍ បាវឡឹម បានឲ្យដឹងថា៖ "កំណត់ថាបក្ខជនត្រូវតែជាអ្នកនាំមុខជានិច្ច យើងខ្ញុំបានបង្កើត សហករណ៍ បាវឡឹម ដើម្បីអោយប្រជាជនឃើញពីប្រសិទ្ធភាពនៃទម្រង់រូបភាពសេដ្ឋកិច្ចថ្មីផង បង្កើតការងារធ្វើអោយពួកគាត់ផង។ ផ្តើមពីនោះ បងប្អូនជនជាតិទុកចិត្តលើមាគ៌ា គោលការណ៍របស់បក្ស"។
ភក្តីភាព "គុណបក្ស - ទឹកចិត្តប្រជាជន"
ជ្រួតជ្រាបពាក្យទូន្មានរបស់លោកអ៊ំ ហូ៖ "ងាយស្រួលរាប់រយដងបើគ្មានប្រជា ជនក៏មិនអាចទៅរួច ពិបាករាប់ម៉ឺនដងប្រជាជនគិតគូរគង់នឹងបានសម្រេច"។
ស្ពាន តាខ្វា ជាស្ពានតភ្ជាប់ច្រាំងទាំងពីរនៃស្រុក បាក់អៀន ជួយបងប្អូនជនជាតិនៅក្នុងស្រុកងាយស្រួលក្នុងការផ្ដោះប្តូរទំនិញ អភិវឌ្ឍសេដ្ឋកិច្ច
នៅមូលដ្ឋាន បក្ខភាគស្រុក បាក់អៀន បានបំផុសកម្លាំងដ៏ខ្លាំងក្លារបស់បងប្អូនជនរួមជាតិក្នុងការកសាងជនបទថ្មី លើកកម្ពស់ស្មារតីនាំមុខធ្វើជាគំរូរបស់កម្មាភិបាល បក្ខជន ប្រមូលផ្តុំការចូលរួមដ៏សកម្មពីសំណាក់រាល់អង្គការមហាជននៅក្នុងភូមិធ្វើជា អង្គភាពស្នូលដើម្បីបង្កើតនូវការឯកភាពក្នុងការយល់ដឹង ការប្តេជ្ញាចិត្តក្នុងរាល់សកម្មភាព។ ផ្តើមពីនោះ បងប្អូនជនរួមជាតិបានរួមកម្លាំង ស្រុះចិត្ត បរិច្ចាគដីរាប់ពាន់ម៉ែត្រការ៉េសម្រាប់បើកផ្លូវគមនាគមន៍ សង់អាគារវប្បធម៌។
១០០% ក្រុមគ្រួសារបងប្អូនជនជាតិនៅភូមិ ប៉ត ឃុំ មឿងខ្វា បានសង់ក្រោលដាក់ដោយឡែកសម្រាប់គោ ក្របី រួមចំណែកដល់ការធានាអនាម័យបរិស្ថាន បង្ការប្រឆាំងនឹងជំងឺតម្កាត់
បណ្ដាផ្ទះមហាសាមគ្គី "ជម្រកកក់ក្តៅសម្រាប់កសិករ"... លេចឡើងកាន់តែច្រើន ពីមួយថ្ងៃទៅមួយថ្ងៃមិនត្រឹមតែរួមចំណែកកែលម្អមុខមាត់ជនបទប៉ុណ្ណោះទេ ថែមទាំងជួយអោយបងប្អូនជនជាតិមានជីវភាពរស់នៅស្ថិរភាពទៀតផង។ នៅ ពេលមានការស្រុះចិត្តស្រុះគំនិតគ្នាហើយ រាល់គោលការណ៍ សេចក្តីសម្រេចចិត្តរបស់បក្សបានជ្រួតជ្រាបទៅក្នុងជីវភាពរស់នៅយ៉ាងឆាប់រហ័ស។
មណ្ឌលទេសចរណ៍ homestay តាសួហីល ជាគោលដៅមួយក្នុងចំណោមគោលដៅពេញនិយមនៅឋានពពកនៃឃុំ តាសួ
មកដល់ភូមិ ប៉ត ឃុំ មឿងខ្វា ងាយនឹងយល់ឃើញថាជីវភាពរស់នៅរបស់បងប្អូនជន ជាតិ ថៃ នៅទីនេះមានការផ្លាស់ប្តូរយ៉ាងច្បាស់ក្រឡែត។ បក្ខជនក្នុងភូមិតែងតែជាគំរូនាំមុខ សកម្មចលនាបងប្អូនជនជាតិអនុវត្តល្អរាល់ចលនាប្រឡងប្រណាំង។
ការប្រមូលផលតែ តាសួ ជាប្រភេទដំណាំតែដែលមានអាយុកាលរាប់រយឆ្នាំមកហើយ ផលិតផលកសិកម្មពិសេសប្រចាំតំបន់របស់បងប្អូនជនជាតិ ម៉ុង នៅស្រុក បាក់អៀន (ខេត្ត សឺនឡា)
ដោយយល់ដឹងថាការចិញ្ចឹមបសុសត្វ បក្សីស្រុកនៅក្រោមផ្ទះគឺបំពុលបរិស្ថាន ធ្វើ ឱ្យប៉ះពាល់ដល់សុខភាព ១០០% ក្រុមគ្រួសារបងប្អូនជនជាតិបានសង់ក្រោលដាច់ដោយ ឡែកសម្រាប់ គោ ក្របី ធានាអនាម័យបរិស្ថានផង បង្ការជំងឺតម្កាត់ផង។
លោក លឺវ៉ាន់ឌឹក លេខាសាខាបក្សភូមិ ប៉ត ឃុំ មឿងខ្វា បានចែករំលែកថា៖ "បច្ចុប្បន្ន សាខាបក្ខភូមិ ប៉ត មានបក្ខជនចំនួន ២៣ រូប។ ក្នុងរាល់ពេលប្រជុំជីវភាព យើងខ្ញុំតែងតែឯកភាពផ្សព្វផ្សាយវិធីធ្វើសមស្រប ជួយកែ លម្អជីវ ភាពរស់នៅរបស់បងប្អូនជនជាតិក្នុងភូមិបានយ៉ាងច្រើន។"
ជនជាតិ ម៉ុង នៅឃុំ តាសួ ស្រុក បាក់អៀន (ខេត្ត សឺនឡា) រក្សាអាជីពតម្បាញសំពត់សង្កិមប្រពៃណីសំដៅធ្វើ ពិពិធកម្មផលិតផលទេសចរណ៍ ទាក់ទាញភ្ញៀវទេសចរអញ្ជើញមកទស្សនា តាសួ
នៅជិតនឹងប្រជាជន នៅជាប់នឹងប្រជាជន "ស្តាប់ប្រជាជននិយាយ និយាយប្រជាជនយល់ ធ្វើអោយប្រជាជនជឿ" នោះគឺជាវិធីដែលបក្ខភាគនិងអាជ្ញាធរស្រុក បាក់ អៀន រក្សានិងពង្រីកបាននូវប្រពៃណី "គុណបក្ស - ទឹកចិត្តប្រជាជន" ដ៏ល្អ ផូរផង់ដែលបានលត់ដំតាំងពីអតីតកាលដ៏ក្លៀវក្លានៃដែនដីស្រុកកំណើតនៃ "ប្តីប្រពន្ធ អា ភូ" កាលពីជំនាន់ដើម៕
អត្ថបទនិងរូបថត៖ ហ្វាងតឹម - ហ្វាងហា - វៀតហ្វាង
