ឆ្លងតាមរយៈគម្រោង “កឺទូ-Gether” ពួកគាត់កំពុងនាំយកតម្លៃវប្បធម៌ទាំងនោះកាន់តែមកជិតនឹងជំនាន់ខ្លួនថែមទៀត ដើម្បីវប្បធម៌ កឺទូ មិនត្រឹមតែត្រូវបានថែរក្សាប៉ុននោះទេ ថែមទាំងរស់រវើក រីកសាយភាយនៅក្នុងចង្វាក់ជីវិតសព្វថ្ងៃនេះទៀតផង។
មិត្ត ង្វៀន ធីផឿងណា ប្រធានគម្រោង “កឺទូ-Gether” បានចែករំលែកថា៖ “នៅ ហ្វាបាក់ ទីក្រុង ដាណាំង តែម្តង បងប្អូនជនជាតិ កឺទូ អភិវឌ្ឍគំរូ homestay និងទេសចរណ៍សហគមន៍យ៉ាងខ្លាំង។ នេះជាឱកាសដើម្បីយើងខ្ញុំអភិក្រម ស្តាប់ និងយល់ច្បាស់វប្បធម៌។ ឆ្លងតាមរយៈការសន្ទនាជាមួយសិប្បករ យើងខ្ញុំយល់ជីវភាពនិងអត្តសញ្ញាណរបស់ពួកគាត់កាន់តែស៊ីជម្រៅ។ ព្រោះហេតុដូច្នេះហើយ យើងខ្ញុំចង់ដាក់បងប្អូនជនជាតិ កឺទូ ធ្វើជាស្នូលនៃគម្រោង រៀបរាប់វប្បធម៌ដោយសម្លឹងមើលតាមមុំដ៏ជិតស្និទ្ធរបស់មនុស្សវ័យក្មេងទីក្រុង ដាណាំង”។
ពីគម្រោង កឺទូ-Gether អនុបណ្ឌិតមានិនី យឿង ឡេភឿង ប្រធានការិយាល័យគ្រប់គ្រងវប្បធម៌ មន្ទីរវប្បធម៌ កីឡានិងទេសចរណ៍ ទីក្រុង ដាណាំង រំពឹងថានឹងជួយមនុស្សវ័យក្មេងផ្លាស់ប្តូរពីដឹងទៅជាយល់ដឹង បន្ទាប់មកទៅជាស្រឡាញ់និងធ្វើសកម្មភាព។ ក្នុងពេលជាមួយគ្នានេះ យុវមិត្តនឹងមានអាកប្បកិរិយាឲ្យតម្លៃអត្តសញ្ញាណ មានមោទកភាពអំពីបេតិកភណ្ឌនិងត្រៀមខ្លួនក្លាយជា "ទូតសុឆន្ទៈ" តូចផ្សព្វផ្សាយវប្បធម៌ធម្មតា ប្រកបដោយចីរភាព។
ឆ្លងតាមរយៈគម្រោង កឺទូ-Gether អាចមើលឃើញថា នៅពេលដែលបេតិកភណ្ឌត្រូវបានប្រគល់ជូនមនុស្សវ័យក្មេង វាមិនត្រឹមតែត្រូវបានថែរក្សាប៉ុននោះទេ វាថែមទាំងត្រូវបានជំនួយកម្លាំងរស់បន្ថែមទៀតផង។ មនុស្សវ័យក្មេងមិនត្រឹមតែខិតខំស្វែងយល់និងឱ្យតម្លៃដល់អត្តសញ្ញាណវប្បធម៌ប៉ុននោះទេ ថែមទាំងបំផុសគំនិតយ៉ាងសកម្ម បង្កើតផលិតផលវប្បធម៌ដ៏រស់រវើក និងផ្សព្វផ្សាយវាយ៉ាងទូលំទូលាយ។ នៅក្នុងដំណើរនោះ ពួកគាត់ក្លាយជា ‘ទូតសុឆន្ទៈតូច’ ប៉ុន្តែមានឥទ្ធិពល ភ្ជាប់អតីតកាលជាមួយបច្ចុប្បន្នកាល ផ្ទេរបន្តភ្លើងគំនិតជូនសហគមន៍ ចារបន្តរឿងរ៉ាវដ៏រស់រវើកនៃវប្បធម៌ កឺទូ ក្នុងជីវិតសហសម័យជាដើម៕
អត្ថបទនិងរូបថត៖ ហុងផឿង - កាសែតព័ត៌មាននិងជនជាតិ
ប្រែសម្រួលនិងបញ្ចូលទិន្ន័យ៖ យ័ញលើយ
