បំណងប្រាថ្នាផ្តើមពីជម្រាលភ្នំទាំងឡាយ
អំឡុងថ្ងៃជិតបុណ្យចូលឆ្នាំ គ្រប់ទាំងភូមិនិគមតំបន់ តីបាក់ (ភូមិភាគ ពាយ័ព្យ) និយាយរួម ខេត្ត ឡាយចូវ និយាយដោយឡែកហាក់ដូចជាគ្របដណ្តប់សំពត់អាវថ្មីលើខ្លួនដោយមានពណ៌សនៃផ្កាផ្លាំស ផ្កាព្រូន និងពណ៌ ក្រមហមឆ្អិនឆ្អៅនៃផ្កាម៉ាក់ខៃ។ ឆ្នាំ ២០២៥ នៅខេត្ត ឡាយចូវ សម្ទុះកំណើនផលិតផលលើភូមិសាស្ត្រ សរុប (GRDP) សម្រេចបានប្រហែល ៨,២%។ ផលិតផលសរុបជាមធ្យមក្នុងមនុស្សម្នាក់សម្រេចបានចំនួន ៦៥,៥ លានដុង កើនឡើងចំនួន ២,៩ លានដុង បើប្រៀបធៀបទៅនឹងឆ្នាំ ២០២៤។
ហេដ្ឋារចនាសម្ព័ន្ធផ្លូវគមនាគមន៍ត្រូវបានវិនិយោគ ផ្លាស់ប្តូរស្ថានភាពឯកោពីមួយជំហានទៅមួយជំហាននៅភូមិនិគមជាច្រើន។ ខេត្ត ឡាយចូវ បានបើកការដ្ឋានសាលាអន្តេវាសិក អន្តរកម្រិតចំនួន ៥ ខ្នង ស្ថានីយសុខភាពមូលដ្ឋានត្រូវបានពង្រឹង អត្រាប្រជាជនចូលរួម ធានារ៉ាប់រងសុខភាពកាន់តែខ្ពស់ពីមួយថ្ងៃទៅមួយថ្ងៃ។
និទាឃរដូវនេះ សេចក្តីត្រេកអររបស់បងប្អូនបណ្តាជនជាតិនៅខេត្ត ឡាយចូវ បានកើនទ្វេដងនៅពេលផ្ទះទាំងឡាយ "រឹងបី" បានជំនួសឲ្យផ្ទះបណ្តោះ អាសន្ន ធ្លុះធ្លាយទ្រុឌទ្រោម។ ដោយបណ្តាវិធីធ្វើ ច្នៃប្រតិដ្ឋ ប្រសិទ្ធភាព ផ្ទះបណ្ដោះអាសន្នធ្លុះធ្លាយ ទ្រុឌទ្រោមជាង ៧.២០០ ខ្នងរបស់បងប្អូនបណ្តាជនជាតិត្រូវបានជំនួសដោយផ្ទះរឹងមាំ ជួយឱ្យបងប្អូនជនជាតិមានកន្លែងជ្រកភ្លៀង ចៀសកម្តៅថ្ងៃសុវត្ថិភាព។
នេះគឺជាសមិទ្ធផលផ្តើមពីការកំណត់គោលនយោបាយដ៏ត្រឹមត្រូវ របស់បក្ស រដ្ឋ រដ្ឋាភិបាល។ អ្នកស្រី មួ ធីហ្វា នៅភូមិ ថាញ់ជឺ ឃុំ តួ ស៊ីនចាយ រំភើបចិត្តថា៖ "មុននេះភ្លៀងគឺបារម្ភ ខ្យល់គឺភ័យខ្លាច។ ឥឡូវមានផ្ទះរឹងមាំ គ្រួសារខ្ញុំស្ងប់ចិត្តប្រកបការងាររកស៊ី អភិវឌ្ឍសេដ្ឋកិច្ចគ្រួសារ"។
ផលផ្អែមល្ហែមពីភាពរួមចិត្តគំនិត
នៅឃុំតំបន់ព្រំដែន ប៊ើអ៊ី (ខេត្ត ក្វាងង៉ាយ) ទីកន្លែង "មាន់មួយក្បាល រងាវ ប្រទេស ទាំងបីស្ដាប់ឮ" ក្នុងអំឡុងថ្ងៃដើមឆ្នាំបរិយាកាសអ៊ូអរ រំភើបរីករាយពេញពាសក្រោយពីមួយឆ្នាំកសិផលអំណោយផលលក់បានថ្លៃ។ ឃុំ ប៊ើអ៊ី មានមនុស្សជាង ៣៥.០០០ នាក់ជាបងប្អូនជនជាតិភាគតិច (ជាង ៤៥% នៃចំនួនប្រជាជន) រស់នៅភូមិនិគមចំនួន ៣០។
![27.jpg](https://km-dantocmiennui-media.baotintuc.vn/images/97dbd9d1cdeb4136342a223542983097485cdd4f666061e06d54220bf7d99866/27.jpg.avif "កងទ័ពការពារព្រំដែនខេត្ត ឡាយចូវ ពិនិត្យ ព្យាបាលជំងឺជូនមាមីងបងប្អូននៅភូមិ ថម៉ា ឃុំ ប៉ាវ៉េស៊ូ ក្នុងកម្មវិធី "និទាឃរដូវការពារព្រំដែនផ្តល់ភាពកក់ក្តៅដល់បេះដូងអ្នកភូមិ"។")
ឆ្លងតាមរយៈការចលនា "ធ្វើឲ្យ ផ្លាស់ប្តូរផ្នត់គំនិត របៀបធ្វើរបស់បងប្អូនជនជាតិភាគតិច ធ្វើឱ្យបងប្អូនជនជាតិ ភាគតិចឈោងឈានឡើងរួចផុតពីភាពក្រីក្រប្រកបដោយចីរភាព" ប្រជាជនឃុំ ប៊ើអ៊ី បានផ្លាស់ប្តូរទម្លាប់ផលិតកម្មពីមួយជំហានទៅមួយជំហាន។ រហូតមកទល់ពេលនេះ ទូទាំងឃុំបានមានចម្ការចំនួន ១៨៨/១៨៨ ក្រុមគ្រួសារបានកែប្រែចម្ការ ដំណាំចម្រុះឡើងវិញ ជីវភាពរស់នៅរបស់ប្រជាជនកាន់តែមានភាពប្រសើរឡើងពីមួយថ្ងៃទៅមួយថ្ងៃ។ លោក ថាវលើយ នៅភូមិ ដាក់មេ បានឲ្យដឹងថា៖ មុននេះ បងប្អូនជនជាតិ ព្រៅ ធ្លាប់រស់នៅអស្ថិរវប្បកម្ម។
អំឡុងឆ្នាំថ្មីៗ នេះ ជីវភាពរស់នៅរបស់បងប្អូនជនជាតិ បានស្ថិរភាពនៅពេលបានរដ្ឋវិនិយោគសំណង់អគ្គិសនី ផ្លូវថ្នល់ សាលារៀន ស្ថានីយ សុខភាព អាគារប្រជុំជីវភាពសហគមន៍ជាច្រើន ឧបត្ថម្ភពូជដំណាំ សត្វចិញ្ចឹមជាដើម។ ជាពិសេស ដល់ខែ មិថុនា ឆ្នាំ ២០២៥ ផ្ទះបណ្ដោះអាសន្នផ្ទះធ្លុះធ្លាយ ទ្រុឌទ្រោមនៅលើភូមិសាស្ត្រឃុំត្រូវបានជួសជុល លើកគុណភាព សាងសង់ថ្មី ជួយបណ្តាក្រុមគ្រួសារក្រីក្រស្ងប់ចិត្ត មានផ្ទះថ្មីធំទូលាយទទួលបុណ្យចូលឆ្នាំប្រពៃណី។ លោក ឌិញ កាវគឿង លេខាគណៈកម្មាធិការបក្សឃុំ ប៊ើអ៊ី ឲ្យដឹងថា៖ "អត្រាក្រុមគ្រួសាក្រីក្រ (យោងតាមស្តង់ដារភាពក្រីក្រពហុវិមាត្រ) នៅ ប៊ើអ៊ី បានថយចុះពីជាង ៣% ឆ្នាំ ២០២១ ចុះនៅ ១,១៨% ឆ្នាំ ២០២៥។ បច្ចុប្បន្ន ក្រុមគ្រួសារជនជាតិភាគតិច ១០០% មានដីលំនៅឋាន ដីផលិតកម្ម។
ឆ្នាំ ២០២៦ ឃុំ ប៊ើអ៊ី ខិតខំប្រឹងប្រែងសម្រេចកម្រិតកំណើនជាមធ្យម ១១% ក្នុងមួយឆ្នាំ ចំណូលប្រជាជនក្នុងមនុស្សម្នាក់សម្រេចបានចំនួន ១២៥ លានដុងក្នុងមួយឆ្នាំ ឈានទៅដល់លុបបំបាត់ភាពក្រីក្រ នៅឆ្នាំ ២០៣០"។ សម្រស់និទាឃរដូវលើដងព្រែកប្រឡាយពណ៌បៃតង នៅវាលទំនាបទន្លេ គឺវឡុង សម្រស់និទាឃរដូវ មកកាន់វាលស្រែស្រូវកំពុងត្រៀមប្រមូលផលនៅលើខ្សែផ្លូវបេតុងត្រង់ភ្លឹងឆ្លងកាត់ភូមិស្រុកជនបទថ្មី។
នៅឃុំ ធន់ហ្វា (ទីក្រុង កឹនធើ) កន្លែងមានបងប្អូនជនជាតិ ខ្មែរ រស់នៅ ៧៤,១៤% ជាមួយនឹងស្រូវ និងបន្លែបង្ការបងប្អូនជនជាតិស្វិតស្វាញថែរក្សា និងពង្រីករបរសិប្បកម្មប្រពៃណីដូចជាត្បាញបន្ទោះ គូរគំនូរលើកញ្ចក់ជាដើម។ ទន្ទឹមនឹងប្រាក់ចំណូលស្ថិរភាព របរទាំងនេះក៏នៅមានតម្លៃវប្បធម៌ ពិសេសដាច់ដោយឡែករបស់ប្រជាជនគ្រប់ជំនាន់ផងដែរ។ ក្រោមកម្តៅថ្ងៃពណ៌មាសកក់ក្តៅ អ្នកស្រី ត្រាង ធីអ៊ីន នៅភូមិ យ៉ុងជួ ឃុំ អាននិញ (ទីក្រុង កឹនធើ) ឃ្មាតខ្មីដាក់គ្រាប់ស្ពៃមើមលើរងចម្ការ។
ធ្វើវប្បកម្មលើផ្ទៃដីជាង ១.០០០ ម៉ែត្រការ៉េដាំដុះ ២ រដូវ គួបផ្សំចិញ្ចឹមគោយកសាច់និង ធ្វើស្រែមួយឆ្នាំៗ គ្រួសារអ្នកស្រី អ៊ីន ទទួលបានប្រាក់ចំណេញជាង ១០០ លានដុង។ "ទទួលឆ្នាំថ្មី និងបុណ្យចូលឆ្នាំប្រពៃណីក្នុងល័ក្ខខ័ណ្ឌសេដ្ឋកិច្ចល្អប្រសើរថែមទៀត ខ្ញុំមានសុភមង្គលណាស់" អ្នកស្រី អ៊ីន ចែករំលែក។
គ្រួសារលោក យ៉ាញ់អ៊ាក់ នៅភូមិ កំពង់ទ្រព្យ អា ឃុំ អាននិញ ផ្លាស់ប្តូរដីចំនួន ៣ កុងដាំសណ្តែក និងឪឡឹកងាកមកដាំផ្កាដង្គប់។ រដូវបុណ្យចូលឆ្នាំថ្មីឆ្នាំនេះ គ្រួសារលោកដាំជាង ៧.០០០ ផើង តម្លៃលក់ប្រែប្រួលចាប់ពី ២០០.០០០ ដុង ទៅ ៣០០.០០០ ដុងក្នុងមួយផើង។ លោកក៏ដាំរុក្ខជាតិលម្អផ្កាកងប្រហែល ១០០ ដើម និងឪឡឹកបន្ថែមផងដែរ។ "ដោយសារការអនុវត្តតាមវិធីត្រឹមត្រូវដើម្បីផ្ការីកចំឱកាសបុណ្យចូលឆ្នាំ ប្រាក់ចំណេញទទួលបានខ្ពស់ជាងច្រើនដង" លោក យ៉ាញ់អ៊ាក់ ចែករំលែក។
សមិទ្ធផលទាំងឡាយស្តីពីសេដ្ឋកិច្ចមិនត្រឹមតែជាតួលេខសោះកក្រោះប៉ុននោះទេ ថែមទាំងមានអត្ថិភាពច្បាស់លាស់នៅក្នុងស្នាមញញឹមរបស់មាមីងបងប្អូននៅពេលបុណ្យចូលឆ្នាំ និទាឃរដូវឈានមកដល់។ នោះគឺជាការជឿទុកចិត្តទាំងស្រុងលើគោលនយោបាយរបស់បក្ស រដ្ឋ គឺជាសាមគ្គីភាពរវាងបងប្អូនបណ្តាជនជាតិរួមដៃជាមួយគ្នាកសាងស្រុកកំណើត ប្រទេសជាតិ៕
អត្ថបទ៖ វៀតយុង - កាវង្វៀន - សឺនហេង
រូបថត៖ ទីភ្នាក់ងារព័ត៌មាន វៀតណាម
ប្រែសម្រួលដោយ៖ សឺន ហេង
