ជាសកម្មភាពវប្បធម៌ ជំនឿផ្សារភ្ជាប់ជាមួយតំបន់ មឿង ធំទាំង ៤៖ ប៊ី វ៉ាង ថាង ដុង ពិធីបុណ្យគឺជាឱកាសដើម្បីប្រជាជនរំលឹកនឹកអ្នកមាន គុណបំណាច់ទាំងឡាយ បើកទូលាយដី បង្កើតភូមិ និងគោរពអាទិទេព ទាំងឡាយបានឃុំគ្រងឲ្យភូមិនិគម។
ដោយមានប្រធានបទ "វិលត្រឡប់ទៅកាន់ដែនដី មឿង - មូលមីរបន្តវេន និងរីកសាយភាយតម្លៃបេតិកភណ្ឌ" ពិធីបុណ្យគឺជា ការគួបបញ្ចូលស៊ីចង្វាក់ រវាងផ្នែកពិធីកិច្ចដ៏ឱឡារិកអធិកអធម និងផ្នែកលេងកម្សាន្តដ៏ផុសផុល។ ផ្នែកពិធីកិច្ច រួមមានពិធីសែនស្តេចក្រុងពាលី អ្នកតាម្ចាស់ដី និងគោរពបូជា មនុស្សទេពនៅទីសក្ការៈគោរពបូជា។
ផ្នែកលេងកម្សាន្តចម្រុះពណ៌ប្រារព្ធឡើងដោយមាន សកម្មភាពប្រកួត ទាំងឡាយ និងសម្តែងដូចជាសម្តែងសម្លៀក បំពាក់ជនជាតិ មឿង ប្រកួត ដាក់តាំងបង្ហាញជំរំវប្បធម៌ និងគួបផ្សំសម្តែង គ្រប់ទម្រង់រូបភាពវប្បធម៌ ប្រកួតដាក់តាំងបង្ហាញម្ហូបអាហារជនជាតិ រង្វាន់បាល់ទះប្រកួតច្រៀង ឆ្លើយឆ្លង។ល។
ពិធីបុណ្យក៏មានបណ្តាសកម្មភាព ឆ្លងកាត់ពិសោធន៍សម្តែងរួមមាន មុខរបរត្បាញសង្កិម ចម្រាញ់ស្រា បិតស្រាអេក ផលិតប្រតិទិនឫស្សីស្វែង យល់តម្លៃ និងវិធីប្រើប្រាស់ប្រតិទិនឫស្សី (ប្រតិទិន ដយ) ល្បែងប្រជាប្រិយ ច្រៀងចម្រៀង ធឿដាង - បូមាង (បទចម្រៀងប្រជាប្រិយ មឿង) បណ្តា សកម្មភាពវប្បធម៌ (ផ្លុំខ្លុយ អូយ របាំគោះអង្រែ តន្ត្រីប្រពៃណី ឃ្មោះ...)។ ជាពិសេស ពិធីបុណ្យក៏នៅមានការសម្តែងចម្រៀង ស៊ាន់ (សង្កាត់ វ៉ឹនភូ) និងច្រៀងឆ្លងឆ្លើយ (ឃុំ ស៊ុងឡូ) - បណ្តាបេតិកភណ្ឌវប្បធម៌ដ៏គំរូរបស់ដីដូនតា។ល។
ពិធីបុណ្យមិនត្រឹមតែជាពិធីកិច្ចបួងសួងសុំឲ្យភ្លៀង ខ្យល់អំណោយផល រដូវកាលប្រមូលផលទ្វេដងប៉ុណ្ណោះទេ ថែមទាំងជាឱកាសដើម្បីសហគមន៍ ផ្សារភ្ជាប់ គោរពដឹងគុណបុព្វបុរស លើកតម្កើងអត្តសញ្ញាណជនជាតិ ទៀតផង៕
អត្ថបទ៖ ថាញ់ហាយ រូបថត៖ ត្រុងដាត
ប្រែសម្រួល៖ សឺន ហេង
