នាយករងអចិន្ត្រៃយ៍នៃបណ្ឌិតសភានយោបាយជាតិ ហូ ជីមិញ លោក លេ ហាយប៊ិញ គូសបញ្ជាក់ថា ក្នុងបរិបទប្រទេសឈានចូលយុគសម័យអភិវឌ្ឍន៍ថ្មី វិទ្យាសាស្រ្ត - បច្ចេកវិទ្យា ផ្លាស់ប្តូរច្នៃប្រតិដ្ឋ និងបរិវត្តកម្មឌីជីថល ពិសេសគឺបញ្ញាសិប្បនិមិត្ត (AI) លែងជាជម្រើសទៀតហើយ ប៉ុន្តែវាជាផ្លូវដ៏ចាំបាច់ឆ្ពោះទៅរកការវាយទម្លុះទម្លាយ។ បញ្ញាសិប្បនិម្មិត (AI) កំពុងផ្លាស់ប្តូរជាសារវន្តនូវរបៀបគ្រប់គ្រងប្រទេសជាតិ ដោយតម្រូវឱ្យមានការផ្លាស់ប្តូរពីគំរូគ្រប់គ្រងរដ្ឋបាលបែបប្រពៃណីទៅជាគ្រប់គ្រងដោយផ្អែកលើទិន្នន័យ ឆ្លងតាមរយៈនោះបង្កើនសមត្ថភាពប្រតិបត្តិការ ព្យាករ និងបម្រើប្រជាជន និងសហគ្រាស។
នៅក្នុងកិច្ចពិភាក្សា ប្រតិភូបានធ្វើបទបង្ហាញបទអន្តរាគមន៍ជាច្រើនដែលផ្តោតលើខ្លឹមសារដូចជា តម្រង់ទិសដៅយុទ្ធសាស្ត្រប្រទេសជាតិអំពីវិទ្យាសាស្ត្រ - បច្ចេកវិទ្យា និងបរិវត្តកម្មឌីជីថលដំណាក់កាលឆ្នាំ ២០២៦ ដល់ឆ្នាំ ២០៣០ អភិវឌ្ឍន៍ហេដ្ឋារចនាសម្ព័ន្ធឌីជីថល ប្រព័ន្ធអេកូឡូស៊ី AI ធ្វើឲ្យសុក្រឹតយន្តការ ក្របខណ្ឌច្បាប់ ការបណ្តុះបណ្តាលធនធានមនុស្សឌីជីថលដែលមានគុណភាពខ្ពស់ ក៏ដូចជាពិសោធន៍ដំណើរការជាក់ស្តែងពីសហគ្រាសបច្ចេកវិទ្យា។
តាមលោក Kim Tae Hyun អគ្គនាយកមជ្ឈមណ្ឌលបច្ចេកវិទ្យាខ្ពស់ ក្រុមហ៊ុន SDSV (Samsung Group) មានប្រសាសន៍ថា បញ្ហាប្រឈមដ៏ធំបំផុតនៅពេលផ្លាស់ប្តូរយុទ្ធសាស្ត្រ "AI First" គឺគុណភាពទិន្នន័យ និងវប្បធម៌របស់អង្គការ។ ដូច្នេះហើយ សហគ្រាសនានាត្រូវធ្វើឲ្យមានស្តង់ដារទិន្នន័យ បង្កើតវប្បធម៌ត្រៀមខ្លួនជាស្រេចទទួលយកបច្ចេកវិទ្យា និងគ្រប់គ្រងនៃដំណើរការផ្លាស់ប្តូរប្រកបដោយប្រសិទ្ធភាព ពង្រឹងកិច្ចសហប្រតិបត្តិការដើម្បីចូលរួមកាន់តែស៊ីជម្រៅនៅក្នុងខ្សែចង្វាក់តម្លៃឌីជីថលសកលលោក។
ផលិត៖ ហ្វាងង៉ុក
ប្រែសម្រួល និងបញ្ចូលទិន្នន័យ៖ អៀងថាន់
