"ប្រជាចលនាខ្សោយគឺអ្វីៗ ក៏ពិបាក ប្រជាចលនាប៉ិនប្រសប់គឺការងារអ្វីក៏បានជោគជ័យ" ពាក្យប្រៀនប្រដៅរបស់លោកអ៊ំ ហូ ដូចត្រីវិស័យតម្រង់ទិសជួយឲ្យគ្រប់លំដាប់ថ្នាក់នៃគណៈកម្មាធិការបក្ស អាជ្ញាធរ រណសិរ្សមាតុភូមិនិងអង្គការមហាជនខេត្ត ហាយ៉ាង អនុវត្តប្រកបដោយប្រសិទ្ធភាពការងារប្រជាចលនា។ ផ្ដើមពីចលនាប្រឡងប្រណាំង "ប្រជាចលនាប៉ិនប្រសប់" ខេត្ត ហាយ៉ាង ប្រមូលផ្តុំបានប្រជាជនយ៉ាងកុះករចូលរួមអភិវឌ្ឍសេដ្ឋកិច្ច - សង្គម កកើតឡើងនូវទម្រង់រូបភាពដ៏មានប្រសិទ្ធភាពជាច្រើន រីកសាយក្នុងសហគមន៍ រួមចំណែកកសាងស្រុកភូមិកាន់តែមាននវានុវត្តន៍... ពីមួយថ្ងៃទៅមួយថ្ងៃ...

ផ្ដើមពីចលនាប្រឡងប្រណាំង "ប្រជាចលនាប៉ិនប្រសប់" ...
ដោយបានកំណត់ថា "ប្រជាចលនាប៉ិនប្រសប់" មានតួនាទីសំខាន់ពិសេសក្នុងការពង្រីកសក្តានុពល ប្រៀបខ្លាំងនៅមូលដ្ឋាន ក្នុងប៉ុន្មានឆ្នាំកន្លងទៅខេត្ត ហាយ៉ាង បានដំណើរការផ្សព្វផ្សាយអនុវត្តការងារឃោសនាសមស្របទៅនឹងមូលដ្ឋាននីមួយៗ និងលើគ្រប់វិស័យ។ ឆ្លងតាមរយៈកងជួរចាស់ភូមិ មេភូមិអ្នកមានកិត្យានុភាពក្នុងសហគមន៍បណ្តាពិធីប្រឡង "ប្រជាចលនាប៉ិនប្រសប់" លើកបង្ហាញពីចលនាប្រឡងប្រណាំង "ប្រជាចលនាប៉ិនប្រសប់" ជាភាសាជនជាតិលើគ្រប់មធ្យោបាយផ្សព្វផ្សាយព័ត៌មាន ចាត់តាំងពិធីប្រឡងសរសេរអំពី "ប្រជាចលនាប៉ិនប្រសប់"... ការងារឃោសនាបានបង្កឡើងនូវការវិវត្តជាវិជ្ជមាន ក្លាយជាស្ពានចម្លងបន្តរវាងបក្ស រដ្ឋជាមួយបងប្អូនបណ្តាជនជាតិនៅលើភូមិសាស្រ្ត។

ដើម្បីឲ្យប្រជាជន "ងាយយល់ ងាយស្ដាប់ ងាយអនុវត្ត" រាល់ពេលប្រជាចលនានៅមូលដ្ឋានសុទ្ធតែឆ្ពោះទៅរកខ្លឹមសារជិតស្និទ្ធ ចាំបាច់ដូចជាការចលនាខ្ចីទុនអភិវឌ្ឍសេដ្ឋកិច្ច ផ្លាស់ប្តូររចនាសម្ព័ន្ធដំណាំដាំដុះនិងសត្វចិញ្ចឹម ជំរុញខ្លាំងក្លាការអនុវត្តវិទ្យាសាស្ត្រ - បច្ចេកទេសក្នុងផលិតកម្ម អនុវត្តរបៀបរបបរស់នៅប្រកបដោយស៊ីវិល័យលុបបំបាត់ទំនៀមទម្លាប់អន់ថយ ...។ ទទួលបានព័ត៌មានគ្រប់គ្រាន់ជាងបងប្អូនជនជាតិបានស្ម័គ្រចិត្តរួមវិភាគទានជាកម្លាំងកាយជាថវិកាក្នុងកិច្ចការកសាងជនបទថ្មី អភិវឌ្ឍសេដ្ឋកិច្ច លុបបំបាត់ភាពអត់ឃ្លាន កាត់បន្ថយភាពក្រីក្រជាជំហានៗ។

ក្នុងអំឡុងខែថ្ងៃរួមជាមួយនឹងទូទាំងប្រទេសប្រយុទ្ធប្រឆាំងនឹងការរាលដាលនៃជំងឺកូវីដ - ១៩ កម្មាភិបាលទាំងឡាយដែលកាន់ការងារ ប្រជាចលនា នៅខេត្ត ហាយ៉ាង បានអញ្ជើញទៅកាន់គ្រប់ភូមិស្រុក និគមជនបទគោះទ្វារតាមផ្ទះនីមួយៗ ដើម្បីឃោសនា ចលនាបងប្អូនជនជាតិ កាត់បន្ថយការប្រមូលផ្តុំគ្នាច្រើន មិនប្រារព្ធពិធីអាពាហ៍ពិពាហ៍ ពិធីបុណ្យសពទ្រង់ទ្រាយធំជាបណ្តោះអាសន្ន តែងតែពាក់ម៉ាសជានិច្ចនៅទីសាធារណៈ...។ អាស្រ័យដូច្នេះ ខេត្ត ហាយ៉ាង គឺជាខេត្តមួយក្នុងចំណោមខេត្តមួយចំនួនតូចដែលគ្រប់គ្រងបានល្អលើការរាលដាលនៃជំងឺ។

ដោយមានការស្រុះចិត្តស្រុះគំនិតរវាងអាជ្ញាធរនិងបងប្អូនជនជាតិ គិតត្រឹមខែ តុលា ឆ្នាំ ២០១៩ ខេត្ត ហាយ៉ាង កសាងបានទម្រង់រូបភាព "ប្រជាចលនាប៉ិនប្រសប់" ចំនួន ៦.៨៤៨ ក្នុងវិស័យផ្សេងៗ ដូចជា៖ សេដ្ឋកិច្ច វប្បធម៌ - សង្គម ការពារជាតិ - សន្តិសុខ... ពង្រីកទូលំទូលាយទម្រង់រូបភាពគំរូស្តីពី "ប្រជាចលនាប៉ិនប្រសប់" ចំនួន ៣.១៤២ អោយក្លាយជាចលនាប្រឡងប្រណាំង ទាក់ទាញបងប្អូនជនជាតិចូលរួមកុះករដូចជា៖ កសាងផ្លូវមហាសាមគ្គី ចិញ្ចឹមគោក្នុងក្រោលផ្សារភ្ជាប់នឹងការដាំស្មៅ ការដាំផ្កា buckwheat ...។ ក៏ឆ្លងតាមរយៈការងារឃោសនា ចលនាបងប្អូនជនជាតិបានស្ម័គ្រចិត្តបរិច្ចាគដីជាង ៣ លានម៉ែត្រការ៉េ ថ្ងៃពលកម្មជិត ២.៩ លាន ជិត ១៥ ពាន់លានដុងសម្រាប់កសាងជនបទថ្មី។ មានសមូហភាពនិងបុគ្គលរាប់ពាន់នាក់និងអង្គភាពត្រូវបានកត់សម្គាល់លើកសរសើរ ជូនរង្វាន់ក្នុងការអនុវត្តចលនា "ប្រជាចលនាប៉ិនប្រសប់"…។


...រហូតដល់ប្រសិទ្ធភាពក្នុងការអភិវឌ្ឍសេដ្ឋកិច្ចមូលដ្ឋាន
យើងខ្ញុំបានមកដល់ឃុំ ទ្រុងថាញ់ (ស្រុក វីស្វៀន) ដើម្បីស្វែងយល់បន្ថែមអំពីប្រសិទ្ធភាពនៃចលនាប្រឡងប្រណាំង "ប្រជាចលនាប៉ិនប្រសប់"។ ធ្វើដំណើរលើផ្លូវបេតុងអន្តរភូមិធំទូលាយ ស្អាតបាត លោក ខុងវ៉ាន់ទន់ អនុប្រធានឃុំ ទ្រុងថាញ់ បានចែករំលែកដោយសោមនស្សរីករាយថា៖ "អនុវត្តចលនា "ប្រជាចលនាប៉ិនប្រសប់" ឃុំបានជំរុញខ្លាំងក្លាការឃោសនា ចលនាបងប្អូនជនជាតិអភិវឌ្ឍ កសិកម្ម ចិញ្ចឹមសត្វពាហនៈតាមទម្រង់រូបភាពលក្ខណៈគ្រួសារ កសិដ្ឋាន ...។ មានគ្រួសារជាច្រើននៅក្នុងឃុំទទួលបានចំណូលរាប់រយលានដុងក្នុងមួយឆ្នាំៗ។ តួយ៉ាងដូចជាក្រុមគ្រួសាររបស់បង ង្វៀនវ៉ាន់ឡុង នៅភូមិ មិញថាញ់ អាស្រ័យដោយចិញ្ចឹមមាន់គួបផ្សំជាមួយការដាំដើមមៀន គូលែន តែ ខ្នុរ... ទទួលបានចំណូលជិត ១ ពាន់លានដុងក្នុងមួយឆ្នាំ។ ឃុំ ទ្រុងថាញ់ ត្រូវបានទទួលស្គាល់ជាឃុំជនបទថ្មីក្នុងឆ្នាំ ២០១៥"។

អញ្ជើញមកដល់ស្រុក ហ្វាងស៊ូភី សម្លឹងមើលផ្ទះធំទូលាយ មាំទាំទាំងឡាយ ទីប្រជុំជនអ៊ូអរ មិនសូវមានអ្នកណាស្មានបានថាទីនេះធ្លាប់ជាតំបន់លំបាកលំបិនខ្លាំងជាពិសេស។ យោងតាមលោកស្រី លូធីង៉ឹន ប្រធានគណៈកម្មការ ប្រជាចលនា ស្រុក ហ្វាងស៊ូភី អាស្រ័យដោយអនុវត្តចលនា "ប្រជាចលនាប៉ិនប្រសប់" បងប្អូនបណ្ដាជនជាតិនៅទីនេះមានសាមគ្គីភាព ស្រុះចិត្តស្រុះគំនិត ស្ម័គ្រចិត្តបរិច្ចាគ ដីរាប់ពាន់ម៉ែត្រ ការ៉េនិងថ្ងៃពលកម្មដើម្បីធ្វើផ្លូវគមនាគមន៍ជនបទ ព្រែកប្រឡាយត្រូវបានធ្វើមាំទាំ ជួសជុលអគារវប្បធម៌...។ ផ្ដើមពីការងារប្រជាចលនានៅលើភូមិសាស្រ្តលេចឡើងនូវទម្រង់រូបភាពសេដ្ឋកិច្ចដែល មានប្រសិទ្ធភាពខ្ពស់ជាច្រើនដូចជាចិញ្ចឹមត្រីស្ទឺជិនបែបពាណិជ្ជកម្មនៅឃុំ ណឹមទី ដាំបន្លែមានសារធាតុចិញ្ចឹមនៅឃុំ ប៉ូឡូ ដាំដើមព្រូនក្រហមនៅ ឃុំ ជៀនផូ...។

និយាយអំពីចលនាប្រឡងប្រណាំង "ប្រជាចលនាប៉ិនប្រសប់" មិនអាចមិនរំលឹកដល់ស្រុក ស៊ីនម៉ឹន ឡើយ។ ជាមួយនឹងឧត្តមភាពពីការចិញ្ចឹមសត្វពាហនៈដែលស៊ីស្មៅ ស្រុកបានសកម្មចលនាបងប្អូនជនជាតិចិញ្ចឹមបន្ធាត់ក្របី គោតាមទម្រង់រូបភាពកសិដ្ឋាន លក្ខណៈគ្រួសារបង្កើតជាផ្សារជួញដូរ ផ្ដោះប្ដូរសត្វពាហនៈចំនួន ៤ នៅតាមបណ្ដាឃុំ៖ ជីកា ក្វាងង្វៀន ណានម៉ា និងទីរួមស្រុក កុកប៉ាយ ជួយបងប្អូនជនជាតិកែលម្អប្រាក់ចំណូលគួរឲ្យកត់សម្គាល់។ តាមការគ្រោងទុកដល់ដំណាច់ឆ្នាំ ២០២០ អត្រាគ្រួសារក្រីក្រនៅ ស៊ីនម៉ឹន នៅត្រឹមតែ ៣,២% ប៉ុណ្ណោះ។

ចលនា "ប្រជាចលនាប៉ិនប្រសប់" ពិតជាបាននាំមកនូវប្រសិទ្ធភាពដ៏ជាក់ស្តែង ជួយបងប្អូនបណ្តាជនជាតិនៅខេត្ត ហាយ៉ាង ឈានឡើងរួចផុតពីភាពក្រីក្រ កសាងជីវិតសម្បូរសប្បាយ សុភមង្គល៕
អត្ថបទនិងរូបថត៖ ត្រឹនធីអាញ់ដាវ - ហ្វាងក្វាងហា