ថែរក្សាតម្លៃអត្តសញ្ញាណប្រជាជាតិ
ចំពោះប្រជាជន ខ្មែរ វត្តអារាមមិនត្រឹមតែជាកន្លែងធ្វើជីវសកម្មសាសនាប៉ុណ្ណោះទេ ថែមទាំងជាមជ្ឈមណ្ឌលវប្បធម៌-សង្គមដ៏សំខាន់របស់ស្រុកភូមិនីមួយៗ ផ្សារភ្ជាប់ទៅនឹងជីវភាពរស់នៅនៃសហគមន៍ រួមចំណែកថែរក្សាអត្តសញ្ញាណប្រជាជាតិទៀតផង។
ព្រះតេជព្រះគុណ សឺន ធឿន ព្រះចៅអធិការវត្ត កំពង់ទ្រព្យ (ឃុំ អាននិញ ទីក្រុង កឹនធើ) និមន្តសង្ឃដីកាថា ក្នុងសម័យបោះឆ្នោតកន្លងទៅ ការិយាល័យបោះឆ្នោតដាក់ទីតាំងនៅវត្ត កំពង់ទ្រព្យ បានទាក់ទាញអ្នកបោះឆ្នោតគឺព្រះសង្ឃ និងពុទ្ធបរិស័ទក្នុងភូមិនិមន្តនិងអញ្ជើញចូលរួមច្រើនកុះករ បង្ហាញពីស្មារតីកាតព្វកិច្ចនិងសិទ្ធិប្រជាជន។
"អាត្មាជឿទុកចិត្តខ្លាំងទៅលើលទ្ធផលនៃការបោះឆ្នោត និងបេក្ខជនជាប់ឆ្នោតលើកនេះ។ ក្នុងចំណោមបេក្ខជនជាប់ឆ្នោត មានសមាជិកភាគច្រើនតំណាងឱ្យសាសនា និងជនជាតិភាគតិចដូច្នេះបេក្ខជនជាប់ឆ្នោតជាសមាជិកទាំងឡាយក៏យកចិត្តទុកដាក់ជាពិសេស ជំរុញការលើកកម្ពស់សកម្មភាពពុទ្ធកិច្ច ពិធីបុណ្យវប្បធម៌ និងការងារអភិរក្សកេរដំណែលវត្តអារាម។ ស្របពេលបង្កើតលក្ខខណ្ឌបើកថ្នាក់បង្រៀនពុទ្ធវិន័យប្រគេនព្រះសង្ឃដែលគង់នៅតាមវត្តអារាមទក្ខិណនិកាយ ខ្មែរ នៅលើមូលដ្ឋានខេត្តឱ្យកាន់តែមានប្រសិទ្ធភាពជាងមុន ក៏ដូចជាពង្រឹងការជំនួយផ្នែកច្បាប់ជូនប្រជាជន ខ្មែរ នៅតំបន់ឆ្ងាយដាច់ស្រយាល" ព្រះតេជព្រះគុណ សឺន ធឿន និមន្តសង្ឃដីកា។
យោងតាមព្រះតេជព្រះគុណ សឺន ធឿន កាលបើកងជួរកម្មាភិបាលទទួល និងដំណោះស្រាយហ្មត់ចត់ការលំបាកទាំងឡាយនៅថ្នាក់មូលដ្ឋានបានទាន់ពេលវេលា ទំនុកចិត្តរបស់ប្រជាជនចំពោះបក្ស រដ្ឋនឹងត្រូវបានពង្រឹងកាន់តែរឹងមាំខ្លាំងឡើង។ ប្រការនេះមិនត្រឹមតែរួមចំណែកការអភិរក្សអត្តសញ្ញាណវប្បធម៌ប្រពៃណីប៉ុណ្ណោះទេ ថែមទាំងលើកកម្ពស់ការអភិវឌ្ឍប្រកបដោយចីរភាព បំពេញតម្រូវការជំនឿ ក៏ដូចជាជីវភាពរស់នៅ សម្ភារៈ និងស្មារតីរបស់បងប្អូនជនជាតិ ខ្មែរ ផងដែរ។
"បច្ចុប្បន្នវត្ត កំពង់ទ្រព្យ កំពុងជួសជុលឡើងវិញនូវប្រភេទសំណង់ដូចជា សាលឆាន់ ទ្វារធំ កុដិ និងសំណង់មួយចំនួនទៀត។ អាត្មាសង្ឃឹមថាអាជ្ញាធរមូលដ្ឋានមានកម្មវិធីជាក់ស្តែង យកចិត្តទុកដាក់ឧបត្ថម្ភបច្ច័យជាថវិកាដើម្បីសំណង់សក្ការៈបូជាអាចសម្រចពេលឆាប់ៗនេះ រួមចំណែកការអភិរក្ស និងលើកកម្ពស់តម្លៃវប្បធម៌ សាសនារបស់សហគមន៍" ព្រះតេជព្រះគុណ សឺន ធឿន ក៏ផ្ដល់យោបល់សំណើរ។
បង្កើតកម្លាំងរស់រានថី្មសម្រាប់សេដ្ឋកិច្ចតំបន់បងប្អូនជនជាតិ ខ្មែរ
អ្នកស្រី សឺន ធីហុង ប្រធានភូមិ បឹងទ្រព្យ អា ឃុំ អាននិញ ទីក្រុង កឹនធើ បានឲ្យដឹងថា៖ បឹងទ្រព្យ អា គឺជាភូមិមួយមានប្រជាជន ខ្មែរ រស់នៅច្រើនកុះករ ស្មើនឹងប្រហែល ៦០% នៃគ្រួសារសរុបចំនួន ៦៤១ គ្រួសារ មានប្រជាជនចំនួន ២៨.៧៥៧ នាក់។ ប្រជាជនភាគច្រើនរស់នៅប្រកបរបរធ្វើស្រែ ដាំដំណាំ ចិញ្ចឹមសត្វ ហើយគ្រួសារខ្លះទៀតប្រកបអាជីវកម្មគ្រួសារខ្នាតតូច។ បើប្រៀបធៀបទៅនឹងកាលពីមុន ជីវភាពរស់នៅរបស់ប្រជាជនក្នុងភូមិបានប្រសើរឡើងគួរឱ្យកត់សម្គាល់ ដោយមានប្រាក់ចំណូលជាមធ្យមប្រហែល ៥ លានដុងក្នុងមនុស្សម្នាក់ក្នុងមួយខែ។
ទោះជាដូច្នេះក្តី ជីវភាពសេដ្ឋកិច្ចរបស់បងប្អូនជនជាតិនៅតែប្រឈមនឹងការលំបាកជាច្រើន។ "ខ្ញុំជឿជាក់ថា បេក្ខជនជាប់ឆ្នោតនឹងធ្វើសកម្មភាពដើម្បីអភិវឌ្ឍស្រុកទេសមាតុភូមិ អនុវត្តគោលនយោបាយយ៉ាងម៉ឺងម៉ាត់ដើម្បីឧបត្ថម្ភដល់ផលិតកម្មប្រកបដោយចីរភាព។ បង្កើតលក្ខខណ្ឌងាយស្រួលសម្រាប់អាជីវកម្មមូលដ្ឋានរីកចំរើនឡើង។ ឧបត្ថម្ភដើមទុនអនុគ្រោះដើម្បីជួយប្រជាជនអភិវឌ្ឍសេដ្ឋកិច្ចគ្រួសារ។ ផ្តោតសំខាន់លើដំណោះស្រាយ ស្ថេរភាពទីផ្សារកសិផលកសិកម្មមូលដ្ឋាន ជួយបងប្អូនជនជាតិស្ថេរភាពជីវភាពរស់នៅ រួចផុតពីភាពក្រីក្រ" អ្នកស្រី សឺន ធីហុង មានប្រសាសន៍។
ស្រដៀងនេះដែរ អ្នកបោះឆ្នោត សឺន ផលា (ឃុំ អាននិញ ទីក្រុង កឹនធើ) ក៏ជឿទុកចិត្តថា តំណាងជាប់ឆ្នោតនឹងយកចិត្តទុកដាក់បន្ថែមទៀតចំពោះការធ្វើឱ្យមានតុល្យភាពនៃតម្លៃស្រូវនិងកសិផលផ្សេងៗទៀត ហើយពង្រឹងវិធានការធានាសន្តិសុខ សណ្តាប់ធ្នាប់នៅមូលដ្ឋាន។ "សកម្មភាពសេដ្ឋកិច្ចចម្បងរបស់គ្រួសារខ្ញុំគឺការធ្វើស្រែចម្ការ និងចិញ្ចឹមគោ សាច់។ ក៏ប៉ុន្តែ តម្លៃតែងតែមានការប្រែប្រួល មានរដូវខ្លះអំណោយផលប៉ុន្តែជួបស្ថានភាព តម្លៃធ្លាក់ចុះ បង្កឱ្យប្រាក់ចំណូលគ្រួសារខ្ញុំមិនស្ថិតស្ថេរ" អ្នកបោះឆ្នោត ផលា មានប្រសាសន៍។
ដោយមានការជឿទុកចិត្តយ៉ាងមុតមាំរបស់អ្នកបោះឆ្នោតជាបងប្អូនជនជាតិ ខ្មែរ បេក្ខជនជាប់ឆ្នោតជាសមាជិករដ្ឋសភានីតិកាលទី១៦ និងក្រុមប្រឹក្សាប្រជាជនគ្រប់លំដាប់ថ្នាក់ អាណត្តិឆ្នាំ២០២៦-២០៣១ នឹងបន្តជាស្ពានមេត្រីភាព នាំមកនូវសំឡេងរបស់ប្រជាជនទៅកាន់រដ្ឋសភា រួមចំណែកការកសាងស្រុកទេសមានការអភិវឌ្ឍកាន់តែខ្លាំងឡើង ហើយប្រកបដោយអត្តសញ្ញាណវប្បធម៌ទៀតផង៕
ផលិតដោយ៖ សឺន ហេង
