យោងតាមផែនការខេត្ត សុកត្រាំង ដំណាក់កាល ២០២១ - ២០៣០ ចក្ខុវិស័យដល់ឆ្នាំ ២០៥០ ត្រូវបាននាយករដ្ឋមន្ត្រីនៃរដ្ឋាភិបាលផ្ដល់សច្ចាប័ន តំបន់សេដ្ឋកិច្ច-សង្គមជាប់មាត់សមុទ្ររួមទាំងផ្ទៃដីនៃទីក្រុង សុកត្រាំង ដោយមានដីគោក និងមួយចំណែកលំហសមុទ្រនៃទីរួមខេត្ត វិញចូវ និងទីរួមស្រុក ត្រឹនដេ នឹងត្រូវផ្តោតលើការអភិវឌ្ឍវិស័យសេដ្ឋកិច្ចសមុទ្រ យុទ្ធសាស្ត្រសំខាន់ៗ ដូចជា៖ សេដ្ឋកិច្ចផ្លូវសមុទ្រ ចិញ្ចឹមវារីវប្បកម្ម និងរុករកផលិតផលជលផល ថាមពលបង្កើតឡើងវិញ ឧស្សាហកម្ម និងសេវាកម្មភ្ជាប់សេដ្ឋកិច្ចសមុទ្រ ធនធានរ៉ែសមុទ្រ។
ការអភិវឌ្ឍសេដ្ឋកិច្ចនៃតំបន់ធានានូវគោលការណ៍ទាញយករុករក ការប្រើប្រាស់ប្រកបដោយប្រសិទ្ធភាព ចីរភាពធនធានសមុទ្រ និងកោះទាំងឡាយ ដោយឈរលើមូលដ្ឋាននៃការគួបផ្សំប្រកបដោយសមស្របរវាងផលប្រយោជន៍សេដ្ឋកិច្ច-សង្គម ការការពារធនធាន បរិស្ថានអេកូឡូស៊ី បង្កើតការរកស៊ីចិញ្ចឹមជីវិតប្រកបដោយចីរភាពអោយប្រជាជន។ ទន្ទឹមនឹងនោះ ការពារយ៉ាងម៉ឺងម៉ាត់នូវការពារជាតិ សន្តិសុខ និងអធិបតេយ្យភាពសមុទ្រ កោះ ធានាសន្តិសុខ សណ្តាប់ធ្នាប់នៅលើសមុទ្រ ព្រមទាំងដាក់ដំណើរល្អសកម្មភាពស្វែងរកជួយសង្គ្រោះ ស្រោចស្រង់។
ស្ថិតក្នុងប្រព័ន្ធតំបន់សេដ្ឋកិច្ច-សង្គមតាមជាប់មាត់សមុទ្រ ទីក្រុង សុកត្រាំង ត្រូវបានរៀបចំគ្រោងជាមជ្ឈមណ្ឌលសេដ្ឋកិច្ចនៃអនុតំបន់ជាប់មាត់សមុទ្រខាងកើត មជ្ឈមណ្ឌលឧស្សាហកម្មកែច្នៃកសិផល ជលផល ឧស្សាហកម្មថាមពលស្អាត មជ្ឈមណ្ឌលទេសចរណ៍វប្បធម៌ ប្រវត្តិសាស្ត្រ ... តភ្ជាប់និងឧបត្ថម្ភដ៏សកម្មអោយ ត្រឹនដេ និង វិញចូវ ក្នុងតួនាទីជាទីក្រុងខេត្តជាមជ្ឈមណ្ឌលនយោបាយ សេដ្ឋកិច្ច វប្បធម៌ - សង្គម វេជ្ជសាស្ត្រ អប់រំ វិទ្យាសាស្ត្របច្ចេកទេស សន្តិសុខ - ការពារជាតិរបស់ខេត្ត។
នៅស្រុក ត្រឹនដេ កន្លែងមានសក្ដានុពល ឧត្តមភាពដើម្បីអភិវឌ្ឍន៍សេដ្ឋកិច្ចសមុទ្រនៃខេត្ត សុកត្រាំង ជាច្រើនឆ្នាំកន្លងទៅ សេដ្ឋកិច្ចស្រុកគឺផ្អែកលើផលិតកម្មកសិកម្មជាចម្បង។ ចាប់តាំងពីប្រព័ន្ធទំនប់ទឹក ទំនប់ទន្លេ គម្រោងប្រព័ន្ធធារាសាស្រ្ត និងទំនប់បិទជិត រួមផ្សំនឹងការបំប្លែងរចនាសម្ព័ន្ធកសិកម្ម ដីដែលបោះបង់ចោលពីមុន និងដីប្រៃ ឥឡូវនេះបានប្រែក្លាយទៅជាស្រះចិញ្ចឹមបង្គា ស្រែចំការ ពិសេសស្រូវគុណភាពខ្ពស់... ជួយសេដ្ឋកិច្ចស្រុកឲ្យរីកចម្រើនជាបន្តបន្ទាប់។
កំណត់សេដ្ឋកិច្ចសមុទ្រជាវិស័យសេដ្ឋកិច្ចមុខព្រួញមួយក្នុងចំណោមវិស័យសេដ្ឋកិច្ចមុខព្រួញ ស្រុក ត្រឹនដេ បានផ្តោតសំខាន់ យកចិត្តទុកដាក់លើការវិនិយោគហេដ្ឋារចនាសម្ព័ន្ធ។ អាចរាប់ដល់កំពង់ផែ ត្រឹនដេ តំបន់ពាណិជ្ជកម្មសេដ្ឋកិច្ចសមុទ្រ ត្រឹនដេ កំពង់ត្រី ម៉អ ជាដើម។ ហេដ្ឋារចនាសម្ព័ន្ធអភិវឌ្ឍបានជួយឱ្យដៃសមុទ្រ ត្រឹនដេ ក្លាយជាចំណុចប្រមូលផ្តុំដ៏មមាញឹកសម្រាប់ទូកនេសាទជាច្រើននៅក្នុងតំបន់ និងខេត្តជិតខាង។
ត្រឹនដេ ត្រូវបានតម្រង់ទិសដៅដល់ឆ្នាំ ២០៣០ សម្រេចលក្ខណៈវិនិច្ឆ័យនៃទីក្រុងថ្នាក់ទី IV សារវ័ន្ត ជាទីរួមខេត្ត និងតម្រង់ទិសដៅអភិវឌ្ឍទៅជាទីក្រុងដោយមានទិសដៅអភិវឌ្ឍន៍លំហសំខាន់គឺឆ្ពោះទៅទីក្រុង សុកត្រាំង និងមាត់ទន្លេ ហូវ។ នៅពេលនោះ ត្រឹនដេ នឹងក្លាយជាមជ្ឈមណ្ឌលសេដ្ឋកិច្ចសមុទ្រនៃខេត្ត សុកត្រាំង ដោយផ្តោតលើការអភិវឌ្ឍន៍ខ្លាំងនៃឧស្សាហកម្ម ពាណិជ្ជកម្ម សេវាកម្មដឹកជញ្ជូន កំពង់ផែសមុទ្រ ការដឹកជញ្ជូន ដែនសមុទ្រ តំបន់ផលិតកម្មឧស្សាហកម្ម ថាមពលកកើតឡើងវិញនៅឆ្នេរសមុទ្រ ទេសចរណ៍សមុទ្រ និងទីក្រុងសមុទ្រ។ ភ្ជាប់ជាមួយកំពង់ផែសមុទ្រនៅច្រកសមុទ្រ ត្រឹនដេ តំបន់សេដ្ឋកិច្ចឆ្នេរ ត្រឹនដេ ផ្លូវហាយវេ ចូវដុក - កឹនធើ - សុកត្រាំង។
តំបន់កណ្តាលទីក្រុងមួយក្នុងចំណោមតំបន់សេដ្ឋកិច្ច-សង្គមជាប់មាត់សមុទ្រនៃខេត្ត សុកត្រាំង តភ្ជាប់ទៅ ត្រឹនដេ ដោយផ្លូវជាតិ ណាមសុងហូវ គឺទីរួមខេត្ត វិញចូវ ។ កន្លែងនេះបន្តស្រាវជ្រាវ ដើម្បីអភិវឌ្ឍ និងពង្រីកតំបន់ទីក្រុង ក្នុងទិសដៅបង្កើតតំបន់មុខងារ និងតំបន់ទីក្រុងកែឆ្នៃសមុទ្រ ដែលមានលក្ខណៈសម្បត្តិ និងមាត្រដ្ឋានសមស្របទៅនឹងលក្ខខណ្ឌធម្មជាតិ សណ្ឋានដី ភូគព្ភសាស្ត្រ និងធារាសាស្ត្រ និងធានាបាននូវលក្ខខណ្ឌតភ្ជាប់ជាមួយហេដ្ឋារចនាសម្ព័ន្ធ ទិសដៅអភិវឌ្ឍន៍ទីក្រុង។ នាពេលខាងមុខ ទីប្រជុំជន វិញចូវ នឹងក្លាយជាតំបន់ទីក្រុងពាណិជ្ជកម្ម ឧស្សាហកម្ម សេវាកម្ម ទេសចរណ៍ធម្មជាតិ កសិកម្ម រុក្ខាប្រមាញ់ នេសាទ និងវិស័យសេដ្ឋកិច្ចសមុទ្រ ដូចជា ថាមពលខ្យល់នៅជាប់មាត់សមុទ្រ ផលិតផលវារីវប្បកម្ម (ប្រៃ ភ្លាវ) និងសេវាកម្មព័ស្ដុភារសមុទ្រ៕
អត្ថបទ៖ ធូហឿង - រូបថត៖ អានហៀវ
ប្រែសម្រួលដោយ៖ សឺនហេង
