អត្ថបទទី ១៖ នៅតែមានផ្ទះសង់ឡើងដោយឯកឯងជាច្រើននៅលើ ‘ផ្ទៃទឹក’
ផ្ទះបណ្តោះអាសន្នជាង ២០.០០០ ខ្នងនៅជាប់ប្របមាត់ទឹក បំពានច្រករបៀងព្រែក ប្រឡាយនឹងត្រូវបានរើចេញ ដើម្បីបម្រើឱ្យគម្រោងរៀបចំទីក្រុងបរិវេណផ្ទះនៅលើ និងនៅតាមប្របដងទន្លេ ព្រែក ប្រឡាយក្នុងភូមិសាស្ត្រទីក្រុង ហូ ជីមិញ ដំណាក់កាល ២០២៥ - ២០៣០។
ផលវិបាកជាច្រើនផ្តើមចេញពីផ្ទះនៅបណ្តោះអាសន្នតាមដងព្រែក
តាមបណ្តោយដងព្រែក ដូយ ព្រែក តែ ប្រឡាយ ស្វៀនតឹម ស្ថិតក្នុងសង្កាត់ ភូឌិញ ចាញ់ហ៊ឹង ប៊ិញដុង យ៉ាឌិញ ជាដើម នៅតែមានផ្ទះជាច្រើនសង់លើបង្គោលឈើបានទ្រុឌទ្រោមយ៉ាងធ្ងន់ធ្ងរ ប្រឈមនឹងហានិភ័យបាក់ស្រុតដី ទឹកសំណល់បញ្ចេញមកផ្ទាល់បង្កឲ្យបំពុលបរិស្ថាន។
រស់នៅជិត ៥០ ឆ្នាំនៅជិតព្រែក ដូយ អ្នកស្រី លេ ធីត្វៀតង៉ា ឱ្យដឹងថា ជីវភាពជួបការលំបាកជាច្រើនដោយសារតែផ្ទះទ្រុឌទ្រោម។ រាល់ពេលមានភ្លៀងធ្លាក់ខ្លាំងបូករួមនឹងទឹកជោរនោះ ទឹកពីព្រែកតែងតែហក់ឡើងហូរចូលផ្ទះ។ តំបន់នេះនៅតែមានសំរាម ទឹកដក់ថែមទាំងបណ្តាលឱ្យមូសបង្កើតលូតលាស់ បង្កជាហានិភ័យផ្ទុះជំងឺរាតត្បាត។ នៅពេលឮព័ត៌មានថាទីក្រុងនឹងរំដោះ រុះរើចេញដើម្បីកែលម្អតុបតែងតំបន់ប្របដងព្រែក គ្រួសារអ្នកស្រីសប្បាយចិត្តយ៉ាងខ្លាំង និងសង្ឃឹមថាគម្រោងនឹងត្រូវបានអនុវត្តក្នុងពេលឆាប់ៗ។
មានទស្សនៈដូចគ្នា លោក ង្វៀន វ៉ាន់ដាត នៅសង្កាត់ ចាញ់ហឹង យល់ឃើញថា គោលការណ៍រុះរើផ្ទះនៅប្របដងព្រែក ប្រឡាយគឺចាំបាច់ណាស់។ ច្រើនឆ្នាំកន្លងហើយ ការបំពុលបរិស្ថានកាន់តែធ្ងន់ធ្ងរទៅៗ ដោយសារសំរាម ទឹកសំណល់ លំហរស់នៅចង្អៀតចង្អល់ធ្វើឱ្យការធ្វើដំណើរ ប្រជុំជីវភាពលំបាកខ្លាំង។ ប្រជាជនសុទ្ធតែមានសង្ឃឹមថាតំបន់នេះបានកែលម្អប្រកបដោយសង្គតិភាព ជីកស្តារលំហូរ បើកផ្លូវ ង្វៀនយុយ ឲ្យទូលំទូលាយ ដើម្បីផ្លាស់ប្តូរមុខមាត់ និងមានលក្ខខណ្ឌរស់នៅកាន់តែល្អប្រសើរជាងមុន។
នៅសង្កាត់ យ៉ាឌិញ លោក ង្វៀន ថេហ៊ុង ចែករំលែកថា ប្រឡាយ ប៊ូយ ហ៊ឺវងៀ រងការបំពុលយ៉ាងធ្ងន់ធ្ងរ ទឹកខ្មៅខាប់ ភាយក្លិនស្អុយ លំហូរទឹកតែងតែស្ទះជានិច្ចដោយសារសំរាម។ នៅពេលរដ្ឋអនុវត្តការកែលម្អ ប្រជាជននៅក្នុងតំបន់នរណាៗ ក៏សោមនស្ស និងសង្ឃឹមថាប្រឡាយនឹងត្រូវបានសម្អាត ល្អស្អាតធំទូលាយ។
ផ្ទះជាង ២០.០០០ ខ្នងនៅតាមប្របដងព្រែក ប្រឡាយនឹងត្រូវបានរុះរើចេញ
ទោះបីជាអាជ្ញាធរទីក្រុងបានអនុវត្តកម្មវិធីរៀមចំទីក្រុងជាច្រើនក៏ដោយ ការរុះរើផ្ទះតាមដងព្រែក ប្រឡាយរហូតមកដល់ពេលនេះនៅតែមិនទាន់សម្រេចបានវឌ្ឍនភាពដូចការរំពឹងទុកនោះទេ។ យោងតាមមន្ទីរសាងសង់ទីក្រុង ហូ ជីមិញ គោលដៅដល់ឆ្នាំ ២០៣០ ទីក្រុងនឹងអនុវត្តការរុះរើផ្ទះយ៉ាងតិចណាស់ ២០.០០០ ខ្នងតាមប្របដងទន្លេ ព្រែក ប្រឡាយ ដោយផ្តោតលើដងព្រែកសំខាន់ៗ ដូចជា ព្រែក ដូយ ព្រែក តែ និងប្រឡាយ អុងលើន។
ទក្រុងទាំងមូលគ្រោងថានឹងមាន ៤៤ គម្រោង រួមមាន ៤០ គម្រោងប្រើប្រាស់ដើមទុនថវិកា និង ៤ គម្រោងសង្គមូបនីយកម្ម ដោយមានផ្ទះសរុប ២៣.៤២៩ ខ្នងត្រូវរុះរើចេញ។ ដោយឡែកសង្កាត់ទាំង ៣ គឺសង្កាត់ ប៊ិញដុង ចាញ់ហឹង និង ភូឌិញ ជាង ៦៥% ប្រហាក់ប្រហែលជាប្រមាណ ១៥.៧០៨ ខ្នង។ ទីក្រុងបានរៀបចំគម្រោងដោយឡែក កំណត់គោលដៅរុះរើផ្ទះ ១៤.៦០៩ ខ្នង អនុវត្ត ៩ គម្រោងអភិវឌ្ឍន៍ផ្ទះតាំងទីលំនៅឡើងវិញ ផ្ទះសង្គមកិច្ច និងមូលនិធិដីដេញថ្លៃដើម្បីបង្កើតប្រភពដើមទុន។
សំណង់ជីកស្តារ កែលម្អឆ្នេរខាងជើងព្រែក ដូយ នៅសង្កាត់ ភូឌិញ ប៉ះពាល់ចំនួន ៨០៤ ករណី។ នៅសង្កាត់ ចាញ់ហឹង គម្រោងជះឥទ្ធិពល ៨០០ ករណី ដោយបានប្រគល់ធារដីចំនួន ៧៦០ ករណីនឹងផ្ទៃដីជាង ២៨.០០០ ម៉ែត្រការ៉េ មាន ១៦៣ ក្រុមគ្រួសារចុះឈ្មោះតាំងទីលំនៅឡើងវិញ និង ៤០ ក្រុមគ្រួសារទទួលបានផ្ទះល្វែងតាមគម្រោងនៅលេខ ២២២៥ ផ្លូវ ផាម ថេហៀន។
យោងតាមលោក ដាម ញ៉ឹតក្វាង អនុប្រធានការិយាល័យសេដ្ឋកិច្ច - ហេដ្ឋារចនាសម្ព័ន្ធទីក្រុងសង្កាត់ យ៉ាឌិញ គម្រោងប្រឡាយ ស្វៀនតឹម ឆ្លងកាត់ភូមិសាស្ត្រមាន ៨៦៩ ករណីរងផលប៉ះពាល់។ រហូតមកដល់ពេលនេះ សង្កាត់បានទទួលការប្រគល់ធារដីពី ៥៦៥ ក្រុមគ្រួសារ សម្រេចប្រមាណ ៦៥% ករណីសរុប៕
អត្ថបទទី ២៖ ‘កំណួច’ ទាំងឡាយធ្វើឱ្យការរុះរើផ្ទះជួបការលំបាក
អត្ថបទនិងរូបថត៖ អានហៀវ
ប្រែសម្រួល៖ ចន្ថា
