យោងតាមបញ្ជាការដ្ឋានទីក្រុង ហូ ជីមិញ បណ្តាកងកម្លាំងបន្តអនុវត្តការងារស្វែងរក ប្រមូលអដ្ឋិធាតុយុទ្ធជនពលីនៅទីតាំងទី ២ (មណ្ឌល B) ឧទ្យាន លេ ធីរៀង។
ក្នុងថ្ងៃជាមួយគ្នានេះដែរ កងកម្លាំងអនុវត្តភារកិច្ចបានចាត់ការដីជាង ៩០០ ម៉ែត្រគុប ស្របពេលនោះដែរបើកទូលាយវិសាលភាពស្វែងរកនៅមណ្ឌល B។ ដើម្បីធានាវឌ្ឍនភាព បញ្ជាការដ្ឋានទីក្រុង ហូ ជីមិញ ចល័តត្រាក់ទ័រចូកចំនួន ២ គ្រឿង គ្រឿងចក្រឈូសឆាយដីចំនួន ១ គ្រឿង ឡានបែនចំនួន ១ គ្រឿង និងរថយន្តដឹកជញ្ជូនចំនួន ៣,៥ តោនបម្រើការជីក ដឹកជញ្ជូនដីនិងអនុវត្តការស្វែងរក។
ជាលទ្ធផល នៅថ្ងៃទី ២៤ ខែ សីហា កងកម្លាំងបានប្រទះឃើញ ប្រមូលផ្តុំចំនួន ២៦ គ្រោងអដ្ឋិធាតុយុទ្ធជនពលីនិងមតកៈវត្ថុចំនួន ១០ សម្រាប់នៅមណ្ឌល B។
បូកសរុបតាំងពីថ្ងៃទី ២៤ ខែ មិថុនា មកដល់ផុតថ្ងៃទី ២៤ ខែ សីហា ឆ្នាំ ២០២៦ បណ្តាកងកម្លាំងបានប្រទះឃើញ ប្រមូលផ្តុំចំនួន ៤៨១ គ្រោងអដ្ឋិធាតុយុទ្ធជនពលី ក្នុងនោះចំនួន ២៥០ គ្រោងមានមតកវត្ថុ។ ក្នុងចំណោងអដ្ឋិធាតុយុទ្ធជនពលីសរុបត្រូវបានប្រមូលផ្តុំ មានចំនួន ៤៤៨ គ្រោងអដ្ឋិធាតុយុទ្ធជនពលីនៅដាច់ដោយឡែកនិងចំនួន ៣៣ គ្រោងអដ្ឋិធាតុយុទ្ធជនពលីនៅចំនួន ៨ ទីតាំងផ្នូររួម រួមមានចំនួន ២ ទីតាំងនៅមណ្ឌល A និងចំនួន ៦ ទីតាំងនៅក្នុងមណ្ឌល B។
ការងារស្វែងរក ប្រមូលផ្តុំអដ្ឋិធាតុយុទ្ធជនពលីនៅឧទ្យាន លេ ធីរៀង ត្រូវបានដំណើរការយ៉ាងរួសរាន់ មធ្យ័តជាបន្ត កងកម្លាំងបំពេញភារកិច្ចស្របពេលនោះដែរបើកទូលាយវិសាលភាពស្វែងរកនៅតាមតំបន់មានសញ្ញាសង្ស័យក្នុងគោលបំណងស្វែងរក ប្រមូលផ្តុំអដ្ឋិធាតុវីរយុទ្ធជនពលីទាំងឡាយ៕
អត្ថបទនិងរូបថត៖ ម៉ាញ់លិញ - ទ្រិញទ្រុង - កាសែតព័ត៌មាននិងជនជាតិ
ប្រែសម្រួល៖ ពេជ្រពិសិដ្ធ
