កម្មវិធីសាងទីក្រុងឡើងវិញ ចំណុចស្នូលគឺការរើផ្ទះជាប់មាត់ព្រែក ប្រឡាយត្រូវបានបក្ខភាគ និងអាជ្ញាធរក្រុង ហូ ជីមិញ អនុវត្តយ៉ាងម៉ឺងម៉ាត់ដោយមានវិធានការ កម្មវិធីធ្វើសកម្មភាពជាក់ស្តែងជាច្រើន ឆ្ពោះទៅគោលដៅលើកកម្ពស់សោភ័ណភាពទីក្រុង និងកាត់បន្ថយការបំពុលបរិស្ថាននៅតាមដងទន្លេ ព្រែក ប្រឡាយនៅក្នុងភូមិសាស្ត្រទីក្រុង។
យោងតាមរបាយការណ៍របស់មន្ទីរសាងសង់ទីក្រុង ហូជីមិញ ចាប់ពីពេលនេះរហូតដល់ឆ្នាំ ២០៣០ ទីក្រុងបានកំណត់គោលដៅរើផ្ទះយ៉ាងតិច ២០.០០០ ខ្នងដែលស្ថិតនៅតាមបណ្តោយទន្លេ ព្រែក ប្រឡាយ សំដៅកែលម្អតុបតែងទីក្រុង កែលម្អបរិស្ថានរស់នៅ និងអភិវឌ្ឍហេដ្ឋារចនាសម្ព័ន្ធចរាចរណ៍ផ្លូវទឹក។
តំបន់សំខាន់ៗ ដាក់ដំណើរការរួមមាន ព្រែក ឌោយ ព្រែក តែ ប្រឡាយ អ៊ុងលើន និងខ្សែព្រែក ប្រឡាយផ្សេងៗ ទៀតនៅក្នុងភូមិសាស្ត្រ។ ចំពោះតំបន់តូចៗ នៅរាយប៉ាយ ទីក្រុងនឹងប្រគល់ឲ្យមូលដ្ឋានម្ចាស់ការរៀបចំអនុវត្តឱ្យសមស្របតាមលក្ខខណ្ឌជាក់ស្តែង។
យោងតាមផែនការ ទីក្រុងទាំងមូលគ្រោងថានឹងអនុវត្ត ៤៤ គម្រោងរើផ្ទះតាមដងព្រែក ប្រឡាយ ក្នុងនោះមាន ៤០ គម្រោងប្រើប្រាស់ទុនថវិកា និង ៤ គម្រោងអនុវត្តតាមទម្រង់រូបភាពសង្គមូបនីយកម្ម។ ចំនួនផ្ទះសរុបត្រូវរើចេញគឺ ២៣.៤២៩ ខ្នង។
ដោយឡែកនៅ ៣ សង្កាត់គឺ ប៊ិញដុង ចាញ់ហ៊ឹង និង ភូឌិញ ចំនួនផ្ទះនៅប្របព្រែក ប្រឡាយចាំបាច់ត្រូវរើចេញមានជាង ៦៥% នៃចំនួនសរុបរបស់ទីក្រុងទាំងមូល ប្រហាក់ប្រហែល ១៥.៧០៨ ខ្នង។ នេះត្រូវបានកំណត់ជាតំបន់សំខាន់ក្នុងកម្មវិធីកែលម្អតុបតែងទីក្រុងតាមប្របទន្លេ ព្រែក ប្រឡាយនាដំណាក់កាលខាងមុខ។
ចំពោះតំបន់នេះ ទីក្រុង ហូជីមិញ បានរៀបចំគម្រោងដោយឡែកដោយមានគោលដៅរើផ្ទះចំនួន ១៤.៦០៩ ខ្នង។ ទន្ទឹមនោះ ទីក្រុងនឹងដំណើ់រការ ៩ គម្រោងអភិវឌ្ឍន៍លំនៅឋានតាំងទីលំនៅឡើងវិញ លំនៅឋានសង្គមកិច្ច និងបង្កើតមូលនិធិដីសម្រាប់ការដេញថ្លៃ សំដៅបំពេញបន្ថែមប្រភពទុនដំណើរការកម្មវិធី។
យោងតាមអង្គភាពទទួលបន្ទុកគម្រោង ការដ្ឋានជីកស្តារ សាងសង់ហេដ្ឋារចនាសម្ព័ន្ធ និងកែលម្អបរិស្ថានមាត់ច្រាំងខាងជើងព្រែក ឌោយ នៅសង្កាត់ ភូឌិញ បច្ចុប្បន្នប៉ះពាល់ដល់ ៨០៤ ករណី។ ក្នុងនោះ មាន ៣១៩ ករណីនៅមាត់ច្រាំង និង ៤៨៥ ករណីរស់នៅតាមបណ្តោយទន្លេ។
នៅសង្កាត់ ចាញ់ហ៊ឹង គម្រោងកែលម្អបរិស្ថាន និងកែលម្អតុបតែងទីក្រុងបានប៉ះពាល់ដល់ប្រហែល ៨០០ ករណី។ រហូតមកដល់ពេលនេះ មូលដ្ឋានបានប្រគល់ធារដីរួចរាល់ចំនួន ៧៦០ ករណី ដោយមានទំហំផ្ទៃដីសរុបជាង ២៨.០០០ ម៉ែត្រការ៉េ។
ក្នុងនោះ មាន ១៦៣ ករណីបានចុះឈ្មោះទទួលផ្ទះតាំងទីលំនៅឡើងវិញ។ ក្នុងចំណោមនោះ មាន ៤០ ក្រុមគ្រួសារបានរៀបចំឱ្យរស់នៅក្នុងផ្ទះល្វែងនៃគម្រោងលំនៅឋានសង្គមកិច្ច លេខ ២.២២៥ ផ្លូវ ផាម ថេហៀន រួមចំណែកលំនឹងជីវភាពរស់នៅសម្រាប់ប្រជាជនដែលស្ថិតក្នុងក្របខណ្ឌត្រូវរើចេញ៕
អត្ថបទនិងរូបថត៖ អានហៀវ
ប្រែសម្រួល៖ អៀងថាន់
