ត្រូវបានចាប់ផ្តើមសាងសង់ថ្ងៃទី ២០ ខែ កក្កដា តំបន់តាំងទីលំនៅឡើងវិញ ភូមិ សឹនបៃ មានផ្ទៃក្រឡាសាងសង់សរុបប្រហែល ១០.០០០ ម៉ែត្រការ៉េ រួមមានផ្ទះផ្ទាល់ដីចំនួន ២៤ ខ្នងរួមជាមួយនឹងប្រព័ន្ធគមនាគមន៍ អគ្គិសនី ទឹក សំណង់បន្ទាប់បន្សំ ដោយមានកម្រិតទុនវិនិយោគសរុបចំនួន ១៩ ពាន់លានដុង។ ក្រោយរយៈពេលសាងសង់យ៉ាងឆាប់រហ័សត្រឹមតែ ១៦ ថ្ងៃប៉ុននោះ ផ្ទះចំនួន ២៤ ខ្នងត្រូវបានសាងសង់រួចរាល់និងប្រគល់ជូនប្រជាជនត្រូវទឹកជំនន់បាត់បង់ផ្ទះនៅភូមិ ជីត។ ផ្ទះមួយខ្នងៗ មានផ្ទៃក្រឡាចំនួន ៨០ ម៉ែត្រការ៉េលើដីទំហំ ២០០ ម៉ែត្រការ៉េ។
ទទួលបានផ្ទះលើកនេះ បង ត្រៀវ តូនញឹត ចែករំលែកថា៖ "ផ្ទះមានគ្រប់បន្ទប់ដេក បន្ទប់ទទួលភ្ញៀវ ផ្ទះបាយ បន្ទប់អនាម័យនិងរបស់របរប្រើប្រាស់ដ៏ចាំបាច់ គ្រប់គ្រាន់ដើម្បីលំនឹងជីវភាពរស់នៅ។ ឥឡូវនេះខ្លួនខ្ញុំខិតខំធ្វើការ រកស៊ីមានប្រាក់ដើម្បីក្រាលកម្រាលផ្ទះឡើងវិញ ទិញអីវ៉ែអីវ៉ាន់ប្រើប្រាស់ មានផាសុកភាពថែមទៀត"។
នៅក្នុងល្វែងផ្ទះចំនួន ២៤ ខ្នងសង់ជាប់ៗ គ្នា សំឡេងសើចសំឡេងដង្ហោយហៅគ្នា សំឡេងនិយាយរបស់ប្រជាជនតែងតែបន្លឺឡើងអឺងកង។ គ្រួសារជាច្រើនបានរៀបចំធ្វើលី (ពិធីសែន) អ្នកតាម្ចាស់ដី បុព្វបុរសអនុញ្ញាតឱ្យម្ចាស់ផ្ទះបញ្ជូនមកស្នាក់នៅ ស្របពេលនោះដែរមកផ្ទះថ្មីដើម្បីសុំសេចក្តីសុខសាន្ត លាភសម្ប័ទនិងវិបុលភាព។
ទឹកជំនន់មួយសម្ទុះកាលពីថ្ងៃទី ១៧ ខែ កក្កដា នៅឃុំ មឿងថាន (ឡាយចូវ) បានធ្វើឱ្យមនុស្សរងរបួសនិងស្លាប់ចំនួន ១៧ នាក់ ចំនួន ២៤ គ្រួសារត្រូវបាត់បង់ផ្ទះសម្បែងទាំងស្រុង ស្រូវ ដំណាំ បន្លែបង្ការរាប់រយហិកតា ហ្វូងសត្វចិញ្ចឹមទ្រព្យសម្បត្តិត្រូវកួចរសាត់ បង្កប់លុបបាត់ជាដើម។ ការខូចខាតអន្តរាយសរុបជិត ២៥០ ពាន់លានដុង។
នាពេលខាងមុខ ខេត្ត ឡាយចូវ បន្តសាងសង់ផ្ទះថ្មីចំនួន ២០ ខ្នងជូនបណ្តាក្រុមគ្រួសារប្រជាជនត្រូវខូចខាតអន្តរាយធ្ងន់ធ្ងរដោយសារគ្រោះមហន្តរាយធម្មជាតិ តាំងទីលំនៅឡើងវិញជូនជាង ៥០ ក្រុមគ្រួសារមានហានិភ័យបាក់ស្រុតនៅតាមភូមិ៖ ណុងថាំង សិបងួ ជាដើម។
ជីវភាពថ្មីមួយកំពុងចាប់ផ្តើម មាមីងបងប្អូនសាមគ្គី ចែករំលែកនាំគ្នាឆ្លងកាត់ការលំបាកលំបិន សុទិដ្ឋិនិយម ជឿទុកចិត្តយ៉ាងរឹងមាំកសាងជីវភាព។ ស្នាមញញឹមបានត្រឡប់មកកាន់បណ្តាគ្រួសារមានកន្លែងនៅថ្មីទៀត៕
អត្ថបទ៖ ង្វៀនអ្វាញ់
រូបថត៖ ទីភ្នាក់ងារព័ត៌មានវៀតណាម
ប្រែសម្រួល៖ យ័ញលើយ
