អត្ថបទទី ១: ការផ្លាស់ប្តូរទៅជាទីធ្លាសហគមន៍
ក្រោយពីរៀបចំអង្គភាពរដ្ឋបាលឡើងវិញ ទីក្រុង ហូ ជីមិញ កំពុងពន្លឿនការពិនិត្យពិច័យឡើងវិញ បែងចែកនិងប្រើប្រាស់មូលនិធិអគារ ដីសាធារណៈដែលនៅសេសសល់។ ទីស្នាក់ការជាច្រើនត្រូវបានប្តូរទៅជាសាលារៀន មូលដ្ឋានសុខភាព វប្បធម៌ តំបន់ដីទំនេរចោលត្រូវបានកែលម្អទៅជាឧទ្យាន សួនច្បារនិងទីធ្លាកម្សាន្ត។ ការផ្លាស់ប្តូរចំតម្រូវការមិនត្រឹមតែកាត់បន្ថយខ្ជះខ្ជាយទ្រព្យសម្បត្តិសាធារណៈប៉ុននោះទេ ថែមទាំងបង្កើតផាសុកភាពជាក់ស្តែង បម្រើជីវភាពប្រជាជនដោយផ្ទាល់ទៀតផង។
ចំណុចជួបជុំដ៏មានអត្ថន័យជូនអ្នកស្រុក
ឱ្យតែដល់ពេលរសៀលម្តងៗ ប្រលោះដីមានម្លប់ត្រជាក់ឈឹងនៅលើផ្លូវលេខ ៨ សង្កាត់ តាំងញើនភូ ក៏អឺងកងសំឡេងក្មេងៗ ប្រលែងលេងយ៉ាងសប្បាយទៀត។ មិនសូវមានអ្នកណានៅចាំ កន្លែងនេះធ្លាប់ជាតំបន់ដីសាធារណៈត្រូវទុកចោលទំនេរ កើតសំណល់សំរាមជារឿយៗ។ ពេលមានគោលការណ៍កែលម្អភ្លាម អនុសង្កាត់បានស្រង់មតិក្នុងស្រុកហើយទទួលបានការស្រុះចិត្តស្រុះគំនិតដ៏ខ្ពស់។ ប្រជាជននាំគ្នាចូលរួមថវិកា កម្លាំងពលំដើម្បីកសាង ហើយរួមដំណើរថែរក្សារុក្ខជាតិបៃតង រក្សាទុកឧបករណ៍។
គំរូស្រដៀងគ្នានេះក៏ត្រូវបានបង្កើតឡើងនៅឧទ្យានខ្នាតតូចក្នុងច្រកផ្លូវ ១៨២ ផ្លូវលេខ ៦ សង្កាត់ ប៊ិញតឹន។ ពីចំណែកដីទំនេរធេងពេញទៅដោយសំរាម កន្លែងនេះឥឡូវក៏មានរុក្ខជាតិបៃតង មណ្ឌលលេងកម្សាន្តនិងឧបករណ៍ហាត់ប្រាណដោយប្រជាជនចូលរួមប្រាក់ទិញជាមួយគ្នា ដំឡើងដំបូលបាំងចល័ត។ នេះគឺជាចំនៀរដីមួយក្នុងចំណោមចំនៀរដីសាធារណៈទាំង ៥២ ត្រូវបានសង្កាត់កែលម្អទៅជាកន្លែងប្រជុំជីវភាពរួម។
នៅសង្កាត់ ប៊ិញតី ចំនៀរដីតូចៗ ដូចជាលេខ 341C បេនភូឡឹម ឬលេខ 908A ឡហ្គោម ក៏ត្រូវបានចាក់ខឿន ក្រាលកម្រាលឥដ្ឋ ដំឡើងឧបករណ៍ហាត់ប្រាណដោយប្រើប្រាស់ប្រភពថវិការដ្ឋគួបផ្សំការចូលរួមពីគ្រប់តួអង្គពាក់ព័ន្ធទាំងអស់នៃសង្គម។ យោងតាមលោក ង្វៀន គ្វក់យឿង ប្រធានគណៈកម្មាធិការប្រជាជនសង្កាត់ ប៊ិញតី ផ្ទៃក្រឡាសួនច្បារទាំងនេះទោះបីជាមិនធំក៏ដោយ ក៏ប៉ុន្តែបំពេញចំតម្រូវការនៅនឹងកន្លែងរបស់ប្រជាជន រួមចំណែកលុបបំបាត់ចំណុចសោភ័ណភាពទីក្រុងមិនស្អាត។
ការបង្កើនតម្លៃដីសាធារណៈបន្ថែម
មិនត្រឹមតែដីទំនេរប៉ុននោះទេ ទីស្នាក់ការសេសសល់ជាច្រើនក៏ត្រូវបានផ្លាស់ប្តូរដើម្បីបម្រើតម្រូវការជាបន្ទាន់ផងដែរ។ នៅសង្កាត់ ធើយអាន ទីស្នាក់ការគណៈកម្មាធិការប្រជាជនខណ្ឌ ១២ ចាស់មានផ្ទៃក្រឡាទំហំជាង ៣,២ ហិកតា កំពុងត្រូវបានកែលម្អឡើងវិញទៅជាសាលាបឋមសិក្សា - មធ្យមសិក្សាបឋមភូមិ - វិទ្យាល័យ លេ ធីរៀង គ្រោងនឹងទទួលសិស្សសាលាប្រហែល ៨០០ នាក់ក្នុងឆ្នាំសិក្សា ២០២៦ - ២០២៧។ ការឆ្លៀតប្រើប្រាស់សំណង់មានស្រាប់ជួយកាត់បន្ថយពេលវេលាត្រៀមមូលដ្ឋានសម្ភារៈ ដោះស្រាយស្ថានភាពខ្វះថ្នាក់រៀននៅមូលដ្ឋាន។
ស្រដៀងគ្នានេះដែរ នៅសង្កាត់ តឹនភូ ទីស្នាក់ការគណៈកម្មាធិការខណ្ឌ តឹនភូ ចាស់ ក៏ត្រូវបានប្តូរទៅជាវិទ្យាល័យ ថ្វយង៉ុកហ៊ៅ ទទួលសិស្សសាលាថ្នាក់ទី ១០ ចំនួន ៦៧៥ នាក់ក្នុងឆ្នាំសិក្សានេះតែម្តង។ នៅចំពោះទ្រង់ទ្រាយធំថែមទៀត ចំនៀរដីលេខ ២៧ ង្វៀន ទឺងៀម (សង្កាត់ ប៊ិញទ្រឹង) ទំហំប្រហែល ៥.៥០០ ម៉ែត្រការ៉េបានបញ្ចប់ដំណាក់កាលដំបូងក្លាយជាឧទ្យានមានឆាកខាងក្រៅវាល មណ្ឌលកីឡានិងទីធ្លាវប្បធម៌ ហូ ជីមិញ។
តំណាងមូលដ្ឋានទាំងឡាយបញ្ជាក់ថា ការផ្លាស់ប្តូរមុខការចាំបាច់ត្រូវតែបត់បែនតាមចំនៀរដីនីមួយៗ៖ ផ្ទៃក្រឡាតូចធ្វើសួនច្បារ ទីធ្លាកម្សាន្ត បរិវេណធំៗ គួបផ្សំជាមួយបរិយាកាសបៃតង កីឡា ទីស្នាក់ការ សមស្របប្តូរទៅជាសាលារៀន មូលដ្ឋានសុខាភិបាល។ តម្លៃនាំមកដ៏ធំបំផុតមិនត្រឹមតែជាមុខមាត់ទីក្រុងថ្មីប៉ុននោះទេ ថែមទាំងជាផាសុកភាពដ៏ចាំបាច់ត្រូវបានប្រគល់មកឱ្យសហគមន៍វិញទៀតផង៕
អត្ថបទទី ២៖ ការស្រាយកំណួចនីមួយៗ នៅពេលផ្លាស់ប្តូរមុខការ
អត្ថបទនិងរូបថត៖ ហ្វាងត្វៀត - កាសែតព័ត៌មាននិងជនជាតិ
ប្រែសម្រួល៖ ពេជ្រពិសិដ្ឋ
