បេះដូងរាប់លានឆ្ពោះទៅតំបន់ជនបទរួម

វ៉ាន់ទី - តាច្វៀន

05/06/2025 14:35

ដោយក្តីគោរពស្រឡាញ់គ្មានដែនកំណត់ នាអំឡុងថ្ងៃនៃខែ ឧសភា នេះ ប្រជាជនរាប់លាននាក់នៅទូទាំងប្រទេសនាំគ្នាងាកមកស្រុកកំណើតលោក អ៊ំ - តំបន់ជនបទរួម។ មិនត្រឹមតែរក្សាទុកអនុស្សាវរីយ៍ជាច្រើនអំពីលោកអ៊ំ ហូ ប៉ុននោះទេកន្លែងនេះក៏នាំបញ្ជូនបណ្តាតម្លៃដ៏ពិសិដ្ឋសម្រាប់អនាគត ជួយក្មេងៗ ជំនាន់ក្រោយយល់ដឹងកាន់តែច្បាស់ទំនួលខុសត្រូវចំពោះស្រុកកំណើត ប្រទេសជាតិថែមទៀត។

នាអំឡុងថ្ងៃនៃខែ ឧសភា នេះ មណ្ឌលកេរដំណែលជាតិពិសេស គីមលៀន ទទួលភ្ញៀវរាប់ពាន់លើកនាក់មកពីគ្រប់តំបន់ភូមិភាគក្នុងទូទាំងប្រទេសអញ្ជើញមកទស្សនា។ សម្របខ្លួនក្នុងក្រុមមនុស្សឆ្ពោះទៅមណ្ឌលកេរដំណែលជាតិពិសេស គីមលៀន គឺជាអតីតយុទ្ធជន លោកយាយៗ អ្នកម្តាយៗ ប្អូនតូចៗ និងទាំងអ្នកដែលធ្លាប់ឈរខាងនាយខ្សែត្រៀម។ល។ ក្នុងដៃជាបាច់ផ្កាស្រស់ប៉ប្រិម តម្កល់គោរពដល់លោក អ៊ំ។

អ្នកអធិប្បាយរៀបរាប់ដំណើររឿងអំពីលោកអ៊ំ ហូ យ៉ាងជក់ចិត្តជូនភ្ញៀវទស្សនាមណ្ឌលកេរដំណែលជាតិពិសេស គីមលៀន នៅឃុំ គីមលៀន (ស្រុក ណាមដាន ខេត្ត ងេអាន)

*បណ្តាបាច់ផ្កាស្រស់ប៉ប្រិមតម្កល់គោរពដល់លោក អ៊ំ*

អតីតយុទ្ធជន ហ្វាង វ៉ាន់ទន់ មកពីស្រុក ក្វាងនិញ (ខេត្ត ក្វាងនិញ) រំភើបចិត្តនិយាយថា៖ "ធ្លាប់រស់ឆ្លងកាត់អំឡុងខែឆ្នាំសង្រ្គាមបានជាខ្ញុំយល់ថាប្រពៃណីស្នេហាជាតិចាំបាច់ទទួលបានការអប់រំនិងបំផុស ឆ្លងកាត់ជាច្រើនជំនាន់និងមណ្ឌលកេរដំណែលជាតិពិសេស គីមលៀន គឺជាកន្លែងដ៏ល្អឥតខ្ចោះដើម្បីបំពេញបេសកកម្មនេះ។ នៅទីនេះមិនត្រឹមតែរក្សាទុកអនុស្សាវរីយ៍អំពី លោកអ៊ំ ប៉ុននោះទេ ថែមទាំងជាមេរៀនជាក់ស្តែងដ៏រស់រវើកទៀតផង ជួយក្មេងៗ ជំនាន់ក្រោយយល់កាន់តែច្បាស់ថែមទៀតអំពីប្រវត្តិសាស្ត្រ អំពីមនុស្សម្នាដែលបានបូជាទាំងអាយុជីវិតរបស់ខ្លួនអោយប្រជាជាតិ"។

*ជារៀងរាល់ថ្ងៃ មណ្ឌលកេរដំណែលទទួលមនុស្សអញ្ជើញមកទស្សនារាប់ពាន់នាក់*

មណ្ឌលកេរដំណែលជាតិពិសេស គីមលៀន មិនត្រឹមតែជាគោលដៅទេសចរណ៍ប្រវត្តិសាស្ត្រមួយប៉ុននោះទេ ថែមទាំងជា "គប់ភ្លើង" មួយបំភ្លឺដួងព្រលឹងនិងឆន្ទៈរបស់ក្មេងៗ ជំនាន់ក្រោយទៀតផង

ចំពោះប្អូនៗ សិស្សសាលាបានទស្សនាស្រុកកំណើត លោកអ៊ំ ជួយប្អូនៗ យល់បានការពិតរស់រវើកថែមទៀតអំពីការបរិច្ចាគ លះបង់ដ៏ធំធេងរបស់អគ្គមគ្គុទេសក៍ដ៏មហិមារបស់ប្រជាជាតិ។ អ្នកគ្រូ ង្វៀន ធីចឿង ទទួលបន្ទុកទូទៅនៃកងកុមារឈានមុខសាលាបឋមសិក្សា ហុងសឺន ស្រុក ថាញ់ជឿង (ខេត្ត ងេអាន) បានចែករំលែកថា៖ "ឆ្លងតាមរយៈដំណើររឿងអំពីលោក អ៊ំ ប្អូនៗ នឹងរៀនបានរបៀបរស់នៅសាមញ្ញ ចេះដាក់ផលប្រយោជន៍របស់សហគមន៍ជាចម្បងបំផុតហើយតែងតែឆ្ពោះទៅរកប្រការដ៏ប្រសើរឧត្តុង្គឧត្តម។ ជាការពិត មណ្ឌលកេរដំណែលជាតិពិសេស គីមលៀន មិនត្រឹមតែជាគោលដៅទេសចរណ៍ប្រវត្តិសាស្ត្រមួយ ប៉ុននោះទេ ថែមទាំងជា "ភ្លើងគប់" បំភ្លឺដួងព្រលឹងនិងឆន្ទៈក្មេងៗ ជំនាន់ក្រោយទៀតផង។ ឆ្លងតាមរយៈដំណើរទស្សនានេះ ប្អូនៗ នឹងស្រលាញ់ស្រុកកំណើតប្រទេសជាតិថែមទៀត ចេះគោរពបណ្តាតម្លៃដែលបុព្វបុរសបានចំណាយកម្លាំងជាច្រើនជំនាន់កសាងនិងបន្តថែរក្សាប្រពៃណីនោះក្នុងអនាគត"។

*ភ្ញៀវជាច្រើនក្រុមអុជធូបនៅមណ្ឌលរំលឹកវិញ្ញាណក្ខន្ធលោកអ៊ំ ហូ*

អ្នកស្រី ភុង ធីហឿងយ៉ាង បានផ្សារភ្ជាប់ជាមួយការងារអធិប្បាយអស់រយៈពេល ២៦ ឆ្នាំមកពុះកញ្ជ្រោលចំណាប់អារម្មណ៍ជានិច្ចពេលបានឧទ្ទេសនាមអំពីលោក អ៊ំ ជូនដល់ភ្ញៀវទេសចរទាំងឡាយ

លោក ឡឹម ឌិញហ៊ុង នាយករងមណ្ឌលកេរដំណែលជាតិពិសេស គីមលៀន បានឲ្យដឹងថា ក្នុងឱកាសរំលឹកខួបអនុស្សាវរីយ៍លើកទី ១៣៥ ឆ្នាំនៃថ្ងៃកំណើតរបស់លោកប្រធាន ហូ ជីមិញ ខេត្ត ងេអាន សហការជាមួយក្រសួងវប្បធម៌ កីឡា និងទេសចរណ៍និងអង្គភាពពាក់ព័ន្ធមួយចំនួនរៀបចំពិធីបុណ្យ ឡាងសែន ឆ្នាំ ២០២៥។ ដោយមានសកម្មភាពវប្បធម៌ កីឡានិងទេសចរណ៍គួរឲ្យកត់សម្គាល់ជាច្រើន មណ្ឌលកេរដំណែលជាតិពិសេស គីមលៀន ជាមធ្យមទទួលពី ១៥.០០០ ដល់ ២០.០០០ ភ្ញៀវទស្សនាក្នុងមួយថ្ងៃ៕

អត្ថបទ៖ វ៉ាន់ទី
រូបថត៖ វ៉ាន់ទី - តាច្វៀន
បញ្ចូលទិន្នន័យ៖ យ័ញលើយ