បង្រៀនចំណេះដឹងវប្បធម៌ផង បង្រៀនអក្សរសាស្ត្រ ខ្មែរ និងភាសាបាលីផងដល់សិក្ខាកាមនិងសមណសិស្ស សាលាមធ្យមសិក្សាបំពេញវិជ្ជា បាលី ណាមបូ ជាកន្លែងបណ្តុះបណ្តាលប្រភពធនធានមនុស្សប្រកបដោយគុណភាពជាព្រះសង្ឃជនជាតិ ខ្មែរ ណាមបូ ខេត្តទាំង ៩ នៅវាលទំនាបទន្លេ គឺវឡុង រួមចំណែកអភិវឌ្ឍធនធានមនុស្សប្រកបដោយគុណភាពខ្ពស់សម្រាប់តំបន់បងប្អូនជនជាតិភាគតិចនៅទីនេះ។
បន្ទាប់ពីបង្កើតបានជិត ៣០ ឆ្នាំ សាលាមធ្យមសិក្សាបំពេញវិជ្ជា បាលី ណាមបូ ខេត្ត សុកត្រាំង បានក្លាយជាកន្លែងបណ្តុះបណ្តាលកងជួរព្រះសង្ឃ ខ្មែរ របស់បណ្តាខេត្តតំបន់ ណាមបូ ចូលរួមសកម្មភាពក្នុងប្រព័ន្ធពុទ្ធសាសនាទក្ខិណនិកាយ ខ្មែរ សកម្មភាពសង្គមផ្សេងៗ បន្ទាប់ពីចាកសិក្ខាបទ។ ក្រោយពីបានជួសជុល ពង្រីកទូលាយលើមូលដ្ឋានសាលាចាស់ ឥឡូវនេះ សាលាស្ថិតក្នុងបរិវេណវត្ត ឃ្លាំង វិថី តូន ឌឹកថាំង ទីក្រុង សុកត្រាំង។
សាលាមធ្យមសិក្សាបំពេញវិជ្ជា បាលី ណាមបូ - អារាមឋានរបស់សមណសិស្ស ខ្មែរ គ្រប់ព្រះអង្គនៅ ណាមបូ។ រូបថត៖ អាន ហៀវ
សាលាមធ្យមសិក្សាបំពេញវិជ្ជា បាលី ណាមបូ ត្រូវបានសាងសង់ឡើងតាមស្ថាបត្យកម្មវប្បធម៌ជនជាតិ ខ្មែរ។ រូបថត៖ អាន ហៀវ
នៅក្នុងបរិវេណមានទំហំជិត ១០.០០០ ម៉ែត្រការ៉េ សាលាបានសាងសង់ធំទូលាយ ប្រព័ន្ធសាលារៀនស្អាតដោយមានតំបន់រដ្ឋបាល អគារសិក្សា អគារពិសោធន៍ អន្តេវាសិកដ្ឋាន អាហារដ្ឋាន (សាលាឆាន់) បណ្ណាល័យ... បច្ចុប្បន្ននេះមាន ៧ ថ្នាក់ (ចាប់ពីថ្នាក់ទី ៦ ដល់ថ្នាក់ទី ១២)។ កម្រិតនីមួយៗ មាន ១ ថ្នាក់) កម្មាភិបាល គ្រូបង្រៀន បុគ្គលិកចំនួន ៤៥ នាក់ ក្នុងនោះគ្រូបង្រៀន ២១ នាក់កំពុងសិក្សានៅទីនេះ។
យោងតាមលោកគ្រូ ឡឹម ញឹម នាយកសាលាមធ្យមសិក្សាបំពេញវិជ្ជា បាលី ណាមបូ បានឱ្យដឹងថា ក្នុងឆ្នាំសិក្សា ២០២២ - ២០២៣ មានសិក្ខាកាមសរុប ១៩២ នាក់និងអង្គ សិក្ខាកាម ១០០% មានគ្រប់លក្ខខណ្ឌចូលរួមប្រឡងបញ្ចប់កម្រិតវិទ្យាល័យ ចំនួនសិក្ខាកាម ១០០% ត្រូវបានទទួលស្គាល់ចំណេះវិជ្ជាជំនាញភាសា ខ្មែរ ថ្នាក់ទី ៩ សម្រេចបាន ១០០% ថ្នាក់ទី ១២ សិក្ខាកាមបានបញ្ចប់ការសិក្សាថ្នាក់មធ្យមសិក្សាភាសាបាលី-ខ្មែរ មានចំនួន ៣១ នាក់និងអង្គ សម្រេចបានអត្រា ១០០%។
លោកគ្រូ ឡឹម ញឹម ក៏មានប្រសាសន៍បន្ថែមថា តាំងពីបង្កើតរហូតមកទល់ពេលនេះ សាលាមានសមណសិស្សប្រមាណ ១.២០០ អង្គ ព្រះសង្ឃគ្រប់ព្រះអង្គនិមន្តសិក្សានៅទីនេះរយៈពេល ៥ ឆ្នាំ ចាប់ពីអនុវិទ្យាល័យរហូតដល់វិទ្យាល័យ ស្មើនឹងថ្នាក់ទី ៦ រហូតដល់ចប់ថ្នាក់ទី ១២។ ទាំងនេះគឺជាបណ្តាថ្នាក់តាមកម្មវិធីអប់រំជាប្រចាំ ការអប់រំទូទៅ និងប្រើប្រាស់សៀវភៅពុម្ភសិក្សាជាប្រចាំរបស់ក្រសួងអប់រំ និងបណ្តុះបណ្តាល រួមទាំងកម្មវិធីភាសា ខ្មែរ ភាសា បាលី ផងដែរ។
សមណសិស្ស ខ្មែរ កំពុងសិក្សានៅសាលាមធ្យមសិក្សាបំពេញវិជ្ជា បាលី ណាមបូ ។ រូបថត៖ អាន ហៀវ
សាលាមធ្យមសិក្សាបំពេញវិជ្ជា បាលី ណាមបូ ត្រូវបានវិនិយោគនិងបំពាក់ឧបករណ៍គ្រប់គ្រាន់ បំពេញតម្រូវការសិក្សារបស់សមណសិស្ស ខ្មែរ។ រូបថត៖ អាន ហៀវ
ក្រៅពីនេះ អនុវត្តគម្រោងបណ្តុះបណ្តាលភាសា ខ្មែរ ជូនកម្មាភិបាល មន្ត្រីរដ្ឋការ បុគ្គលិកលើភូមិសាស្ត្រខេត្ត សុកត្រាំង ដំណាក់កាលឆ្នាំ ២០១៩-២០២៣ សាលាបានបណ្តុះបណ្តាលចំនួន ៤ វគ្គ ដោយមានកម្មាភិបាល មន្ត្រីរដ្ឋការប្រមាណ ១.០០០ នាក់ ក៏ដូចជាសហការជាមួយវិទ្យុ ស្ថានីយ៍ទូរទស្សន៍ខេត្ត អនុវត្តបណ្តាកម្មវិធីបង្រៀនភាសា ខ្មែរ តាមរយៈរលកធាតុអាកាសទូរទស្សន៍។
ទន្ទឹមនឹងការបង្រៀនវប្បធម៌ សាលាតែងតែយកចិត្តទុកដាក់លើការងារអប់រំនយោបាយ សតិអារម្មណ៍ លើកកម្ពស់ការយល់ដឹងយ៉ាងហ្មត់ចត់នូវគោលការណ៍មាគ៌ា គោលនយោបាយរបស់បក្ស និងរដ្ឋ សេចក្តីសម្រេចចិត្ត នៃសេចក្តីណែនាំរបស់មជ្ឈិម និងមូលដ្ឋានជូនសិក្ខាកាម។ សាលាតែងតែអនុវត្តព័ត៌មាន ការឃោសនានៅពេលធ្វើសកម្មភាពដើមសប្តាហ៍ ចាប់ពីគោលនយោបាយសំខាន់ៗ សមិទ្ធិផលរបស់ខឿនសេដ្ឋកិច្ចសង្គមរហូតដល់គោលនយោបាយស្តីពីជនជាតិ សាសនា...
ម៉ោងរំលឹកមេរៀនភាសា ខ្មែរ ឡើងវិញ របស់លោកគ្រូនិងសមណសិស្សនៃសាលាមធ្យមសិក្សាបំពេញវិជ្ជា បាលី ណាមបូ ។ រូបថត៖ អាន ហៀវ
ម៉ោងរៀនភាសា ខ្មែរ នៅសាលាមធ្យមសិក្សាបំពេញវិជ្ជា បាលី ណាមបូ។ រូបថត៖ អាន ហៀវ
សាលាមធ្យមសិក្សាបំពេញវិជ្ជា បាលី ណាមបូ ត្រូវបានវិនិយោគបរិក្ខារប្រព័ន្ធកុំព្យូទ័របម្រើការសិក្សារបស់សមណសិស្ស ខ្មែរ។ រូបថត៖ អាន ហៀវ
កម្មាភិបាល គ្រូបង្រៀន បុគ្គលិក និងសិក្ខាកាមទាំងអស់ជានិច្ចកាលខិតខំជម្នះការលំបាកនានាដើម្បីសម្រេចបានជោគជ័យនូវគោលដៅ ភារកិច្ចបានដាក់ចេញ ជំរុញយ៉ាងសកម្មនូវការអនុវត្តបច្ចេកវិទ្យាព័ត៌មានក្នុងការបង្រៀន និងចូលរួមការចលនាប្រឡងប្រណាំងដោយសាលា និងវិស័យអប់រំបើកដំណើរការ។ សិក្ខាកាមខិតខំសិក្សារៀនសូត្រ គោរពល្អវិន័យសាលា ព្រមទាំងសិក្ខាបទរបស់ព្រះសង្ឃ។
យោងតាមគណៈកម្មាធិការជនជាតិនៃខេត្ត សុកត្រាំង សាលាមធ្យមសិក្សាបំពេញវិជ្ជា បាលី ណាមបូ បានធ្វើជាគំរូអស់រយៈពេលជាច្រើនឆ្នាំជាប់ៗគ្នាការអនុវត្តកម្មវិធីប្រឡងប្រណាំងសិក្សារៀនសូត្រ ធ្វើតាមសតិអារម្មណ៍ សីលធម៌ ស្ទីលរស់នៅនិងធ្វើការរបស់លោកប្រធាន ហូ ជីមិញ។ ពីលទ្ធផលវិជ្ជាជីវៈជំនាញក៏ដូចជាសកម្មភាពដ៏មានអត្ថន័យផ្សេងទៀត សាលាបានអះអាងនូវទិសដៅដ៏ត្រឹមត្រូវក្នុងការបណ្តុះបណ្តាល បំប៉នព្រះសង្ឃ ខ្មែរ លើកកម្ពស់កម្រិតការសិក្សារៀនសូត្រវប្បធម៍ និងការបណ្តុះបណ្តាលកម្មាភិបាលបញ្ញវន្តជនជាតិ ខ្មែរ សម្រាប់ក្រសួងនានា ផ្នែក អង្គការមហាជន។ នេះពិតជាចូលរួមកសាងធនធានមនុស្ស និងអភិវឌ្ឍន៍សេដ្ឋកិច្ច វប្បធម៌ សង្គមសម្រាប់ខេត្ត សុកត្រាំង ក៏ដូចជាបណ្តាខេត្តក្នុងតំបន់ផងដែរ៕
អត្ថបទនិងរូបថត៖ ធូហឿង - អានហៀវ
បកប្រែដោយ៖ សឺន ហេង
