ប៉ុន្មានថ្ងៃនេះ បរិយាកាសនៃការបោះឆ្នោតទិវាបុណ្យធំកំពុងរីករាលដាលយ៉ាងខ្លាំង។ ពណ៌ក្រហមនៃទង់ជាតិ បដា ពាក្យស្លោក និងផ្ទាំងប៉ាណូផ្សព្វផ្សាយត្រូវបានដាក់តាំងបង្ហាញគ្រប់ទីកន្លែង បង្កើតជារូបភាពថ្មីនៃជំនឿ និង ទំនួលខុសត្រូវរបស់ប្រជាជនចំពោះឱកាសថ្មីៗរបស់ប្រទេសជាតិ។ នៅក្នុងឃុំជាប់ព្រំដែន រៀបចំទាំងអស់បានចូលដល់ដំណាក់កាលចុងក្រោយ រួចរាល់សម្រាប់ការបោះឆ្នោតជាតិដ៏អស្ចារ្យ។ ឆ្ពោះទៅរកការបោះឆ្នោតជ្រើសរើសសមាជិកនីតិកាលទី១៦ និងសមាជិកក្រុមប្រឹក្សាប្រជាជនគ្រប់លំដាប់ថ្នាក់សម្រាប់អាណត្តិឆ្នាំ២០២៦-២០៣១ ឃុំជាប់ព្រំដែនកំពុងបញ្ចប់ការរៀបចំចុងក្រោយជាបន្ទាន់ ដោយប្តេជ្ញារៀបចំការបោះឆ្នោតប្រកបដោយប្រជាធិបតេយ្យ ស្របច្បាប់ សុវត្ថិភាព។
កម្មាភិបាលប៉ុស្តិ៍ការពារព្រំដែន ហូយលួង ប្តូរទង់ជាតិចាស់ដោយទង់ជាតិថ្មីសម្រាប់ប្រជាជននៅភូមិ បូតូ ឃុំ ព្រំដែន ផុងថូ (ខេត្ត ឡាយចូវ) មុនថ្ងៃបោះឆ្នោត។ រូបថត៖ គី្វទ្រុង/ទីភ្នាក់ងារព័ត៌មានវៀតណាម។
កម្មាភិបាលប៉ុស្តិ៍នការពារព្រំដែន ហូយលួង ផ្សព្វផ្សាយព័ត៌មាន និងណែនាំប្រជាជនក្នុងតំបន់អំពីនីតិវិធីបោះឆ្នោត។ រូបថត៖ គ្វីទ្រុង/ទីភ្នាក់ងារព័ត៌មានវៀតណាម។
កម្មាភិបាល យុទ្ធជនការពារព្រំដែននៅប៉ុស្តិ៍ព្រំដែន ហូយលួង កំពុងល្បាត និងត្រួតពិនិត្យបង្គោលព្រំដែនលេខ ៦១ រួមចំណែកក្នុងការរក្សាសន្តិសុខ និងអធិបតេយ្យភាពព្រំដែន។ រូបថត៖ គ្វីទ្រុង/ទីភ្នាក់ងារព័ត៌មានវៀតណាម។
លោកវរសេនីយ៍ទោ ង្វៀន ស៊ន់ទ្វន់ មេបញ្ជាការរងប៉ុស្តិ៍ការពារព្រំដែន ហូយលួង ចែករំលែកថា ដោយអនុវត្តផែនការរបស់បញ្ជាការដ្ឋានកងទ័ពការពារព្រំដែនខេត្ត និងមូលដ្ឋានយ៉ាងហ្មត់ចត់ អង្គភាពបានបង្កើតក្រុមការងារដើម្បីចុះទៅតំបន់ដោយផ្ទាល់ និងចលនាសាធារណជនឱ្យចូលរួមយ៉ាងសកម្មក្នុងការប្រយុទ្ធប្រឆាំង និងរាយការណ៍អំពីបទល្មើស។ អង្គភាពបានពង្រឹងវិធានការល្បាតជាក់ស្តែង ដើម្បីទប់ស្កាត់ការរំលោភច្បាប់ទាំងអស់ និងដើម្បីការពារពីបុគ្គលឆ្លៀតឱកាសបង្កការរំខាន និងរំខានដល់សន្តិសុខ សណ្តាប់ធ្នាប់។
ឧត្តមសេនីយ៍ត្រី ង្វៀន វ៉ាន់ ង៉ិញ បានជំរុញឱ្យតំបន់នានាជៀសវាងការធ្វេសប្រហែសជាដាច់ខាត។ កម្លាំងនគរបាល យោធា និងកងទ័ពការពារព្រំដែន ត្រូវតែពង្រឹងការសម្របសម្រួល និងប្រតិបត្តិការរួមគ្នា ដោយរកឃើញ និងដោះស្រាយយ៉ាងតឹងរ៉ឹងនូវសកម្មភាពកេងប្រវ័ញ្ចប្រព័ន្ធផ្សព្វផ្សាយសង្គម ដើម្បីបង្ខូចផ្សព្វផ្សាយព័ត៌មានមិនពិត ប៉ះពាល់ដល់ការបោះឆ្នោត។
កម្មាភិបាល យុទ្ធជនប៉ុស្តិ៍ការពារព្រំដែនហូយលួងអញ្ជើញតាមភូមិនីមួយៗដើម្បីណែនាំប្រជាជនអំពីការបង្ការបទល្មើស និងសារៈសំខាន់នៃការបោះឆ្នោត។ រូបថត៖ គីវទ្រុង/ទីភ្នាក់ងារព័ត៌មានវៀតណាម
ប្រធានក្រុមប្រឆាំងបទល្មើសគ្រឿងញៀនណែនាំប្រជាពលរដ្ឋអំពីរបៀបប្រើប្រាស់កម្មវិធីអ៊ីមែលនៅលើស្មាតហ្វូនដើម្បីរាយការណ៍អំពីបទល្មើស។ រូបថត៖ គី ទ្រុង/ទីភ្នាក់ងារព័ត៌មានវៀតណាម
នៅតាមដងផ្លូវ និងច្រកតូចៗនៃឃុំព្រំដែន វិញស៊ឿង (ខេត្ត អានយ៉ាង) ការតុបតែងលម្អដ៏រស់រវើកបង្កើតបានជារូបភាពថ្មីស្រឡាងឆ្លុះបញ្ចាំងពីជំនឿ និងការទទួលខុសត្រូវរបស់ប្រជាជនចំពោះមុខឱកាសថ្មីៗរបស់ប្រទេសជាតិ។ រូបថត៖ កុងម៉ៅ/ទីភ្នាក់ងារព័ត៌មានវៀតណាម
អង្គភាពនានាត្រូវតែបង្កើត និងអនុវត្តសន្តិសុខយ៉ាងហ្មត់ចត់ ដោយការពារជាដាច់ខាតនូវស្ថានភាពអកម្ម ឬស្ថានភាពមិននឹកស្មានដល់។ តំបន់នានាត្រូវអនុវត្តគោលការណ៍ "ការទទួលខុសត្រូវច្បាស់លាស់ ភារកិច្ចច្បាស់លាស់" ដោយយកចិត្តទុកដាក់ជាពិសេសចំពោះការគាំទ្រដល់អ្នកបោះឆ្នោតវ័យចាស់ ជនពិការ អ្នកគោលនយោបាយ... ដើម្បីធានាថ្ងៃបោះឆ្នោតប្រព្រឹត្តទៅដោយសុវត្ថិភាព សេដ្ឋកិច្ច ស្របច្បាប់ ក្លាយជាសកម្មភាពនយោបាយដ៏ទូលំទូលាយ ជាមួយនឹងអត្រាចូលរួមរបស់អ្នកបោះឆ្នោតខ្ពស់បំផុត។
គណៈប្រតិភូនៃគណៈកម្មាធិការរៀបចំការបោះឆ្នោតខេត្តអានយ៉ាងកំពុងត្រួតពិនិត្យការរៀបចំការបោះឆ្នោតនៅឃុំ វិញស៊ឿង។ រូបថត៖ កុងម៉ៅ/ទីភ្នាក់ងារព័ត៌មានវៀតណាម។
បេក្ខជនក្រុមប្រឹក្សាប្រជាជនឃុំ វិញស៊ឿង (ខេត្ត អានយ៉ាង) សម្រាប់អាណត្តិឆ្នាំ ២០២៦-២០៣១ អង្គភាពបោះឆ្នោតលេខ ១ ជួបសំណេះសំណាលជាមួយអ្នកបោះឆ្នោត។ រូបថត៖ កុងម៉ៅ/ទីភ្នាក់ងារព័ត៌មានវៀតណាម
សន្លឹកឆ្នោតមួយសន្លឹកៗ អ្នកបោះឆ្នោតបានបោះនៅក្នុងឃុំព្រំដែនខាងលើនៃខេត្ត អានយ៉ាង តំណាងឱ្យទំនុកចិត្តដ៏រឹងមាំចំពោះអ្នកតំណាងឱ្យឆន្ទៈ និងសេចក្តីប្រាថ្នារបស់ប្រជាជន។ ការរៀបចំយ៉ាងសកម្ម និងម៉ឺងម៉ាត់ពីកម្រិតមូលដ្ឋានបានបង្កើតសន្ទុះ និងកម្លាំងថ្មី ដោយធ្វើការរួមគ្នាដើម្បីភាពជោគជ័យរួមរបស់ប្រទេសជាតិ និងដើម្បីមាតុភូមិដ៏រុងរឿង អរិយធម៌ និងទំនើបរបស់លោកប្រធាន តូន ឌឹកថាំង៕
អត្ថបទនិងរូបថត៖ គ្វី ទ្រុង - កុង ម៉ៅ
ប្រែសម្រួល៖ សឺន ហេង
