យោងតាមកម្មាភិបាល បុគ្គលិករដ្ឋការសាធារណៈ បុគ្គលិករដ្ឋការ និងប្រជាជននៅលើភូមិសាស្រ្ត សេចក្តីសម្រេចលេខ ៥៧ ឆាប់ចាប់ផ្តើមពីទ្រឹស្តីទៅជាចេញសកម្មភាព អាស្រ័យកិច្ច ការប្រចាំថ្ងៃទាំងអស់របស់មនុស្សម្នាក់ៗឥឡូវនេះសុទ្ធតែទាក់ទងនឹងវិទ្យាសាស្ត្រ បច្ចេកវិទ្យា និងបរិវត្តកម្មឌីជីថល។
ក្នុងក្បាលម៉ាស៊ីនរាល់ស្ថាប័នបក្សនិងរដ្ឋនាបច្ចុប្បន្ន កម្មាភិបាល បក្ខជន បុគ្គលិករដ្ឋការសាធារណៈ បុគ្គលិករដ្ឋការ ពលករទាំងអស់សុទ្ធតែធ្វើការតាមប្រព័ន្ធអ៊ីនធឺណិត។ ឯកសារ លិខិតទាំងឡាយត្រូវបានផ្លាស់ប្តូរ និងរក្សាទុកក្នុងប្រព័ន្ធឌីជីថលទាំងអស់។ ការបំពេញបែបបទរដ្ឋបាលសម្រាប់ប្រជាជនត្រូវបានធ្វើតាមប្រព័ន្ធអេឡិចត្រូនិច ប្រជាជនដាក់ជូនឯកសារតាមប្រព័ន្ធអេឡិចត្រូនិចជំនួសឲ្យឯកសារក្រដាសវិញ។ល។ សកម្មភាពញឹកញាប់បំផុតរបស់ប្រជាជនម្នាក់ៗដូចជាការទិញ និងលក់ទំនិញ ការប្រើប្រាស់ការផ្ទេរប្រាក់តាមធនាគារ កាបូបលុយអេឡិចត្រូនិច និងកាតធនាគារជាដើម សុទ្ធតែទូទាត់តាមប្រព័ន្ធអនឡាញទាំងអស់។
ស្ថិតនៅភាគខាងត្បូងខេត្ត ឡឹមដុង ចម្ងាយពីកណ្តាលខេត្តជិត ២០០ គីឡូម៉ែត្រ ឃុំ ដាតែហ៍ គឺជាមូលដ្ឋានមួយឆាប់អនុវត្តតាមសេចក្តីសម្រេចលេខ ៥៧ ដោយមានផែនការ និងកម្មវិធីសកម្មភាពជាក់ស្តែងជាច្រើន។ នោះក៏ព្រោះតែថ្នាក់ដឹកនាំនៃគណៈកម្មាធិការបក្ស អាជ្ញាធរសុទ្ធតែយល់ដឹង និងជក់ចិត្តជាមួយនឹងវិទ្យាសាស្ត្របច្ចេកវិទ្យា ទើបឆាប់សម្គាល់ឃើញនូវប្រសិទ្ធភាពនៃសេចក្តីសម្រេចដ៏សំខាន់នេះ។
ប្រឹក្សាជាមួយនឹងអ្នកយកព័ត៌មានទីភ្នាក់ងារព័ត៌មានវៀតណាម លោក ត្រឹន ថេហ្វាង អនុលេខាគណៈកម្មាធិការបក្សឃុំ ដាតែហ៍ មានប្រសាសន៍ថា ក្រោយពេលសេចក្តីសម្រេចលេខ ៥៧ ចេញភ្លាមនោះ គណៈកម្មាធិការបក្ស និងអាជ្ញាធរឆាប់បញ្ជ្រាបការយល់ដឹង និងដំណើរការដល់កម្មាភិបាល បក្ខជន បុគ្គលិករដ្ឋការសាធារណៈ បុគ្គលិករដ្ឋការទាំងអស់នៅក្នុងភូមិសាស្រ្តទាំងមូល។ ជាក់ស្តែងគឺ គណៈកម្មាធិការបក្សឃុំបានចេញសេចក្តីសម្រេច និងកម្មវិធីធ្វើសកម្មភាពស្តីអំពីបរិវត្តកម្មឌីជីថល កសាងឃុំឆ្លាតវៃភ្ជាប់ជាមួយនឹងការកែទម្រង់រដ្ឋបាល លើកកម្ពស់គុណភាពបម្រើប្រជាជន និងសហគ្រាស។ គោលដៅនៃផែនការចេញសកម្មភាពគឺដើម្បីអនុវត្តបរិវត្តកម្មឌីជីថលឱ្យស៊ីចង្វាក់គ្នា គ្រប់ជ្រុងជ្រោយនៅលើគ្រប់វិស័យនៃការរស់នៅសង្គម។
ក្នុង ៣៧ ភូមិ គណៈកម្មាធិការបក្ស និងគណៈកម្មាធិការប្រជាជនឃុំបានបង្កើតក្រុមការងារចំនួន ១៨ ក្រុមរួមមាននគរបាល យោធា កម្មាភិបាលនៃការិយាល័យសមត្ថកិច្ច សមាជិកសម្ពន្ធយុវជន។ល។ រួមទាំងអ្នកដែលមានចំណេះដឹងជ្រៅជ្រះអំពីផ្នែកបច្ចេកវិទ្យាព័ត៌មានចុះទៅកាន់ភូមិសាស្រ្ត។ ប្រជាជនទាំងអស់សុទ្ធតែបានក្រុមការងារណែនាំអំពីការដំឡើង និងប្រើប្រាស់កម្មវិធី VNeID ការបង្កើតគណនីដើម្បីធ្វើបែបបទរដ្ឋបាលនៅលើទូរស័ព្ទឆ្លាតវៃ កុំព្យូទ័រ និងការទូទាត់ដោយមិនប្រើសាច់ប្រាក់។ សិប្បកម្មធ្វើអាជីវកម្ម ក្រុមគ្រួសារធ្វើអាជីវកម្មកសិផលបានណែនាំអំពីការប្រើប្រាស់វេទិកាប្រតិបត្តិការអេឡិចត្រូនិច បង់ពន្ធតាមប្រព័ន្ធអនឡាញ។ល។
គួរឲ្យចាប់អារម្មណ៍គឺគំរូ “ភូមិឆ្លាតវៃ” ត្រូវបានដាក់សាកល្បងនៅក្នុងឃុំ ដាតែហ៍។ នោះគឺប្រព័ន្ធល្វែងវិថីមួយ ខ្សែផ្លូវមួយដែលប្រជាជនប្រើប្រាស់អ៊ីនធឺណិត ឧបករណ៍អេឡិចត្រូនិច និងទូរស័ព្ទឆ្លាតវៃដើម្បីភ្ជាប់ទំនាក់ទំនង គ្នាជាក្រុមរួមគ្នារក្សាសន្តិសុខ និងសណ្តាប់ធ្នាប់ បង្កើតក្រុមដែលមានមុខរបររួមគ្នាដើម្បីអភិវឌ្ឍសេដ្ឋកិច្ច ផ្សព្វផ្សាយអំពីគោលការណ៍ គោលនយោបាយរបស់បក្ស និងច្បាប់របស់រដ្ឋ។ល។ អគារប្រជុំជីវភាពសហគមន៍ទាំងអស់នៅក្នុងភូមិនិគមត្រូវបានបំពាក់ដោយវ៉ាយហ្វាយដោយឥតគិតថ្លៃ ដើម្បីឱ្យប្រជាជនទាំងអស់អាចប្រើប្រាស់បាន។
នៅតាមសាលារៀននានាក្នុងភូមិសាស្រ្តឃុំ សិស្សចាប់ពីកម្រិតមធ្យមសិក្សាបឋមភូមិឡើងទៅត្រូវបានណែនាំដោយលោកគ្រូអ្នកគ្រូដែលមានចំណេះដឹងផ្នែកបច្ចេកវិទ្យាព័ត៌មាន ដើម្បីខិតចូលជិតនឹងកម្មវិធីបច្ចេកវិទ្យា AI, ChatGPT ជាដើម សម្រាប់ប្រើប្រាស់ក្នុងការសិក្សា។ ជាពិសេស នៅក្នុងភូមិ ដាតែហ៍ គណៈកម្មាធិការបក្ស និងអាជ្ញាធរមូលដ្ឋានបានចលនាបង្កើតក្រុមបច្ចេកវិទ្យាឌីជីថលសហគមន៍។ សមាជិកគឺជាសមាជិកសម្ពន្ធយុវជន និងគ្រូបង្រៀន - អ្នកដែលមានចំណេះដឹងផ្នែកបច្ចេកវិទ្យាព័ត៌មាន ដើម្បីណែនាំប្រជាជន និងគ្រួសារធ្វើអាជីវកម្មក្នុងការប្រើប្រាស់វិទ្យាសាស្ត្របច្ចេកទេសទៅក្នុងការរស់នៅ។
មានផលិតផល OCOP ជាច្រើន (កម្មវិធីឃុំមួយផលិតផលមួយ) របស់មូលដ្ឋានដូចជា នំអន្សមបាញ់ជឹងបៃតង លឿងហ្វេ ទឹកម្ទេស Carolina Reaper ស្រាអង្ករដំណើប ណេបឃ្វិច A Kay ស្រាផ្កាស្រូវដំណើបខ្ចី ដុងដុងណេបឃ្វិច ប្រេងខ្លឹមចន្ទន៍ជាដើម ត្រូវបានដាក់នៅលើវេទិកាប្រតិបត្តិការអេឡិចត្រូនិច។ ផលិតផលមួយចំនួនថែមទាំងចាប់ផ្តើមនាំចេញទៅក្រៅប្រទេសទៀតផង។ល។
គណៈកម្មាធិការបក្ស និងអាជ្ញាធរមូលដ្ឋានមួយចំនួនបានស្នើឲ្យមានវិធីសាស្រ្តដើម្បីការពារប្រជាជននៅពេលធ្វើសកម្មភាពតាមប្រព័ន្ធអនឡាញ។ ជាក់ស្តែង ក្នុងរយៈពេលកន្លងហើយ មានមនុស្សជាច្រើនបានរងការខាតបង់ផ្នែកសេដ្ឋកិច្ចដោយសារតែការឆបោកតាមអ៊ីនធឺណិតនៅលើប្រព័ន្ធផ្សព្វផ្សាយបណ្តាញសង្គម។ មនុស្សជាច្រើនទៀតត្រូវកម្លាំងបច្ចាមិត្តប្រើកម្មវិធី AI កេងប្រវ័ញ្ចលំហអនឡាញដែលមិនមានការត្រួតពិនិត្យដើម្បីផ្សព្វផ្សាយ ញុះញង់បំបាត់ការទុកចិត្តលើបក្សនិងរដ្ឋ។ ដូច្នេះ ភ្នាក់ងារស្ថាប័នសមត្ថកិច្ចត្រូវមានវិធីសាស្រ្តប្រកបដោយសង្គតិភាព តាមទាន់ការអភិវឌ្ឍបញ្ញាសិប្បនិម្មិតដើម្បីការពារប្រជាជន។ល។
អត្ថបទ និងរូបថត៖ ជូ ក្វឹកហ៊ុង
ប្រែសម្រួល៖ អៀងថាន់
