លោក ចូវ ថាញ់ទន់ ប្រធានក្រុមអ្នកស្ម័គ្រចិត្ត SV07 អ្នកបានស្ម័គ្រចិត្តជាង ២៧ ឆ្នាំបាននិយាយថា ចាប់ពីឆ្នាំ ២០២៤ ដល់បច្ចុប្បន្ន នៅ សុកត្រាំង ក្រុមអ្នកស្ម័គ្រចិត្ត SV07 បានចូលរួមចំណែកសាងសង់ផ្ទះជិត ៨០ ខ្នង ផ្តល់អំណោយរាប់ពាន់រួមទាំងសម្ភារចាំបាច់ កង់ និងសៀវភៅដល់សិស្សមានស្ថានភាពលំបាកលំបិន។ ដោយឡែកក្នុងខែមនុស្សធម៌ឆ្នាំ ២០២៥ ក្រុមអ្នកស្ម័គ្រចិត្ត SV07 បានប្រមូលផ្តុំគ្នាសាងសង់ផ្ទះចំនួន ២៤ ខ្នង បរិច្ចាគកង់ចំនួន ១៨០ គ្រឿង និងចម្អិនអាហារដោយឥតគិតថ្លៃចំនួន ១២ ជូនសិស្សានុសិស្សនៅតំបន់ជនជាតិភាគតិច ដោយមានតម្លៃ ១ ពាន់ ៦៨០ លានដុង។
តាមលោក ត្រឿង វ៉ាន់ងៀ សមាជិកកាកបាទក្រហមគ្រប់លំដាប់ថ្នាក់នៅទីរួមខេត្ត តែងតែកៀរគរអ្នកឧបត្ថម្ភដើម្បីជួយដល់អ្នកមិនមានសំណាងល្អក្នុងជីវិត ក៏ដូចជាបង្កើតគ្រប់លក្ខខណ្ឌសម្រាប់ពួកគាត់ធ្វើសមាហរណកម្មក្នុងសហគមន៍។ ការងារកៀរគរ និងឧបត្ថម្ភត្រូវបានអនុវត្តជាសាធារណៈ តម្លាភាព ការទទួលខុសត្រូវ និងទទួលបានមតិឯកភាព និងការគាំទ្រពីប្រជាជនក្នុងមូលដ្ឋាន។ ដូច្នេះហើយ ចាប់ពីដើមឆ្នាំ២០២៥ រហូតមកដល់ពេលនេះ កាកបាទក្រហមបានឧបត្ថម្ភអំណោយ និងសាច់ប្រាក់ចំនួន ២.២៣០ ករណី មានតម្លៃជាង ១ ពាន់លានដុង។
នាពេលថ្មីៗនេះ នៅពិធីបំផុសចលនាខែមនុស្សធម៌ឆ្នាំ ២០២៥ ក្រោមប្រធានបទ “ដំណើរមនុស្សធម៌ - រីកសាយភាយសេចក្តីស្រលាញ់” សប្បុរសជនជាច្រើនក្នុង និងក្រៅប្រទេសបានឧបត្ថម្ភ និងឧបត្ថម្ភផ្ទះ កង់ អាហារូបករណ៍ សាច់ប្រាក់... មានតម្លៃជិត ៣ ពាន់លានដុង ដល់ប្រជាជន ១,០០០ លើកនាក់មានស្ថានភាពលំបាក ចាញ់ប្រៀបនៅលើភូមិសាស្រ្តខេត្តសុកត្រាំង។
ចលនាមនុស្សធម៌ស្នូលរបស់សមាគមនៅតែបន្តអនុវត្តប្រកបដោយប្រសិទ្ធភាពដូចជា៖ ចលនា “ចូលឆ្នាំ តេត មនុស្សធម៌” “មនុស្សល្អ ធ្វើអំពើល្អ-រួមដៃគ្នាកសាងសហគមន៍មេត្តាធម៌” យុទ្ធនាការ “អង្គការ និងបុគ្គលម្នាក់ៗ ភ្ជាប់ជាមួយអាស័យដ្ឋានមនុស្សធម៌” ខែមនុស្សធម៌... បាននាំយកអំណោយដល់ដៃអ្នកជួបការលំបាក និងអ្នកចាញ់ប្រៀប។ ចាប់ពីឆ្នាំ ២០២៤ ដល់បច្ចុប្បន្ន សមាគមបានកៀងគរការគាំទ្រសម្រាប់ជាង ៤៣០.០០០ ករណីក្នុងស្ថានភាពលំបាក និងចាញ់ប្រៀប... ដោយមានតម្លៃសរុបជាង ២៥០ ពាន់លានដុង។
នាពេលខាងមុខ កាកបាទក្រហមខេត្ត សុកត្រាំង នឹងបន្តពង្រឹងសកម្មភាពជំនួយមនុស្សធម៌ ទ្រទ្រង់ជីវភាព និងផ្តល់ការថែទាំសុខភាពសហគមន៍ ដោយយកចិត្តទុកដាក់ជាពិសេសដល់ក្រុមងាយរងគ្រោះក្នុងសង្គម។ ដើម្បីធ្វើដូច្នេះបាន សមាគមពិតជាត្រូវការកិច្ចសហការពីគ្រប់លំដាប់ថ្នាក់ គ្រប់ផ្នែក ធុរកិច្ច សប្បុរសជន និងប្រជាជនគ្រប់ជនថ្នាក់ ដើម្បីចូលរួមចំណែកកាត់បន្ថយការលំបាកដល់ជនក្រីក្រក្នុងសង្គម។
អនុប្រធានអចិន្ត្រៃយ៍គណៈកម្មាធិការបក្សខេត្ត សុកត្រាំង លោកស្រី ហូ ធីកឹមដាវ បានឲ្យដឹងថា ខេត្តមានប្រជាជនជាង ៣៥% ជាជនជាតិភាគតិច ក្នុងនោះ ខ្មែរ មាន ៣០% ជនជាតិចិន ៥% និងក្រៅពីនេះជាជនជាតិដទៃទៀត។ ក្នុងរយៈពេលកន្លងមក សកម្មភាពមនុស្សធម៌បានក្លាយទៅជាសញ្ញាសម្គាល់មនុស្សធម៌យ៉ាងជ្រាលជ្រៅ បង្ហាញពីទំនាក់ទំនងរវាងបក្ស រដ្ឋាភិបាល និងប្រជាជនក្នុងការងារសន្តិសុខសង្គម ជួយដល់ស្ថានភាពលំបាក និងអ្នកចាញ់ប្រៀប រួមចំណែកកសាងសហគមន៍មនុស្សធម៌ប្រកបដោយចីរភាព។
បច្ចុប្បន្នខេត្តកំពុងអំពាវនាវដល់គណៈកម្មាធិការបក្សគ្រប់លំដាប់ថ្នាក់ អាជ្ញាធរ ស្ថាប័ន អង្គភាពអាជីវកម្ម សប្បុរសជន និងប្រជាជនគ្រប់មជ្ឈដ្ឋាន បន្តចូលរួមជាមួយកាកបាទក្រហមខេត្ត ក្នុងការជួយប្រជាពលរដ្ឋដែលជួបការលំបាក និងជនងាយរងគ្រោះ រួមចំណែកអនុវត្តគោលនយោបាយសន្តិសុខសង្គមរបស់បក្ស និងរដ្ឋ៕
អត្ថបទ និងរូបថត៖ ទន់ភី/ទីភ្នាក់ងារពត៌មានវៀតណាម
ប្រែសម្រួល៖ សឺន ហេង
