បុណ្យចូលឆ្នាំថ្មីជាពិធីបុណ្យដ៏ធំបំផុតរបស់បងប្អូនជនជាតិ ខ្មែរ មិនត្រឹមតែកំណត់សម្គាល់វេលាសម្ពច្ឆរច្ឆិន្នឆ្នាំចាស់ផ្លាស់ចូលឆ្នាំថ្មីប៉ុននោះទេថែមទាំងជានិមិត្តរូបដ៏រស់រវើកនៃអត្តសញ្ញាណវប្បធម៌និងស្មារតីផ្សារភ្ជាប់សហគមន៍ទៀតផង។ ក្នុងក្តីរីករាយអបអរសាទរបុណ្យចូលឆ្នាំថ្មីឆ្នាំ ២០២៦ (ប្រព្រឹត្តឡើងពីថ្ងៃទី ១៤ ដល់ថ្ងៃទី ១៦ ខែ មេសា) ការយកចិត្តទុកដាក់យ៉ាងជ្រាលជ្រៅរបស់បក្សនិងរដ្ឋបន្តបញ្ជាក់ពីតួនាទីរបស់ប្រជាជន ខ្មែរ ក្នុងធ្លុងមហាសាមគ្គីប្រជាជាតិទាំងមូល រួមចំណែកដល់ការកសាងប្រទេសជាតិវិបុលភាព សុភមង្គល។
អនុលេខាគណៈកម្មាធិការបក្សខេត្ត ប្រធានក្រុមប្រឹក្សាប្រជាជនខេត្ត កាម៉ៅ ផាម វ៉ាន់ថៀវ លើកសរសើរចំពោះការចូលរួមដ៏សកម្មរបស់ព្រះសង្ឃ បងប្អូនជនជាតិ ខ្មែរ ក្នុងការអភិវឌ្ឍរួមរបស់ខេត្ត។ រូបថត៖ ចិន្តា - ទីភ្នាក់ងារព័ត៌មានវៀតណាម
ក្នុងអំឡុងពេលបុណ្យចូលឆ្នាំថ្មី ៣ ថ្ងៃ ក្រៅពីបណ្តាពិធីកិច្ចពុទ្ធសាសនា បងប្អូនជនជាតិ ខ្មែរ ក៏រៀបចំសកម្មភាពវប្បធម៌សិល្បៈនិងល្បែងប្រជាប្រិយជាច្រើនដូចជា៖ បង្ហោះខ្លែង លេងវូភ្លើងឬស្តាប់ចាស់ទុំនិទានរឿងទេវកថា រឿងព្រេងឱ្យកូនចៅ យុវជនប្រុស ស្ត្រី ចូលរួមការច្រៀងចម្រៀងតាយ៉ៃឆ្លើយឆ្លង ច្រៀងយីកេ សម្តែងរបាំ រាំចង្វាក់រាំវង់ រាំសារ៉ាវ៉ាន់ រាំរបាំស្គរឆៃយ៉ាំ ។ល។
អនុលេខាគណៈកម្មាធិការបក្សខេត្ត ប្រធានក្រុមប្រឹក្សាប្រជាជនខេត្ត កាម៉ៅ ផាម វ៉ាន់ថៀវ អញ្ជើញប្រគេនទេយ្យវត្ថុរបស់ខេត្តដល់គណៈកម្មការវត្ត គណៈកម្មផ្សព្វផ្សាយព្រះធម៌វត្ត សិរីវង្សាជយារាម (ខ្វែងដង្ហិត)។ រូបថត៖ ចិន្តា - ទីភ្នាក់ងារព័ត៌មានវៀតណាម
នាយករដ្ឋមន្ត្រី ឡេ មិញហ៊ឹង អញ្ជើញសង្កត់ធ្ងន់ថា វៀតណាម ជាប្រទេសជាតិបង្រួបបង្រួមមួយរួមមានជនជាតិជាច្រើនរស់នៅជាមួយគ្នា ក្នុងនោះបងប្អូនជនជាតិ ខ្មែរ ដោយមានវប្បធម៌ដ៏វិសេសវិសាល ល្អឯកគឺជាផ្នែកមួយដែលមិនអាចកាត់ផ្តាច់ចេញពីសហគមន៍ជនជាតិទាំង ៥៤ ជាបងប្អូន។ ផ្ទាំងគំនូរវប្បធម៌ វៀតណាម កាន់តែត្រចះត្រចង់ សម្បូរបែបបន្ថែមទៀតគឺអាស្រ័ដោយសំឡេងភ្លេងពិណពាទ្យ រាំចង្វាក់រាំវង់ដ៏អ៊ូអរ សិល្បៈល្ខោនយីកេ របាំរួមជាមួយនឹងពិធីបុណ្យប្រពៃណីដ៏វិសេសវិសាលទាំងឡាយនោះតែម្តង។
អនុលេខាគណៈកម្មាធិការបក្សខេត្ត ប្រធានក្រុមប្រឹក្សាប្រជាជនខេត្ត កាម៉ៅ ផាម វ៉ាន់ថៀវ អញ្ជើញប្រគេនទេយ្យវត្ថុរបស់ខេត្តដល់គណៈកម្មការវត្ត គណៈកម្មផ្សព្វផ្សាយព្រះធម៌វត្ត សិរីវង្សា (អណ្តូងចេកមាស)។ រូបថត៖ ចិន្តា - ទីភ្នាក់ងារព័ត៌មានវៀតណាម
នៅថ្ងៃទី ១២ ខែ មេសា ឆ្នាំ ២០២៦ ក្រុមការងាររបស់ក្រសួងជនជាតិនិងសាសនាដឹកនាំដោយអនុរដ្ឋមន្ត្រី អ៊ីថុង បានអញ្ជើញមកសួរសុខទុក្ខនិងអបអរសាទរបងប្អូនជនជាតិ ខ្មែរ នៅទីក្រុង កឹនធើ ក្នុងឱកាសបុណ្យចូលឆ្នាំថ្មីប្រពៃណី ២០២៦៕
អត្ថបទ៖ មិញហៀវ
ប្រែសម្រួល៖ ពេជ្រពិសិដ្ឋ
