អ្នកស្រី ឡេ ធីប៊ាទឺ ជាពលករម្នាក់ក្នុងចំណោមពលករធ្វើការរស់នៅជាមួយសិប្បកម្មតាំងពីធ្វើសកម្មភាពដំបូងមក ឱ្យដឹងថា ប្រាក់ចំណូលប្រហែល ៤ ដល់ ៥ លានដុងក្នុងមួយខែផ្តើមពីការងារដេរយកឈ្នួលបានជួយអ្នកស្រីមានល័ក្ខខ័ណ្ឌផ្គត់ផ្គង់ជីវភាពប្រចាំថ្ងៃបន្ថែម។ ការងារនៅមូលដ្ឋានក៏ជួយឱ្យអ្នកស្រីងាយស្រួលរៀបចំពេលវេលាធ្វើការនិងគិតគូរគ្រួសារ។
យោងតាមអនុប្រធានគណៈកម្មាធិការប្រជាជនសង្កាត់ ត្រាវិញ ត្រឹន ទន់ខាង រួមជាមួយនឹងគោលនយោបាយសុខុមាលភាពសង្គមផ្សេងៗ ទៀត ប្រភពទុនឥណទានគោលនយោបាយបានក្លាយទៅជាឧបករណ៍សំខាន់មួយក្នុងចំណោមឧបករណ៍សំខាន់ជួយប្រជាជនក្នុងការអភិវឌ្ឍផលិតកម្ម បង្កើតការងារធ្វើនិងលើកកម្ពស់ប្រាក់ចំណូល។ ដំណាក់កាល ២០២១ - ២០២៥ មូលដ្ឋានបានសហការជាមួយធនាគារគោលនយោបាយសង្គមទម្លាក់ថវិកាឱ្យចំនួន ៧៦ ក្រុមផលិតកម្ម ធ្វើអាជីវកម្មដោយមានជិត ៣.០០០ ក្រុមគ្រួសារកម្ចីទុន សរុបជាទឹកប្រាក់ជាង ៩៤ ពាន់លានដុង។ ឆ្លងតាមរយៈនោះ ឧទ្ទេសនាម ដោះស្រាយការងារធ្វើឱ្យជិត ៤.០០០ ពលករ រួមចំណែកកាត់បន្ថយចំនួន ៨៩ ក្រុមគ្រួសារក្រីក្រ។ ដល់ចុងឆ្នាំ ២០២៥ សង្កាត់នៅចំនួន ១៧ ក្រុមគ្រួសារក្រីក្រនិង ១៥០ ក្រុមគ្រួសារជិតខ្សែបន្ទាត់នៃភាពក្រីក្រ ប្រាក់ចំណូលជាមធ្យមក្នុងមនុស្សម្នាក់សម្រេចបានចំនួន ១០៣,៩ លានដុងក្នុងមួួយឆ្នាំ។
ជាក់ស្តែងពីសង្កាត់ ត្រាវិញ និង ឡុងឌឹក ឱ្យឃើញថា ឥណទានគោលនយោយបាយមិនត្រឹមតែរួមចំណែកឧបត្ថម្ភការអភិវឌ្ឍផលិតកម្ម បង្កើតការងារធ្វើប៉ុននោះទេ ថែមទាំងក្លាយជាឧបករណ៍សំខាន់ក្នុងការអនុវត្តបណ្តាគោលដៅកាត់បន្ថយភាពក្រីក្រ ធានាសុខុមាលភាពសង្គម។ ក្នុងដំណើរការកសាងទីក្រុងស៊ីវិល័យ ទំនើប ប្រភពទុនអនុគ្រោះ បន្តជាទីបង្អែកដើម្បីប្រជាជនក្លៀវក្លាវិនិយោគលើការអភិវឌ្ឍសេដ្ឋកិច្ច លើកកម្ពស់ប្រាក់ចំណូលនិងកែលម្អគុណភាពជីវភាពរស់នៅ រួមចំណែកជំរុញការអភិវឌ្ឍសេដ្ឋកិច្ច - សង្គមនៅមូលដ្ឋានប្រកបដោយនិរន្តរភាព៕
អត្ថបទនិងរូបថត៖ ថាញ់ហ្វា - ទីភ្នាក់ងារព័ត៌មានវៀតណាម
ប្រែសម្រួល៖ ពេជ្រពិសិដ្ឋ
