ចែករំលែកនៅក្នុងកិច្ចប្រជុំ គ្រូគង្វាល ង្វៀន ហ៊ឺវម៉ាក ចាងហ្វាងសាលា ថាញ់គិញថឹនហុក (ព្រះគម្ពីរទេវវិទ្យ) ហាណូយវាយតម្លៃថា ការរៀបចំកិច្ចប្រជុំមានអត្ថន័យដ៏សំខាន់ ជួយសមណស័ក្ដិ អ្នកមុខអ្នកការ បងប្អូនជនជាតិកាន់សាសនាយល់បទប្បញ្ញត្តិច្បាប់កាន់តែច្បាស់ថែមទៀត ជាពិសេសគឺក្នុងការអនុវត្តសិទ្ធិ កាតព្វកិច្ចប្រជាពលរដ្ឋក្នុងការបោះឆ្នោតជ្រើសតាំងតំណាងសមាជិករដ្ឋសភានិងក្រុមប្រឹក្សាប្រជាជនគ្រប់លំដាប់ថ្នាក់ ផ្តើមពីនោះអនុវត្តសិទ្ធិ កាតព្វកិច្ចប្រជាពលរដ្ឋត្រឹមត្រូវ រួមចំណែកដល់ការបោះឆ្នោតដ៏មានអត្ថន័យនេះប្រកបដោយជោគជ័យ។
ឆ្លៀតឱកាសកិច្ចប្រជុំ អនុបណ្ឌិត ថៀវ ធីហឿង ប្រធានការិយាល័យកិច្ចការប្រូតេស្តង់ គណៈកម្មាធិការកិច្ចការសាសនារដ្ឋាភិបាលបានផ្លាស់ប្តូរអំពីខ្លឹមសារមូលដ្ឋាន ស្នូលនៃច្បាប់ស្តីពីជំនឿ សាសនានិងច្បាប់ស្តីពីការបោះឆ្នោតជ្រើសតាំងសមាជិករដ្ឋសភានីតិកាលទី ១៦ តំណាងក្រុមប្រឹក្សាប្រជាជនគ្រប់លំដាប់ថ្នាក់អាណត្តិ ២០២៦ - ២០៣១។ តំណាងបណ្តាអង្គភាពមានសមត្ថកិច្ចចូលរួមកិច្ចប្រជុំក៏បានចំណាយពេលឆ្លើយបំភ្លឺចម្ងល់របស់អ្នកតំណាងទាក់ទងនឹងករណីជាក់ស្តែងទាំងឡាយ ជាពិសេសបណ្តាខ្លឹមសារផ្សារភ្ជាប់នឹងការងារបោះឆ្នោតនាពេលខាងមុខ។
ឆ្លងតាមរយៈកិច្ចប្រជុំ ស្ថាប័នមានសមត្ថកិច្ចទាំងឡាយរបស់ទីក្រុង ហាណូយ បន្តពង្រឹងសហប្រតិបត្តិការជាមួយអង្គការសាសនាទាំងឡាយ រួមចំណែកលើកកម្ពស់ការយល់ដឹងអំពីច្បាប់ បង្កើតការស្រុះចិត្តស្រុះគំនិតក្នុងចំណោមបងប្អូនជនជាតិសាសនាប្រូតេស្តង់ សំដៅរៀបចំការបោះឆ្នោតនៅលើភូមិសាស្ត្ររដ្ឋធានីប្រកបដោយជោគជ័យ៕
អត្ថបទនិងរូបថត៖ ង្វៀនគុក
ប្រែសម្រួល៖ យ័ញលើយ
