ខ្លឹមសារកិច្ចប្រជុំផ្តោតលើការដឹកនាំ ចង្អុលបង្ហាញ រៀបចំការស្រាវជ្រាវ សិក្សា បញ្ជ្រាប ផ្សព្វផ្សាយនិងដាក់ដំណើរការសេចក្តីសម្រេចមហាសន្និបាតលើកទី១៤ របស់បក្ស ការដឹកនាំ ចង្អុលបង្ហាញ អនុវត្តសារាចរលេខ ០១-CT/TW ចុះថ្ងៃទី២៣ ខែមករា ឆ្នាំ២០២៦ របស់ការិយាល័យនយោបាយ ស្តីពី "ការស្រាវជ្រាវ សិក្សា បញ្ជ្រាប ផ្សព្វផ្សាយ និងអនុវត្តសេចក្តីសម្រេចនៃមហាសន្និបាតលើកទី១៤ របស់បក្ស" សារាចរលេខ ៤៦-CT/TW ចុះថ្ងៃទី១៦ ខែឧសភា ឆ្នាំ២០២៥ របស់ការិយាល័យនយោបាយ ស្តីពី "ការដឹកនាំការបោះឆ្នោតជ្រើសរើសសមាជិករដ្ឋសភានីតិកាលទី១៦ និងការបោះឆ្នោតជ្រើសរើសសមាជិកក្រុមប្រឹក្សាប្រជាជនគ្រប់លំដាប់ថ្នាក់អាណត្តិឆ្នាំ២០២៦-២០៣១"។
លោក ង្វៀន ហ្វាងហៀប អនុរដ្ឋមន្ត្រីក្រសួងកសិកម្ម និងបរិស្ថាន ជាអនុប្រធានគណៈប្រតិភូសង្កត់ធ្ងន់ថា ការអនុវត្តសេចក្តីសម្រេចបច្ចុប្បន្នមិនមែនគ្រាន់តែជាការរៀនដើម្បីដឹងនោះទេ ប៉ុន្តែជាការយល់ដឹងយ៉ាងស៊ីជម្រៅ ដំណើរការសកម្មភាពដើម្បីអនុវត្តភ្លាមៗ។
អនុរដ្ឋមន្ត្រីក្រសួងកសិកម្ម និងបរិស្ថាន ឲ្យដឹងថា ទីក្រុងកឹនធើ គួរតែធ្វើសមាហរណកម្មកម្មវិធីសកម្មភាពអនុវត្តសេចក្តីសម្រេចនៃមហាសន្និបាតលើកទី១៤ របស់បក្ស និងមហាសន្និបាតបក្សគ្រប់លំដាប់ថ្នាក់ ទៅជាកម្មវិធីសកម្មភាពតែមួយ កម្មវិធីសកម្មភាពនេះត្រូវតែកំណត់យ៉ាងច្បាស់លាស់នូវការទទួលខុសត្រូវ ភារកិច្ច ពេលវេលា និងធនធាន ដោយធានានូវលទ្ធភាព និងភាពពាក់ព័ន្ធជាក់ស្តែង។ មូលដ្ឋានគួរតែផ្តោតលើការកែសម្រួលផែនការរបស់ទីក្រុង និងឃុំ សង្កាត់ ដើម្បីបង្កើតលក្ខខណ្ឌសម្រាប់ធានាកំណើនប្រកបដោយគុណភាពនៅក្នុងដំណាក់កាលថ្មី។
ទីក្រុងកំពុងស្រាវជ្រាវ និងស្នើយន្តការជាក់លាក់សមស្របទៅនឹងលក្ខខណ្ឌជាក់ស្តែង ដោយធានាលទ្ធភាពអនុវត្តប្រកបដោយប្រសិទ្ធភាពនូវសេចក្តីសម្រេចលេខ 59-NQ/TW ចុះថ្ងៃទី ៥ ខែសីហា ឆ្នាំ ២០២០ របស់ការិយាល័យនយោបាយ ស្តីពី "ការកសាង និងអភិវឌ្ឍទីក្រុង កឹនធើ ដល់ឆ្នាំ ២០៣០ ជាមួយនឹងចក្ខុវិស័យដល់ឆ្នាំ ២០៤៥"។ ពង្រឹងការត្រួតពិនិត្យគម្រោងសំខាន់ៗ កំណត់ធនធានចាំបាច់ឱ្យបានច្បាស់លាស់ និងបញ្ចប់គម្រោងរយៈពេលវែងយ៉ាងឆាប់រហ័ស។
ឆ្លើយតបទៅនឹងមតិយោបល់របស់គណៈត្រួតពិនិត្យ លោក ទ្រឿង កាញទ្វៀន ប្រធានគណៈកម្មាធិការប្រជាជនទីក្រុង កឹនធើ បានស្នើសុំផ្នែក ស្ថាប័នពាក់ព័ន្ធធ្វើបច្ចុប្បន្នភាព និងបំពេញបន្ថែមខ្លឹមសារនៃរបាយការណ៍ ព្រមទាំងពិនិត្យ កែសម្រួល និងបំពេញបន្ថែមកម្មវិធីសកម្មភាពអនុវត្តសេចក្តីសម្រេចនៃសមាជទូទាំងប្រទេសលើកទី ១៤ របស់បក្ស ស្របតាមការស្នើរបស់គណៈ។
យោងតាមលោក លី តឹនហូ អនុលេខាគណៈកម្មាធិការបក្ស នៃគណៈកម្មាធិការប្រជាជនទីក្រុងកឹនធើ គណៈកម្មាធិការអចិន្ត្រៃយ៍នៃគណៈកម្មាធិការបក្ស នៃគណៈកម្មាធិការប្រជាជនទីក្រុងកឹនធើ បានយកចិត្តទុកដាក់ដឹកនាំ ណែនាំបង្ហាញការអនុវត្តយ៉ាងម៉ឺងម៉ាត់នូវសេចក្តីសម្រេចនៃមហាសន្និបាតទូទាំងប្រទេសលើកទី១៤ របស់បក្ស សារាចរលេខ ០១-CT/TW និងសារាចរលេខ ៤៦-CT/TW។ ការងាររៀបចំការស្រាវជ្រាវ ការសិក្សា និងការយល់ដឹងយ៉ាងស៊ីជម្រៅអំពីសេចក្តីសម្រេច និងសារាចររបស់បក្ស ត្រូវបានអនុវត្តយ៉ាងឆាប់រហ័ស និងស្របគ្នានៅបក្ខភាគទាំងមូល។ ខ្លឹមសារនៃការសិក្សាត្រូវបានផ្សព្វផ្សាយដល់កម្មាភិបាល បក្ខជន មន្ត្រីរដ្ឋការ និងពលករទាំងអស់។ រួមចំណែកលើកកម្ពស់ការយល់ដឹងផ្នែកនយោបាយ មនោគមវិជ្ជា និងការទទួលខុសត្រូវក្នុងការអនុវត្តភារកិច្ច។
គណៈកម្មាធិការអចិន្ត្រៃយ៍នៃគណៈកម្មាធិការបក្សបានចេញផែនការអនុវត្តយ៉ាងសកម្មដើម្បីធ្វើឱ្យខ្លឹមសារនៃសេចក្តីសម្រេច និងសារាចរមានលក្ខណៈជាក់លាក់។ ក្នុងពេលជាមួយគ្នានេះ ថ្នាក់ដឹកនាំនៃស្ថាប័ន និងអង្គភាពក្រោមឱវាទបានអនុវត្តផែនការទាំងនេះរួមគ្នាជាមួយនឹងភារកិច្ចនយោបាយរបស់ស្ថាប័នរៀងៗខ្លួន ដោយធានាថាស្របនឹងមុខងារ ភារកិច្ច និងកាលៈទេសៈជាក់ស្តែង។ ការងារឃោសនាត្រូវបានយកចិត្តទុកដាក់ និងអនុវត្តតាមរយៈទម្រង់សមស្របផ្សេងៗ រួមចំណែកដល់ការឯកភាពនៃការយល់ដឹង និងសកម្មភាពក្នុងចំណោមកម្មាភិបាល បក្ខជន និងការឯកភាពគ្នាក្នុងការអនុវត្តភារកិច្ចនយោបាយរបស់ស្ថាប័ន។ ការអនុវត្តសារាចរលេខ ៤៦-CT/TW ត្រូវបានអនុវត្តយ៉ាងយកចិត្តទុកដាក់ជាមូលដ្ឋាន។ ភារកិច្ចទាក់ទងនឹងការរៀបចំការបោះឆ្នោតត្រូវបានអនុវត្តតាមកាលវិភាគ និងស្របតាមច្បាប់។
ក្រៅពីនេះ គណៈកម្មាធិការបក្ស និងគណៈកម្មាធិការប្រជាជនទីក្រុងកឹនធើ ត្រូវបានគណៈកម្មាធិការអចិន្ត្រៃយ៍នៃគណៈកម្មាធិការបក្សទីក្រុងចាត់តាំងឲ្យធ្វើជាអធិបតី និងផ្តល់យោបល់លើការអនុវត្តគម្រោងសំខាន់ៗចំនួន ១៨១ ក្នុងរយៈពេល ២០២៥-២០៣០ រួមទាំងគម្រោងចំនួន ១៣៣ ដែលមានមូលនិធិថវិការដ្ឋ និងប្រភពដើមទុនស្របច្បាប់ផ្សេងទៀត និងគម្រោងចំនួន ៤៨ មានមូលនិធិថវិកាក្រៅរដ្ឋ។ បច្ចុប្បន្ន ទីក្រុងកឹនធើកំពុងផ្តោតលើការដឹកនាំការបញ្ចប់នីតិវិធី ដើម្បីពន្លឿនវឌ្ឍនភាពវិនិយោគ និងទាក់ទាញការវិនិយោគលើគម្រោងសំខាន់ៗ រួមចំណែកដល់ការរំដោះធនធានពីថវិកា កៀរគរធនធានពីវិស័យសេដ្ឋកិច្ចផ្សេងៗ និងលើកកម្ពស់ការអភិវឌ្ឍសេដ្ឋកិច្ចសង្គម
អត្ថបទនិងរូបថត៖ ហុង ថាយ
ប្រែសម្រួល៖ សឺន ហេង
