ក្នុងមហាសន្និបាត អនុលេខាគណៈកម្មាធិការបក្សទីក្រុង កឹនធើ ប្រធានគណៈប្រតិភូរដ្ឋសភាទីក្រុង កឹនធើ លោក ង្វៀន ទន់អាញ់ បញ្ជាក់ថា៖ មីទូ ជាឃុំវីរភាព កន្លែងមូលមីរ និងវេញបញ្ចូលគ្នារវាងអត្តសញ្ញាណវប្បធម៌របស់បណ្តាជនជាតិ គិញ ខ្មែរ និងចិន បង្កើតលំហពោរពេញទៅដោយអត្តសញ្ញាណជនជាតិភាគតិច។ នាសព្វថ្ងៃនេះ ឃុំ មីទូ កំពុងរីកចម្រើនយ៉ាងខ្លាំងក្លា ដោយបញ្ជាក់ពីជំហររបស់ខ្លួនជាដែនដីសម្បូរទៅដោយសក្តានុពល ជាមួយនឹងការរំពឹងអំពីការអភិវឌ្ឍប្រកបដោយចីរភាព និងស៊ីវិល័យ។
អាណត្តិកាលកន្លង ទោះបីនៅជួបការលំបាកជាច្រើនក៏ដោយ ប៉ុន្តែបក្ខភាគឃុំបានពង្រីកស្មារតីសាមគ្គីភាព បំពេញភារកិច្ច និងសម្រេចបានលទ្ធផលសំខាន់ៗ ជាច្រើនដូចជា៖ ថវិកាប្រមូលបានសម្រេច ១៨០% គោលដៅ ឃុំទាំងមូលមាន ៨២០ សិប្បកម្ម ហត្ថកម្មខ្នាតតូច ពាណិជ្ជកម្មសេវាកម្មកំពុងដំណើរការ (កើនឡើងចំនួន ២៦៤ សិប្បកម្មបើប្រៀបធៀបជាមួយនឹងឆ្នាំ ២០២០) ក្រុមគ្រួសារក្រីក្របានថយចុះមកនៅត្រឹម ០,២៦% នៃចំនួនប្រជាជន ក្នុងនោះក្រុមគ្រួសារក្រីក្រជាជនជាតិភាគតិចថយចុះនៅក្រោម ៣%។
អនុលេខាគណៈកម្មាធិការបក្សទីក្រុង ង្វៀន ទន់អាញ់ ស្នើថា បក្ខភាគឃុំ មីទូ បន្តពង្រីកស្មារតីសាមគ្គីភាព ពង្រឹងកិច្ចការកសាងពង្រឹងបក្ស ប្រព័ន្ធនយោបាយស្អាតស្អំ រឹងមាំ ផ្តោតលើការវិនិយោគអភិវឌ្ឍន៍ធនធានមនុស្សគ្រប់ជ្រុងជ្រោយ ជាពិសេសធនធានមនុស្សមានគុណភាពខ្ពស់ ផ្តល់អាទិភាពការអភិវឌ្ឍកសិកម្មបច្ចេកវិទ្យាខ្ពស់ កសិកម្មបៃតងកាត់បន្ថយការបញ្ចេញជាតិសំណល់ ពង្រីកលម្ហអភិវឌ្ឍនៃបណ្តាផ្នែកហត្ថកម្មខ្នាតតូច ពាណិជ្ជកម្ម សេវាកម្មមានគុណភាពខ្ពស់ បង្កបង្កើតជាអ័ក្សហេដ្ឋារចនាសម្ព័ន្ធផ្គត់ផ្គង់ទំនិញដើម្បីជំរុញការអភិវឌ្ឍសេដ្ឋកិច្ចសង្គមប្រកបដោយស្ថិរភាព។
ឃុំ មីទូ គួរតែពង្រឹងការប្រើប្រាស់បច្ចេកវិទ្យាព័ត៌មាន ជំរុញបរិវត្តកម្មឌីជីថលគ្រប់ជ្រុងជ្រោយលើគ្រប់វិស័យជីវភាពសង្គមតាមស្មារតីនៃសេចក្តីសម្រេចចិត្តលេខ 57-NQ/TW ចុះថ្ងៃទី ២២ ខែ ធ្នូ ឆ្នាំ ២០២៤ របស់ការិយាល័យនយោបាយស្តីអំពីការវាយទម្លុះក្នុងការអភិវឌ្ឍវិទ្យាសាស្ត្រ បច្ចេកវិទ្យា នវានុវត្តន៍ការច្នៃប្រតិដ្ឋ និងបរិវត្តកម្មឌីជីថលជាតិ ជំរុញឌីជីថលរូបនីយកម្មសំណុំលិខិត ទិន្នន័យ កសាងអាជ្ញាធរឌីជីថល ការប្រើប្រាស់សេវាសាធារណៈតាមអ៊ីនធឺណិតដើម្បីបម្រើប្រជាជន និងសហគ្រាសឱ្យបានឆាប់រហ័ស និងតម្លាភាព។ ទន្ទឹមនោះ មូលដ្ឋានក៏យកចិត្តទុកដាក់លើការអភិរក្ស និងលើកតម្កើងតម្លៃវប្បធម៌ប្រពៃណី សិល្បៈប្រជាប្រិយរបស់បងប្អូនជនជាតិភាគតិច បង្កើតកម្លាំងសាយភាយអត្តសញ្ញាណវប្បធម៌យ៉ាងទូលំទូលាយក្នុងការរស់នៅរបស់សហគមន៍ប្រជាជន។
ដោយមានផ្ទៃដីធម្មជាតិ ៨៦,៦៣ គីឡូម៉ែត្រការ៉េ ឃុំ មីទូ មានប្រជាជនចំនួន ៣៨.០៤៧ នាក់ ក្នុងនោះជនជាតិភាគតិចមានចំនួនជាង ២១% (ជនជាតិខ្មែរ ៧.១៦៩ នាក់ ស្មើនឹង ១៩%)។ ក្នុងអាណត្តិកាល ២០២៥ - ២០៣០ ឃុំបានដាក់ចេញការវាយទម្លុះចំនួន ៣ ដោយផ្តោតលើការធ្វើបរិវត្តកម្មរចនាសម្ព័ន្ធសេដ្ឋកិច្ចតាមទិសដៅបង្កើនសមាមាត្រសេវាកម្ម ឧស្សាហកម្មហត្ថកម្មខ្នាតតូច កាត់បន្ថយសមាមាត្រកសិកម្មជាបណ្តើរៗ ប៉ុន្តែអភិវឌ្ឍកសិកម្មគុណភាពខ្ពស់ ព្រមទាំងអភិវឌ្ឍហេដ្ឋារចនាសម្ព័ន្ធគមានាគមន៍ក្នុងតំបន់បងប្អូនជនជាតិភាគតិចក្នុងមូលដ្ឋាន។
អនុលេខាគណៈកម្មាធិការបក្សឃុំ មីទូ ផាម ទន់ បក្ខភាគឃុំ មីទូ បានដាក់សន្ទស្សន៍ក្នុងអភិវឌ្ឍន៍សេដ្ឋកិច្ច និងសង្គមចំនួន ១៧ ក្នុងអាណត្តិកាល ២០២៥ - ២០៣០។ ក្នុងនោះ ផ្តោតសំខាន់លើការទាក់ទាញការវិនិយោគ អភិវឌ្ឍគ្រប់វិស័យសេដ្ឋកិច្ចចម្បង លើកកម្ពស់ប្រាក់ចំណូល និងជីវភាពរស់នៅរបស់ប្រជាជនក្នុងតំបន់ជនជាតិភាគតិច អភិវឌ្ឍកសិកម្មឧស្សាហកម្មហត្ថកម្មខ្នាតតូច ពាណិជ្ជកម្ម សេវាកម្ម និងហេដ្ឋារចនាសម្ព័ន្ធគមនាគមន៍ក្នុងតំបន់ជនជាតិភាគតិច ផ្តល់អាទិភាពដល់ការអភិវឌ្ឍកសិកម្មបច្ចេកវិទ្យាខ្ពស់ កសិកម្មឆ្លាតវៃ កសិកម្មសរីរាង្គ ផលិតកម្មកសិកម្មកាត់បន្ថយការបញ្ចេញជាតិសំណល់ កសាងខ្សែចង្វាក់តម្លៃផលិតផលចម្បងផ្សារភ្ជាប់នឹងការកែច្នៃក្នុងស្រុក។
ក្នុងមហាសន្និបាត គណៈកម្មាធិការបក្សទីក្រុង កឹនធើ បានប្រកាសសេចក្តីសម្រេចចាត់សមមិត្តចំនួន ៣៣ រូបចូលគណៈកម្មាធិការប្រតិបត្តិនៃបក្ខភាគឃុំ មីទូ អាណត្តិកាល ២០២៥ - ២០៣០ និងចាត់សមមិត្តចំនួន ១១ រូបចូលគណៈកម្មាធិការអចិន្ត្រៃយ៍។ សមមិត្ត ផាម ទន់ សមាជិកនៃគណៈកម្មាធិការបក្សទីក្រុង លេខាគណៈកម្មាធិការបក្សឃុំ មីទូ អាណត្តិកាល ២០២០ - ២០២៥ ត្រូវបានចាត់ចែងឱ្យកាន់តំណែងជាលេខាគណៈកម្មាធិការបក្សឃុំ មីទូ អាណត្តិកាល ២០២៥ - ២០៣០៕
អត្ថបទនិងរូបថត៖ ទន់ភី
ប្រែសម្រួល និង បញ្ចូលទិន្នន័យ៖ អៀនថាញ់
