បំណងប្រាថ្នាដ៏ក្លៀវក្លាភ្លឺសន្ធៅក្រោមដំបូលសាលារៀនធំទូលាយស្អាតបាត
ពីកំពូលភ្នំផ្សែងអ័ព្ទស្ទុងៗ នៃតំបន់ តីបាក់ (ភូមិភាគពាយ័ព្យ) ដុងបាក់ (ភូមិភាគឦសាន) រហូតដល់ដែនដី តីង្វៀន ពោរពេញទៅដោយកម្តៅថ្ងៃនិងខ្យល់ ថ្ងៃបើកសាលាឆ្នាំនេះនាំមកនូវចំណាប់អារម្មណ៍ពិសេសចំពោះប្អូនៗ សិស្សសាលាជនជាតិភាគតិច។
ជាលើកដំបូងឈានជើងចូលទៅក្នុងបន្ទាប់រៀនថ្មីដោយមានកម្រាលឥដ្ឋ ត្រជាក់ស្រិប ក្តារខៀនប្រឆាំងការចាំងពន្លឺទំនើបនិងតុកៅអីក្រអូបក្លិនឈើស្រស់ ការរំភើបបង្ហាញយ៉ាងច្បាស់លើផ្ទៃមុខក្មេងខ្ចីរបស់កុមារៗ តំបន់ភ្នំ។ សាលា ចំណេះទូទៅអន្តេវាសិកអន្តរកម្រិតបឋមសិក្សានិងមធ្យមសិក្សាបឋមភូមិ ថាញ់ណឿ ឃុំ ថាញ់ណឿ (ដៀនបៀន) មានចំនួន ៤៣ បន្ទប់រៀនចំនួន ៩៩ បន្ទប់ អន្តេវាសិកដ្ឋាន។ល។ រួមជាមួយនឹងប្រព័ន្ធសំណង់ទំនើបភ្ជាប់តាមគ្រប់គ្រាន់។ ចាប់ពីពេលនេះទៅប្អូនៗ បានមានបរិយាកាសសិក្សាដ៏មានសុវត្ថិភាព កក់ក្ដៅក្នុងរដូវរងានិងត្រជាក់ស្រួលនៅពេលរដូវក្ដៅមកដល់។
សាលាចំណេះទូទៅអន្តេវាសិកអន្តរកម្រិតបឋមសិក្សានិងមធ្យមសិក្សាបឋមភូមិឃុំព្រំដែន អៀពុច (យ៉ាឡាយ) ត្រូវបានវិនិយោគគ្រប់ជ្រុងជ្រោយតាមគំរូសាលាអន្តេវាសិកទំនើប។ សំណង់មានទ្រង់ទ្រាយចំនួន ២៣ ថ្នាក់សម្រាប់សិស្សចំនួន ៧៥៦ នាក់រួមមានសិស្សសាលារៀនពេញមួយថ្ងៃចំនួន ៥៨០ នាក់និងសិស្សសាលាអន្តេវាសិកចំនួន ១៧៦ នាក់។ ថ្ងៃបើកសាលាបានក្លាយជាទិវាចួបជុំ ពេលប្អូនៗ បានចូលរៀនសាលាថ្មី ធំទូលាយស្អាតបាត ទំនើប ល័ក្ខខ័ណ្ឌបរិភោគ ស្នាក់នៅនិងសិក្សារៀនសូត្រគ្រប់គ្រាន់។
ក្តីត្រេកអររបស់សិស្សសាលាឃុំ វិញយ៉ា (ខេត្ត អានយ៉ាង) ជាងមួយពាន់នាក់ហាក់ដូចជាបានកើនឡើងទ្វេដងនៅពេលពិធីបើកបវេសនកាលឆ្នាំសិក្សាថ្មីផ្សារភ្ជាប់ជាមួយព្រឹត្តិការណ៍សម្ពោធឆ្លងសាលាចំណេះទូទៅអន្តេវាសិកបឋមសិក្សានិងមធ្យមសិក្សាបឋមភូមិ វិញយ៉ា។ បរិវេណសាលាពោរពេញទៅដោយចម្រុះពណ៌ទង់ជាតិរួមជាមួយនឹងសំឡេងនិយាយសើចខ្ញៀវខ្ញារ។ ការរំភើបរីករាយបង្ហាញយ៉ាងច្បាស់នៅលើរង្វង់មុខក្មេងខ្ចីនីមួយៗ នៅពេលប្អូនៗ លើកដំបូងបានឆ្លងកាត់បទពិសោធប្រព័ន្ធបន្ទប់រៀនដ៏ធំទូលាយស្អាតបាត មណ្ឌលអន្តេវាសិកដ្ឋានសណ្ដាប់ធ្នាប់និងអាហារដ្ឋានដ៏ទំនើប។
សំឡេងស្គរបើកសាលាបន្លឺឡើងកណ្តាលតំបន់ព្រំដែន មិនត្រឹមតែគូសសម្គាល់ដំណើរការសិក្សារៀនសូត្រថ្មីមួយប៉ុននោះទេ ថែមទាំងអុជបំភ្លឺក្តីសុបិនហោះហើរកាន់តែឆ្ងាយរបស់ប្អូនៗ សិស្សសាលានៅក្រោមដំបូលសាលារៀនដែល ពោរពេញដោយគុណស្រ័យនិងការយកចិត្តទុកដាក់ពីសហគមន៍ទៀតផង។
សេចក្តីរីករាយត្រេកអរសាយភាយចេញពីថ្នាក់រៀន
នៅកណ្តាលព្រៃភ្នំធំល្វឹងល្វើយ សំណង់ស្ថាបត្យកម្មដ៏រឹងមាំលាបពណ៌ស្រស់ថ្មីៗ លេចចេញដូចជានិមិត្តរូបទាំងឡាយនៃពុទ្ធិនិងក្តីសង្ឃឹម។ ពីថ្នាក់រៀនបណ្ដោះ អាសន្នអន្តេវាសិកដ្ឋានធ្លុះធ្លាយទ្រុឌទ្រោម ឥឡូវនេះប្អូនៗ បានរៀនក្នុងប្រព័ន្ធបន្ទាប់រៀនច្រើនជាន់ដ៏រឹងមាំ អគារពហុបំណងទំនើប មណ្ឌលអន្តេវាសិកដ្ឋានសណ្ដាប់ធ្នាប់និងអាហារដ្ឋានធានាសុវត្ថិភាពអនាម័យម្ហូបអាហារ។
បានសិក្សារៀនសូត្រនៅសាលាចំណេះទូទៅអន្តេវាសិកអន្តរកម្រិត បឋមសិក្សានិងមធ្យមសិក្សាបឋមភូមិ ត្រាលិញ ឃុំ ត្រាលិញ (កាវបាំង) ថ្មីធំទូលាយស្អាតបាត ទំនើប ប្អូន ត្រៀវ ថាញ់ថាវ (ថ្នាក់ទី ៧ បេ) ចែករំលែកថា ប្អូនសប្បាយចិត្តនិងតក់ក្រហល់យ៉ាងខ្លាំង។ សាលារៀនស្អាតណាស់ បន្ទប់រៀននិងបន្ទប់អន្តេវាសិកដ្ឋានសុទ្ធតែធំទូលាយស្អាតបាត។ ប្អូននឹងខិតខំរៀនយ៉ាងល្អ សង្វាតលុះក្នុងដំបូន្មាន។
មានវត្តមាននៅសាលាចំណេះទូទៅ អន្តេវាសិកបឋមសិក្សានិងមធ្យមសិក្សាបឋមភូមិ ស៊ើនធុយ ឃុំ ស៊ើនធុយ (ថាញ់ហ្វា) តាំងពីព្រឹកព្រលឹមជាមួយកូន បង ថាវ វ៉ាន់ជឺ ជនជាតិ ម៉ុង ចែករំលែកថា "មានសាលារៀនថ្មី កូនៗ បានសិក្សារៀនសូត្រ បរិភោគស្នាក់នៅនឹងសាលាតែម្តង គ្រួសារខ្ញុំកាន់តែស្ងប់ចិត្តជាខ្លាំងថែមទៀត"។
អញ្ជើញចូលរួមនិងថ្លែងសុន្ទរកថាដឹកនាំបើកបវេសនកាលឆ្នាំសិក្សាថ្មីនៅចំណុចភ្ជាប់ប្រព័ន្ធអនឡាញ មជ្ឈមណ្ឌលដាក់នៅសាលាចំណេះទូទៅអន្តេវាសិកអន្តរកម្រិត មឿងខឿង ឃុំ មឿងខឿង (ឡាវកាយ) នាយករដ្ឋមន្ត្រីនៃរដ្ឋាភិបាល លេ មិញហ៊ឹង បង្ហាញច្បាស់ថាសាលានីមួយៗ ត្រូវបានដាក់ឱ្យដំណើរការមិនមែនគ្រាន់តែជាសំណង់ថ្មីមួយប៉ុននោះទេ ថែមទាំងជាទីបង្អែកនៃជំនឿនិងអនាគតទៀតផង ដើម្បីគម្លាតភូមិសាស្ត្រឬស្ថានភាពគ្រួសារមិនរារាំងក្តីសុបិនសិក្សារៀនសូត្រ ហាត់ពត់របស់ក្មួយៗ ស្របពេលនោះដែរបង្ហាញមនោសញ្ចេតនាការទទួលខុសត្រូវរបស់បក្ស រដ្ឋ និងប្រជាជនទូទាំងប្រទេសចំពោះក្មេងជំនាន់ក្រោយ។
រហូតមកដល់ពេលនេះ ក្តីសុបិនរបស់សិស្សសាលាជាង ៦០០.០០០ នាក់នៅតាមឃុំព្រំដែនដីគោកបានក្លាយជាការពិតនៅពេលបានសិក្សារៀនសូត្រនិងប្រជុំជីវភាពនៅក្នុងសាលាអន្តេវាសិកចំនួន ១០៨ ខ្នង។ សាលាទាំងនេះនឹងបើកទូលាយផ្លូវពុទ្ធិនាំឱ្យអនាគតកាន់តែភ្លឺស្វាងស្រស់បំព្រងដល់ប្អូនៗ ថែមទៀត ស្របពេលនោះដែរ រួមចំណែកដល់ការផ្លាស់ប្តូរមុខមាត់តំបន់ជាយដែននៃមាតុភូមិ៕
អត្ថបទ៖ លេវ៉ឹន
រូបថត៖ ទីភ្នាក់ងារព័ត៌មានវៀតណាម
ប្រែសម្រួល៖ យ័ញលើយ
