យោងតាមសមាគមព្រះសង្ឃស្នេហាជាតិខេត្ត កៀនយ៉ាង ក្នុងឆ្នាំ ២០២៤ និងប៉ុន្មានដើមឆ្នាំ ២០២៥ វត្តថេរវាទក្នុងខេត្តបានចលនាបណ្តាសប្បុរសជន និងពុទ្ធបរិស័ទមកពីគ្រប់ទិសទី ធ្វើការងារសប្បុរសធម៌ដូចជា៖ សង់ផ្ទះសប្បុរសធម៌ ផ្ទះមហាសាមគ្គីជនជាតិអ្នកក្រីក្រ កសាងស្ពាន កសាងផ្លូវគមនាគមន៍ ជីកអណ្តូងទឹក ផ្តល់សិក្ខូបករណ៍ដល់សិស្សានុសិស្សក្រីក្រ ប្រគេនអហារូបករណ៍ព្រះសង្ឃ និងសិស្សានុសិស្សជួបការលំបាកខ្លាំង ផ្តល់អំណោយជូនជនអ្នកក្រីក្រក្នុងថ្ងៃបុណ្យ ចូលឆ្នាំថ្មី ថែទាំជនចាស់ជរាឯកោ កុមារអនាថា បោរថ្នាំព្យាបាលដោយឥតគិតថ្លៃដល់អ្នកជំងឺក្រីក្រ ... ដោយមានថវិកាសរុបរាប់សិបពាន់លានដុង។
ឧទាហរណ៍ជាក់ស្តែងគឺ ព្រះតេជគុណ លី ឡុងកុងយ៉ាញ់ អនុប្រធានសមាគមព្រះសង្ឃស្នេហាជាតិខេត្ត កៀនយ៉ាង ជាមួយនឹងការងារ "សង់ស្ពាន ផ្លូវគមនាគមន៍ជនបទ រួមចំណែកដល់សុខមាលភាពសង្គម"។
ព្រះតេជគុណ លី ឡុងកុងយ៉ាញ់ និមន្តថេរដីកា៖ “នៅឆ្នាំ ២០២៤ អាត្មាបានកៀងគរសាងសង់ស្ពានចរាចរណ៍ជនបទចំនួន១២ នៅតំបន់លំបាកលំបិនខ្លាំងក្នុងស្រុក ហ្គវ៉ាវសាងសង់ផ្ទះសប្បុរសធម៌ និងផ្ទះសាមគ្គីជាង១០ខ្នង ប្រមូលអំណោយ និងជំនួយដល់គ្រួសារក្រីក្រ គ្រួសារជួបការលំបាកដោយសារគ្រោះធម្មជាតិ និងឧបត្ថម្ភដល់កុមារក្រីក្រ មានសម្លៀក បំពាក់ មីកញ្ចប់ អង្ករ សៀង សម្លៀកបំពាក់ សៀវភៅសរសេរ កង់ជាដើម ដោយមានតម្លៃសរុបជាង ៥ ពាន់លានដុង លើសពីនេះ អាត្មាបានប្រមូលមូលនិធិមនុស្សធម៌ ក្រុមពេទ្យ និងក្រុមគ្រូពេទ្យនៅទីក្រុងហូជីមិញ រក្សាអង្គការប្រមូលឱសថបុរាណនៅវត្ត ពិនិត្យ ព្យាបាល ចែកថ្នាំដោយឥតគិតថ្លៃដល់ប្រជាជន ដោយចំណាយសរុបជាង ១៥ ពាន់លានដុង”។
បាវចនានៃការរស់នៅ "ជីវិតល្អ បវរសាសនា" របស់ព្រះសង្ឃ និងពុទ្ធសាសនិក ខ្មែរ នៅខេត្ត កៀនយ៉ាង មានអត្ថន័យមនុស្សធម៌យ៉ាងជ្រាលជ្រៅក្នុងជីវិត សហគមន៍ ជាគោលការណ៍ណែនាំក្នុងជីវិតខាងស្មារតី និងជាមូលដ្ឋានគ្រឹះក្នុងការកសាងសង្គមមានសាមគ្គីភាព និងអភិវឌ្ឍន៍។ អាស្រ័យហេតុនេះ ភ្ជាប់សាសនា និងការរស់នៅ ជួយពុទ្ធសាសនិក ខ្មែរ រក្សាជំនឿសាសនា រួមចំណែកយ៉ាងសកម្មក្នុងការអភិវឌ្ឍសង្គម។ ទន្ទឹមនឹងនោះ ជំរុញស្មារតីសាមគ្គីភាព លើកតម្កើងភាពសុខដុមរមនារវាងជនជាតិភាគតិច ថែរក្សា និងលើកតម្កើងតម្លៃប្រពៃណីជាតិ កសាងសហគមន៍រឹងមាំ បង្កើតមូលដ្ឋានគ្រឹះរឹងមាំសម្រាប់ការអភិវឌ្ឍសហគមន៍ប្រកបដោយចីរភាព រួមចំណែកក្នុងយុទ្ធសាស្ត្រកសាង និងអភិវឌ្ឍន៍ប្រទេសក្នុងយុគសម័យថ្មី-យុគសម័យនៃការអភិវឌ្ឍខ្លួន៕
ឡេ ហ្វីហាយ/ទីភ្នាក់ងារពត៌មានវៀតណាម
ប្រែសម្រួលដោយ៖ សឺន ហេង
