សាលារៀនកំពុងលំនឹងប្រតិបត្តិការពីមួយជំហានទៅមួយជំហាន ដោយបង្កើតបរិយាកាសសិក្សា ប្រជុំជីវភាពកាន់តែងាយស្រួលសម្រាប់សិស្សតំបន់បងប្អូនជនជាតិ។ ក៏ប៉ុន្តែ ដោយសារទើបតែសាងសង់ថ្មី សាលារៀននៅខ្វះខាតសម្ភារៈនិងលក្ខខណ្ឌបម្រើអន្តេវាសិកដ្ឋាន បង្រៀន និងរៀនពេញមួយថ្ងៃចាំបាច់ត្រូវបន្តវិនិយោគ។
បរិស្ថានសិក្សាធំទូលាយ
សាលាចំណេះទូទៅអន្តេវាសិកបឋមសិក្សានិងមធ្យមសិក្សាបឋមភូមិ អៀរ៉ុក មានសិស្សសាលាជាង ៩០% ជាកូនក្មួយបងប្អូនជនជាតិ។ គ្រឹះស្ថានអប់រំធំទូលាយជួយឱ្យសិស្សសាលាស្ងប់ចិត្តរៀនសូត្រ។ អ្នកគ្រូ H’Ben H Ra តែងតែណែនាំអាណាព្យាបាលសិស្សអំពីរបៀបហាត់អានឲ្យកូនៗ នៅឯផ្ទះ។
ក្នុងថ្នាក់ទី 3A1 អ្នកគ្រូ H’Ben H Ra ព្យាយាមជួយសិស្សសាលាហាត់អាន។ ថ្នាក់រៀនមានសិស្សសាលាចំនួន ៣៥ នាក់ ក្នុងនោះមានចំនួន ២១ នាក់ជាកូនក្មួយបងប្អូនជនជាតិ ភាគច្រើនជាជនជាតិ បាណា យ៉ារ៉ាយ អេដេ។ល។
បង លី វ៉ាន់ហ៊ិញ ឱ្យយដឹងថា៖ ឆ្នាំសិក្សានេះ កូនគាត់បានសិក្សាក្នុងសាលារៀនថ្មី នាពេលខាងមុខ ក្មួយនឹងបានសិក្សាពេញមួយថ្ងៃហេតុដូច្នេះហើយទើបគ្រួសារកាន់តែស្ងប់ចិត្តខ្លាំង ដោយធានាសុវត្ថិភាពសម្រាប់កូន។ សាលារៀនបានដាក់ឱ្យដំណើរការបង្ហាត់បង្រៀនបន្ថែមសម្រាប់សិស្សសាលាដែលរៀនមិនទាន់ល្អ។
លោកគ្រូ លេ តៀនកឿង ចែករំលែកថា៖ គ្រូបង្រៀនផ្ដោតសំខាន់ទៅលើការពង្រឹងសមត្ថភាពអាន ការសរសេរ ការបង្ហាញអត្ថបទ និងការបញ្ចេញមតិ។ ប្អូន ឡា មិញវូ សិស្សថ្នាក់ទី 9A2 ចែករំលែកថា៖ ប្អូននៅខ្សោយគណិតវិទ្យា និងភាសាអង់គ្លេស។ អាស្រ័យដោយទទួលបានការបង្ហាត់បង្រៀនបន្ថែមពីលោកគ្រូអ្នកគ្រូ ប្អូនរៀនបានគ្រាន់បើហើយ។
លោក វ៉ វៀតខ្វា ចាងហ្វាងសាលាផ្តល់ដំណឹងថា សាលារៀនបានអនុវត្តគំរូ “គូមិត្តភ័ក្ត្រ ជឿនលឿនជាមួយគ្នា” ដោយមានសិស្សសាលាល្អបង្គួរ ពូកែៗ ជួយមិត្តៗ ដែលនៅខ្សោយ លើកកម្ពស់គុណភាពសិក្សាបន្តិចម្តងៗ។
ដោះស្រាយការលំបាកពីមួយជំហានទៅមួយជំហាន លើកកម្ពស់លក្ខខណ្ឌប្រតិបត្តិការ
គម្រោងមានថវិកាវិនិយោគសរុបចំនួន ១៥០ ពាន់លានដុងដោយអគ្គសេនាធិការដ្ឋានកងទ័ពប្រជាជន វៀតណាម ជាម្ចាស់វិនិយោគ។ លោក វ៉ វៀតខ្វា ចាងហ្វាងសាលាបានឱ្យដឹងថា៖ សាលារៀននៅខ្វះខាតសម្ភារៈនិងគ្រូបង្រៀនមុខវិជ្ជាខ្លះ។ សាលារៀនបានស្នើអាជ្ញាធរឱ្យបន្តយកចិត្តទុកដាក់ វិនិយោគបន្ថែមទៀត។
លោក ទ្រិញ វ៉ាន់កឿង បញ្ជាក់យ៉ាងច្បាស់ថា៖ មូលដ្ឋានបានបញ្ជូនហេដ្ឋារចនាសម្ព័ន្ធនៅសល់មកដើម្បីជួយឧបត្ថម្ភសាលារៀន។ ក្រុមប្រឹក្សាប្រជាជនខេត្ត ដាក់ឡាក់ បានចេញសេចក្តីសម្រេចកំណត់គោលនយោបាយឧបត្ថម្ភបន្ថែមសម្រាប់សិស្សសាលា។ ប្អូនៗ ទទួលបានការឧបត្ថម្ភប្រាក់ពេលបាយថ្ងៃត្រង់ ប្រាក់អន្តេវាសិកដ្ឋាន និងការធ្វើដំណើរ។
លោក ទ្រិញ វ៉ាន់កឿង បន្តប្រសាសន៍ថា៖ គោលនយោបាយនេះត្រូវបានរំពឹងថានឹងបង្កើតកម្លាំងចលករបន្ថែមដើម្បីឲ្យគ្រូបង្រៀនស្ងប់ចិត្តបំពេញការងារ សិស្សសាលាធានាសិទ្ធិទទួលបានការអប់រំកាន់តែប្រសើរ។ ការបន្តបំពេញរួចរាល់ហេដ្ឋារចនាសម្ពន្ធនឹងរួមចំណែកលើកកម្ពស់គុណភាពអប់រំនៅតំបន់លំបាក៕
អត្ថបទ និងរូបថត៖ ង្វៀនយុង
ប្រែសម្រួល៖ ចន្ថា
