ពូនជ្រុំសាមគ្គីភាពផ្តើមពីប្រជុំជីវភាពប្រចាំថ្ងៃ
ព្រះតេជព្រះគុណ ចូវ ហ្វាយថាយ សមាជិកក្រុមប្រឹក្សាសង្ឃាភិបាល អនុប្រធានការិយាល័យទី ២ មជ្ឈិមសមាគមពុទ្ធសាសនា វៀតណាម និងជាព្រះចៅអធិការវត្ត សិរីសុវណ្ណវង្សា (ឃុំ ភូយ៉ាវ ទីក្រុង ហូជីមិញ) ឲ្យដឹងថាក្នុងមូលដ្ឋាន ស្មារតីសាមគ្គីរវាងបណ្តាជនជាតិត្រូវបានពូនជ្រុំផ្តើមចេញពីសកម្មភាពរស់នៅប្រចាំថ្ងៃរបស់វត្តអារាមតែម្តង។
យោងតាមព្រះតេជព្រះគុណ ចូវ ហ្វាយថាយ នៅក្នុងពិធីបុណ្យព្រះពុទ្ធសាសនាទក្ខិណនិកាយ ខ្មែរ ក៏ដូចជាការស្វាធ្យាយធម៌ប្រចាំថ្ងៃ វត្តអារាមតែងតែប្រើប្រាស់ទ្វេភាសា ខ្មែរ - វៀតណាម ដើម្បីបង្កើតលក្ខណៈងាយស្រួលជូនបងប្អូនជនជាតិ ខ្មែរ ក្នុងការថែរក្សាភាសានិយាយ អក្សរសរសេររបស់ជនជាតិ ព្រមទាំងជួយឱ្យជនជាតិ គិញ និងសហគមន៍ដទៃទៀតចូលរួមក្នុងសកម្មភាពសាសនាបានយ៉ាងងាយស្រួល។
ប្រការយ៉ាងល្អប្រសើរនោះគឺប្រជុំសកម្មភាពនៅវត្តអារាមមិនត្រឹមតែទាក់ទាញបងប្អូនជនជាតិ ខ្មែរ ក្នុងស្រុក ឬកម្មករចំណាកស្រុកប៉ុននោះទេ ថែមទាំងមានការចូលរួមរបស់ជនជាតិ គិញ និងជនជាតិដទៃជាច្រើនទៀតនៅក្នុងភូមិសាស្រ្តផងដែរ។ រូបភាពអ្នករាល់គ្នារួមដៃគ្នាបោសសំអាតបរិវេណវត្ត រៀបចំគ្រឿងបូជាសម្រាប់ពិធីបុណ្យកឋិនទាន ឬជួយគ្នាក្នុងការរៀបចំប្រារព្ធព្រឹត្តិការណ៍វប្បធម៌ សាសនាបានក្លាយជាសក្ខីកម្មយ៉ាងរស់រវើកឆ្លុះបញ្ចាំងពីស្មារតីសាមគ្គីភាព ផ្សារភ្ជាប់រវាងបណ្តាសហគមន៍ប្រជានិវេសន៍។
ព្រះតេជព្រះគុណ ចូវ ហ្វាយថាយ មានសង្ឃដីកាថា “សកម្មភាពទាំងនោះមិនត្រឹមតែបានរួមចំណែកក្នុងការថែរក្សាអត្តសញ្ញាណវប្បធម៌របស់ជនជាតិ ខ្មែរ ប៉ុននោះទេ ថែមទាំងបានបង្កើតខ្សែចំណងសាមគ្គីភាពក្នុងសហគមន៍ ពូនជ្រុំធ្លុងមហាសាមគ្គីប្រជាជាតិផ្តើមពីមូលដ្ឋានតែម្តង”។
ក្រៅពីសកម្មភាពជំនឿ វត្តអារាមក៏បានសហការយ៉ាងសកម្មជាមួយអាជ្ញាធរមូលដ្ឋានឃោសនាគោលការណ៍របស់បក្ស គោលនយោបាយ ច្បាប់របស់រដ្ឋជូនបងប្អូនជនជាតិ ខ្មែរ ផងដែរ។ ដោយមានប្រជាប្រិយភាពនៅក្នុងសហគមន៍ ព្រះសង្ឃតែងតែរួមបញ្ចូលខ្លឹមសារឃោសនាទៅក្នុងពេលសម្តែងធម្មទេសនា ឬការសន្ទនាប្រចាំថ្ងៃ ចលនាពុទ្ធសាសនិករស់នៅ “រស់នៅល្អ បវរសាសនា” បង្កើនការប្រុងប្រយ័ត្នចំពោះការបំផ្លើស បំបែកបំបាក់ធ្លុងមហាសាមគ្គីជាតិ ព្រមទាំងរួមចំណែកថែរក្សាសន្តិសុខសណ្តាប់ធ្នាប់នៅមូលដ្ឋាន។
ថ្មីៗ នេះ គណៈកម្មាធិការប្រជាជនឃុំ ភូយ៉ាវ បានសហការជាមួយនឹងវត្ត សិរីសុវណ្ណវង្សា ដាក់បង្ហាញគំរូ “បងប្អូនជនជាតិ ខ្មែរ ចូលរួមធានាសន្តិសុខសណ្តាប់ធ្នាប់ក្នុងភូមិសាស្រ្ត”។ គំរូនេះត្រូវបានរំពឹងថានឹងពង្រីកតួនាទីរបស់អ្នកមានប្រជាប្រិយភាពក្នុងសហគមន៍ បង្កើនស្មារតីគោរពច្បាប់ កសាងបរិស្ថានរស់នៅប្រកបដោយសុវត្ថិភាព សាមគ្គីភាព។
ចូលរួមយ៉ាងសកម្មរាល់សកម្មភាពសប្បុរសធម៌
មិនត្រឹមតែព្រះពុទ្ធសាសនាប៉ុននោះទេ ថែមទាំងមានអង្គការសាសនាដទៃទៀតនៅក្នុងភូមិសាស្រ្តទីក្រុង ហូជីមិញ ក៏កំពុងចូលរួមយ៉ាងសកម្មក្នុងរាល់សកម្មភាពឆ្ពោះទៅកាន់សហគមន៍ផងដែរ។ គ្រូគង្វាល ង្វៀន វ៉ាន់ញ៉ និងជាប្រធានគ្រប់គ្រងសមាគមសាសនាប្រូតេស្តង់ Mennonite - សាខាសមាគម ប៊ិញថាញ់ ឱ្យដឹងថា អស់រយៈពេលជាច្រើនឆ្នាំកន្លង សមាគមសាសនាតែងតែកំណត់ទិសស្លោក "រស់នៅផ្តល់កេរ្តិ៍ឈ្មោះល្អនៅក្នុងដួងចិត្តប្រជាជាតិ បម្រើព្រះជាម្ចាស់ បម្រើមាតុភូមិ និងប្រជាជាតិ"។
យោងតាមគ្រូគង្វាល ង្វៀន វ៉ាន់ញ៉ ផ្អែកលើស្មារតីនោះ សមាគមសាសនាតែងតែផ្សព្វផ្សាយ ចលនាសាសនិកឱ្យគោរពយ៉ាងខ្ជាប់ខ្ជួននូវគោលការណ៍របស់បក្ស គោលនយោបាយ ច្បាប់របស់រដ្ឋ កសាងជីវភាពវប្បធម៌នៅក្នុងតំបន់ប្រជានិវេសន៍ ថែរក្សាអនាម័យបរិស្ថាន កសាងគ្រួសារវប្បធម៌ និងចូលរួមយ៉ាងសកម្មក្នុងចលនាប្រលងប្រណាំងស្នេហាជាតិដែលមូលដ្ឋានរៀបចំឡើង។
ទន្ទឹមនោះ សមាគមសាសនានៅសហការជាមួយអាជ្ញាធរមូលដ្ឋាន និងរណសិរ្សមាតុភូមិដាក់ដំណើរការសកម្មភាពផ្សព្វផ្សាយអំពីការបង្ការ ទប់ស្កាត់អំពើអបាយមុខសង្គម បង្ការពន្លត់អគ្គីភ័យ ការពារបរិស្ថាន កសាងតំបន់ប្រជានិវេសន៍ឲ្យមានសាមគ្គីភាព សុវត្ថិភាព និងអរិយធម៌។
គ្រូគង្វាល ង្វៀន វ៉ាន់ញ៉ ចែករំលែកថា “ឆ្លងតាមរយៈសកម្មភាពទាំងនេះ យើងខ្ញុំសង្ឃឹមថានឹងចូលរួមចំណែកក្នុងការពង្រឹងធ្លុងមហាសាមគ្គីប្រជាជាតិទាំងមូល បង្កើនការផ្សារភ្ជាប់រវាងបងប្អូនជនជាតិកាន់សាសនា និងមិនកាន់សាសនា រួមដៃគ្នាកសាងមូលដ្ឋានកាន់តែរីកចម្រើនពីមួយថ្ងៃទៅមួយថ្ងៃ”។
យោងតាមគ្រូគង្វាល ង្វៀន វ៉ាន់ញ៉ ការងារសប្បុរសធម៌ មេត្តាធម៌តែងតែបានសមាគមសាសនាកំណត់ថាជាភារកិច្ចសំខាន់មួយក្នុងចំណោមភារកិច្ចសំខាន់។ រៀងរាល់ឆ្នាំ សមាគមសាសនាចលនាសាសនិកឱ្យរួមដៃគ្នាមើលថែក្រុមគ្រួសារក្រីក្រ មនុស្សចាស់ជរា ជនពិការ កុមារដែលមានស្ថានភាពលំបាកលំបិនតាមរយៈសកម្មភាពដូចជា ចែកអំណោយ ផ្តល់សម្ភារៈចាំបាច់ ផ្តល់អាហារូបករណ៍ ទៅសួរសុខទុក្ខអ្នកជំងឺ និងចូលរួមក្នុងកម្មវិធីសុខុមាលភាពសង្គមដែលមូលដ្ឋានផ្តួចផ្តើមឡើង។
មើលពីជ្រុងមួយរបស់មូលដ្ឋាន លោកស្រី ហ្វាង ម៉ាយគ្វិញហ្វា ប្រធានគណៈកម្មាធិការរណសិរ្សមាតុភូមិវៀតណាមសង្កាត់ ប៊ិញថាញ់ វាយតម្លៃថា អង្គការសាសនាកំពុងពង្រីកតួនាទីយ៉ាងល្អប្រសើរក្នុងការគិតគូរជីវភាពរបស់ប្រជាជន និងកសាងធ្លុងមហាសាមគ្គីប្រជាជាតិទាំងមូល។ បន្ទាប់ពីការអនុវត្តយ៉ាងល្អតាមទិសស្លោក "រស់នៅល្អ បវរសាសនា" គ្រឹះស្ថានសាសនានៅបានចូលរួមយ៉ាងសកម្មក្នុងរាល់សកម្មភាពសប្បុរសធម៌ មេត្តាធម៌ផងដែរ ដូចជាឧបត្ថម្ភក្រុមគ្រួសារក្រីក្រ ផ្តល់អាហារូបករណ៍ឱ្យប្អូនៗ សិស្សសាលា ពិនិត្យព្យាបាលជំងឺឥតគិតថ្លៃ ថែទាំអ្នកចាញ់ប្រៀប និងរួមដំណើរជាមួយមូលដ្ឋានក្នុងកម្មវិធីសុខុមាលភាពសង្គមនានា។
“ដោយឡែកកម្មវិធីសុខុមាលភាពសង្គម ជារៀងរាល់ឆ្នាំអង្គការសាសនាបានចលនា រួមវិភាគទានប្រភពកម្លាំងជាមួយនឹងតម្លៃរាប់ពាន់លានដុង ដើម្បីឧបត្ថម្ភប្រជាជនដែលមានស្ថានភាពលំបាក។ នេះគឺជាប្រភពកម្លាំងសង្គមដ៏សំខាន់ រួមចំណែកជាមួយអាជ្ញាធរក្នុងការគិតគូរពីជីវភាពរបស់ប្រជាជន” លោកស្រី ហ្វាង ម៉ាយគ្វិញហ្វា ចែករំលែកដូច្នេះ។
មិនត្រឹមតែនៅត្រឹមការងារសប្បុរសធម៌ប៉ុននោះទេ បណ្តាគ្រឹះស្ថានសាសនានៅតែចូលរួមយ៉ាងសកម្មក្នុងរាល់ចលនាការពារបរិស្ថាន កសាងគំរូ "គ្រឹះស្ថានសាសនាបៃតង" ចលនាសាសនិកឱ្យបែងចែកសំរាមនៅប្រភពតែម្តង ប្រើប្រាស់ផលិតផលជិតដិតនឹងបរិស្ថាន ដាំដើមឈើ និងថែរក្សាទេសភាពទីក្រុង។
ស្របពេលនឹងបណ្តាអង្គការសាសនា បងប្អូនបណ្តាជនជាតិនៅក្នុងភូមិសាស្រ្តទីក្រុងក៏បានចូលរួមយ៉ាងសកម្មក្នុងរាល់ចលនាប្រឡងប្រណាំងស្នេហាជាតិ ថែរក្សាអត្តសញ្ញាណវប្បធម៌ប្រពៃណី កសាងជីវភាពវប្បធម៌នៅតំបន់ប្រជានិវេសន៍ និងបំពេញភារកិច្ចពលរដ្ឋបានយ៉ាងល្អប្រសើរ។
“ទោះបីជាជនជាតិនីមួយៗ មានលក្ខណៈវប្បធម៌ដោយឡែករៀងៗ ខ្លួនក៏ដោយ ប៉ុន្តែសុទ្ធតែពង្រីកស្មារតីសាមគ្គីភាព រួមដៃគ្នាកសាងមូលដ្ឋានឱ្យកាន់តែមានអរិយធម៌ ទំនើប និងភក្តីភាព” លោកស្រី គ្វិញហ្វា ចែករំលែកបន្ថែម៕
អត្ថបទតចប់៖ រួមកម្លាំងកសាងទីក្រុង ហូ ជីមិញ គុណស្រ័យ
អត្ថបទនិងរូបថត៖ អានហៀវ
ប្រែសម្រួល៖ ចន្ថា
