ផ្នែកសេវាកម្មទាំងឡាយអភិវឌ្ឍតាមទិសដៅទំនើប គុណភាពពាណិជ្ជកម្ម - សេវាកម្មកែលម្អឡើង។ ឧស្សាហកម្មផ្តោតលើការអភិវឌ្ឍតាមទិសដៅផ្តល់អាទិភាពលើវិស័យទាំងឡាយមានលក្ខណៈវិទ្យាសាស្ត្រ - បច្ចេកវិទ្យា។ កសិកម្មមានការអភិវឌ្ឍយ៉ាងឆាប់រហ័សតាមទិសដៅអេកូឡូស៊ីទីក្រុង ប្រើបច្ចេកវិទ្យាខ្ពស់។
ការងារទាក់ទាញការវិនិយោគត្រូវបានជំរុញមាំតាមទិសដៅសម្រិតសម្រាំងជ្រើសរើសយកវិនិយោគិនធំៗ មានសក្តានុពលហើយមានប្រជាប្រិយភាព ក្នុងរយៈពេល ៥ ឆ្នាំ បង្កើតសហគ្រាសថ្មីជិត ២២៥.០០០ ស្មើនឹង ៣០% ទូទាំងប្រទេស កើនឡើង ៨,៣% បើធៀបនឹងដំណាក់កាលមុន។ លក្ខណៈបុកទម្លុះទាំងឡាយអំពីរបប ហេដ្ឋារចនាសម្ព័ន្ធ ធ្វើបរិវត្តកម្មឌីជីថល អភិវឌ្ឍវិទ្យាសាស្ត្របច្ចេកវិទ្យានិងប្រភពធនធានមនុស្សត្រូវបានប្រមូលផ្តុំនិងសម្រេចបានលទ្ធផលសំខាន់ៗ ជាច្រើន។
ហេដ្ឋារចនាសម្ពន្ធផ្លូវគមនាគមន៍ ទីក្រុងត្រូវបានលើកគម្រោងការ វិនិយោគក្នុងការអភិវឌ្ឍតាមទិសដៅពហុមជ្ឈមណ្ឌល ភ្ជាប់តំបន់និងបន្ស៊ាំទៅនឹងការប្រែប្រួលអាកាសធាតុ។ ប្រព័ន្ធអេកូឡូស៊ីធុរកិច្ចបង្កើតថ្មីនិងផ្លាស់ប្តូរថ្មីច្នៃប្រតិដ្ឋខិតជិតទីក្រុងថ្នាក់កំពូលស្វាហាប់បំផុតលើពិភពលោកទាំង ១០០។ សកម្មភាពទាំងឡាយនៅលើវិស័យវប្បធម៌ - សង្គម អប់រំ ថែទាំសុខភាព គិតគូរដល់សហគមន៍ សុខុមាលភាពសង្គមជាដើម ត្រូវបានផ្តោតទៅលើការអភិវឌ្ឍដើរទន្ទឹមជាមួយនឹងការអភិវឌ្ឍសេដ្ឋកិច្ច។ ការងារការពារជាតិ សន្តិសុខត្រូវបានថែរក្សារឹងមាំ ការងារកសាង ពង្រឹងបក្សត្រូវបានពង្រឹងបន្ថែម ជាភារកិច្ចចំណុចស្នូល គន្លឹះធានាស្ថិរភាពនិងការអភិវឌ្ឍរបស់ទីក្រុង។
ការដាក់ដំណើរការអនុវត្តសេចក្តីសម្រេចចិត្តលេខ 57-NQ/TW សម្រេចបានលទ្ធផលវិជ្ជមានជាច្រើន៖ ទីក្រុងស្ថិតក្នុងប្រព័ន្ធអេកូឡូស៊ីធុរកិច្ចបង្កើតថ្មីច្នៃប្រតិដ្ឋឈានមុខគេលំដាប់កំពូលទាំង ៥ នៅ អាស៊ីអាគ្នេយ៍ (យោងតាមចំណាត់ថ្នាក់របស់ StarupBlink) បានចុះហត្ថលេខា សហការ ចាប់ផ្តើមបើកគម្រោងជាច្រើនជាមួយអ្នកវិនិយោគបច្ចេកវិទ្យាក្នុងស្រុកនិងបរទេសធំៗ (ដូចជា Viettel, NVIDIA, ADM, Evoluion)។
ជាពិសេស សមាមាត្ររួមវិភាគទាននៃផលិតភាពបណ្តាកត្តាធ្វើសំយោគ (TFP) ចូល GRDP កើនឡើងជាបន្តបន្ទាប់ រួមចំណែកជំរុញការកៀរគរទុន FDI ចូលក្នុងសកម្មភាពជំនាញនិងវិទ្យាសាស្ត្របច្ចេកវិទ្យាដោយមានដើមទុនសរុបចំនួន ១,២ ពាន់លានដុល្លារក្នុងត្រីមាសទី ២ ឆ្នាំ២០២៥។ ទីក្រុងបានសម្របសម្រួលជាមួយខេត្ត ប៊ិញយឿង និង បារៀ - វុងតៅ ដើម្បីតភ្ជាប់ហេដ្ឋារចនាសម្ព័ន្ធឌីជីថលសម្រាប់សង្កាត់ ឃុំនិងតំបន់ពិសេសចំនួន ១៦៨ បញ្ចប់ការដាក់ដាក់ដំណើរការប្រព័ន្ធព័ត៌មាន មូលដ្ឋានឌីជីថលប្រើប្រាស់រួម ធានានូវប្រតិបត្តិការជាផ្លូវការបណ្តាមូលដ្ឋានឌីជីថលសម្រាប់រដ្ឋអំណាចពីរថ្នាក់ចាប់ពីថ្ងៃទី ១ ខែ កក្កដា ឆ្នាំ ២០២៥។
ចក្ខុវិស័យថ្មីសម្រាប់ទីក្រុង ហូ ជីមិញ ថ្មីគឺក្លាយជា ‟ទីក្រុងដ៏ធំសម្បើមអន្តរជាតិ” - ទីក្រុងឆ្លាតវៃ បៃតង ច្នៃប្រតិដ្ឋ គំរូមួយមិនត្រឹមតែអំពីកម្លាំងសេដ្ឋកិច្ចប៉ុណ្ណោះទេ ថែមទាំងភាពសម្បូរអំពីវប្បធម៌ សិល្បៈ កីឡា កម្សាន្តនិងរបៀបរស់នៅបែបទំនើប ស្វាហាប់។ ទីក្រុង ហូ ជីមិញ ថ្មីនឹងក្លាយជាមជ្ឈមណ្ឌលហិរញ្ញវត្ថុ សេវាកម្ម ពាណិជ្ជកម្ម ភស្តុភារកម្ម ឧស្សាហកម្មបច្ចេកវិទ្យាខ្ពស់និងទេសចរណ៍សមុទ្រទ្រង់ទ្រាយតំបន់មួយដោយតម្រង់ទិសដៅអភិវឌ្ឍផ្អែកលើខឿនបច្ចេកវិទ្យាឌីជីថល សេដ្ឋកិច្ចបៃតង និរន្តរភាពអំពីបរិស្ថាន សង្គមសុខដុមរមនា តំណភ្ជាប់ បើកទូលាយ គួបផ្សំភាពប្រណីតបណ្តាតម្លៃជឿនលឿននៃទ្វីប អាស៊ី និងពិភពលោក ខិតខំធ្វើជាកន្លែងដ៏ទាក់ទាញ ប្រមូលផ្តុំអ្នកមានទេពកោសល្យ សហគ្រិនក្នុងស្រុកនិងអន្តរជាតិ ជាកន្លែងរបស់សហគមន៍ចាប់ផ្តើមអាជីវកម្ម ច្នៃប្រតិដ្ឋ បណ្តុះពន្លកបណ្តានិន្នាការនិងគំរូជឿនលឿន។ ទីក្រុង ហូ ជីមិញ ថ្មីមិនត្រឹមតែជាក្បាលម៉ាស៊ីនសេដ្ឋកិច្ចជាតិប៉ុណ្ណោះទេ ថែមទាំងត្រូវតែជាតំបន់ទីក្រុងទំនើបមានឥទ្ធិពលក្នុងបណ្តាញទីក្រុងទាំងឡាយលើសកលលោកទៀតផង។
ក្នុងអាណត្តិកាល ២០២៥ - ២០៣០ បក្ខភាគទីក្រុងទាំងមូលផ្តោតលើការអនុវត្តភារកិច្ចមានលក្ខណៈយុទ្ធសាស្ត្រ ចំណុចសំខាន់បំផុតចំនួន ៥ ក្រុមដូចខាងក្រោម៖ ទីមួយគឺ ផ្តោតលើការដាក់ដំណើរការអាជ្ញាធរមូលដ្ឋានពីរថ្នាក់ "ស្ទាត់ជំនាញ - សម្រួល - ខ្លាំងក្លា - មានផលិតភាព មានប្រសិទ្ធភាព មានលទ្ធផលល្អ" ដោយស្មារតីលឿនដូចរន្ទះ យ៉ាងប្តូរផ្តាច់ រត់ផងតម្រង់ជួរផង។
នេះគឺជាគោលដៅទូទៅ តម្រង់ទិសដៅដល់ការកសាងក្បាលម៉ាស៊ីនរដ្ឋអំណាចមូលដ្ឋានប្រព្រឹត្តទៅប្រកបដោយប្រសិទ្ធភាព កាត់បន្ថយបណ្តាជាន់ថ្នាក់អន្តរការី កាត់បន្ថយក្របខណ្ឌ ពង្រឹងបន្ថែមសមត្ថភាពនិងលទ្ធភាពឆ្លើយតបតម្រូវការ ភារកិច្ចក្នុងស្ថានភាពថ្មី ក្នុងនោះ៖ "ការបង្រួម" គឺកាត់បន្ថយស្ថាប័ន អង្គភាព អង្គការមិនចាំបាច់ ជាន់ដែនមុខងារភារកិច្ច ឬលែងនៅសមស្របនឹងស្ថានភាពជាក់ស្តែង។ ‟ខ្លាំងក្លា” គឺពង្រឹងបន្ថែមលទ្ធភាព កម្រិតជំនាញរបស់កងជួរកម្មាភិបាល បុគ្គលិករដ្ឋការសាធារណៈ និងបុគ្គលិករដ្ឋការស៊ីវិល លើកកម្ពស់ប្រសិទ្ធភាពប្រតិបត្តិការរបស់ស្ថាប័ន អង្គភាព។ "ផលិតភាព ប្រសិទ្ធភាព លទ្ធផលល្អ" គឺធានាក្បាលម៉ាស៊ីនដំណើរការមានផលិតភាព គុណភាព ឆ្លើយតបបានតម្រូវការ ភារកិច្ចដែលបានប្រគល់ឲ្យ នាំមកនូវផលប្រយោជន៍ជាក់ស្តែងជូនប្រជននិងសហគ្រាស។ "លឿនដូចរន្ទះ យ៉ាងប្តូរផ្តាច់ រត់ផងតម្រង់ជួរផង" គឺបង្ហាញពីភាពរួសរាន់ ប្តេជ្ញាចិត្តខ្ពស់ក្នុងដំណើរការអនុវត្ត ស្របពេលនោះដែរធានាលក្ខណៈត្រឹមត្រូវ វិទ្យាសាស្រ្ត ជៀសវាងបង្កឱ្យច្របូកច្របល់ ប៉ះពាល់អវិជ្ជមានដល់ប្រតិបត្តិការរបស់ក្បាលម៉ាស៊ីន។
ទីពីរគឺ អនុវត្តឱ្យទៅជាភាពជាក់ស្ដែងសម្រេចលទ្ធផល "សសរស្តម្ភទាំងបួន" ខ្ពស់បំផុតនៃសេចក្តីសម្រេចចិត្តយុទ្ធសាស្ត្រ រួមមាន៖ សេចក្តីសម្រេចចិត្តលេខ 57-NQ/TW ចុះថ្ងៃទី ២២ ខែ ធ្នូ ឆ្នាំ ២០២៤ របស់ការិយាល័យនយោបាយស្តីពីលក្ខណៈបុកទម្លុះក្នុងការអភិវឌ្ឍវិទ្យាសាស្ត្រ បច្ចេកវិទ្យា ផ្លាស់ប្តូរថ្មីច្នៃប្រតិដ្ឋនិងបរិវត្តកម្មឌីជីថល ជាតិ សេចក្តីសម្រេចចិត្តលេខ 59-NQ/TW ចុះថ្ងៃទី ២៤ ខែ មករា ឆ្នាំ ២០២៥ នៃការិយាល័យនយោបាយស្តីពី "សមាហរណកម្មអន្តរជាតិក្នុងស្ថានភាពថ្មី" សេចក្តីសម្រេចចិត្តលេខ 66-NQ/TW ស្តីពីផ្លាស់ប្តូរថ្មីការងារកសាងនិងការអនុវត្តច្បាប់ឆ្លើយតបតម្រូវការអភិវឌ្ឍប្រទេសជាតិក្នុងយុគសម័យថ្មី សេចក្តីសម្រេចចិត្តលេខ 68-NQ/TW ចុះថ្ងៃទី ៤ ខែ ឧសភា ឆ្នាំ ២០២៥ នៃការិយាល័យនយោបាយស្តីពីការអភិវឌ្ឍសេដ្ឋកិច្ចឯកជន។ តាមរយៈនោះ ការដាក់ដំណើរការ ‟សសរស្តម្ភទាំងបួន” សេចក្តីសម្រេចចិត្តត្រូវធានានូវតម្រូវការ៖ សន្ទស្សន៍ច្បាស់លាស់ កម្មវិធីនិងផែនការច្បាស់លាស់ ផែនទីបង្ហាញផ្លូវជាក់ស្តែង ផលិតផលច្បាស់លាស់និងទំនួលខុសត្រូវច្បាស់លាស់។
ទីបីគឺ រួសរាន់ពិនិត្យមើលឡើងវិញកែតម្រូវ កសាងផែនការថ្មីសម្រាប់ទីក្រុង ហូ ជីមិញ ថ្មី ដោយមានចក្ខុវិស័យបរិយាកាស ១ - តំបន់ ៣។ ក្នុងនោះ៖ តំបន់ទីក្រុង ហូ ជីមិញ សព្វថ្ងៃស្រាប់ដើរតួនាទីជា ‟ធានីហិរញ្ញវត្ថុនិងបច្ចេកវិទ្យាខ្ពស់” ផ្តោតលើការអភិវឌ្ឍមជ្ឈមណ្ឌលហិរញ្ញវត្ថុ ពាណិជ្ជកម្ម សេវាកម្ម បច្ចេកវិទ្យានិងផ្លាស់ប្តូរថ្មីច្នៃប្រតិដ្ឋ។ តំបន់ ប៊ិញយឿង ដើរតួនាទីជា ‟ធានីឧស្សាហកម្ម” ជាមជ្ឈមណ្ឌលផលិតកម្ម ឧស្សាហកម្មបច្ចេកវិទ្យាខ្ពស់។ តំបន់ បារៀ - វុងតៅ គឺជា ‟ធានីសេដ្ឋកិច្ចសមុទ្រ" ដើរតួនាទីជាច្រកទ្វារកំពង់ផែសមុទ្រអន្តរជាតិ អភិវឌ្ឍសេវាកម្មដឹកជញ្ជូនទំនិញនិងមជ្ឈមណ្ឌលឧស្សាហកម្មថាមពល។
ទីបួនគឺ បន្តអនុវត្តយុទ្ធសាស្ត្រមជ្ឈមណ្ឌល ១ - ខ្ពស់ ៤ - ផ្តោត ១ ប្រកបដោយប្រសិទ្ធភាព ដោយមាន៖ មជ្ឈមណ្ឌល ១ គឺបង្កើតមជ្ឈមណ្ឌលហិរញ្ញវត្ថុអន្តរជាតិនៅទីក្រុង ហូ ជីមិញ ខ្ពស់ ៤ រួមមាន៖ មជ្ឈមណ្ឌលបច្ចេកវិទ្យាខ្ពស់ពហុគោលដៅ (ផ្លាស់ប្តូរថ្មីនិងច្នៃប្រតិដ្ឋ AI; GIS; ឈីបពាក់កណ្តាលចម្លង) មណ្ឌលឧស្សាហកម្មបច្ចេកវិទ្យាខ្ពស់ អប់រំដែលមានគុណភាពខ្ពស់ សុខាភិបាលមានគុណភាពខ្ពស់ ផ្តោត ១ គឺផ្តោតវិនិយោគលើហេដ្ឋារចនាសម្ព័ន្ធគមនាគមន៍និងហេដ្ឋារចនាសម្ពន្ធឌីជីថលធានាស៊ីចង្វាក់នឹងគ្នាទាំងស្រុង ទំនើប (តាមស្មារតីសេចក្តីសម្រេចលេខ 57-NQ/TW ចុះថ្ងៃទី ២២ ខែ ធ្នូ ឆ្នាំ ២០២៤ របស់ការិយាល័យនយោបាយស្តីពីរបុកទម្លុះអភិវឌ្ឍវិទ្យាសាស្ត្រ បច្ចេកវិទ្យា ផ្លាស់ប្តូរថ្មីច្នៃប្រតិដ្ឋនិងធ្វើបរិវត្តកម្មឌីជីថលជាតិ)។
ទីប្រាំគឺ ផ្តោតលើការលើកកម្ពស់ប្រសិទ្ធភាពសាធារណៈកំណែទម្រង់រដ្ឋបាល កែលម្អបរិយាកាសវិនិយោគ លើកកម្ពស់ជំហរវិនិយោគ ក្នុងនោះ៖ លើកកម្ពស់ប្រសិទ្ធភាពការងារកំណែទម្រង់រដ្ឋបាលឆ្ពោះទៅរក “គោលដៅសំខាន់ ៤” ស្តីពីរដ្ឋអំណាចឌីជីថល អភិបាលកិច្ចផ្អែកលើលទ្ធផល ធ្វើវិមជ្ឈការវិមជ្ឈការ កសាងខឿនរដ្ឋបាលសេវាកម្ម ដោះស្រាយបែបបទរដ្ឋបាលធូរស្រាល - ស្របច្បាប់ ទាន់ពេលវេលា។ លើកកម្ពស់ជំហរវិនិយោគដោយមានគោលដៅដល់ឆ្នាំ ២០៣០ ទីក្រុងនឹងស្ថិតក្នុងថ្នាក់កំពូលទាំង ៣ ចាត់ចំណាត់ថ្នាក់សន្ទស្សន៍លទ្ធភាពប្រកួតប្រជែងលំដាប់ថ្នាក់ខេត្ត (PCI) និងថ្នាក់កំពូលលេខ ១ មូលដ្ឋានទាក់ទាញវិនិយោគិនធំ៕
អត្ថបទៈ ហ្វាង ទន់អាញ់
ប្រែសម្រួលនិងបញ្ចូលទិន្នន័យ៖ យ័ញលើយ
