លោក ថាច់គ្វើន ចែករំលែកថា៖ “អ្នកមានប្រជាប្រិយភាពត្រូវតែយល់ពីមាមីងបងប្អូននិងយល់ពីគោលនយោបាយច្បាប់ គោលការណ៍របស់រដ្ឋ។ ខ្ញុំជាកម្មាភិបាលបក្ខជន ខ្ញុំតែងតែធ្វើជាគំរូ នាំមុខគេទាំងក្នុងការអភិវឌ្ឍសេដ្ឋកិច្ច ទាំងការគិតគូរពីបញ្ហាគ្រួសារ ការសិក្សារៀនសូត្ររបស់កូនៗ ទៀតផង។ ខ្លួនខ្ញុំផ្ទាល់ធ្វើជាគំរូដល់កូនក្មួយ បងប្អូនយកតម្រាប់ធ្វើតាម ផ្តើមពីនោះបន្តចែករំលែកបទពិសោធន៍ដល់មាមីងបងប្អូនដើម្បីធ្វើតាមជាមួយគ្នា កសាងមូលដ្ឋានកាន់តែអភិវឌ្ឍពីមួយថ្ងៃទៅមួយថ្ងៃ”។
នាយកស្តីទីនៃមន្ទីរជនជាតិនិងសាសនា លោក ថាច់យឿង បានសង្កត់ធ្ងន់ថា ក្នុងដំណើរការអនុវត្ត មន្ទីរនឹងបន្តផ្តោតសំខាន់ដល់ការដាស់និងពង្រីកកម្លាំងផ្ទៃក្នុងនៃសហគមន៍ជនជាតិ ខ្មែរ បង្កលក្ខខណ្ឌងាយស្រួលដើម្បីបងប្អូនជនជាតិបុរេសកម្មចូលរួមការអភិវឌ្ឍសេដ្ឋកិច្ចក្រុមគ្រួសារ ការពារបរិស្ថាន ថែរក្សាអត្តសញ្ញាណវប្បធម៌ជនជាតិនិងកសាងជីវភាពថ្មីស៊ីវិល័យ ទំនើប។ ឆ្លងតាមរយៈនោះ បង្កជំហានប្រែខ្លួនវិវឌ្ឍជាវិជ្ជមាន រួមវិភាគទានចូលទៅក្នុងការអភិវឌ្ឍរួមរបស់ខេត្តក្នុងសម័យកាលឧស្សាហូបនីយកម្ម ទំនើបកម្មនិងសមាហរណកម្មអន្តរជាតិ៕
អត្ថបទនិងរូបថត៖ ឡេ ធុយហាំង
ប្រែសម្រួលនិងបញ្ចូលទិន្នន័យ៖ យ័ញលើយ
