* ទំទុកចិត្តពីការជំនួយអស់ពីចិត្តពីថ្លើម
នៅមជ្ឈមណ្ឌលសេវាកម្មរដ្ឋបាលសាធារណៈឃុំ ភូងៀ ការប្រើបច្ចេកវិទ្យាដើម្បីដោះស្រាយបែបបទរដ្ឋបាលកំពុងកាន់តែងាយស្រួលឡើងសម្រាប់ប្រជាជនគ្រប់គ្នា។ មជ្ឈមណ្ឌលបានដាក់ដំណើរការដំណោះស្រាយជាច្រើន រៀបចំកងកម្លាំងជំនួយអស់ពីចិត្តពីថ្លើម ជួយមនុស្សជាច្រើនចេះអំពីបច្ចេកវិទ្យាព័ត៌មាននៅមានកម្រិត ដើម្បីឱ្យកាន់តែមានជំនឿចិត្តថែមទៀតពេលប្រើប្រាស់សេវាសាធារណៈអនឡាញនិងឧបករណ៍ឌីជីថល។
បងប្រុស ដៀវតឿយ ជនជាតិ ស្ទៀង នៅភូមិ ខាក់ខ្វាង លើកដំបូងបង្អស់មកកាន់មជ្ឈមណ្ឌលសេវាកម្មរដ្ឋបាលសាធារណៈឃុំដោះស្រាយឯកសារ។ ដោយសារទីស្នាក់ការថ្មីរបស់អាជ្ញាធរមានការផ្លាស់ប្តូរ បងប្រុសមិនអាចមិនមមិងមមាំង។ ក៏ប៉ុន្តែ ដោយសារការណែនាំអស់ពីចិត្តពីថ្លើមរបស់កម្មាភិបាល បុគ្គលិករដ្ឋការសាធារណៈនិងសម្ព័ន្ធយុវជន បងប្រុស តឿយ បានយល់ច្បាស់លំដាប់លំដោយនិងបំពេញឯកសារអំពីដីធ្លីបានល្អ។
លោក ដៀវតឿយ បានឱ្យដឹងថា៖ “នេះជាលើកទីមួយហើយដែលខ្ញុំប្រើសេវាសាធារណៈនៅពេលរដ្ឋាភិបាលមូលដ្ឋាន ២ ថ្នាក់ដាក់ឱ្យដំណើរការ។ ខ្ញុំមកនេះ កម្មាភិបាល បុគ្គលិកទទួលស្វាគមន៍ខ្ញុំយ៉ាងដិតដល់ ហ្មត់ចត់ ណែនាំជួយខ្ញុំធ្វើអំពីក្រដាសស្នាមពាក់ព័ន្ធនឹងដីធ្លី។ ពីមុននេះខ្ញុំកាលនៅឃុំចាស់ ខ្ញុំជាធម្មតាត្រូវទៅមកច្រើនដង ហើយបង់ពេលវេលាច្រើនដើម្បីធ្វើហើយបែបបទក្រដាសស្នាមឱ្យខ្លួននិងគ្រួសារ។ នៅពេលដែលមានមជ្ឈមណ្ឌលសេវាកម្មរដ្ឋបាលសាធារណៈពីរថ្នាក់ ដោយមានការឧបត្ថម្ភលើកនេះ រាល់ការងារប្រព្រឹត្តឡើងឆាប់រហ័សនិងងាយស្រួលជាងមុនខ្លាំង” បងប្រុស តឿយ ចែករំលែកបន្ថែម។
រីឯលោក ដៀវហ្ក្រី ប្រជាជនម្នាក់មកពីភូមិ សឺនទ្រុង មិនអាចលាក់បាំងការរំភើបចិត្តរបស់គាត់បានឡើយនៅពេលឃើញដោយផ្ទាល់នឹងភ្នែកពីរបៀបអាជ្ញាធរពីរថ្នាក់កំពុងដាក់ឱ្យដំណើរការនិងចាត់ការឯកសារឆាប់រហ័សជាងមុននេះ។ លោកចែករំលែកថា៖ ពីមុននេះ លោកធ្លាប់ទៅមកយ៉ាងច្រើនដងដើម្បីធ្វើក្រដាសស្នាម។ ក៏ប៉ុន្តែ ពេលមកកាន់មជ្ឈមណ្ឌលសេវារដ្ឋបាលសាធារណៈឃុំ បញ្ហារបស់លោកត្រូវបានដោះស្រាយយ៉ាងឆាប់រហ័ស។
លោក ឡេ វ៉ាន់ទ្វៀន ភូមិ តឹនឡឹប មកកាន់មជ្ឈមណ្ឌលធ្វើបែបបទផ្តល់ប័ណ្ណកម្មសិទ្ធិប្រើប្រាស់ដីធ្លី ក៏ផ្តល់មតិថា ឆ្លងកាត់អំឡុងពេលផ្លាស់ប្តូរនិងដាក់ដំណើរការអាជ្ញាធរ ២ ថ្នាក់ កម្មាភិបាល បុគ្គលិករដ្ឋការសាធារណៈនៅក្នុងឃុំបានធ្វើការយ៉ាងអស់ពីចិត្តនិងហ្មត់ចត់។ ពួកគាត់ណែនាំយ៉ាងអស់ពីចិត្តពីថ្លើមនិងពន្យល់ហ្មត់ចត់ដើម្បីប្រជាជនត្រៀមឯកសារ ក្រដាសស្នាមគ្រប់គ្រាន់និងឆាប់រហ័ស។
“ក្នុងរយៈពេលខាងមុខ ខ្ញុំមានគោលបំណងចង់បណ្តាគោលនយោបាយ បទប្បញ្ញត្តិនិងណែនាំអនុវត្តនឹងកាន់តែបានស្រឡះស្រលួនថែមទៀត ប្រការនេះនឹងជួយមជ្ឈមណ្ឌលសេវារដ្ឋបាលសាធារណៈកាន់តែងាយស្រួលថែមទៀតក្នុងការចេញប័ណ្ណក្រហម ផ្តល់ប័ណ្ណកម្មសិទ្ធិប្រើប្រាស់ដីធ្លីជូនប្រជាជន។ ជាពិសេស ខ្ញុំមានគោលបំណងចង់ស្រឡះស្រលួនអំពីយន្តការពន្ធដារនឹងរួមចំណែកជំរុញពន្លឿនដំណើរការផ្តល់ក្រដាសស្នាមគ្រប់ប្រភេទ នាំមកនូវអត្ថប្រយោជន៍ជាក់ស្តែងជូនប្រជាជន” លោក ត្វៀន រំពឹងទុក។
មិនត្រឹមតែជនជាតិភាគតិចត្រូវបានណែនាំ ជំនួយអស់ពីចិត្តពីថ្លើមប៉ុននោះទេ ប្រជាជនអ្នកដែលនៅមានកំណត់អំពីចំណេះដឹងបច្ចេកវិទ្យាក៏តែងតែត្រូវបានជំនួយដិតដល់ ឆ្លើយបំភ្លឺដើម្បីប្រជាជនត្រៀមឯកសារល្អបំផុត។ ជាពិសេស ប្រជាជនបានជំនួយធ្វើបែបបទរដ្ឋបាលតាមអនឡាញនិងដោយផ្ទាល់ ព្រមទាំងណែនាំប្រើ QR កូដដើម្បីចូលដំណើរការបណ្តាបែបបទទាក់ទងគ្នានៅពេលត្រូវការ។
នៅមជ្ឈមណ្ឌលសេវារដ្ឋបាលសាធារណៈឃុំ ភូងៀ នៅមានសមាជិកសម្ព័ន្ធយុវជនកុម្មុយនិស្ត ហូ ជីមិញប្រហែល ៤០ នាក់ប្តូរវេនប្រចាំការឧបត្ថម្ភ ជួយប្រជាជនក្នុងការអនុវត្តបែបទបរដ្ឋបាល ធ្វើឱ្យដំណើរការនៅលើប្រព័ន្ធអេឡិចត្រូនិច។ យោងតាមអ្នកស្រី ភុង ធីកឹមទូ លេខាសម្ព័ន្ធយុវជនឃុំ ភូងៀ សមាជិកសម្ព័ន្ធយុវជននឹងណែនាំប្រជាជនដោយផ្ទាល់ក្នុងនីតិវិធីសំខាន់ៗ ជាច្រើន។
ជាក់ស្តែង : សមាជិកសម្ព័ន្ធយុវជននឹងជំនួយក្នុងការបំពេញបែបបទឧបត្ថម្ភសង្គម ប្រភេទឯកសារទាក់ទងដល់ដីធ្លី ផ្ទេរកម្មសិទ្ធ ចុះបញ្ជីកំណើត។ ទន្ទឹមនឹងនោះ សមាជិកសម្ព័ន្ធយុវជនក៏សកម្មឃោសនានិងណែនាំប្រជាជនអំពីរបៀបប្រើ VneID។ ជាពិសេស ចំពោះអ្នកមានវ័យចំណាស់ឬបងប្អូនជនជាតិភាគតិចនៅមានកម្រិងអំពីបច្ចេកវិទ្យាព័ត៌មានសមាជិកសម្ព័ន្ធយុវជននឹងជំនួយអស់ពីចិត្តពីថ្លើមដើម្បីឱ្យពួកគាត់អាចនឹងចូល ប្រើប្រាស់សេវាសាធារណៈអនឡាញយ៉ាងងាយស្រួលបំផុត។
* ជំរុញបរិវត្តកម្មឌីជីថលយ៉ាងខ្លាំងក្លានៅក្នុងរដ្ឋបាលសាធារណៈ
នៅពេលដែលគំរូអាជ្ញាធរ ២ ថ្នាក់ដាក់ឱដំណើរការជាផ្លូវការ មជ្ឈមណ្ឌលសេវារដ្ឋបាលសាធារណៈឃុំ ភូងៀ បានដំណើរការយ៉ាងល្អ ដោយសារមានឧបត្ថម្ភយ៉ាងសកម្មពីបណ្តាផ្នែកនិងអង្គការមហាជន។ ប្រជាជនធ្លាប់បានមកធ្វើបែបបទរដ្ឋបាលទាំងអស់សុទ្ធតែសម្តែងការពេញចិត្តក៏ដូចជាការរំពឹងទុកថាមជ្ឈមណ្ឌលនឹងបន្តពង្រីកការជំនួយក្នុងយុគសម័យបរិវត្តកម្មឌីជីថល ។
លោក ដៀវយុង នៅភូមិ ថាកដាយ ចែករំលែកថា បច្ចុប្បន្ននេះ នៅមានប្រជាជនជាច្រើនជាជនជាតិភាគតិចជួបការលំបាកលំបិនក្នុងការចុះឈ្មោះបណ្តាបែបបទរដ្ឋបាលដោយសារមិនទាន់ប្រសព្វបច្ចេកវិទ្យា។ នៅមជ្ឈមណ្ឌលសេវារដ្ឋបាលសាធារណៈឃុំ បន្ទាប់ពីត្រូវបានកម្មាភិបាលនិងសម្ព័ន្ធយុវជនណែនាំស្វែងយល់អំពីបែបបទរដ្ឋបាលអស់ពីចិត្តពីថ្លើម ប្រជាជនបានយល់ដឹងកាន់តែច្បាស់អំពីសេវាសាធារណៈអនឡាញ។
លោក យុង ក៏សម្តែងបំណងចង់អាជ្ញាធរនឹងបន្តជំរុញបរិវត្តកម្មឌីជីថលយ៉ាងខ្លាំងក្លានិងមានទម្រង់ជំនួយជាក់ស្តែងបន្ថែមទៀត ជួយប្រជាជន ជាពិសេសគឺជនជាតិភាគតិច យល់និងមានជំនឿចិត្តប្រើប្រាស់បណ្តាសេវាសាធារណៈអនឡាញនាពេលខាងមុខ។ ការជំនួយនេះមិនត្រឹមតែជួយប្រជាជនសន្សំបានពេលវេលា កម្លាំងពលំ ថែមទាំងបង្កើតជំនឿចិត្តទៅលើខឿនរដ្ឋបាលបម្រើប្រជាជនមួយឱ្យកាន់តែល្អឡើងទៀត ជាពិសេសអ្នកដែលនៅតែជួបឧបសគ្គជាច្រើនក្នុងការប្រើប្រាស់បច្ចេកវិទ្យា។
យោងតាមលោកអនុប្រធានទទួលបន្ទុកមជ្ឈមណ្ឌលសេវារដ្ឋបាលសាធារណៈឃុំ ភូងៀ លោក ផាម វ៉ាន់ទន់ នាពេលកន្លងមក ការទទួលនិងប្រគល់លទ្ធផលជូនប្រជាជនប្រព្រឹត្តឡើងជាធម្មតាលើគ្រប់វិស័យ។ ក្នុងចំណោមនោះ វិស័យដែលមានចំនួនបែបបទកើតឡើងថ្មីច្រើនជាងគេគឺគាំពារសង្គម អ្នកមានគុណបំណាច់ ដីធ្លី និងបញ្ជាក់នីត្យានុកូលកម្ម។ ស្ថិរភាពក្នុងប្រតិបត្តិការរបស់មជ្ឈមណ្ឌលទទួលបានការយល់ស្របខ្ពស់ពីសំណាក់ប្រជាជន។
ដើម្បីលើកកម្ពស់ប្រសិទ្ធភាពនៃរដ្ឋបាលសាធារណៈ មជ្ឈមណ្ឌលបានអនុវត្តវិធានការស៊ីចង្វាក់គ្នាជាច្រើន៖ ផ្តោតលើការផ្សព្វផ្សាយយ៉ាងទូលំទូលាយអំពីសំណុំនីតិវិធីរដ្ឋបាល។ បែបបទទាំងនេះត្រូវបានបិទផ្សាយជាសាធារណៈនៅលើវិបផតថលសេវាសាធារណៈជាតិនិងនៅទីស្នាក់ការមជ្ឈមណ្ឌលដើម្បីប្រជាជនងាយស្រួលក្តាប់យក។ មជ្ឈមណ្ឌលទទួលបានការគាំទ្រយ៉ាងសកម្មពីគណៈកម្មការ ផ្នែក អង្គការមហាជន ជាពិសេសគឺកងកម្លាំងសម្ព័ន្ធយុវជន។ ស្របពេល មជ្ឈមណ្ឌលក៏បានផ្សព្វផ្សាយជាសាធារណៈនូវលេខកូដនីតិវិធីជាធម្មតាកើតឡើងថ្មីភ្ជាប់ជាមួយ QR កូដ ជួយប្រជាជនអាចដាក់ជូនឯកសារដោយផ្ទាល់នៅលើវិបផតថលសេវាសាធារណៈជាតិយ៉ាងងាយស្រួលនិងឆាប់រហ័ស។
នាពេលខាងមុខនេះ យើងនឹងបន្តជំរុញការសម្របសម្រួលយ៉ាងខ្លាំងក្លាជាមួយគណៈកម្មការ ផែ្នកពាក់ព័ន្ធដើម្បីផ្សព្វផ្សាយនិងចលនាប្រជាជនឱ្យចូលរួមកាន់តែមានប្រសិទ្ធភាពក្នុងសេវាសាធារណៈអនឡាញ។ ស្របពេល យើងខ្ញុំក៏នឹងសហការយ៉ាងស្អិតល្មួតជាមួយកងកម្លាំងនគរបាលនិងក្រុមសហគមន៍ឌីជីថលចំណុះសម្ព័ន្ធយុវជន។ គោលដៅគឺជំនួយករណីនីតិវិធីនិងលេខកូដកំណត់អត្តសញ្ញាណអេឡិចត្រូនិច (VNeID) របស់ប្រជាជនមិនទាន់បានធ្វើឱ្យដំណើរការកម្រិត ២។ ការធ្វើឱ្យដំណើរការនឹងត្រូវបានធ្វើនៅមជ្ឈមណ្ឌលសេវារដ្ឋបាលសាធារណៈ ស្របពេល ណែនាំប្រជាជនបញ្ចូលបណ្តាបែបបទអនឡាញនៅលើវិបផតថលសេវាសាធារណៈជាតិ។ លោក ផាម វ៉ាន់ទន់ បញ្ជាក់
ឃុំ ភូងៀង ទើបតែត្រូវបានបង្កើតឡើងថ្មីពីឃុំចំនួន ៣ គឺ៖ ភូវ៉ាន់ ភូងៀ និង ឌឹកហាញ់ ចំណុះស្រុកព្រំដែន ប៊ូយ៉ាម៉ឹប (ខេត្ត ប៊ិញភឿក ចាស់)។ ទោះបីជាការដាក់ដំណើរការគំរូអាជ្ញាធរមូលដ្ឋាន ២ ថ្នាក់នៅតែកំពុងស្ថិតក្នុងអំឡុងកាលសុក្រឹតភាព ហើយនាពេលកន្លងទៅ ការអស់ពីចិត្តពីថ្លើមរបស់កម្មាភិបាលឃុំ សង្កាត់ ស្មារតី៖ រួមដំណើរនៃកងកម្លាំងស្ម័គ្រចិត្ត រួមជាមួយនឹងការចូលរួមយ៉ាងស៊ីចង្វាក់គ្នានៃប្រព័ន្ធនយោបាយ គឺជាមូលដ្ឋានគ្រឹះដ៏សំខាន់ដើម្បីអាជ្ញាធរ ២ ថ្នាក់នៅទីនេះដំណើរការកាន់តែមានស្ថិរភាព ប្រសិទ្ធភាពថែមទៀតនាពេលខាងមុខ។
ផ្តើមពីទីនេះ ប្រជាជននឹងប្រើសេវាសាធារណៈកាន់តែមានភាពងាយស្រួលបន្ថែមទៀតពីមួយថ្ងៃទៅមួយថ្ងៃ បានដោះស្រាយបែបបទយ៉ាងឆាប់រហ័ស ងាយស្រួល រួមចំណែកលើកកម្ពស់ការពេញចិត្តនិងគុណភាពជីវភាពររស់នៅរបស់ប្រជាជនក្នុងតំបន់បងប្អូនជនជាតិភាគតិច តំបន់ជ្រៅនៃខេត្ត ដុងណាយ៕
អត្ថបទនិងរូបថត៖ កហ្គឿយហ៍
ប្រែសម្រួលនិងបញ្ចូលទិន្នន័យ៖ យ័ញលើយ
