ប៉ុន្មានថ្ងៃដើមខែ មេសា ប្រវត្តិសាស្ត្រ អតីតយុទ្ធជន ង្វៀន កុងតាវ មាន ឱកាសអញ្ជើញមកសួរសុខទុក្ខវត្ត អូជុំ (វត្ត អូជុំអារាមព្រែកចេក) នៅឃុំ វិញគ្វើយ ទីរួមខេត្ត ង៉ាណាំ (ខេត្ត សុកត្រាំង)។ រហូតមកទល់ពេលនេះ លោក តាវ នៅតែចាំយ៉ាងច្បាស់នូវការចងចាំទាំងឡាយអំពីបងប្អូនជនជាតិ ខ្មែរ ព្រះសង្ឃវត្ត អូជុំ បានទំនុកបម្រុងកម្មាភិបាលបដិវត្តន៍ តស៊ូប្រយុទ្ធប្រឆាំង អាមេរិក សង្គ្រោះប្រទេសជាតិ។
ដំណាក់កាលឆ្នាំ ១៩៦៩ ដល់ឆ្នាំ ១៩៧២ វត្តអារាមជាកន្លែងចិញ្ចឹមបីបាច់យុទ្ធជនបដិវត្តន៍ ដ៏ស្មោះស្ម័គ្រជាច្រើនឆ្នាំ១៩៦៨ និង ១៩៦៩ វត្តត្រូវយន្តហោះខ្មាំង ទម្លាក់គ្រាប់បែកបំផ្លិចបំផ្លាញ ពីរដង។ ទោះបីដូច្នេះក្តី ព្រះសង្ឃនិងមាមីងបងប្អូន ពុទ្ធបរិស័ទគ្រប់អង្គនិង រូបនៅតែព្យាយាមឈរជើងច្បាមជាប់គោលដៅតស៊ូប្រយុទ្ធការពារភូមិ ស្រុកប្តេជ្ញាចិត្តជួយចលនាបដិវត្តន៍។
ឆ្នាំ ១៩៦២ វត្ត ជ្រោយទឹម (វត្ត មជ្ឈិមារាមជ្រោយទឹមចាស់) នៅសង្កាត់ ១០ ទីក្រុង សុកត្រាំង (ខេត្ត សុកត្រាំង) ជាកន្លែងប្រព្រឹត្តឡើង ព្រឹត្តិការណ៍ តស៊ូប្រយុទ្ធនយោបាយទល់មុខជាមួយសត្រូវរបស់បងប្អូនជនជាតិ ខ្មែរ។ លោក ង្វៀន មិញតឹម អតីតនាយករងសារមន្ទីរខេត្ត សុកត្រាំង បានអោយដឹង ថា ព្រឹត្តិការណ៍តស៊ូប្រយុទ្ធនយោបាយនេះទោះបីគ្រាន់តែប្រព្រឹត្តឡើង ក្នុងរយៈពេលពីរបីខែក៏ដោយប៉ុន្តែជោគជ័យរបស់វាបានគាំទ្រ លើក ទឹកចិត្តស្មារតីស្នេហាជាតិ បើកឆាកអោយចលនាតស៊ូបដិវត្តន៍របស់ ពុទ្ធបរិស័ទនិងវត្ត ខ្មែរ ទាំងឡាយនៅខេត្ត សុកត្រាំង។
ក្នុងកិច្ចការវាយសម្រុកជាទូទៅនិងការក្រោកឈរ ឡើងនាបុណ្យ ចូលឆ្នាំថ្មី ឆ្នាំ វក សំរឹទ្ធិស័ក ១៩៦៨ វត្ត ជ្រោយទឹម គឺជាចំណុចប្រមូលផ្តុំ កងកម្លាំងកងទ័ពយើងសម្រុកចូលទីរួមខេត្ត សុកត្រាំង បណ្តាលឱ្យមាន ការខាតបង់យ៉ាងធ្ងន់ធ្ងរដល់ពួកសត្រូវ។ វត្តអារាម ពុទ្ធបរិស័ទបានធ្វើ បាតុកម្មច្រើនលើកប្រឆាំងយុទ្ធនាការចាប់ទាហាន លើកសមត្ថភាពទ័ព ក្រោកឈរឡើងប្រឆាំងចេតនាប៉ុនប៉ង បន្លាស់ទីវត្តរបស់ពួកកងទ័ព អាយ៉ាង អាជ្ញាធរអាយ៉ងក្នុងគោលបំណងប្រែក្លាយវត្ត ជ្រោយទឹម ទៅ ជាអាកាសយានដ្ឋាន បើកទូលាយឈ្នាន់វាយប្រហារ បង្ក្រាបចលនា តស៊ូប្រយុទ្ធរបស់កងទ័ពនិងប្រជាជនយើង។ ក្នុងអំឡុងឆ្នាំ ១៩៧០ វត្ត ជ្រោយទឹម គឺជាមូលដ្ឋានដើម្បីកងកម្លាំង បដិវត្តន៍រៀបចំការវាយប្រហារវាយឆ្មក់បណ្តាលឱ្យខាតបង់យ៉ាងធ្ងន់ធ្ងរដល់សត្រូវ រួមចំណែកដល់ ជោគជ័យរួមក្នុងបុព្វហេតុបង្រួបបង្រួមប្រទេសជាតិ។
ចម្ងាយពីទីរួមស្រុក កូវកែ ប្រហែល ២,៥ គីឡូម៉ែត្រឆ្ពោះទៅទិសអាគ្នេយ៍ វត្ត អូរមិច (វត្ត រតនទីបារាមកោះកេវ) នៅឃុំ ចូវដៀន ស្រុក កូវកែ (ខេត្ត ត្រាវិញ) ក៏ជាកន្លែងចិញ្ចឹមនិងលាក់បាំង ការពារកម្មាភិបាលបដិវត្តន៍ ជាកន្លែងប្រមូលផ្តុំ កម្លាំងក្នុងតំបន់រៀបចំការតស៊ូប្រយុទ្ធនយោបាយជាច្រើនលើក។ ក្នុងភាពឆ្លាតវៃ របស់លោកស្រី ថាច់ ធីថាញ់ កម្មាភិបាលស្ត្រីនាំមុខគេមួយរូប ក្នុងចលនាតស៊ូប្រយុទ្ធ នយោបាយនិងមានការរួមកម្លាំងរបស់ព្រះសង្ឃ ឱកាសពិធីបុណ្យសែនដូនតា ឆ្នាំ ១៩៦២ ព្រះសង្ឃនិងពុទ្ធបរិស័ទគ្រប់អង្គនិងរូបបាន ធ្វើសហប្រតិបត្តិការ ជាមួយកងទ័ពបង្គាប់បញ្ជាធ្វើការវាយប្រហារខ្មាំងដោយផ្ទាល់។
ដោយមានស្មារតីទាំងអស់សម្រាប់សមរភូមិមុខ ទាំងអស់សម្រាប់ការតស៊ូប្រយុទ្ធ វត្ត អូរមិច បានរួមវិភាគទានទ្រព្យសម្បត្តិគ្រឿងសម្ភារៈជាច្រើនជូនបដិវត្តន៍។ វត្តក៏ជាអង្គភាពឈានមុខក្នុងការចូលរួមនិងចលនាមហាជន រួមវិភាគទានស្រូវ អង្ករ ទ្រព្យ សម្បត្តិចិញ្ចឹមកងទ័ពតស៊ូប្រយុទ្ធ។ ជាពិសេស មានព្រះសង្ឃចំនួន ២៩ អង្គក្រោយ ពេលចាកសិក្ខាបទបានចូលរួមកងទ័ពប្រឆាំងនឹង អាមេរិក សង្គ្រោះប្រទេសជាតិ។
សម្រាប់បងប្អូនជនជាតិ ខ្មែរ វត្តជាកន្លែងអប់រំប្រពៃណីស្នេហាជាតិ។ សព្វថ្ងៃ នេះ បានរស់នៅក្នុងសុខសន្តិភាព បងប្អូនជនជាតិ ខ្មែរ តែងតែគោរពគោលការណ៍ គោលនយោបាយច្បាប់របស់បក្សនិងរដ្ឋយ៉ាងល្អ បរិច្ចាគកសាងស្រុកកំណើត កាន់តែសម្បូររុងរឿង សុភមង្គលពីមួយថ្ងៃទៅមួយថ្ងៃឥតឈប់ឈរ៕
អត្ថបទនិងរូបថត៖ ទន់ ភី - កាវថាំង - អានហៀវ
ប្រែសម្រួលដោយ៖ សឺន ហេង
