កេរដំណែល ង៉ាទឺ (បំបែកបួន) រ៉ាច់កៀន គឺជាភស្តុតាងនិទស្សនៃខ្សែក្រវ៉ាត់កម្ទិច អាម៉េរិក រ៉ាច់កៀន - វិធីសាស្រ្តដ៏វិសេសវិសាលដោយឡែកមួយក្នុងការប្រយុទ្ធជាមួយសត្រូវ ការច្នៃប្រតិដ្ឋរបស់កងទ័ពនិងប្រជាជន ឡុងអាន ក្នុងអំឡុងពេលនៃការប្រឈមមុខដាក់គ្នាដោយផ្ទាល់ជាមួយកងទ័ពនិងសម្ព័ន្ធមិត្ត ចក្រពត្តិ អាម៉េរិក ជាមួយកងទ័ពអាយ៉ង សៃហ្កន។
សព្វថ្ងៃនេះ មណ្ឌលកេរដំណែលនោះស្ថិតនៅលើភូមិសាស្ត្រឃុំ ឡុងហ្វា ស្រុក កឹនដឿក ភស្តុតាងនិទស្សអំពីដំណើរការប្រយុទ្ធមានឥទ្ធិពល់ខ្លាំងពូកែរបស់ដូនតាយើងហើយក៏ជាពាក្យពេចន៍មួយក្រើនរំលឹកបច្ឆាជនជំនាន់ក្រោយត្រូវតែរស់នៅយ៉ាងល្អជារៀងរាល់ថ្ងៃ ថែរក្សាសន្តិភាពនិងអភិវឌ្ឍប្រទេសជាតិ។
ខ្សែក្រវាត់កម្ទិច អាម៉េរិក រ៉ាច់កៀន រួមមានឃុំចំនួន ៨ ចំណុះស្រុក កឹនដឿក និងឃុំចំនួន ២ ចំណុះស្រុក កឹនយួក បង្កើតឧត្តមភាពឡោមព័ទ្ធជុំវិញមូលដ្ឋានទ័ព អាម៉េរិក នៅ រ៉ាច់កៀន ពេលកងទ័ព អាម៉េរិក ចូលមកបង្កើតមូលដ្ឋាននាចុងឆ្នាំ ១៩៦៦ ដល់ឆ្នាំ ១៩៧០។
ខ្សែក្រវាត់កម្ទិច អាម៉េរិក រ៉ាច់កៀន ត្រូវបានចាត់ទុកថាជាការអភិវឌ្ឍចំណុចកំពូលនៃសង្រ្គាមប្រជាជនប្រយុទ្ធប្រឆាំងនឹងចក្រពត្តិ អាម៉េរិក នៅ ឡុងអាន។ ស្ថានភាពសង្រ្គាមប្រជាជននៅខ្សែក្រវាត់កម្ទិច អាម៉េរិក រ៉ាច់កៀន គឺជាការផ្សារភ្ជាប់យ៉ាងស្អិតល្មួតនៃបណ្តាវិស័យតស៊ូប្រយុទ្ធ។
គំរូតួយ៉ាងដូចជាការរៀបចំដឹកនាំ ការរៀបចំទីតាំងប្រយុទ្ធ ការសម្របសម្រួលធ្វើសកម្មភាពរវាងកងកម្លាំងទាំងឡាយ ទម្រង់តស៊ូប្រយុទ្ធជាចំហ ជាសម្ងាត់ ។ល។ ឆ្លងតាមរយៈនោះ បង្កើតបានជាប្រព័ន្ធប្រយុទ្ធជាបន្តបន្ទាប់នៅភូមិសាស្ត្រត្រូវដណ្តើមកាន់កាប់បណ្តោះអាសន្ន វាងវៃរក្សាបានជំហរជាចំហរបស់មហាជន ស្វែងរកបានវិធីសាស្រ្តសមស្របដើម្បីការពារប្រជាជន ថែរក្សាបានទ្រព្យសម្បត្តិផង ទាំងកម្លាំងមនុស្សផងសម្រាប់ការប្រយុទ្ធប្រឆាំងយូរអង្វែង។ ផ្តើមពីកេរដំណែល ង៉ាទឺ (ផ្លូវបំបែកជាបួន) រ៉ាច់កៀន យុវវ័យជំនាន់ក្រោយបានយល់មួយផ្នែកទៀតនៃការតស៊ូប្រយុទ្ធរបស់ដូនតាយើង។
ប្អូន ដូ ធុយខាញ់វ៉ឹន សិស្សថ្នាក់ទី 9A3 អនុវិទ្យាល័យ ឡុងហ្វា ស្រុក កឹនដឿក ចែករំលែកថា “បានមកទស្សនាកេរដំណែលប្អូនកាន់តែកោតសរសើរដូនតាយើងបន្ថែមទៀត។ ផ្តើមពីការកោតសរសើរ ការគោរព និងដឹងគុណបំណាច់នោះ ប្អូនប្តេជ្ញាចិត្តថានឹងរៀនសូត្រអោយល្អដើម្បីក្លាយជាអ្នកមានប្រយោជន៍សម្រាប់សង្គម។“
ចំណែកបងស្រី ផាម ធីមីលិញ លេខាសម្ព័ន្ធយុវជនឃុំ ឡុងហ្វា ឲ្យដឹងថា រយៈពេលកន្លង សម្ព័ន្ធយុវជនឃុំ ឡុងហ្វា បានរៀបចំសកម្មភាពនឹកប្រភពដើមនានា ដើម្បីជួយសមាជិកសម្ព័ន្ធយុវជន និងយុវជនយល់កាន់តែច្បាស់អំពីសារៈសំខាន់នៃប្រវត្តិសាស្ត្រនៃខ្សែក្រវាត់កម្ទេច អាមេរិក រ៉ាច់កៀន។ ចាប់ពីពេលនោះមក ពួកគាត់មានឆន្ទៈ ខ្លួនពឹងកម្លាំងខ្លួន ហ្វឹកហាត់ លត់ដំខ្លួនឯង ច្នៃប្រតិដ្ឋថែមទៀតក្នុងដំណើរការកសាង និងការពារមាតុភូមិ។
ក្នុងកេរដំណែល ង៉ាទឺ (ផ្លូវបំបែកជាបួន) រ៉ាច់កៀន មានពាងមួយ (ខ្លះហៅថា ម៉ាយវូ) - កាលពីដើមត្រូវបានប្រជាជន កឹនដឿក ប្រើសម្រាប់លាក់កម្មាភិបាល យុទ្ធជនបដិវត្តន៍សកម្មភាពក្នុងខ្សែក្រវ៉ាត់កម្ទេច អាមេរិក រ៉ាច់កៀន។ ពាងនេះផ្សារភ្ជាប់នឹងសកម្មភាពបដិវត្តន៍របស់លោក ង្វៀន វ៉ាន់ណាម អតីតលេខាគណៈកម្មាធិការបក្សស្រុក កឹនដឿក (រយៈពេល ៧ ឆ្នាំតាំងពីក្រោយរំដោះរហូតដល់ចូលនិវត្តន៍)។
នៅកន្លែងខ្លះ ប្រជាជនច្រើនតែជីករូងក្រោមដីដើម្បីលាក់កម្មាភិបាល ប៉ុន្តែដោយសារលក្ខណៈនៃតំបន់លិចទឹក កឹនដឿក ប្រជាជនបានបំផុសគំនិតជីករណ្តៅ រួចសង្កត់ពាងចុះដើម្បីឱ្យកម្មាភិបាលចូលជ្រកនៅពេលសត្រូវវាយឆ្មក់។
ស្រុកកំណើតនៅឃុំ តឹនឡឹន ស្រុក កឹនដឿក លោក ង្វៀន វ៉ាន់ណាម សកម្មភាពក្នុងបដិវត្តន៍តាំងពីសម័យសង្រ្គាមតស៊ូប្រយុទ្ធនឹងអាណានិគម បារាំង។ បន្ទាប់ពីកិច្ចព្រមព្រៀងទីក្រុង ហ្សឺណែវ ឆ្នាំ ១៩៥៤ លោកបន្តស្នាក់នៅស្រុកកំណើត សកម្មភាពជាបន្តបន្ទាប់រហូតដល់ឆ្នាំ ១៩៧០។ នៅពេលដែនដីនេះត្រូវសត្រូវ "ប៊ិញឌិញត្រាំង" លោករួមជាមួយនឹងសមមិត្តដកថយទៅតំបន់ព្រំដែន វៀតណាម - កម្ពុជា ចំណុះភូមិសាស្រ្តខេត្ត ឡុងអាន សព្វថ្ងៃនេះ។
ក្រោយរំដោះ លោក ង្វៀន វ៉ាន់ណាម បានស្វែងរកផ្ទះប្រជាជនបានជួយចិញ្ចឹម លាក់បាំងលោកក្នុងសម័យសង្គ្រាមតស៊ូ ហើយបានរកឃើញពាងចំនួន ២ នៅក្រោមដី។ ក្នុងចំណោមនោះ មានពាងធំមួយអាចលាក់កម្មាភិបាលចាប់ពី ២ ទៅ ៣ នាក់អោយជ្រកកោនបាន លោកបានជូនវាទៅឱ្យមណ្ឌលកេរដំណែល ង៉ាទឺ (ផ្លូវបំបែកជាបួន) រ៉ាច់កៀន នៅពាងតូចមួយទៀតរក្សាទុកនៅផ្ទះកូនប្រុសទីប្រាំរបស់លោក។
អ្នកសារព័ត៌មាន ង្វៀន ភឹនដូវ កូនប្រុសរបស់លោក ង្វៀន វ៉ាន់ណាម បានរៀបរាប់ថា កាលចក្រពត្តិ អាមេរិក បានចូលមក រ៉ាច់កៀន កាលពីឆ្នាំ ១៩៦៥ នៅពេលនោះឪពុករបស់លោកជាប្រធានកងអនុសេនាធំលេខ ៣១៥ ដែលជាអង្គភាពស្នូលនៃស្រុក កឹនដឿក ប្រយុទ្ធនឹង អាមេរិក ដោយផ្ទាល់ជាមួយនឹងប្រជាជន និងកងកម្លាំងផ្សេងជាច្រើនទៀត រួមទាំងកងឈ្លបរបស់ឃុំ។ ឪពុករបស់លោកជាមួយនឹងសមមិត្តបានឡោមព័ទ្ធ និងវាយលុកមូលដ្ឋាន រ៉ាច់កៀន របស់ អាមេរិក។
ទ័ព អាមេរិក ចាប់ពីមូលដ្ឋាន រ៉ាច់កៀន ចេញមកឃុំ ហើយត្រូវរារាំងនិងវាយប្រហារភ្លាមៗ។ លោកជាមួយនឹងសមមិត្តរបស់គាត់បានកប់មីនដើម្បីបង្កើតខ្សែក្រវាត់ជុំវិញមូលដ្ឋានរបស់ អាមេរិក អាយ៉ង។ នៅពេលទ័ព អាមេរិក និងអាយ៉ងមកដល់គឺត្រូវវាយកម្ទេចតែម្តង។
ក្នុងរយៈពេលជាង ១.០០០ ថ្ងៃ ក្រោមការដឹកនាំរបស់គណៈកម្មាធិការបក្សខេត្ត ឡុងអាន គណៈកម្មាធិការបក្សស្រុក កឹនដឿក កងទ័ពប្រជាជននៃខ្សែក្រវាត់កម្ទិចអាមេរិកនៅ មី រ៉ាច់កៀន សម្រេចជោគជ័យដ៏ល្អនូវភារកិច្ចការឡោមព័ទ្ធ ទប់ទល់ បង់ខាតកងកម្លាំងសត្រូវ កាត់បន្ថយការវាយប្រហារពួកវាលើតំបន់ជុំវិញ រក្សាលំនឹងតំបន់រំដោះ។ នេះគឺជាការច្នៃប្រឌិតរបស់កងទ័ពប្រជាជន ឡុងអាន អំពីគំរូនៃការបង្កើតខ្សែក្រវាត់កម្ទិចអាមេរិកនៅមូលដ្ឋានវាលទំនាបមានប្រជាជនរស់នៅច្រើនកុះករ។ កឹនដឿក សព្វថ្ងៃនេះបានមានការប្តូរមុខមាត់ថ្មីជាច្រើនលើគ្រប់ផ្នែកទាំងអស់ តាមទិសដៅនៃការអភិវឌ្ឍឧស្សាហកម្ម កសាងទីក្រុង ពាណិជ្ជកម្ម សេវាកម្ម។
ក្នុងវិស័យកសិកម្ម ស្រុកអភិវឌ្ឍន៍កសិកម្មបច្ចេកវិទ្យាខ្ពស់។ ស្រុកបានដើរក្នុងទិសដៅត្រឹមត្រូវជាមួយនឹងសមាមាត្រនៃឧស្សាហកម្មមានចំនួនជាង ៨៥% ក្នុងរចនាសម្ព័ន្ធសរុប។ ឃុំ ឡុងហ្វា គឺជាទីក្រុងមួយក្នុងចំណោមកណ្តាលទីក្រុងចំនួនពីរនៃស្រុក ហើយតំបន់ទីក្រុង រ៉ាច់កៀន ក្លាយជាទីក្រុងប្រភេទទី ៥ ។
ទន្ទឹមនឹងការអភិវឌ្ឍនិងផ្លាស់ប្តូរជារៀងរាល់ថ្ងៃ ប្រជាជន កឹនដឿក សព្វថ្ងៃនេះនៅតែមិនភ្លេចគុណតម្លៃប្រវត្តិសាស្ត្រ គោរពនូវស្នាដៃបដិវត្តន៍បន្សល់ទុកដោយបុព្វបុរសរបស់យើង។អនុប្រធានគណៈកម្មាធិការប្រជាជនស្រុក កឹនដឿក លោក ង្វៀន មិញវឿង បានឲ្យដឹងថា៖ កេរដំណែល ង៉ាទឺ (ផ្លូវបំបែកជាបួន) រ៉ាច់កៀន មិនត្រឹមតែជាសក្ខីភាព មេរៀនអំពីស្មារតីស្នេហាជាតិ ស្មារតីតស៊ូ ក្លាហាន ច្នៃប្រឌិតប៉ុណ្ណោះទេ ប៉ុន្តែក៏ជាមោទកភាព ជំនឿ ធនធាន ប្រពៃណីរបស់កងទ័ព និងប្រជាជន កឹនដឿក ផងដែរ។ នេះជាសេចក្តីប្រាថ្នាសន្តិភាព សេចក្តីប្រាថ្នាចង់ក្រោកឡើង ដើម្បីបក្ស រដ្ឋាភិបាល និងប្រជាជនទីក្រុង កឹនដឿក មានទំនុកចិត្តជាមួយប្រជាជនទូទាំងប្រទេសក្នុងការឈានចូលយុគសម័យថ្មី - យុគសម័យឈោងឈានឡើងរបស់ប្រជាជាតិ។
ក្នុងគោលបំណងលើកតម្តើង អប់រំប្រពៃណីស្នេហាជាតិរបស់កងទ័ពមូលដ្ឋាន និងប្រជាជនក្នុងដំណើរការប្រយុទ្ធ ការពារមាតុភូមិ រួមចំណែកអភិវឌ្ឍន៍មូលដ្ឋានក្នុងសម័យកាលថ្មី វិមានឈ្នះឈ្នះ នៅតំបន់ប្រវត្តិសាស្ត្រ ង៉ាទឺ (ផ្លូវបំបែកជាបួន) រ៉ាច់គៀន នឹងចាប់ផ្តើមសាងសង់នៅខែសីហា ឆ្នាំ២០២៥។
នេះត្រូវបានចាត់ទុកថាជានិមិត្តរូបនៃការអប់រំប្រពៃណីសម្រាប់មនុស្សជំនាន់ក្រោយ គឺជាគម្រោងដ៏សំខាន់ជាពិសេសឆ្ពោះទៅរកខួបលើកទី ៨០ ឆ្នាំទិវាជាតិនៃសាធារណរដ្ឋសង្គមនិយមវៀតណាម៕
អត្ថបទនិងរូបថត៖ ឌឹកហាញ់-ថាញ់ប៊ិញ
ប្រែសម្រួលដោយ៖ យ័ញ លើយ - លឺ ធីអៀនថាញ់
