សងេ្កតឃើញសក្ដានុពលអំពីអភិវឌ្ឍរុក្ខជាតិឱសថរបស់តំបន់ខ្ពង់រាប ស៊ីនហូ (ឃុំ ស៊ីនហូ) នៅថ្ងៃទី ៣០ ខែ តុលា ឆ្នាំ ២០១៣ នាយករដ្ឋមន្ត្រីនៃរដ្ឋាភិបាលបានចេញសេចក្តីសម្រេចលេខ 1976/QĐ-TTg "ផ្ដល់សច្ចាប័នគម្រោងប្លង់មេទូទៅអភិវឌ្ឍរុក្ខជាតិឱសថដល់ឆ្នាំ ២០២០ និងតម្រង់ទិសដៅដល់ឆ្នាំ ២០៣០"។ ក្នុងនោះ ស៊ីនហូ គឺជាតំបន់រុក្ខជាតិឱសថ គោលដៅសំខាន់មួយក្នុងចំណោមតំបន់ទាំង ៨ របស់ទូទាំងប្រទេស។
ពីគោលការណ៍នេះ ឃុំជាច្រើនបានរួមបញ្ចូលបណ្តាកម្មវិធី គម្រោងដើម្បី ផ្តោតការស្ដារតំបន់រុក្ខជាតិឱសថមួយចំនួនឡើងវិញ ស្របពេលឧបត្ថម្ភប្រជាជនផ្លាស់ប្តូរដំណាំមិនសូវមានប្រសិទ្ធភាពងាកមកដាំបណ្តាប្រភេទរុក្ខជាតិ ឱសថសមស្រប។ល។ ខេត្ត ឡាយចូវ ក៏បង្កើតលក្ខខណ្ឌងាយស្រួលបំផុត សម្រាប់បណ្តាសហករណ៍ សហគ្រាសដាក់ដំណើរការ បណ្តាគម្រោងអភិវឌ្ឍ តំបន់ដាំដុះ ចម្រាញ់ កែច្នៃរុក្ខជាតិឱសថ។ល។
ទទួលបានការឧបត្ថម្ភ យកចិត្តទុកដាក់ជាពិសេសនៃខេត្ត ឡាយចូវ ការខិតខំប្រឹងប្រែងរបស់បងប្អូនបណ្តាជនជាតិ ដល់ពេលនេះបានមាន ដំណាំឱសថគ្រប់ប្រភេទជាង ៦០០ ហិកតាដូចជា៖ ដុងក្វាយ អាទីសូ Platycodon grandiflorum, Paris polyphylla Smith។ល។ នៅលើភូមិសាស្ត្រ កកើតឡើងតំបន់ដាំដុះឱសថដូចគ្នានៅបណ្តាឃុំ៖ ស៊ីនហូ ណឹមតឹម និង រាយប៉ាយនៅតាមមូលដ្ឋានមួយចំនួនមាន អនុតំបន់អាកាសធាតុសមស្រប។
ផលិតផលឱសថផលិតចេញត្រូវបានសហគ្រាសម៉ៅទិញ បានបង្កើត កម្លាំងចលករដ៏ខ្លាំងក្លា ជំរុញប្រជាជនអភិវឌ្ឍតំបន់ដាំដុះ។ បង ចែវ អាយ៉ាវ ប្រជាជនម្នាក់នៅឃុំ ស៊ីនហូ ចែករំលែកថា៖ "ប្រសិទ្ធភាព សេដ្ឋកិច្ចនៅពេលដាំ ដំណាំឱសថខ្ពស់ជាងឆ្ងាយប្រៀបធៀបនឹងដាំដុះស្រូវ ពោត ឬដំណាំបន្លែបង្ការ ផ្សេងៗ ជួយខ្ញុំមានប្រាក់ចំណូលស្ថិរភាព អាស្រ័យដោយដាំដុះឱសថបានជា គ្រួសារខ្ញុំមានជីវភាពសល់ផលជាងមុន"។
ការបើកទូលាយតំបន់ឱសថ លើកកម្ពស់ជីវភាពប្រជាជន
ដើម្បីទាញយកសក្តានុពលនៃដំណាំឱសថ ខេត្ត ឡាយចូវ បានអនុម័ត គម្រោងអភិវឌ្ឍន៍រុក្ខជាតិឱសថមួយចំនួនដំណាក់កាល ២០២០ - ២០២៥ ចក្ខុវិស័យដល់ឆ្នាំ ២០៣០។ ជាពិសេស គណៈកម្មាធិការបក្សខេត្ត ឡាយចូវ បានចេញសេចក្តីសម្រេចចិត្តលេខ 17-NQ/TU ស្តីពីការអភិវឌ្ឍយិនស៊ិន ឡាយចូវ ដំណាក់កាល ២០២៤ - ២០៣០ តម្រង់ទិសដៅដល់ឆ្នាំ ២០៣៥ ដោយមានគោលដៅអភិវឌ្ឍតំបន់ដាំដុះយិនស៊ិន ឡាយចូវ នៅទូទាំងខេត្ត សម្រេចបានប្រហែល ៣.០០០ ហិកតា បរិមាណផលធ្វើអាជីវកម្មយិនស៊ិន ឡាយចូវ ឆ្នាំ ២០៣០ សម្រេចបានប្រហែល ៣០ តោនក្នុងមួយឆ្នាំ ធានា ប្រភពដើមកំណើត សម្រេចស្តង់ដារ GACP-WHO ឬប្រហាក់ប្រែលដល់ ឆ្នាំ ២០៣៥ នាំយិនស៊ិន ឡាយចូវ រួមជាមួយនឹងយិនស៊ិន វៀតណាម ក្លាយជា ផ្នែកមុខទំនិញបំពាក់ពាណិជ្ជសញ្ញាជាតិជាដើម។
ផ្តើមពីគោលនយោបាយខាងលើ មូលដ្ឋានជាច្រើនបន្តលើកទឹកចិត្ត ប្រជាជនបើកទូលាយផ្ទៃដីដាំដំណាំឱសថ ដាំកែលម្អ បំពេញបន្ថែម ជំនួស ផ្ទៃក្រឡារុក្ខជាតិឱសថបានធ្វើអាជីវកម្មយ៉ាងសកម្ម ស្របពេលបង្កលក្ខខណ្ឌ ដើម្បីអាជីវកម្ម សហករណ៍ចងសម្ពន្ធគ្នាជាមួយនឹងប្រជាជនអភិរក្ស អភិវឌ្ឍ ប្រភេទឱសថដ៏មានតម្លៃមួយចំនួនដូចជា៖ យិនស៊ិន ឡាយចូវ Paris polyphylla Smith។
"ឃុំមួយចំនួននៅតំបន់ខ្ពង់រាប ស៊ីនហូ ជំហានដំបូងកកើតឡើងផលិតផលមួយចំនួនសម្រេចស្តង់ដារ OCOP ផ្កាយ ៣ ដូចជាផលិតផលពីដំណាំ អាទីសូ Gynostemma pentaphyllum តែវល្លិជាដើម។ ខេត្តនឹងជំរុញពាណិជ្ជកម្មយ៉ាងខ្លាំងក្លា ស្វែងរកទីផ្សារដើម្បីប្រជាជនស្ងប់ចិត្តអភិវឌ្ឍផលិតកម្ម" - លោក ប៊ូយ ហ៊ុយភឿង ប្រធានមន្ទីរកសិកម្ម និង បរិស្ថានខេត្ត ឡាយចូវ។
ការអភិវឌ្ឍរុក្ខជាតិឱសថគឺជាទិសដៅសមស្របគោលបំណងធ្វើការ រៀបចំរចនាសម្ព័ន្ធវិស័យកសិកម្មឡើងវិញ នាំយករុក្ខជាតិឱសថក្លាយជា ដំណាំចម្បងមួយក្នុងចំណោមដំណាំចម្បងៗ ដើម្បីវិនិយោគអភិវឌ្ឍទៅជា ផលិតផលទំនិញកសិកម្មពិសេសនៃមូលដ្ឋានជាច្រើន។ ខិតខំប្រឹងប្រែង ដល់ឆ្នាំ ២០៣០ តំបន់ខ្ពង់រាប ស៊ីនហូ នឹងអភិវឌ្ឍដំណាំឱសថគ្រប់ប្រភេទ បានចំនួន ១.០០០ ហិកតា៕
អត្ថ បទ និងរូបថត៖ វៀតយុង
ប្រែសម្រួល៖ សឺន ហេង
